Things I Like To Whisper About

Would You Hear Me Whispering

جنسية امي حقي




مشاركتي اليوم حتكون على شكل قصه حصلت مع وحده من قريباتي 

قريبتي انولدت وعاشت و تزوجت وهي بالكويت،هي و زوجها اصولهم فلسطينيه و بحملو الجنسية الاردنية,بعد الزواج بسنه تقريبا وهي حامل بطفلها الاول صار مشاكل بينها وبين زوجها وقصص كتير رافقت هالخلافات وهالقصه الها بوست تاني ان شاء الله , المهم هالخلافات انتهت بان زوجها يطلقها و يتزوج زميله اله بالشغل و يكتب تنازل عن الطفل اللي لسا ما انولد للام و يتخلى عن كافه حقوقه و واجباته تجاه هالطفل .

قريبتي ولدت و صارت حرب الخليج و الاب رجع على فلسطين و بعد فتره انسحبت منه الجنسية الاردنيه من ضمن اللي انسحبو منهم الجنسية, قريبتي وابنها ضلو عايشين بالكويت، كل سنه كانو يجو زياره عالاردن لتزور اهلها اللي رجعو عالاردن بعد الحرب و كبر ابنها و عمل دفتر خدمة علم وكان يجدده كل ما احتاج لتجديد.

والد الابن توفى في فلسطين و هو عمره ما شاف ولا تواصل مع ابنه اللي بالكويت, و الولد عمره ما نزل على فلسطين او كان اله اي علاقة بوالده و سمعو بخبر وفاته زيو زي باقي الناس.

بزيارة من الزيارات وهو جاي عالاردن الشب - صار عمره 23 بوقتها - بالمطار وقفوهم و اخروهم فتره و بعدين خبروهم انه بما ان الاب انسحبت منه الجنسيه فالمفروض ان الولد تنسحب منه الجنسيه, و سحبو جواز السفر , حاولت امه تشرح لكل الاطراف المعنيه بالمطار و بوزارة الداخليه و السفاره بالكويت ان الشب ما اله علاقة ابدا بوالده و انهم منفصلين ومتنازل عنه للام من قبل ما ينولد و ابدا.

ضلو بالمحاولات لمده سنتين و ضل الشب و امه بالكويت ما بقدرو يسافرو لانه غير معترف فيه من الجهتين, الجنسية الاردنيه انسحبت و الجنسية الفلسطينيه بما ان ابوه متنازل عنه و هوما اله علاقه فيه ولا عمره راح على فلسطين فهو مش معترف فيه كفلسطيني,  و بعد سنتين من تسكير الابواب بوجههم عملو جواز سفر فلسطيني مؤقت, وحكو انه الموضوع عامل مشاكل للشب بدراسته و بالشغل بالكويت ولكن ما عرفت شو التأثير بالزبط اللي صار.

الشب اجا زيارة وحده عالاردن لحتى يتمم اجراءات تصويب وضعه بعد ما حكولو انه لازم يسلم اوراق شخصيه اله بالاردن و تغلب بالمطار هون و بالكويت و بس وصل حكوله ان الاوراق مش مهمه و انه مغلب حاله عالفاضي مع انهم وقعوه على تعهد بالجوازات على تسليم هالاوراق.

حاليا العيله ماشية باجراءات هجره لكندا لحتى يصير عندهم جنسية كنديه تفتح كل الابواب المغلقه, للاسف هاد حقيقي و واقعي بعالمنا العربي, مع انه كان بمنتهى البساطه ممكن ياخد جنسية والدته, في منكم راح يحكيلي بالعكس الجنسية الكنديه افضله, لكن بس انت تنتمي لبلد بتحبه و بتعرف عن نفسك انك منه بتحب يكون انتمائك اله مثبت حتى ولو على الورق بس, بتحب ما تكون غريب عن باقي عيلتك و لا ان اولادك يكونو منتمين لجنسيات غربيه وما الهم اعتراف رسمي ببلدهم.


13 التعليقات :

موضوع الجنسية وحقوقها بضرب على عصبي
لإنه مش مفهوم بالمره,, وبحسسوكي إنها الجنسية الأمريكية

مع إنه الجنسية الأمريكية أسهل من الأردنية بكتير
بكفي إنك تنولد هناك حتى لو أهلك مش أمركان بتاخدها ع طول


الله يفرجها عليهم يارب

 

الحقيقة ...

