Things I Like To Whisper About

Would You Hear Me Whispering

إحراااااااااااااااج




سايقه العصر وطالعه من الدوار, تكسي اجا جنبي و اسرع فا انا ضليت ماشيه بمسربي و ما زحت لاخليه يمر  , مع شوية تناحه لاني بكره امرق اللي بتجاوزو غلط , صار يزمرلي اشرتله انه استنى مسربي هاد فتح الشباك و صار يحكيلي طب وقفي شوي.... انا انصرعت حكيت ابصر شو بدو يسمعني هلا , و انا مضطره اساسا اوقف لاني طالعه من شارع فرعي لرئيسي ولازم اوقف وقف قمت انا وقفت لوراه شوي ﻭﺣﻜﻴﺘﻠﻪ ﺧﻴﺮ ﺷﻮﺑﺪﻙ  وانا عامله حالي ولا هاممني و بنبرة قوية, قام رجع بالسياره لحتى صار شباكه على شباكي و حكالي " يا اختي العجل الخلفي مبنشر و اذا مشيتي بسرعه ﻫﻴﻚ  ممكن تقلب السياره خصوصي عاللفه " و اعطاني النظره العجيبه اللي خلتني احس حالي قد النمله و مشي وانا لسا بشكره بصوت اقرب  للحشرجه :$ 

لفيت و رجعت لمحل بناشر قريب من موقعي و طلع اكبر مسمار بشوفو بحياتي داخل بالعجل و الحمد لله العجل مو منفس عالاخر و لو ما حكالي انه العجل مبنشر كان طلعت من المول بالليل و قعدت اترجى حد يزبطلي اياه,  يا اخي الانسان مرات بتكون نواياه سوده :\

الله يرضى عليه و يسعده و يوقفله اولاد الحلال دائما  و يوسع رزقته و يعطيه ليرضيه ياااااااااااااااااا رب

10 التعليقات :

مره صار معي نفس الشيئ. سمعت واحد بصرخ وبيحكي اشي ما فهمته. لما مر من جنبي عرفت انه بنبهني اني نسيت اسكر غطا البنزين.

حلوه مشاركة هاي القصص عشان الواحد ما ينسى انه ما زال في ناس بتحب تساعد.

 

seeeeeeeeeee

seeeeeeeeeeeeeeeeeeee

*bkaffeki ta2neeb ma taba44a min dameer*

bas again..

seeeeeeeeeeeeeeee

 

سلام
على قد ما الواحد بسمع من مشاكل واحداث اصبح سوء النية هو الاصل في تعاملاتنا، للأسف الغلط مش فينا،المجتمع والاحداث اللي حولينا خلتنا هيك.

الابتسامة تعتبر صدقة، فما بالك بمساعدة الناس.
حمداً لله على سلامتك.

 

دائماً هيك بنات البلد ، بتخليها تمر قبليك و مع انه مش مسربها و بتعطيك نظرة بتخليك تحلف إنه ما تمرق أي وحدة بعد هيك.........

 

Jaraad

المشكله عنا التكاسي دائما ازعاج بالشوارع و خصوصي بس يشوفو بنت بصير لااازم يتجاوزوها, و للاسف احنا بنعمم دائما و هالشخص اجا ليفهمني ان التعميم كتير غلط و انه ان خليت بليت زي ما بحكو

Haitham

ييييييييييييي علينا ما صدق الشب, اصلاطن بعرف كيف بتسوق انت خبرني طربش :$

 

Mohammad Tayseer

اول شي بسم الله ما شاء الله على الاطافيل اللي زي القمر, الله يخليلك اياهم ويتربو بعزك و عز والدتهم ان شاء الله :)

للاسف ومع اني كنت اكره اللي بفرضو سؤ النيه باللي قدامهم قربت اصير زيهم ومتل ما حكيت الاحداث و اللي حوالينا خلونا هيك

الله يصلح الحال

وائل

انا من اللي بس اسوق و تيجي بنت قدامي بنعلّ لهيك ما راح احكي شي عن تعليقك

لموقف ما كان هيك و انا ما بعطي نظرات عجيبه الا للي بغلط

هلأ انت لو الك ساعه واقف على اشاره بتفتح كل شهر مرّه و يجي واحد \وحده متجاوزين غلط و بدهم يمرو قدامك بتمررهم؟؟؟
الموقف كان اشي زي هيك و لكن طلع الشخص بتجاوز لينبهني :)

Lio

اناااااااااااااااا؟؟
عاد انا ملاك يمشي على الارض الله يسامحك :)

 

b ma enno 90% hatha 7aykoon 2a5er ta3lee4 lee b kakab modawwanat!

fa 5aleeni a3taref enny swwag mosh wala bod!

lamma ykon ma3y nas
-7atta elly bakrah-hom- bamshy 60 - 80
max law sho ma sar!

la7ali =

basri3 shway o bajakir elly bjakerny o ma bawaagif 3ala kol al esharat 7attan marrat!

 

هههههههههههههههههههههههههه

 

النقطه تيست ههههه

والضحكه مش تيست
ههههههههههههههههههههههه
هههههههههههههههههههه
هههههههههههههه

بتحطي نفسك في مواقف بايخاااااااااااه

لا أبداااان
مش ع اساس انا تيسه بالسواقه وبمرقش حدن ويااااااااااما ناس صرخو عليّ! وبالأخر يطلع مثلن مثلن الباب الخلفي أو الصندوق مفتوح

ومره النمره كانت فالته هههههههههههه
هههههههههه
ههههههههههههههه