Things I Like To Whisper About

Would You Hear Me Whispering

بس ترجع امي ﻋﺮﻭﺱ


القصه حكتلنا اياها خالتي صارت معها
كانت واقفه عالاشاره اجا شب ببيع فراوله، فتحت خالتي الشباك و سألته بكم السحاره حكالها باربع دنانير، خالتي ما عجبها حكتله شكرا و سكرت الشباك
صار الشب يأشرلها من ورا الشباك انه بس بواحد، حكت والله اذا بدينار باخدها، فتحت الشباك قام الشب حكالها " بس ترجع امي عروس بعطيكي اياها بدينار "
خالتي بتحكي بعد الصدمه و كتمه الضحك بالغصب حكتله " مش عيب تبهدل والدتك و هي قاعده ببيتها يا خالتو !!"  وسكرت الشباك
بتحكيلنا يا دوب فتحت الاشاره و مشيت وكل اللي بالسياره فقعو ضحك
كلنا ضحكنا عالقصه الا بابا :$ انقهر و انسم بدنه ، بحكيلنا ان بزمنه ستات العيله، الام و الاخت كانو اشي مقدس ما يدخلو لا بموضوع مزح ولا بموضوع جد، هالايام صارو علكه بتم اولادهم، صار الاخ يسب على اخوه بشرفه وبامه و باخته
طبعا اختفت الضحكه و التفكير بالموقف صار اعمق واله ابعاد تانيه ...
Published with Blogger-droid v2.0.9

23 التعليقات :

هههههه عمو :) الأباء دايما عندهم نظره عميقه للأمور وجديين كتير ^_^

 

إعحابي بلش يخف بالحج.. لويش مش كوول و مودرن و ... هيك!

--------
إيخ يا ويسبر.. مش القصد الفلسفة و لا ربط موضوع (بانتقائية) بآخر بس كم مرة الواحد بيسمع سب لله و لصفاته في اليوم الواحد! و الباقي عند عمك أبو تطور و انفتاح

 

ااااخ بس.. والله كلام ابوك صحيح 100%!!!!

 

الوالد الله يخليلك اياه معاه حق و انا اتفق مع هيثم، بخصوص سمع الواحد لسب الدين !!

But put that aside you have to admit that the boy is creative!!

 

العادات الطيبة والقيم والأخلاق تقل و تنحصر للأسف
ليس لنا إالا الدعاء بإصلاح
حال الجيل

 

بياخدو الموضوع شخصي فرده فعلهم و تحليلهم
للموضوع بكون اعمق :)
جهازي مات...الشاحن خرب و اللاب توب طفا لهيك اعذريني بموضوع قائمه التعليقات لفتره :(

 

حسبي الله ونعم الوكيل بهيك تطور

بس الحج بعجبك صااااامد بوجه هيك تطور و ﺍﻧﻔﺘﺎﺡ

 

بطل في احترام لا لحد ولا لشي :$

 

ALA

اولا اهلا وسهلا فيك وشكرا على التعليقات :)

للاسف لانهم جبنا و بخافو فبتشاطرو بهيك طريقه..الله يهديهم و يهدينا


ههههه بيني و بينك لهلا بضحك بس اتزكر رده :$ عنصر المفاجأه بالرد تحشيييش

 

إيييييييييييييييييييه يا ويسبر

فكرك إذا مكتوبلنا عمر شو حنحكي إحنا للجيل ال مودرن

تخيلي أم عمر مثلًا تفقع معها و تبلش مسدسات!

سلامتو الشاحن و الشلة

:خطايا: ؟

 

زينة الصبايا

للاسف حتى هاي عم يتنازلو عنها
الله يهدينا و ﻳﻬﺪﻳﻬﻢ

 

Haitham

ههههههههه تخيلت شكل ام عمر وهي معصبه ونازله بالكلاشنكوف بالعالم :)

بنحكيله لا بابا لا تكون نوتي ويلا بحرمك من الاكس بوكس لخمس دقايق ،، بتعرف اسمه ما حد
بمون على ولاده اكتر من دقايق

:( اصلاطن عادي بكره ﺑﺼﻠﺤﻪ

 

نهاية العالم مع إم العمر

هههههههههههه

--------

3 بالله العظيم ما اعرف المدعو ده!

I had to google it and get introduced to 3ammo xbox

:jahil:
!
-------
they won`t fix it, they would use THEIR credit card to order one from the NEW amazon site 4 kids exclusively

PLUS
report u to authorities for abuse

:(

 

hello Whisper,
nice, thought-provoking entry as always, thank you.

I believe I don`t need to remind u to excuse haitham, I trust u already KNOW by now he has issues, multiple ones!

I was about to ask you to mediate for him so as umm Omar won`t kill him or something but you know what, I won`t!
Maybe just maybe she will shot him and we all can have a better planet + I`m not liking it here in Glasgow. Scots are ,,, well let`s just say this whole thing is not for me, i want to go home, as mad it might sound, but I do!

Salutes to dad, a principle is a principle, no matter what!

 

Haitham

على رايك :$ بكره هيام بس تصرخ عليها - مش مسموح طبعا - بس فرضا خياليا فااااا بتجبلك الشرطه :)
شكله لا سمح الله حتكون نهايتك في بلادالفرنجه يا صديقي اللدود :)


طربش

My dear friend. where have u been I miss u soo much
I LOVE ur way of thinking...let Um Omar finish the" business" ;)

I know cold weather is not good for us...angels :)

 

I think it's funny looooooooool

 

هوه المثل يقال لمى يكون في تعجيز على الموضوع
إنه اقرب لتاسع المستحيلات

حتى إحنا منحكيه


بس والدك معاه حق بتعليقه إنه دحشو الستات بكل امثالهم

-----------

حكتولي نهاية العالم ال إم عمرية أه؟؟

سنحكو قلم قايم هههههههههههههه

 

معلش يا سوسو بس الوالد الله يسعده حبّكها زياده شوي... لو ترجع امي عروس لا تعتبر مسبه أو اهانه للام...هي استعاره عن زمن راح ومضى ...زي لما حدا يقول: أيام أبي وهو صبي...
وبعدين ايش بدنا نتوقع من ولد بيبيع عالاشارات؟!!! يعني لو لعن يوم أمه على يوم أبوه... مش رح ألومه.

 

نيسان غضوبه
نيساااااااان غضووووووووووبه

ياااااااااااايز

 

إم عمر: محراك الشر!! *بخوووووووووووووور*

 

صباحك هنا ويسبر ضحكتينى انا شايفه زى نيسانه انه مش سب هو مجرد مزحه زى المثل اللى بيقول عشم ابليس بالجنه معلش هذا هو حال كل طفل مطحون فى الشارع
وحشتينى يا جميله صباحك فل

 

:) أعتقد أنى فهمت المحتوى العام للموضوع وكثير من الكلمات ضاعت منى لأنها باللغة الدراجة

أدعوكم لزيارة مدونتى
http://egypic.blogspot.com/

 

القصه بصراحه لهلا بتضحكني، فعلا معكم حق ان المقوله يمكن طبيعيه بين المصطلحات اللي بنسمعها هالايام..بس عن الرجال بالعاده وخصوصي الجد ولكن الستات و خصوصا الام جديده

الله يعين العالم وما حنلومهم خلص :)

صباحكم ومساكم ورد وفل يا رب و شكرا لمروركم و اهلا وسهلا فيكم