ان كل الاردنيين من اصول فلسطينية هم وارقامهم الوطنية وكل ما بحوزتهم من اوراق وغيره ....هي عرضة للصفقات

فهي اعطيت لهم بصفقة ...
وتم التخلي عن حق البعض ...بصفقة
والآن نحن ننتظر ان تتم التسوية النهائية وتقبض الدول المستفيدة ( المستضيفة ) الثمن وهو بالمليارات مقابل التنازل عن حق عودتنا
الصفقة الاخيرة
...وبعدها ستفتح لنا ابواب الهجرة من جديد الى امريكا وكندا واستراليا واوروبا

لا تتعبوا حالكم
ما فيش فايدة
وكل الامور وفك الارتباط لا تخضع لاي قانون وهي مخالفات دستورية ..
ولكن مجرد موظف بسيط ...يصادر حقك فما بالك بالمسؤولين والمتنفذين واصحاب المصالح والاجندات

لكن عليّ ان اقول ان توكيل محام متخصص من المؤكد انه سيحصل على حكم قضائي وقطعي باعادة الرقم الوطني له
وإسألوني انا

 

للأسف مواضيع الجنسبة ما رح تنتهي أبدا طول ما الروتين والبيروقراطية هي اللي ماشية.. ماددا بتطلع على الاستثناءات!

 

ام عمر

اللهم امييين
الموضوع بصوروه انه شائك و اله تبعيات كبيره و خطيره مع انه اعتقد هو قرار بجرّة قلم مش اكتر

 

صديقي يوسف

موجع كتير كلامك يا صديقي...و المشكله الكبرى انه واقع بصير و حيصير

زي الاكسسوارات اللي بتتاخد فوق البيعه...او العفش القديم اللي بنباع مع البيت
شيله واحده

الله يفرجها
والله ما خلو باب ولا طريقه الا وجربوها و كله مسكر كان
وكلو محامي مختص وما طلع بايده شي

اذا انا بعرف عيله سحبو الجنسية من الاب و من ولدين و خلوها لولدين و بنتين و برضه ما طلع بايدهم شي
نص العيله بجواز سفر مؤقت و نصها بجوازات سفر دائمه

 

طارق

اهلا و سهلا فيك من جديد صديقنا طارق :)
زمااان ما نورتنا هون

الله يفرجها و يحل مشاكل هالعالم المسكينه

 

شكرا على طرح هذا الموضوع.
انا مهتم به لأن ثلاثة من ابناء اختي الأردنية يحملون الجنسية السورية ولا يستطيعون الحصول على الجنسية الأردنية لأن والدهم سوري.
مع ان هناك بعض الصعاب في عدم حصولهم على جنسية أردنية الا ان انهم والحمد لله لا يعانون مشاكل عصيبة لأن الأردن وشعبه كانوا دائما خير مضيف لإخوانه النازحين من الدول المجاورة والتي كانت آخرها نزوح اخواننا من سورية وقبلها من العراق.
يدرس الطلبة السوريين الآن في الأردن وبعض السوريين استطاعوا فتح متاجر لهم ومن قبلهم العراقيين كذلك واستطاعوا التملك في الأردن.
وللأسف مع ان ما قدمه الشعب الأردني لأشقائه الفلسطينيين والعراقيين والسوريين من مشاركة في الأرض وفي الرزق وفي مصادر المياه والتي تعد من العشر الأقل في العالم الا انه دائما ينعت "بالشعب المستفيد من مصائب الآخرين."
كلمة جارحه يسمعها الأردنيين دائما في الخارج. ولكن هل لهؤلاء ان يزوروا أي مدينة خارج عمان حتى تتضح لهم حقيقة ادعاؤهم الخالي من الصدق والأمانة. هل من الصعب عليهم ان يقولوا حتى كلمة شكر؟
نسمع عن افرادا تسحب منهم الجنسية الأردنية وانا طبعا ضد هذا العمل ولكننا لا نسمع عن الآلاف الذين يمنحون الجنسية الأردنية في المقابل. لا نسمع او نقرأ عن اعتراض الشعب الأردني لمنح اخوانه حق الإقامة وحق العمل وحتى في حق الآخرين في الحصول على الجنسية الأردنية. في الخليج العربي يقرأ المغترب كل يوم في صحف البلاد الرسمية عن وجوب الإسراع في سعودة البلاد او كيف تضرر الكويت بوجود هؤلاء المغتربين. يولد الطفل في الخليج العربي الغني ويحرم من حق المواطنة حتى ولو كد وهرم والداه 40 عاما في تلك البلاد ويحرم من دخول جامعاتها حتى في بعض تلك الدول.
عندما كنت في الأردن الشهر الماضي عاتب والدي اختي عندما قالت ان كل سوري يدخل البلد تأخذ البلد عليه مصاري ولكنها لا تمنحه للسوري. ذكر لها حال الأردن الفقير في كل مصادره الا النخوة وعون اخوانه. تكلم بالمنطق والعقل عن إمكانيات الأردن الضئيلة.
الأردن يحصل على مساعدات خارجية ليس لترفيه شعبه ولكن لإيواء واطعام اخوانه على ارضه فهو مضياف وليس مستفيد.
عندما زرت الأردن بعد غربة عشر سنوات تأكدت تماما بعد ان كنت أنكر ان الأردن هو الوطن البديل للفلسطينيين. خطة وضعة بدهاء وخبث تحت أعين الأردنيين والفلسطينيين. سوف اكتب عن هذا الموضوع فيما بعد في مدونتي.
لا أعرف لماذا يسلب جواز السفر الأردني من بعض المواطنين من أصول فلسطينية. أود أن أعرف لأن هذا يناقض رأي بأن الأردن سوف يصبح وطنا بديلا.

