Things I Like To Whisper About

Would You Hear Me Whispering

مش منطق :$


طبعا زي ما كلكم تقريبا بتعرفو- بما ان معظم اللي لسا بتابعو المدونه اصدقائي عالفيسبوك - انهم بدهنو عنّا و طبعا صرتو عارفين لون الطابق عنا كمان :) 
لمّا قررو يدهنو قررو يدهنو خلال الدوام مو فاهمه ليه, و طبعا تعطل الشغل و انعجقنا و اتشردنا من مكتب لمكتب نهاجر و الحمد لله بما انّا مش قسم خدماتي مباشر للمراجعين كان وضعنا احسن من غيرنا.

المهم - و هون راح يصير الموضوع مقرف نقطه لهيك اقتضى التنويه - احنا والحمد لله حاولنا نسيطر قد ما نقدر على التواليت - اجلكم الله - و نظافته ومين يدخل و هالقصص بانّا جبنا قفل اله نسختين مفتاح كل نسخه مع مكتب من مكاتب البنات, و عليه يافطه قد الحيط انه تواليت موظفات, و جهزناه باغراض على حسابنا الشخصي لانهم ما بزودونا بغير ديتول محطوط بقنينه مي ومن كتر ما همه ضايفين مي عليه لونه اشي غريب :$
 علشان الدهان العمال  طلبو نفتحه ليدهنوه, و للاسف فتحناه و لمّا اجينا نستخدمه قبل ما يوصلوله بالدهان انصدمنا باللي شفناه, المنظر يتعدى القرف بمراحل, مستحيل بني ادم عادي يترك هيك منظر وراه....مستحييييييييييييييييييييييل, انا حكيت شو فرق اللي عامل هالعمله عن الحيوانات....بس بعديها بكم يوم شفت منظر خلاني اغير رأيي.

كنت صافة قدام بيت خالتي بستنى ماما تطلع, اجت بسّه وقفت على الترابيه على طرف الشارع قدامي  - و من محبتي للبسس قررت اراقبها بلاش تصرعني فجأه والاقيها جنبي - المهم البسّه حفرت بالترابيه و قعدت عملت اللي بدها تعمله بعدين قامت و ضلت تحط تراب عليه لاختفى تماما مكان الاشي اللي عملته!!!
انا بعتذر و بتراجع عن المقوله ....في فرق كبير بين اللي عمل العمله فوق و بين الحيوانات حرام نظلم الحيوانات :(



ملاحظه ع الهامش

لكل اللي تقززو او انصدمو من موضوع التدوينه....اممممم sorry  :")

4 التعليقات :

حقيقة رغم التحرج في طرح هذه المواضيع إلا أن الأمر مستفز جدا...
النظافة في الشارع والمرافق العامة تعكس لك مستوى النظافة في المجتمع ... وللأسف حينما تراقب الأمر ستجد نفسك تعيش في مجتمع سلوكياته تتنافى مع السلوكيات التي ينادي بها ديننا و أخلاقنا و عاداتنا ...
في انتظار تدويناتك صديقتي

 

I was about to have a sandwich! thank u very much
:@

lol

but seriously it is such a disgusting behaviour!

I was -more than once- about to mention similar issues to show case that this is -y5zi al 3een- an international issue not just us; arabs.

seems we r the filthy species on this planet after all! In every sense of the word :(

 

@زينة الصبايا

فعلا لو تراقبي الناس حواليكي للاسف افعال و مناظر يندى لها الجبين
واساسيات دينا الطهاره والنظافه
الله يهدينا ويهدي الجميع يا رب

 

@Haitham

ممتاز ممتاز بالوقت المناسب اذا :)
ترددت اكتب بالموضوع بس هاي مشكله بتتفاقم و بفكروها مقبوله :$
اكيد ما بننكر انها منتشره بكل مكان وكلنا بنعاني شو بدنا نعمل غير نحاول نزبط احنا شوي