Things I Like To Whisper About

Would You Hear Me Whispering

تعيش الحكومة



تعيش الحكومه...يعيش احمد عرابي... من سنييييييييين و احنا بنعيد هالمقطع من مسرحيه شاهد مشفش حاجه و بنحشش من الضحك عليه, من جديد بطلت اضحك على هالمصطلح, بطل اي شي وحتى لو نكته تقصد بها التسحيج للحكومه يبعث روح الفكاهه من اعماقي.


ما بين الغاء قرار تغيير التوقيت - و اللي انبسطت عليه لاني بكره التوقيت الشتوي - و بين تغيير اوقات الدوام و بين موضوع السيارات الزوجي و الفردي  و الله اعلم شو اللي جاي استوعبت الموضوع و فهمته اكتر, و كتبت هالشي تعليق على الفيسبوك, اللي فهمته ان الموضوع كله حب من الحكومه النا.... اه الحكومه لانها بتحبنا و تعتبرنا طفلها الصغير المدلل فكرت فكرت فكرت و طلعت بهالافكار الرائعه - اه رائعه علشان ما نغتال شخصيه حد - فقررو يطلعو بامور يخلونا "نتسلى" فيها بتعرفو بما انّا شعب فاضي وما في وراه ولا ديون ولا فساد ولا انتخابات ولا خاوات ولا واسطات و لا.... فاااا حبّو انهم يعطونا لعبه زغنونه نلتهي فيها لحتى امور الدنيا اللي ممكن تزعجنا  - اه تزعجنا احنا  مش احنا اللي نزعجهم - تمشي من تحت رجلينا, قصدي تمشي على عيونا, هو هوووو قصدي اممم مش مهم شو قصدي المهم انها تمشي بهدوء و سلاسه 

و زي ما لاحظتو ان حكومتنا الرشيده فاهمتنا كتير منيح و حافظتنا و حافظه ردود افعالنا, و فعلا حصل, مناقشات و حوارات و توهان و تفكير بين ايمتا بدي اوصل ولادي عالمدرسه و ايمتا بدي اروح عالشغل و ايمتا بدي اجيبهم و هالقصص, بين سياراتنا زوجي ويلا فردي و شو بدنا نجيب سيارات و شو بدنا نغير لوحات السيارات - عفكره سألت شخص عن سعر تغيير لوحه السياره طلع بكلف فوق ال 100 دينار للعلم فقط -  و التهينا و نسينا الدنيا, الدنيا مش بره الاردن لان للاسف في كتير ناس مش سائلين اساسا بس الدنيا اللي جوا البلد.


فاااا بهالمناسبه بحب احكي ....تعيش الحكومه....يعيش احمد عرابي...و محمد الكحلاويييييي...وتحيا الامه العربيه...تحيا الامه العربيه.

8 التعليقات :

ta3eesh al 7okomah fy al ma2!

ay sho l wa7ad y7ky ta y7ky ya whisper

habal mon4a6e3 l natheer

 

أنا مني وعليّ
بحب الحكومه
وبكره بيت خالتي
وبدور ع سياره برقم فردي سعرها طري هههههههههههههههههههههههههه

بتحبي العيش والحلاوه
وإلا نوتيلا وعييش؟؟

 

بس سؤال ليش بتحبي التوقيت الصيفي ؟؟؟

 

شيساني

مهو ضلينا ساكتين ضلينا ساكتين الامور بتزيد فلازم نفرغ شويه لحتى يصير في مكان للي جاي :$

 

ام عمر

ومين يختي ياللي بدك تودينا بداهبه حكا اشي تاني..محنا بنهتف تعيش الحكومه :)

انا ممنوعه من المبيت بره البيت اصلاذن لا خالتي و لا خالي ولا ما وراء الشمس

بدي كعك و بيتيفور :)

 

خبر

احنا منع التجول بالبيت ببدا عالمغرب فبهيك بكسب ساعه :)

لا جد بحس الليل و خصوصي الوقت بعد الدوام ما فيه بركه و بخلص بسرعه و ببطل في مجال لاي نشاط خارج البيت

 

بتعرفي لانه في عنا منظومة مواصلات رهيبة و عشان الباص السريع نجح و القطار بين عمان و الزرقاء كمان نجح فكل هاي المشروعات الناجحة بتخلي الواحد يصف سيارته بالبيت و يطلع مواصلات

اي $%@#$@ هيك حكومة عافكارهم! اذا الوزراء و النواب و المسؤوليين و سيارات الديوان المكلي بدها تطبق هاد القرار انا اول واحد بطبقو

و سلامتكم

 

بالزاااابط عالقليله المشاريع اللي نعملت لهيك قرار تكون منجزه..
الله يسامحك بدك اياهم يقررو مشاريع و ينجزوها !! لا تطلب كنهم المستحيل طاقاتهم كلها راحت بالافكار

مكل واحد ممن ذكر اعلاه عندو سيارتين و تلاته و ما حيفرق معهم شي اساسا

و مش بعيد تكون مكرمه جديده كل واحد لطلعلو رقمين لنفس السياره زوجي و فردي علشان ناكل هوا و ﻧﺴﻜﺖ