Things I Like To Whisper About

Would You Hear Me Whispering

مش حتنازل عنك ابدا




كل مره بنذكر اسم المطربة سميرة سعيد بسألني بابا هاي شو بتغني بحكيله  اغنيه " مش حتنازل عنك ابدا" و كل مره بحكيلي ايش كمان ما بتذكر غير هالاغنيه, انا بصراحه ومع احترامي الشديد لكل فانات و فانين المطربة سميره سعيد مش من محبي صوتها وغير متابعه ابدا لاغانيها و حتى اغنية مش حتنازل عنك ابدا ما علقت براسي الا بسبب ذكرى قديمه عندي.

و احنا صغار كنا ساكنين احنا و اعمامي بنفس العماره, وفي يوم  اهلي و دار عمي طلعو مشوار و تركوني انا و بنت عمي اللي اصغر مني بسنه و اخوي الصغير اللي اصغر مني ب 9 سنوات كان عمره 4 سنين بوقتها لحالنا بالبيت, و كالعاده بس نجتمع انا وبنت عمي لحالنا لازم نحضر فيلم رعب, بنت عمي بتعشق هالافلام وانا بكرهها :( و لكن فرصتنا نحضر شي سوا و بوقتها كان الخيار واقع على جزء من اجزاء "كابوس شارع ايلم"  و اللي حضرنا كل اجزاءة مع بعض 

المهم خلصنا الفيلم و اخوي كان نايم و صحي و طعميناه و مع جو الفيلم شكلنا انسجمنا انا و بنت عمي. نفشنا شعرنا و مسكنا فراشي شعر و صرنا نغني اغنيه " مش حتنازل عنك ابدا" ولكن بطريقه مهاوشة, اخوي الصغير واللي كان دلوع كتير بوقتها المسكين انصدم و خاف و احنا ما صدقنا انه خايف جد و زدناها و اللي تقرب عليه و هي بتغني - او بتطاوش- و اللي تجحره واللي تمسكه من قبة بلوزته...هب الولد فقع بكي و صراخ وحاله و كالعاده بهيك مواقف سبحان الله الاهل بقررو يدخلو البيت , مش يجو وانا بطعميه لا سبحان الله و هو بصرخ.

دخلو اهلي و شرحنالهم الموقف و اخدنا اللي فيه النصيب دروس عن الاخوه و الحب و الكبر و العقل و الاوعية الكبيره و الصغيره اللي تحتوي بعض و عن تحمل المسؤوليه و هالقصص , انتهت المحاضرات باقل الخسائر مع اصراري انه بعرف انّا بنمزح وبالغ بردة فعله...دلووووووووووووووووع :)

قبل كم يوم طلعنا انا وبنت عمي نتغدى برّه و صرنا نتذكر ايام زمان ومنها هاد الموقف و حششنا ضحك و كل اللي بالمطعم صارو يتطلعو علينا, سبحان الله الايام ركضت و مشيت و قصص جديده صارت معنا حلوه و بشعه واشياء ما بتنتسى و لكن الحمد لله بس ترجع هالذكريات ومع مرارتها بتتعدل مرات شوي ومرات كتير, هاي من الذكريات اللي تعدلت كتير :) 

7 التعليقات :

عاد انا كانت مغنية المفضلة سميرة سعيد :)
بس جد هلا مو متذكرتلها اي شي ×_×

و هاد انت شريرة من يوم يومك يا ويسبر :) عيشتي الولد طفولة مرعبة :)

 

هههههههههههههههههههههههههه
هههههههههههههههههههههههههههههههه
أي يا معدتي

إستني إستني
هههههههههههههههههههههههههههههههههه

 

وإلا دخول أهلك في الوقت المناسب
هههههههههههههههههههههههههههههههه
ههههههههههههههههههه
ههههههههههههههههههههههههههههه
هههههههههههههههههههههههههه

 

ههههههههه يا ويلكم من الله رعبتوا الصبي ....والله كاينه شريره بالزمانات

 

looooooooooooooool

When I was a kid I did not understand or speak Arabic. But whenever I heard the music of this song I would feel so sad and cry. It was only some time before I memorized the words although I did not understand them. My father used to express his astonishment to mom: "At this age do they know what a sad music is!!"

This is what I remember about this song LoL!

Not frightening a little innocent boy until he cries! hahaha

Evil you! :-p

Regards,

Swan Lake

 

LioneSS

ما بحبها كتير :$
ههههههه هو اللي كان دلوع...اخر العنقود و مبسوط على حاله

Um Omar

ههههههههههههههه ما انت بتعرفي الاهل سبحان الله بيجو بالوقت الصح

زي بابا بس كنا نحضر افلام كرتون ما كان يجي الا باوقات غريبه...زي لما اجا يحضر معنا ساندي بل لما وقعت هي و مارك بالمي و معلقين اواعيهم و قاعدين :$
كان عاساس قمة الفحش بس مقارنه بكرتون اليوم كاينه محتشمه البنت واحنا مش عارفين :)

 

نيسانة التدوين

ماااا ارتعب...هو الدلوع
شو يعني شعرنا منفوش و شو يعني كنّا نشده بينا عادي عادي :)
ههههههههههههههههههه

Swan Lake

For the music and the words it was a very sad and dramatic song but for us at that time it was a material for a joke or a play :D

looool he was and still a very spoiled man but we still love him what to do hehehehe :P