Things I Like To Whisper About

Would You Hear Me Whispering

اضغط للمتابعه....ورطة ما بعدها ورطة






انا من الناس اللي بكرهو ومستحيييييييييييل يشاركو او يفتحو اي اعلان  باي موقع الكتروني وخصوصا اللي على جنب الشاشة بالفيسبوك, مستحيل اضغط على لينك مهما كانت جوائزه قيمة وخصوصا المسابقات اللي فيها اشتراك عن طريق رقم الموبايل, لانها بتعني ورطه كبيره و انا بعرف هالحكي.

قبل كم اسبوع كان مكتوب عن اشياء عن الاوزان المثاليه و نقصان الوزن, وهل وزنك مثالي, واخخخخخخخخ مسكوني من ايدي اللي بتوجعني و صار الفضول يمشي بجسمي من عقلي لقلبي لايدي وهب كبست عاللينك :( ويااااااااااااا ريتني وقفت لهون لا و بديت اجاوب عالاسئله, نوعية الاكل, كم مره بتروحي عالجيم, وهب السؤال القوي, كم رقم موبايلك لنعطيكي النتيجه, صد ورد و شد و تنتيف قررت انه خلص بشارك و بس يعطوني الجواب بلغي المشاركة وخصوصا انهم كاتبين كيف تلغي المشاركه, و كاااااااااااااان يوم بمبي يوم ما كتبت الرقم, بعيدا انه طلع وزني "طبيعي" و اخدت 22 من 25 و طلع الوزن المثالي 62 ولازم انزل 3 كيلو لاوصله خصمو مني 70 قرش :(, اقنعت نفسي انه عادي و بعتت مسج لالغي الاشتراك و وصلني مسج من الموقع انه تم وقف اشتراكك,. 

بعد يومين من لغي الاشتراك واذ بالموقع ببعتلي مسج عن التفاح وفوائده و هالقصص شيكت الرصيد طلعو خاصمين 70 قرش O.o  رديت بعتت مسج الغاء اشتراك و وصلني رسالة تأكيد باني لغيت الاشتراك و رجعت شيكت عالرصيد و اذذذذذذذذذذ ب 70 قرش تانيين مخصومين :)
 اتصلت بما يسمى "خدمة الجمهور" ردت الاخت بكل لباقه و اهلا وسهلا فيكي ست "هبولة اللي اشتركت باشي بالموبايل باقل من ثواني و هات عاد الغيها" :(
 حكيت للبنت اللي صار فحكتلي بنفس لهجة الادب ان ما ببين عندها اني وقفت الخدمه الا بعد ساعه, وحكيتلها "شوووووووووو بالنسبة لل 140 قرش؟؟" ردت بانها راح تبعت رساله لقسم المتابعه و خلال "48" ساعه بردو علي واني لازم استنى الرد, طيب ماشي بنستنى يومين .

بعد يومين وصلني مسج جديده عن فوائد التفاح O.O وبررررررررررررررضك خصمو 70 قرش , ييييييييييييييييي عليناااااااااا, رجعت اتصلت فيهم و ردت علي وحده تانية برضك بقمة الادب و "الخنف" حكيتلها كل القصه غلطت و حكتلي "ممكن انت اشتركتي فيها بدون ما تنتبهي" انا كنت لحظات لحظات ها و كنت راح اطلعلها من التلفون بس هديت حالي و حكيتلها بما معناه اني اي نعم "هبولة" واشتركت اول مره بس برضه مش لهدرجه تفكرني ولا حبّه لاشترك وبدون ما انتبه :"( , المهم وقفت الخدمه من عندها و بدها تسكر الاخت "اي خدمه تانيه ستي" ... حكيتلها " شوووووووووووووووووووو بالنسبه لل دينارين و عشر قروش؟؟"
 هلأ انا خدي مني عيوني بس ما تضحكي علي بتعريفه وانا عند الاستهبال راسي بقلب حيط  ولا برسل ولا بستقبل, حكتلي ببعت مسج للمتابعه وانه مبين ان في رسالة مبعوته من قبل بس ما حد قرأها, حكيتلها "شو هالشركه الكبيره المحترمه اللي بدها اسبوع لتوقف اشتراك بخدمه و شو هالخدمة الزفت هاي اللي موظفين هالشركه ما بشتغلو شغلهم" المهم رجعت اكدتلي اني لازم استنى "48" ساعه ليردو علي.

