Things I Like To Whisper About

Would You Hear Me Whispering

مصدوووومه O.O




قبل كم يوم بتحكيلي صاحبتي قصه صارت معها جد صدمتني
احكيلكم عن صاحبتي قبل لتكون الصوره  واضحه عندكم
  صاحبتي كبيره بالعمر و حتتقاعد بشهر 2 ان شاء الله، عاديه جدا شكلا و طريقه لبس، محجبه و قويه و قد حالها ، بالشغل النص بحبها و النص التاني بخاف منها ما بتسكت عالغلط و اخت رجال بالمواقف اللي بتطلب منها اي شي صعب او سهل
  بتحكيلي قبل كم يوم كانت مروحه بتكسي من الشغل، فجأه سائق التكسي لف وجهه عليها و اعطاها ورقه، بتتطلع شو هاللي اعطاها اياه طلع معطيها  خمسين دينار...بتحكيلي ما فهمت بتطلع عليه بحكيله شو هاد اتطلع عليها من المرايه اللي موجهها على وجهها بدل الزجاج الخلفي - زي تلات ارباع سواقين التكاسي عنا - بنظره مقززه و بحكيلها " ها شو رأيك بمشي الحال " مع غمزه   صاحبتي بتحكيلي قلبي كان بدو يوقف و صرخت فيه وقف و بديت اسبسب و رميت الفلوس بوجهه و نزلت من هون طار من هون  
ﺑﺴﺎﻟﻬﺎ طب ما شفتي اسمه ما شفتي رقم التكسي ، بتحكيلي صرت ارج و متت خوف و اساسا بطلت شايفه...الدنيا فجأه صارت عتمه سوده قدامي

25 التعليقات :

أولا الحمدلله ع سلامة صاحبتك, الموقف بخوّف وعن جد اشي مخزي و مقزز ... اللي بقهر انه صارت الوحدة كيف ما كانت و شو ما كان لبسها ولا شكلها تتعرض لمواقف جدا مخزية .. حتى لو الوحدة واقفة بحالها و عينها بالارض بطلعلك واحد مريض يلطّش ... و برجعوا ناس يحكولك الحق عالبنت. مرات بحس بطّل في معيار قياس انه الوحدة محترمة ولا صايعة, بس لمجرد انها أنثى صارت حرمتها مستباحة, بعرف مش كل الرجال هيك نفسيتهم مريضة بس الواحد صار ياما سامع قصص أو متعرض لمواقف و الشغلة بتجلط. الله يجيرنا و يبعد عنا هاي الأشكال و ياخدها.

 

مش موقف بصراحه

لو أنا بجوز ها بجوز
كان اخدت الخمسين وعند اول توقيفه سياره فليت ركاظ

وإن حاول يلحقني بصرخ إنه بده يسرق شنطتي


أو بجوز طلت الصاعق وصعقته وعملنا حادث ولبست السياره باللي قدامها وتركته للحادث
وبرضو شردت بالخمسين

ههههههههههه

 

يا حبيييبيييي!!!!!! ولسا بحكوا البلد بخير وأمان!!!

الله لا يعطيه العافية!

 

انا اؤيد um ommar
كان مفروظ توخذ الخمسين، تصعقه من بين عينيه، و تشرد بالخمسين!
عشان يتعلم!

الله لا يوفقه و ربنا يلهيه بحاله!
لا حول ولا قوة الا بالله

 

الحمد لله على إنو خلص الموقف على هيك.

أتوقع الشخص بكون مصدوم و أيضًا خايف بهيك مواقف

جزء منو لأنو مو متعود و لا متوقع بمجتمعنا هالشي فالواحد ما بفكر صح و بدو بس يخلص من الموقف فما بفكر ياخد رقم أو يرد ببهدلة طوييييلة أو حتى ياخد ال 50 .. إلا إذا مثلًا تعرض بالفعل لموقف مشابه (أو) تدرب على ذلك.

و جزء (و المعذرة على التعميم) لأنو الأنثى عندنا احتماليات أن تكون لديها أفكار مسبقة عن شتى أنواع التصرف ما يجعلها شبه عاجزة (العيب و استكانة المرأة امام الرجل و .. و..)

الله لا يوفقه ، إن شاء الله ينهدي بس برضه ربنا ما بضيع حقوق عباده!
---------

تعلمت هون شغلة: بيحضروا الصغار لأي موقف! حتى إنو أهلهم ممكن يضربوهم و كيف يتصرفوا بهيك حالات!
و أيضًا للكبار و بخاصة الإناث
أي نعم هو رد فعل للمجتمع هنا و إمو مل واحد يعتمد على حاله لأنو صعب حدا يساعدك (بالمجمل) بس أنا قصدي إنو يبدو مجتمعنا عم يتجه لهيك شي و شكلو لازم (نتدرب) على مواجهة هيك مواقف!

 

الله لا يوفقه الناس انجنت رسمي!!