 

I think the Canadian nationality is MUCH BETTER for them...

I am doing my best to get a western nationality and passport! And once I get one inshaAllah I will apply for all of my family... and I doubt that I will ever come back here if I ever got the chance to get out of here...

This is because of the people, and all of what they produce: pop-culture, laws, legislation, concepts... etc

On the other hand, the other day I and my husband were watching Transformers-1, and they mentioned Jordan, I smiled in spite of myself, and when they showed scenes of Petra, I gasped in happiness and couldn't help but shout in happiness while pointing at the TV: Haiina!!! Haiina!!! had e7na!!! el Petra!! Had fe el Ordon!!!

I love the country, and will miss it always...

But the masses... I doubt...

Ella tab3an el 2estithna2at elli metlek w metel Om 3omar w Kiki w Nissan w elnas el fahmaneh elli betfell men elwaqe3 el2aswad lal3alam el 2efteradi :-)

Regards,

Swan Lake...

 

أثارت ، المدونة ، العربية ، وسبر، عن حق المرأه الأردنية ، وطريقة التعبير عنها ، الأردنيون ، طيبون وعندما أقول اردنيون ، كل من يحمل الجنسية ، أو بشعر بأنه أردني ، قد تكون أمه اردنية ، عربية، أجنبية ، ألا يحق ، له أن يعيش في بلد أمه أو أبيه ،

 

Jaraad

ما حد بقدر ينكر ان الاردن هي الدولة الوحيده اللي اعطت الجنسية للفلسطينيين و ما حد بقدر ينكر انهم عانو وما زالو بعانو تقريبا بكل البلدان اللي تفرقو فيها

و برضه ما بنقدر ننكر العنصرية واللي للاسف زادت بالفتره الاخيرة و تفشت بين الشعب الاردني بناء على الاصول, و هون بحكي العنصريه في كلا الطرفين

انا مش خبيره بس الموضوع اله ابعاد سياسية و اقتصاديه ان كان موضوع منح الجنسية او موضوع اثارة النعرات بين افراد المجتمع

انت الحمد لله ربنا يسر امور ابناء شقيقاتك...بس بالمقابل في ناس كتير مش قادرين يدخلو اقاربهم للبلد
الي قريبه مقيمه في بيت والدها و اختها متزوجه سوري حاولت وبكل الطرق ان زوج اختها و الاولاد يجو عالبلد و يسكنو عندها ببيت ابوهم و لكن ما زبط و ما زالو بسوريا

الموضوع شائك و كبير و عدد المتضضرين منه اكبر ...ان شاء الله يلاقولهم حلول جذرية ترضي جميع الاطراف و تريح جميع الاطراف

 

Swan Lake

للاسف كتير ناس بعملو متلك...غير موضوع الجنسية و النعرات عند بعض النفوس المريضه - طبعا ما بنعمم - البلدان العربيه بتعاني من عقدة الغرب
الانسان اللي بحمل جنسية غربيه اذا بفهم و احسن منا و فجأه بصير "خبير اجنبي" حتى لو كانت اصولة عربيه 100% و هو نفسه اللي كنتو تحكو عنه ما بفهم قبل 5 سنين

حبنا لبلدنا و هون انا بحكي عن الاردن طبعا ما بنسمح لحد يزاود عليه و انتماءنا اله ما بصير حد يشكك فيه و اكيد بضلو بقلوبنا
مشكلتنا مع المخربين و هدول الكل بجمع على كرهنا الهم و امنياتنا بالخلاص منهم

 

Hamede

شكرا صديقي لذكر الموضوع بمدونتك ومتابعتك :)

 

موضوغع الجنسيه هذا فعلا معقد وصار برضو عندنا الموضوع اكثر تعقيداُ بعد انفصال الجنوب والاسواء مع ارتفاع نسبة الامية وضعف التوثيق ولالاوراق الثبوتيه بتصبح اساليب الاثبات ضعيفة ومشوهه
تحياتي وانت بتحكي علي الواقع