Things I Like To Whisper About

Would You Hear Me Whispering

اهواك بلا امل





لاا ما بدي احكي عن اغنيه ام كلثوم, بدي احكي عن اسم من الاسماء المستعاره المنتشره على النت, لصمتي حكمه, توتو تتكلم والعالم تتألم - جربوها موجوده عالفيس بوك :$, صمتي شموخي, فوفو الوحيد O_o 

اللي بدي احكي عنها اليوم اهواك بلا امل, قبل فتره اجاني طلب اضافه من شخص بشتغل معي بشغلي القديم, انا بصراحه مش ضايفه عالاكاونت الا شخص واحد من الشغل و اللي متأكده منه و من طريقه تفكيره, شخص طبيعي مش مثل الامراض النفسيه اللي عنّا بالشغل , المهم فتح الاكاونت تبعه لقيت كم من صاحبه الي برضه ضايفينه و بيّن كم بوست عنده, الشب متزوج و عنده ماشاء الله 4 اولاد, كتاباته عشق وغرام , عادي حر الشب يكتب اللي بدو اياه و يحط  اللي بدو اياه عالاكاونت, في وحده باسم اهواك بلا امل معلقه على كل بوست حب و غرم بطريقه بتحسس الواحد ان الكلام الها, و بس فتحت الاكاونت شفت ان في بينا صديقات مشتركين, بيني وبينكم فضولي اللطيف بدا يتحرك شمال ويمين بس انا هدّئت من روعه و سكتّه على مضض

من ضمن الليموجود بصفحته فيديو لاغنيه اجنبيه, صاحبتي معلقه انها كتييييير بتحب هالاغنيه و شكرته انه حاططها,وباقي التعليقات لشباب برضه بشكروه عالاغنيه مع تلميحات غريبه,  انا بيني و بينكم ثقافتي بالاغاني الاجنبي  محدوده جدا كم اغنيه قديمه من اخواني الكبار و كم من اغنيه جديده من اخوي الصغير وكم اغنيه من الافلام اللي حضرتها, شغلت الفيديو لاشوف شو ذوق صاحبتي طلعت الاغنيه محطوطه على صور اشي بخزي, اتصلت بصاحبتي فورا بدي احكيلها تشيل تعليقها لاني بعرفها مش من الاوبن مايندد اشي شبهي تقريبا, انصدمت و بتحكيلي انها ما حضرت الفيديو بس بتعرف الاغنيه و بتحبها, ومن هون و من هون وصلنا الى ...."اهواك بلا امل" :)

بتحكيلي عن اخر الاخبار بالشغل و القصص و اذذذذذذذذذ الاخت اهواك بلا امل موظفه عنا بالشغل, متزوجه و عندها 3 بنات, بحكي لصاحبتي  يعني ليش الهبل و هالشبهه اللي حطت حالها فيها, بتقلي اي شبهه, التنين بحبو بعض :$ نعم يا ماماااااا حبو برص منه الها, طلعت هاي اخر موضه حاليا بالشغل ,3 من الموظفات و الموظفين المتزوجين عايشين حالات حب و هيام, بقضو الدوام مع بعض و بالبيت مسجات و مكالمات و قصص طرمه من لاخر.

يمكن انا بحكي عن الموضوع بنوع من التندر و المسخره و لكن الموضوع بهز البدن, الموضوع غير انه مقزز ومقرف و بصدم الموضوع حراااااااااااااااااااااام, خيانه فظيعه , ومش للهبله البنت لا للتنين الشب و البنت, تخيل زوجها بكون رايح يشتري كم غرض من الدكانه ويلا بشتغل بالشغل التاني اللي بعد الظهر ليجيب لقمه العيش و هي بتحكي مع "حبيبها" و تخيل الزوجه بتغدي الاولاد و بتدرسهم و بتحممهم و بتنظف و بتجلي و الاخ بحكي مع "حبيبته" و الامر و الادهى ان هالعلاقات مش بالخفى لااااا كل الموظفين بعرفو و عادي ما في خوف ما في خجل ما في حيا ما في دين!!!!!

 كيف بتوصل اخلاقنا لهالمستوى من الانحدار!!!  كيف بهون عليك دينك!!! كيف بهون عليكي زوجك و اوادك و اهلك !!! كيف بتهون عليك زوجتك و اولادك و اهلك!! كيف بتهون عليكم نفسكم!!! ما تحكولي هاد اخر الاختلاط بالشغل وهاد اخر شغل الست, الموضوع ما اله دخل, مهينا بنشتغل و اكيد في كتير من بنات العيله بشتغلو اذا مش زوجتك او والدتك او اختك, بتتوقع هالشي بطلع من وحده فيهم, الموضوع مش شغل البنت الموضوع انحدار الاخلاق , الموضوع الفراغ النفسي اللي بخلي امثال هالعالم  يعبوه بالهبل, الموضوع قلّه وعي ديني و اخلاقي.