 

3adi iny d7eket shwai?
ana zy 3adooleh b2ool kan a5dat el masarai w fak7at

 

أي قلّة حياء تِلْك؟

 

صباح الصبح بالليل :)
من الصبح وانا بدي اعلق بس مسكت حالي بالعافيه , خايفه تفهموني غلط :)
انا مصدومه كمان ...بس انصدمت انه اعطاها خمسين ...مش عشرين!!!
...شو؟؟؟ متطوره الاحوال عندنا وانا ما معي خبر !!!! هههههههههههه
شفتي؟ هيك فهمتيني غلط:(

"نيجي هلا للجد:
الوحده قبل ما تركب تكسي المفروض تقرأ اسم المكتب على الباب من برا ولما تقعد جوا تقرأ اسم السائق اللي المفروض انه محطوط على الزجاج الامامي بشكل واضح ...
في مثل هيك موقف مش حينفع تبلغ الشرطه لانه حينكر وما في اثبات مادي على نواياه لكن بتبهدله وتخوفه وبتقوله انها حفظت اسمه واسم المكتب وح تبلغ عنه وتهرب بسرعه طبعاً بعكس خط سيره عشان ما يلاحقها:(
وسلامتها صاحبتك والله يسترنا كلنا.

 

والله يا نيسانه انا استغربت المبلغ عشان هيك أول شي إهتميت فيه إني أسرقة وأهرب
هههههههههههههههههههه
أنا فاهماكي ترى ;)

اسم المكتب دائم مابتغير
بس نادراً ما يكون الشوفير نفسه اللي رخصته معلقه جوات التكسي إزا بتلاحظي يعني

 

بلاحظ مرات انه الصوره مش نفسها اللي ورا الستيرنغ بس بقول لحالي بيجوز هاي الصوره قديمه ...يعني؛بكون اطمن نفسي عبين ما اوصل !

 

hb
الله يسلمك يارب
انا مش مع موضوع ان لبس البنت بعطي الحق للشباب بمعاكستها بالرغم من تفاجئي بطريقه لبس البنات هالايام و للاسف المحجبات منهم :$

فعلا نفسيات مريضه بفكرو كل البنات واحد..

اللهم امين..الله يبعدهم ﻋﻨﺎ

 

ام عمر

هههههههه هاد كان تعليق اختها
لا طلعتي باسمه ولا اسم التاكسي ولا رقم السياره اطلعي بالخمسين :)
عم بفكر جديا بالصاعق هالايام
الدنيا بتخوف يا اختشي :(

 

قبل ما توصلي لتعليقي
-------

بدك تجيبي صاعق!

انتي!

أنا بقول بلاش

خخخخخخخخخخخخخخخخخخخخخخخخخخخ

 

Aseel


شفتي بالله عليكي هالجرأه :(
اي امااااان هاد ويلا قصدهم لانه عرض فلوس وما خطفها :$

 

Ala

عجبتني الدعوه كتير...الله يلهيه بحاله

اللهم امين

ههههههه شكله هاد اللي لازم نعمله كلنا..صواعق :)

 

هيثم


ههههههه تعليقك طويل فاضطريت اوقف اروح اصلي العشا و ارجع طلعت مستغل الوضع

بناء على نصيحتك وانت بتعرف قديش رأيك بهمني فاااااا قررت و صممت على جيبه الصاعق :)

هو فعلا الموقف صعب و جديد و غريب و البنت تعودت اذا حكت او شكت بهيك موقف هي الملامه بغض النظر شو الموقف

مش غلط ابدا يتعلم الابناء و الستات حقوقهم و كيف يدافعو عن حالهم
والله بنسمع قصص بتقشعر البدن :$

 

110%

بس المهم نكون ضد إم عمر!

بدها منصب هاي... بدها تصير زعيمة مدربي الصواعق

*فشر*

 

هيثم
منا و منكم صالح الاعمال ان شاء الله

مهو انا لازم اخد دوره عند ام عمر
:ويسبر تحاول الحفاظ على خط الرجعه مع حامله المسدسات و الكلاشنكوفات:
على رأي ﺍﻟﻤﺜﻞ
انا و ام عمر على هيصم :)

 

كيكي
شفتي العالم اللي بطلت تخاف ربنا :(
الله يهدينا و ﻳﻬﺪﻳﻬﻢ

 

Rain

yalla bs la2ennek 3arosetna el7elweh :)

loool elkul kan 3endo nafs eltafkeer :)

 

Black Rain

مخافة الله اختفت من قلوب كتير من الناس للاسف

 

نيسانة التدوين

هههههههههه حششت من الضحك،وجهة نظر والله
يعني الشب مش بس نذل لا ومش فاهم بالسوق :$

قبل ما ابدا اسوق كنت ابعت لصاحبتي مسج اسم الشوفير و اسم التكسي هاد في حال ما ركبته قدامها و هي بينت للشوفير انها قرأت الاسم
الدنيا بتخوف يا ﺍﺧﺘﻲ

 

أنا بشجع كل البنات على الصاعق
الدنيا صارت بتخوف
وحمايتك بوقتها بتكون أهم من مبلغ وحق الصاعق