Things I Like To Whisper About

Would You Hear Me Whispering

what to say ya mama




في يوم و اخوي هون استغلينا الجو الحلو و رحنا على حدائق الحسين لحتى نتشمس و نلّعب الصغار شوي، رحنا عالالعاب و بدو يتمرجحو و يتسحسلو في ما تبقى من الالعاب المتدمره ،، الله يسامحهم الناس مخربين كل شي مع انه واضح انه متعوب عليها و مجهزه لتكون مناسبه و مريحه، وما بدي احكي عن علب البيبسي وكاسات القهوه اللي مرميه هون و هون و عمال الوطن شغالين ينظفو من ورا هالعالم اللي بترمي كل شي ولا سائله.


اللي بدي احكيه عن الفوضى و الازعاج اللي كان مرافق الطلعه و اللعب،، المطعم اللي جنب الالعاب كان حاطط اغاني و على اعلى صوت و ياااا دوب كنا نسمع بعض لما نحكي, ازعاج ما بعده ازعاج و للاسف ما وقف بالمره طول ما احنا هناك, غير ان الصوت مش واضح و السماعات خربانين يعني وجع راس من الاخر.

الاغاني كانت بالبدايه اغاني دمار عاطفي لمطرب مش عارفه مين هو و من اللي نكد بنكد و بعدين الاخوان حبو يحسنو الجو حطو شريط لسميره توفيق من سنة 1900, بدت اغنيه "يا ابو قضاضة بيضا" - انا كنت مفكريتها قضابة و شكرا لجوجل اللي زبطلي اياها و عرفني على معناها :)

المهم مرة اخوي اجنبيه و منزعجه من الصوت وكل شوي تسألني يعني الاغاني حلوين؟؟؟ بحكيلها لأ :$
بس بدت هالاغنيه سبحان الله طلبت نترجملها الكلام :$ سألت اخوي شو يعني قضابه بحكيلي شو بعرفني انا و بعدين اكتشفت اني مش فاهمه ولا كلمه من الاغنيه شكلي حافظه الموسيقى بس...شووووو بدي اترجملها هلأ :$

المهم اجت فقره "وان ردتني لاريدك..وان ما ردت عمرينك ويش اقول يا يما"
وهاد الاشي الوحيد اللي فهمته فاااااااااااااااا ترجمته بعد محاورات بيني وبين اخوي على ترجمه "عمرينك" و قررنا انها تكون I don't care

What to say ya mama....what to say ya mama :)







9 التعليقات :

Morning from riyadh, this post made my day!!!

 

Happy to hear that :)
have a lovely day my friend

 

looooooooooool
wk it's heard to translate samerah sa3eed's song into "real" arabic ..
fa ma balik to english ..

you've done a well job my friend ..
P:



عبد مرّ من هنا
u___u

 

ههههههههههههههههه
منيح اللي ما طلبت ترجمة
"مرعيه يالبنت مرعيه ,؟,,مرعيه وللا بلا راعي"

 

ذكريني بمعنى كلمة حديقة!

بدي تعريف إجرائي بالله

بعديها بحاول أفهم باقي البوست و ترجماة الأغاني و خلافه
:))

 

Jamhawi

هههههههه مهو هاد اللي اكتشفته بعديها :)
الحمد لله وصلنا الفكره كامله الها وبالعكس صارت اغنيتنا بالبيت لفتره :)

ويلكم...ويلكم بعبد و اصدقاءه :)

 

نيسانة التدوين

هههههههههههههههههههههه هاي مأساه :)

نص ساعه احاول الاقيلها ترجمه مش عارفه :$

Sheeshany

اجرائي....اجرائي؟؟؟
كيف يعني؟؟؟ ثلاثي الابعاد :$

رووح عالمكان اللي صورت السنجاب فيه و اقعد على نفس الكرسي و مد ايدك اليمين و دور حول نفسك دوره كامله
ايييوووووووووووووون هاد اللي بتأشر عليه اسمه حديقه :)

 

برضو الحدائق؟؟؟

 

بالأردن هذا المفهوم مفقود!