Things I Like To Whisper About

Would You Hear Me Whispering

الله يسامحك يا حج...ويسامحني :)






اول ما نقلنا للمبنى الجديد لشغلي قبل 5 سنين يمكن كان اول شي سألنا عنه مصفات السيارات لانّا كنّا نعاني بالموقع القديم, طمنونا وحكولنا ان في كراج كبييييير للعماره غير ان الشارع فاضي و على هالاساس اختارو المبنى, ارتحنا و لمّا نقلنا انصدمنا بالواقع المر.


هلأ الجماعه ما كذبو بان في كراج كبير للعماره, بس اللي ما حكولنا اياه ان المدير العام قرر ان بس سيارته و سيارات الشغل اللي تصف فيه وسيارات بعض الموظفين والموظفات اللي بختارهم بعناية حسب درجة هز الذنب اله و طبعا انا مش من ضمن المذكورين.

الشارع غير انه طلع في مبنيين خدميين غيرنا فيه طلع كله بيوت و كله ابواب كراجات لهالبيوت, مرات بحس حالي صفيت السياره عند البيت و اجيت مشي قد ما بصفها بعيد, غير عن اللئم اللي صار يصيبنا و السباق على المواقع, لدرجة اني مرّه صرت استدعي ان صاحبتي ما تنتبه للمكان اللي وراها علشان انا اصف فيه و حصل وبس دخلنا المبنى اعترفتها بالرقية الشرعيه اللي دعيتها لحتى ما تشوفو :)

كل الامور اعلاه كوم و اللي بدي احكي عنه كوم تاني , كوم بجلط و بقهر وهو وبالرغم من هالمعاناه اللي كلنا بنعاني منها في بعض الموظفين و الموظفات بس يكون في مصفين فاضيين بوقفو بنصهم وما بتعرف توقف لا قدامهم ولا وراهم و مش واحد ولا تنين ولا عشره, المعظم بعمل هيك و خصوصا اللي جنب الكراجات بتركو بينهم و بين مدخل الكراج نص كيلو ال بلاش السيارات تضرب في سياراتهم وهمه طالعين و داخلين :( و احنا المساكين اللي بنطلع من بيوتنا متأخرين و بنوصل عالوقت بالزبط ما نلاقي مكان نصف فيه :"(.

هلأ وجود بعض سكان المنطقه اللي دوامهم عال 8:30 بخليلنا خيارات لانّا نصف مكانهم برضه بالمسابقه و الدعاء, اليوم و كالعاده وصلت عالوقت بالزبط, وكان في حج صافف سيارته قريب من باب الشغل و قاعد بسيارته هو والحجه, في قدامه مسافه لنص سياره و في وراه مسافه لنص سياره, وقفت و اشرتله انه لو سمحت ترجع شوي مع ابتسامه ملائكيه صباحيه, الحج طنشني ولا كانه شافني , مرّه تانيه زدت من ابتسامتي و رجعت طلبت برضك طنشني, لفيت و رجعت ادور على مكان و انا ماشية بتطلع بالمراية طلع الحج منزل سيارته لقدام لحتى ولا حد يصف قدامه ولا وراه 

صفيت السياره عند بيت اهلي على رأي صاحبتي باااااااااااااااااااااخر الشارع و انا ماشية باتجاه الشغل و قلبي طافح عالحج وانا متردده احكيله ويلا ما احكيله هب لقيت حالي طاله راسي من جنب شباك الحجه :) " السلام عليكم صباح الخير عمو" 
"يا عمو الله يسامحك يعني لو رجعت لورا شوي ما انا أشرتلك , هيني صفيت السيارة اخر الدنيا, عكلن  اليوم  اذا كانت عال 3 وقت ترويحتنا بتشتي فاعرف اني راح امشي للسيارة وانا بكل خطوة بحكي  الله يسامحك يا عمو!!!!"
الحج انعجق و صار يحكيلي "ما انا أشرتلك و رجعت و هيني قدمت جيبي جيبي سيارتك يا عمي" 
شكرته و حكيتله مخلص تأخرت على دوامي و مشيت :)