صاحباتي ضحكو علي وحكولي انسي الفلوس و اذا بتوقف الخدمه فهاد انجاز وانا ولّعت بزياده, وفعلا 48 ساعه بالدقيقه و حكيت معهم, حكيت للبنت الموضوع وحكيتلها ااااااااااااااااااااااااخر مره بتصل و بعديها راح اتصرف تصرف تاني -هلأ  بالنسبة الي شو هو التصرف التاني فااااا علمي علمكم بس خلص بدي اهدد واتوعد , تعلمت انه بدون تهديد ما بمشي اشي - رجعت حكتلي انا سجلت الشكوى وخلال ... حكيتلها "ما تحكيلي 48 ساعه ترا كرهت هالرقم, بدي رد سريع ومستعجل انا" حكتلي ان اقصى حد 48 ساعه و ممكن خلال ساعه يردو, حكيتلها ان الي اسبوع و هال 48 ساعه تبعتهم ما خلصت و رجعت هددت و توعدت.

بعد ساعتين وصلتني رساله من قسم المتابعه بانهم راح يرجعولي الفلوس :))))))))))))))) هيه هيه لولولولييييييييييييييييييييييش, و اخيرا حد اشتغل, كنت بدي ايعتلهم خليلكم اياهم 
الموضوع مش موضوع فلوس, الموضوع موضوع مبدأ وموضوع سرقه عيني عينك, يعني ليش المشاركه بتكون باقل من فانيه و الغاء هالمشاركه بدها شهر؟؟ و ليش الفلوس اللي "نهبوها" خلال هالفتره يغطرشو عليها؟؟ كم مشترك غيري صار معهم هيك و كانو مقتنعين انه مستحيل الفلوس ترجع و ما طالبو فيهم, كم دينار بدينار و كم اشتراك باشتراك نهبو شركات الاتصال بدون علمنا؟؟؟ 

المهم يا اخوان.....طلع لتاخد حقك لازم تهدد و تصرخ و تبهدل و تعلي صوتك .....للاسف 
و الاهم ان فلوسي رجعتلي :)







ملاحظه ع الهامش

اهلا وسهلا بالمتابعين الجدد نورتونيييييييي و اهلا و سهلا بالمتابعين القديمين  دائما منورينيييي و اللي بطل يتابعني الله يسامحك :(
امااااااااااااا اللي بضل يحط ممل وغير مفيد...فاااااااااا اهلا وسهلا فيك بما انك زائر وقارئ دائم :) و برضة الله يسامحك :$

27 التعليقات :

تراني إشتركت معهم أول إمبارح واااااااااع

بس الحمدلله الرصيد زيرو ماينس ألف
لإنه خطي إشتراك شهري ومابلزمني أعبي هون أو هون


هالمره أنا كبست ع ممل وغير مفيد هيكد جكاره ف حالي

 

ورطه !
مره علطنا هيك غلطه واتصلنا ببرنامج عالتلفزيون وعينك ما تشوف الا النور ...بعرفش كيف خلصنا منهم بس بعد جهد وهري اعصاب...وحروووووووووم

 

