Things I Like To Whisper About

Would You Hear Me Whispering

عوالم و شخوص حولنا




قاعده في تختي تحت العشر حرامات لحتى اتدفى شوي من البرد اللي زايد بالاردن هالايام او اللي بطلت متعوده عليه بعد سنه و نص بالامارات, اجا اخوي بحكيلي "انا طالع على عبدون ادرس ب Second Cup تيجي معي؟؟" طبعا حكيتله : انا اللي باجي :)"

المحل بحبه من ايام الامارات واله ذكريات حلوه, طلبنا هوت شوكلت و قعدنا كل واحد راسة بلاب توبّه, انا بكتب تدوينه  "حقك اولويه" و هو بدرس, بدت الناس تكثر و للاسف الدخان يكثر و اصوات الناس تتداخل و تعلى مع العجئه.

سبحان الله كيف كل شخص اله عالمه و مشاكله و حياته الخاصه, اول طاوله عليها شبين من حديثهم عرفنا...اه لان الكل كان سامع الكل - عرفنا انهم اطباء ومعهم كتب شكلهم بدرسو ليتخصصو, واحد منهم بحكي قصته وعن زوجته اللي كانت حامل بطفلتهم التانيه و اللي تأخر لاخد زوجته على المستشفى و اهلها و اهله و زوجته حملوه مسؤوليه اللي صار للبيبي بعدها, الدكاتره بالمستشفى اضطرو يعملو عمليه قيصريه و البيبي انولدت بمشاكل صحيه , الاطباء بلغوهم ان الطفله ما الها امل بالحياه, قعد يوصف كيف حمل بنته للمره الاولى و كيف اهله و اهل زوجته ببكو و كيف اعطى البنت لامها وحكالها هاي بنتك استقبليها و ودعيها و اقرأي قرأن عليها لانها راح تفارقنا, و فعلا البيبي توفت :(

طاولة تانيه عليها صبيه و شب, شكلهم بحبو بعض و ناويين يخطبو, بس وضع الشب مش مناسب مقارنه مع البنت و هاد واضح من كلامها انها بتطلب منه يساعدها بانها تقنع اهلها و هو ما في بايده شي, و اهل البنت رافضين الشب بسبب الوضع المادي, الشب مش كتير متأثر او هاد اللي كان مبينه بس البنت بتطلع بعينيه بطريقه غريبه حزنتني عليها مع انها ختمت كلامها بانها ما بتقدر تعيش بمستواه لانها متعوده على طبيعه حياه غير عن حياته, اللي خلّى اخوي يترك دراسته و يحكي معي انه نفسه يقوم يلخمها كف انه شوووووووووووووووووو بدك منه يعمل يعني؟؟؟ يختلس؟؟؟

طاولة ثالثه عليها طلاب بحضرو لامتحانات جامعات بامريكا, ما بعرف ليش بين هدول بالذات حسيت حالي بين عالم غريبه علي كثير, حكي نصه عربي ونصه انجليزي , العربي انه كووول " خف عgلي و اولتيلها come on what's the hell"
و البنت بتحكي للشب انها مريضه وبدت بتفاصيل غريبه مرافقه للمرض اول مره بسمع فيها بحياتي و تحتوي على كلمات لا تناسب الاطفال تحت سن 35 سنه :$ و بتحكي عن والدها و والدتها  بتفاصيل برضك غريبه اخوي رفع راسه اعطاني نظره الحاجب المرفوع و رجع للاب توب :)


بالاضافه لطاولة الشباب اللي بس نازلين رمي كلام مشفر لبعض نص اللي بالكوفي شوب فاهمينه و بحششو ضحك بدون سبب و بشكل مبالغ, هدول عذرتهم....شبااااااب و عايش و هاد فعلا وقت الضحك ملحقين على النكد :)

9 التعليقات :

ملحقين على النكد = جبتيها و الله :)
---------
أنا اللي باجي = إقطاعية للنخاع!
---------
كثير مرات بكون بدي أكتب أشياء مقل هالحوارات (العجيبة) - نسخة أسكتلندا بس ببطّل!
---------
بكفي تلصص على الناس بهالطرق! بدنا صور + مقاطع - خليك هيب و مودرن و هيك
خخخخخخخخخخ
---------
بكفي تحشيش و دخان.. اعقلوا .. خلص

 

لما كنت بالاردن دورت كثير على قهوه ما يكون فيها تدخين وبالأخص اراجيل لأني اكتشفت انه البنات بالاردن بصحوا الصبح وبروحوا ارجلوا. ما صارت هاي غير بالاردن. على العموم لقت محل اسمه cuzin باربد ما كان فيه تدخين عجيني كثير
كنت حاب اجرب القهاوي بعمان بس ما صار معاي وقت للأسف.ـ
انا كثير بقضي وقتي بالقهوه ومعاي اللاب توب
شكرا على مشاركتنا بما سمعتيه بالقهوه وان شاءالله نشوف كتابات قادمه قريبا

 

Haitham

قصدك مصلحجية للنخاع :)

ليش بتبطل...هاد لنشوف حواراتهم كيف زي حواراتنا ويلا اسخم

همه اللي اصواتهم عاليه شو دخلتي انا :$ والله روحت راسي بدو يفقع من المحششة اللي كانو فاتحينها و عيوني حمر و بدمعو

 

Jaraad

اه قرأت تدوينات البحث عن كوفي شوب بدون دخان و البحث عن كوفي شوب للشاب بدون عائله :$
الله يعينكم ...اعتقد الامن اللي الباب المفروض يميزو بين الشباب بهيك مواقف

المهم للاسف اخوي من اللي كانو بدخنو, وانا قعدت جنب لشباك افتحه و اسكره لحتى اتنفس

جارتنا و بناتها التنتين لااازم يومي يروحو يأرجلو و مره كنا مروحين انا وماما عالعشره بالليل لقيناها بتركض بتسالها ماما خير شو في, بتحكيلها ما اجلت اليوم و ما بقدر انام بدوم ما اارجل :$
اذا بالثلج طلعو عالترس و صارو يأرجلو لانه ما بقدرو يروحو ولا ييجو

 

ام عمر
الله يحلي ايامك ياااااااا رب 3>

 

مصلحجية = لا تفي بغرضك العظيم! خخخخخخ
----
روجوا على اماكن لا تدخينية

 

انا اكبر شر بقدر اعمله هو المصلحه الشخصيه :) ملاك يمشي على الارض ويلا نسيت

ما انا بروّج انه اففففف كله دخان ما تروحو عليه :)

 

ترويج!
أيواااااااااااااااااااا

أنا ما دخلني .. عندي دراسة و ملحوق من هون ليقولوا بكرة العيد .. ههههههه

روجي بعيد عنا .. إبليز
--------

ملاك يمشي ,,, بلا بلا بلاااااا = أي هو انتي مخليتنا ننسى حتى!