شو العبرة من القصه؟؟؟
اني بعد ما وصلت مكتبي و قعدت و فكرت تأكدت من شي مهم..... انا كبرت يا جماعه :"(
هلأ انا و بشخصيتي  الطبيعيه  من عاشر المستحيلات اروح احكي مع الحج, وانا وبشخصيتي الطبيعية مستحيل ادخل بحوار و احمّل الناس ذنب بس شكله الكبر عبر و الشخصية تتحول ....ابااااااااااااااااااااااااااااه  :"(


23 التعليقات :

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

 

إستني الضحكة ع الموقف
بس فعلن إنتي كبرتي وصرتي تناقشي اللي عم بزعجك بشي وهاد شي كويس

نرجع للموقف
ههههههههههههههههههه

 

hhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhh

w hadi 3ala commentik Um Omar khanom! :-D

Swan Lake

 
أزال أحد مشرفي المدونة هذا التعليق.
 


صحيح المثل اللى قال اذا لم تستح فافعل ماشئت
لا الكلام ينفع ولا الابتسامه هتشفع الانسان على نفسه رقيب دون ادنى رقابه من الغير
الله يكون فى عونك اختى

 

مرحلة الكبر هاي كانت قبل عشر سنين
هلاء انتي دخلتي مرحلة هرمنا (اصلا انتي والحج جيال)
هههههههههههههههههههههههه

 

أنا هاي بشوفها أحسن اشي لما واحد يكبر انه ببطل يستحي. بتصير شخصية الواحد أقوى بكثير. زي لما كانوا جدودنا. جدي الله يرحمه كان يكحش (كلمه ربداويه تعني يطرد) اصحاب عمامي او الزوار لما يتأخروا بالسهر عندهم :)ـ
مش فاهم كيف مؤسسه حكوميه مش موفره مصفات للموظفين او حتى للمراجعين. يعني لو باربد بقول لا حول ولا قوه اتعودنا انه اربد منسيه بس عمان المفروض تكون "وجه البوكسه" زي ما بيقولوا في اربد.

 

3al 3ax good for you innek 7aketelo
a7inan bkrh kawni 3nedy saiiarah b sabab esset el saffeh

 

Amma bel nesbeh la Um el Whasaper,

Fa ba7ayyeki :-D

Musta3eddeh 2kbar iza bedi awsal la hoon!! hehehe

And, by the way, khalas sheeli fekret el 3omor men mo55ek TAMAMAN... endoji, t6awwari, wass3i afaQek...

bs 3omrek ma t2ooli "kberet", elli byekbar be3ajjez fel2akher... w ana QarQaret enna ma bdna n3ajjez, zay el 2janeb, ma befakkru fel3omor fa ma bela7zu ennhom kebru, fa ma be3ajjzu...

Mesh nkun jahzeen men halla1 enno 3end 3omor 40 bedna nsheel el lences w n7ott naddarat 3atool, w 3l 50 bedna na5od 7boob daghet w cholestrol w 2esas, w 3l 60 nseer battalna ne2dar la nemshi wala neQra2 wala s5am...

Bedna ndal shabab w ma nentabeh 3al sneen wala n3eddha :-D

ettafa2na? :-)

Regards,

Swan Lake

 

ترى الحج نادر غيران منكي
اتسمعيش كلامه يا بتعة

 

هلاء عشان يعني انا من مواليد 56 صرت حج !!!!

 

ﻫﻬﻬﻬﻬه
ﺍﻭﻟﻪ ﺍﻭﻟﻪ :)
ﺑﺲ ﻣﺎ ﺗﻌﺪﻳﺶ ﺍﺣﺴﻦ ﺧﻠﻲ ﺍﻟﺎﻣﻮﺭ ﺩﺍﻳﻤﺎ ﺳﺒﺒﻬﺎ ﺍﻟﺨﺒﺮﻩ ﺍﻭ ﺍﻟﻐﺮﺑﻪ .