أنا بالفعل يا فندم قدمت يا فندم شكوى يا فندم بإسم حضرتك يا فندم للقسم المختص يا فندم إللي هو يا فندم أعلى يا فندم من القسم المختص يا فندم إللي كانت فيه يا فندم شكوتك الأولى يا فندم، وهنرد يا فندم على حضرتك يا فندم في خلال 48 ساعة يا فندم!
..
وكأن شركات المحمول في بلادنا كلها لديها نفس الإسلوب في الكلام الناعم!
..وده كان بسبب إنهم ألغوا إشتراكي في باقة إنترنت كنت مشترك فيها، وقال إية يمكن ألغيت الإشتراك من غير ما اخد بالي!
طبعا أنا عارف إنهم عاوزين يلغوا إشتراكات كل العملاء في الباقة دي ويدخلوهم باقة جديدة أكثر ربحا. فقلت دي قضية حياتي، وزي ما حصل معاكي بالظبط وبعد أكتر من إسبوع وشكاوى وغيره قالولي أصل السيستم مش مظبوط!
قلتلهم مش قضيتي دي دي مسئوليتكم وبالنسبة لي مكالماتي معاكم مسجلة وبتواريخها ورسائل تجديد الباقة عندي على الموبايل بتواريخها وبكرة هأقدم شكوى للمركز القومي لتنظيم الإتصالات وهأرفع عليكم قضية في 10 محافظات، لأن عندي أصحابي مخامين كتار وفي محافظات كتير!، وهأطلب عن كل يوم عطل تعويض 10000 جنية!
وأنا إللي هأقفل موبايلي 48 ساعة لغاية ما اشوف اخرتكم إية!
وفعلا قدمت شكوى للمركز القومي لتنظيم الإتصالات أتهمهم فيها بالنصب والإحتيال والسرقة عشان اثبت اني مش باهزر!
..وقبل اليومين تاني يوم بأفتح الموبايل لقيت رسالة إعتذار وإنهم جددوا الباقة، وإتأكدت منها لقيتها تمام!
...بس برضة ضحكوا عليا لأنهم قالولي هنعوضك عن أيام العطل وما عوضونيش!
..
وربنا يسامحنا جميعا!

 

من سنتين تقريباً صادفت موقع وطلبوا احط رقم جوالي عشان يرسلوا لي عروض واوفرات مجانية وبدون رسوم.. وانتي بتعرفي الفلاحين بحبوا هالشغلات .. وهوب واحط رقم جوالي وجوال اختي وجوال ام تيسير
بالبداية كانت معقولة بس بعدين هلكونا مسجات وعروض ..... اقسم بالله وانا عم بكتب هالتعليق اجاني مسج عرض من REDTAG :))
المشكلة نسيت اسم الموقع عشان الغي اشتراكي ومش عارف شو أعمل، اظن الحل الوحيد اغير الرقم.
ام تيسير كل ما يجيها مسج من هدول بحضوري بتقول بصوت مسموع "حسبي الله ونعم الوكيل" .. يا ترى مين بتقصد؟ :)))
سلام

 

أنا كبست ممل بس!
يعني حتى بهاي بطل الواحد يستمتع! لازم القلّودين ضعيفي الشخصية المتلونين يطلعولك بكل السحبات.
--------

أفهم من هيك إنو تورطتي و لو مؤقتًا؟
خلص.. الحياة من هون لأسبوع حلوة و فراشات مضيئة و اللون المفضل زهري
-------

أحلى شي الكل بجامل و ما جاب سيرة إنو (المسألة مش مسألة فلوس و اللزي منو ...) على حسنين يا محمدين! أي عليم الله ال 3 كيلو نزلتيهم من الغيظ و اللا نوم!
خخخخخخخخخخخ
-------
this comment felt goOoOoOoOoOOOOOOOOOOOOOOOOOOOOOOOOOOooOoOd

 

bsee afro6 3laiki min el de7ek? :)))

 

إزا أنا شخصيتي متلونه
ف بعظ ناس هون حربايات وسحالي برخصه كمان

 

على الأقل أنا (قانوني) و مش من تحت لتحت و خراب (مؤن) كعك

 

السؤال التكتيكي مين ال3 اللي كابس ممل؟؟




عععععععععععععععععععع

 

هاظا أكيد واحد من ال سبلت برسوناليتيز

(لأنو طربش إز أوت أوف تاون) فما ظل إلا هالاحتمال

 

عادي ، خيرها بغيرها / بس العادة هاي لازم تبطليها ، لأنه اللي زيك هم سبب استمرار زي هالشركات الفاشلة

 

طب المسج عن التفاح و فوائده، شو كان محتواها؟ ما حكيتيلنا؟!

