Things I Like To Whisper About

Would You Hear Me Whispering

ملاحظين هالشي...كلاكيت تاني مرة






موضوع كتبته زمان لكن بسبب تكرار الموقف و بكثره بدي احكي عنه مره تانيه :)



هلأ انك تكوني بتسوقي و فجأه تطلع بسه من بين السيارات بتحصل, انك تكوني بتسوقي و الاخت البسة بتقطع الشارع و بتتمشى على اقل من مهلها برضه بتحصل, انك تكوني بتسوقي وفجأه بسّه هبوله توصل لنص الشارع و بعدين تتردد تكمل ويلا ترجع و تضلها تتقافز رايحه جاي و انتي بتستني بالاخت تقرر برضه بتحصل.

الاشي الجديد اللي ملاحظته ومش عارفه اذا في حد غيري ملاحظه, ان العصافير و الحمام بالاردن بطل يخاف
جد بكون سايقه والحمامه ماشيه وبتهز براسها وانا ببطئ انو هلأ بتطير هلأ بتطير وبحكي خلص اكيد دعستها لكن بأخر لحظه بتقرر اتطير, و نفس الشي العصافير منتشرين عالارض و بأخر لحظه بطيرو, ومرات وانا ماشيه عرجلّي بمشي جنب الحمامه او العصفور, ولا كأني موجوده, وبتضل بتاكل و ولا بتتحرك, مفكرين حالهم بروما الشباب..ما بعرفو ان لو حد مسكهم خلص راحت عليهم

حد غيري لاحظ هالشي, ويلا انا بس اللي الحمام بطل يخاف مني زي البسس بهالبلد, على رأي اخوي اللي بس حكيتله اني بلف من الكراج لاطلع عالسياره لان البسة فارده حالها قدام الباب الرئيسي...بحكيلي " يا ام السوس شكلها البسه مخاويه عليكي" :(
معقول الحمام والعصافير برضه هيك بفكرو !!!!

10 التعليقات :

ايواااه
وأنا بقوووول

خصوصي الحمام البري
يلعن تباً
زمور
وبعدين بريك
وبعدين بتوقفي كل السير عبيل ما يطير

مش ظايل غير تنزلي إتبوسي إجره إنه مشان الله طيييييييييير

 

As they say: meen 3ashar el goom 2rb3een yom...

:-)

El 7amam elli be3eesh benatna bya5od atba3na!

W bs!

Welba2i 3endik :-)

Swan Lake

 

هههههه :)
هاد الحمام صار يحس بالأمان عشان شيشاني مش في البلد :) غير هيك كان هلأ محشي و على سدر رز كيف كيفك :)


انا بحب الحمامة و العصافير بتفائل بس اشوفهم :)

 

وسبره
بدي ابوسك بين عيون
عشان صحيتي الشريرة اللي جوات ليو
ياااااااااااااي

ليو الشريرة رجعت يا جدعاااااااااااان

 

Um Omar

يا اختي بتبطئي و بتزيحي يعني كتير كتير اذا بتأسرع بالمشي مش انها تطير نص متر حتى :$

العصافير نفس الشي صايرين
الله لا يبلينا بحد فيهم

Swan Lake

LOOOOOOOOOL fekrek 3adenahom :$

masakeen 2ezan

 

Rain

loool 7aleh 3ammeh saybeh el 6your...hommeh men 2aleel 2enjanno

/Lio

ههههههههههههههه
معك حق ...شيشاني هو السبب بكل شي غلط و بكل اذى بصير :)

انا بحبهم كتير بحاول ما اتفائل او اتشائم ولكن حتّه تفاؤل بتطلع غصب عني :)

Um Omar

التار ولا العار...شو تبوسيني ما تبوسيني
احنا اهلنا صعايده ترا

هاد التأثير الهيثمي بنتشر باول الربيع زي التحسس :)

 

مش عارفه التعليق كان للنشر او لأ ...ما فهمت اذا للنشر خبرني :)

بس الفيديو اشتغل وتحشييييييييش :)
بالزبط في بينا اتفاق المفروض انهم يطيرو :)

في مشهد من فيلم You've Got Mail
توم هانكس بحكي ل ميغ رايان ان اي شي بخطر في بالها بتلاقيه بفيلم العراب...وشكله الموضوع نفسه ينطبق على ساينفيلد :)

 

كان للنشر بس ان كان قصدي انه في بعض الويب سايتس بتحذف اللينكس اتوماتيكل
I switched to English because it seems to explain this is not working in Arabic :) I meant some comment boxes delete any URLs because they assume it is a link to malware.
Actually, in many movies not just the one you mentioned say the same thing about the Godfather movie. For me it is Sienfield that I can relate any real story to any clip in the series.

 

Okay, this is for you. You have to watch this clip "We have a deal".j
http://www.dailymotion.com/video/xb1tw7_george-costanza-versus-the-pigeons_shortfilms#.UX_IlrVwqSo
I posted a URL link here I am not sure if your blogger site will delete it or not. If it did I will email it to you because it talks exactly about your observation