 

وإحنا إنطول نبقا " حجيج" يا حج؟

 

الحل بالنسبة لي : صفي وين ما بدك و سكري على مين ما بدك و حطي رقم تلفونك و بس

 

اوععععععك تردي ع التكتور
بده يجبلك الحلقة الأخير

قال رقمك قال
عم بتعامل معك كإنك " شب" هههههههههه

 

المواقف هي التي تفرض عليك أسلوب التعامل ورد الفعل..
ليس المسألة مسألة عمر
بل أن هناك مواقف كثيرة تحتاج منا حزم الكبار لذا نجبر أن نتعامل بأسلوبهم

 

Um Omar

اضحكي اضحكي.... الموقف بلحظته كان دماار بس هلأ بضحك :)


faroukfahmy

صديقنا و والدنا و والد اخواتنا الغاليات...اهلا وسهلا فيك دائما منورنا :)

فعلا لو كل شخص فينا رقابة الذات ضلت شغاله عنده كتير بفرق تعامله مع باقي الناس :)

 

نادر

معك حق هرمنا واللي صار صار...عالقليله بدينا نعرف نعبر عن اللي بدايقنا :)

Jaraad

لما يصير معي موقف زي هيك بتزكر بابا بس كان يضل يحكيلي بكرة بس تكبري بتبطلي تهتمي و تستحي من الناس وكلامهم ...وشكلي وصلت لهالمرحله :)
صحيح مش كتير ومش دائما بتفوق على الخجل خصوصا باحراج الناس اللي بكونو غلطانين لكن شوي شوي بكبر و ببطل استحي :)

للاسف لما يختارو الموقع بختارو قريب لبيت المدير وما اله علاقة بالمراجعين و كتير مراجعين بشكو بانهم بدفعو مبالغ عالمواصلات اكتر من المبلغ اللي جايين ياخدو اعفاء عليه :$
الله يعين البشر

 

Rain

Inshallah bs ma 2akon badaye2 el nas el 3'ala6 :$

me tooo ya Allah sho bkrah mawdoo3 elsaffeh w konet nefsy 2ajeeb sayyara z3'ereh lahad el sabab

Swan Lake

LOOL la sery heak bedon ma tekbare :P

Al7amdolellah mawdo3 el3omor wel kabar ma behemne kteer elshabaab shabab el roo7 w ro7y 6efleh lessa :D

LOOL hadool benjanno 3ala kabar allah y3afena ya rab w ye7sen kabretna inshallah

mnawretne da2eman ya amar :)

 

نيسانة التدوين

هههههه اه بالزبط هاي من الغربة والعمر ما اله دخل اكيد :)

W7l

غير موضوع الازعاجات و هالقصص عنّا الجيران كتييييييييير كويسين بس تصف قدام بيتهم مش قدام الكراج بترجع عالسيارة بتلاقي المساخات مكسورات, العجال كلها منفسة, السيارة مقحوطه من اولها لاخرها ...الاخيرة صارت معي و قبل الترخيص بيوم :( زبطتها ب 30 نيره هي و ال W اللي كانت محفورة على بوز السيارة

 

زينة الصبايا

فعلا معك حق
غير ان في ناس بستغلو عمرهم ليحرجوكي و تسكتي وهاد بضطرنا نحكي و ننسى عمرهم لانهم همه نسيوه

 

لو قحطولي اياها ، بحكي مهي خربانة خربانة و بسكرلهم الكراج

 

احنا موظفين حكومه فقرااااااء من ناقصنا نضل نفت عالسياره تصليحات :(

لكن صاحبتي المسكينه و بعز الشتا كاسرين المساحات و حاطينهم عالسيارة من قدام :(
اجرام