:)

 

من زماااان على حكياتك رفيقة و قصصك :)
المهم فوائد التفاح ..... شو انو رسائلهم مليقة لهيك شركات
مساك ورد عمتو ويسبر

 

السلام عليكم ورحمة الله تعالى وبركاته

الاخت الصديقة الغالية ويسبرررر

طبعاً أقرأك مهما بدوت بخيلة في تعليقاتي..
لكني امر من هنا اكثر من اي مكان آخر

و انا هنا الآن
لاتمنى لك مقدما رمضانا كريما
لك ولعائلتك الكريمة..
وللوطن وكل الاوطان الطيبة.

تحية عطرة صديقتي ويسبر

 

كل عام و الجميع بالف خير
ربنا يتقبل الطاعات و يقدرنا على صيامه و قيامه على الوجه الصحيح

ربنا يفرجها عالجميع و يحقق امنيات الجميع

 


Um Omar

سته ممل و 3 غير مفيد....هاي تحطيم جميع الارقام القياسية :)

هلأ مستلميني بتم اختيارك لربح سيارة مرسيدس 100 مسج يومي انه اشتركي و مجانا...بس على مين خلص بطلناها هالحركات :)

نيسانة التدوين

ههههههه جد ورطه ما بعدها ورطه هالعالم
البرامج التلفزيونيه ما عمري جربتها كنت افكرهم ارحم من الموبايلات :$
الحمد لله على سلامتكم و تنذكر ما تنعاد :)

 


احمد احمد صالح

اهلا و سهلا فيك في مدونتي المتواضعه دائما
الواضح ان شركات الاتصالات تعمل على نفس النهج في كل مكان
الادب المصطنع المفروض عليهم واللي طالع بدون نفس جدا مزعج و بزيد من رفع الضغط ما بهدي المتصل

واسلوب تحويل المسؤوليه على العميل متبعه و بشدّه عنا في اكثر من مؤسسة, بتعاملو معه كطفل صغير ممكن يغلط باشياء بديهيه و واضحه برضه بتزيد من رفع الضغط اللي واصل لحده اساسا من بداية الاتصال

عفكرة, انا حكيتلهم كل مكالماتي مسجله و خصوصا ان شركة الاتصال عنا بتبعت مسج بعد كل اتصال بالشركه بتشكر العميل و بعد كل استفسار عن الرصيد, ومن يوم الموضوع الشركة بطلت تبعتلي اي مسج منهم سبحان الله :)
ربنا يسامحنا جميعا :)

Mohammad Tayseer

يعني مش بس ورطت حالك....لا حبيت الخير يعم عالعيلة كلها هههههه فيك الخير والله :)
ما بعرف اسلوب النصب والاحتيال اللي بتعاملو فيه , ما بعرف شو بستفيدو بس اكيييييييييييد في استفاده حتى لو الرسائل مجانية, ممكن الشركات بتتعاقد على عدد رسائل دهائية شهرية توزع على العملاء مقابل مبلغ معين !!! و الشركة متأكده ان العميل اذا اشترك راح يتورط وما حيخلص
المشكله في رسائل دعائية بدون اشتراك, بقررو و بصيرو يبعتو وما بفرق الوقت ليلي صبح فجر وبرضه هات ليوقفوها بعد الاتصال المليون بالشركه

ههههههههههههه اكيد ام تيسير بتقصد الشركه....واضحه :)

 


Haitham

مبدئيا انا استغبتك قبل كم يوم عالفيسبوك و علشان رمضام و صحوة الضمير بعتلك صورة عن الاستغابة مع تأكيد اني بعرف انك راح تسامحني فلا ت,حملني جميله ماشي :)

ممل وحده؟؟؟ عيني بعينك O.O ها شايف , 3 مملات و غير مفيد بصماتك مبينه لا تنكر

بس رجعت حقي تالت و متلت هع هع هع :)
طبعا مبدأ....الفلوس كلها مبادئ اصلاطن :)

العبو سوا سوا انت و ام عمر... بلاش تدعي عليك ترجع عالزرقا بكره الصبح :$

Rain

ههههههههه طبعا بصير :)
الكل ينبسط الا هيثم مش مسموح


 

وائل

اخييييييرا عرفنا صاحب الظل الطويل وراء موقع خبر :)

بطلناها والله بطلناها....اللي زيي كويسين اللي بسكتو عن الموضوع همه المصيبة الاكبر :)

وهي هلأ مقاطعه الشحن و طفيت الموبايل ست ساعات و حاليا ما بستخدمه الا للضروره القصوى وما حشحن لاشوف شو راح يصير :)

Ala' Yacoub Amr

لساتني محتفظه بالمسجات :)

"كل التفاح بقشرة يغنيك عن الطبيب و حضورة, تابع نصائحنا"

تخيل يعني كمان معلومه اخدناها بالكي جي ون ببعتولي و بخصمو سبعين قرش عليها :$

 

لبنــــى

مساكي فل و عنبر
رسائل بلا طعمه و سمّة بدن, و احلى شي بس تستني اشي مهم و يستلموكي و تزهقي و بس ترن المسج الخامسة تركبي راسك وما تقرأيها بوقتها و بعد ساعه تكتشفي انها المسج اللي بتستنيها :(
انا اكره شركات الاتصالات

يلا بستنى الكتابة اليوميه ...لا تخلي هيثم يصدق ان كلامه اقوى من كلامي :)

لطيـــفة

وعليكم السلام و رحمة الله و بركاته

صديقتي و اختي الغاليه
كل عام وانت بالف خير و رمضان مبارك علينا و عليكي يا رب
ربنا يتقبل منا ومنكم الاعمال الصالحه
دائما سبّاقة بالخير صديقتي
ربنا يخليلي اياكم و يخليلكم كل احبابكم :)

 

الاستغابة = نحتفظ حضرتنا بحق الرد
-----
ما حأحكي كثير (يلا عااااااااااااد!) إلا إنو الحمد لله جهودي بدات تثمر شكلو و الناس و الناسات صاروا/صارن يعرفوا يميزوا الممل (خربوشاتك) من غير المفيد (إم عمر و من لف لفيفها) من ال كوول أوسوم بريلينت ستف (stuff) = مشان الصيام و هيك و ما توجعي راسك

اللي هو بوسطاتي الروعة

 

من أول تعليق لآخر تعليق..

نسيت الموضوع عن شو كان

هيثم داخل بكل شي..هاد مو لاقيله حساب على الفيس فاتح هون دردشة...

المهم كل هالعجقة على 140 قرش
هو القرش كم بيساوي ..احكيلنا بعملة دولية ما بتعرفي انه مدونتك عالمية؟؟
ما تقولي مو مهم الفلوس ترا كل هالحرقة على الفلوس




 

زينة: بدون مجاملات و ديبلوماسيات.. انتي مع مين بالضبط؟ لأني ضيعت من ورا تعليقك.. :-]

و بالنسبة للحسبة

50 قرش = 1 كعكة مرتبة .. هذا مقياس عالمي الكل بيتفق عليه و معروف بأوساط المجرة كلها أصلًا :P

 

كعك بعينك
واحد مظروووووب

 

يا زينة الصبايا شفتي هيثم و تعليقاته جد جد انو هيكا :)

القرش بس يتاخد نصب بصير اغلى قرش عليكي و بس حد يفكر حالة شاطر وبدو يضحك عالعالم الفلس معه مهم

ال كعك ال ...رااااااااحت عليك و اكلت كل الكعكات انا :)
و اكلت بزر مدخّن كمان

 

و بتدخنن كمانا! (لاحظي الألف! تعلمتها جديد هاي,,, فياعة و قصص)

برجوازية مطلقة

عليكن اللحمة و يصير وزنكو أرطال مرطلة و تصيروا تشتهوا الكعك و ما تنالوه

(يا قادر يا كرييييييييم)