ملاحظه ع الهامش

بعرف ان الاغنيه لفيروز بس حبيت احرئصكم من اول البوست لاخره وانتو نفسكم تعلقو لتحكولي انها لفيروز  :)

18 التعليقات :

مش عارف شو بدي اعلق بس هاد شيء كبير. والأدهى ان زملاؤهم في العمل بيعرفوا. بطل في حياء او خجل. السؤال المهم اذا كان زميل او زميله لهم في العمل متأكد من هذه العلاقه هل يجب عليه او عليها ان ينصحهم؟ او هل يجب عليه ان يخبر الزوجه او الزوج؟

 

قبل ما اخد اجازه كان في موضوع مشابه و كنّا انا وصاحباتي نحكي انّا ما بصير نضل ساكتين و انّا لازم ننصحهم, حكت وحده من زميلاتنا مع صحاب الشب لينصحوه ولا واحد رد, حكت مباشره معهم بالموضوع و نصحتهم, كان ردهم انهم حرين باللي بعملوه و انهم همه اللي حيتحاسبو وما حد يتدخل...غير اتهامها بالغيره من هالعلاقه...لتشوف سخافة التفكير عندهم

قررنا انّا نوصللهم انه ممكن حد يحكي لازواجهم, كانت النتيجه انهم راحو لصاحبتي و هددوها

بصراحه خفنا :$ و فضلنا انكار المنكر بالقلب و مقاطعه الموظف و الموظفه

ممكن سلبيه مطلقه ولكن ما عرفنا شو نعمل غير هيك

المشكله انه من ضمن العلاقات ال 3 القائمه حاليا بنت متزوجه كانت معنا بتستنكر هالعمل و حاليا هي بعلاقه مع نفس الموظف اللي كنّا نحكي عنه

اشي غريب اللي بصير

 

بصراحة أنا كمان شفت هذا الحكي على أرض الواقع وسمعت كتيييييييير ناس متزوجين وبعيشوا قصص حب وغرام وانتقام للأسف شوهوا صورة الزواج والعائلة والقيم وقبوها مسخرة حسبي الله ونعم الوكيل فيهم!!! مش قد الزواج ما تتزوج ومش قد مسئولية العائلة ما تجيب أولاد بكل بساطة.

بس شو بدي أحكي غير حسبي الله ونعم الوكيل!! بكرة بس ينخرب بيتهم بصيروا يعيطوا عليه

 

سمعت مقولة قديماً , وبدأت أعتقد بصحّتها

الرجل يعشَقْ نساءْ الأرضْ قاطبة عدا زوجته

 

مرحبا..
انا اتابع مدونتك لكن بصمت ويعجبني ما فيها من كتابات..وقد أرتأت ان أعلق بعد متابعة لأكثر من 6 أشهر لمدونتك..
تعليقي على الموضوع الذي تفضلت بهأن مجتمعنا أصبح بعيد عن دينهو الناس تعتقد ان كل شيء مباح من لم يردعه الدين لن يردعه شيء آخر ..
ندعو الله أن يهيدهم

مرة أخرى شكراً لك على هذه المدونة الرائعة

باسم

 

الله يهديهم و يصلحهم

 

Aseel

مش فاهمه كيف بفكرو هالعالم...رباط الزواج و العقد اللي اقرو عليه " على سنة الله و رسوله" حكو الكلام بدون ما يفهمو خطورته

الله يهديهم و ﻳﻬﺪﻳﻨﺎ

 

Black Rain
مأساااااااه اذا هالمقوله صحيحه :$

المفروض الرجل يشوف زوجته وما يشوف غيرها ..
خلينا نعتبر هالقصص خاصه ومش عامه حتى ما يتغير معنى الزواج ﺍﻟﺤﻘﻴﻘﻲ

 

Basem

اهلا وسهلا فيك دائما وجودك و زيارتك لمدونتي المتواضعه بشرفني

بعد زياره صفحتك تبين ان في بينا اصدقاء مشتركين غاليين جدا على قلبي :)

معك حق...قدسيه الزواج و معانيه مرتبطه و نابعه من الدين
والبعد عن الدين بفقد الانسان القدره على الحكم عالامور
اللهم امين
اهلا وسهلا فيك مره تانيه :)

 

متل هيك قصص موجوده من زمان لكن ما كانت تعلن بهالشكل الفاضح و المصيبه انها تصبح علنيه بدون خجل !!!

*حركة الحرئصه ملعوبه و جننتي ...
ايوه ما صدقت وانا اخلص قراءه عشان اصحح لك المعلومه ...رحتي قفشتيني انتي :)

 

صديقي العزيز الغائب الحاضر دائما صالح :)
نبدا بالعتب عالغياب ويلا بلاها؟؟؟
بلاش العتب وبانتظارك ﺩﺍﺋﻤﺎ

اللهم ﺍﻣﻴﻴﻴﻦ

 


للاسف الاعلان عنها وعدم الخجل من تخبايتها مصيبه بتضاعف مصيبه العمل نفسه
بس يألف الناس هيك قصص بصير اسهل اعلان الاكبر من هاد :$


يااااااي يعني زبطت الحركه...مع انه الموضوع ما بدو تخفيف دم بس ما قاومت :$

 

يا خستي! وليش المعترين عاملين اسماء مستعارة اذا كل العالم عارفين مين هما

انا مني منك بعمل اكاونت باسم مستعار, وبفتن عليهم هما الاتنين نياهاهاهاع

بس لأ عنجد, تخيلي تيجي تحكي للاخت هادي اهواك بلا امل انو جوزها بيعرف وحدة عالنت وبيحبها .. قولتك بتعصب وبتغير على جوزها ولا كمان فش احساس ؟!

وبعدين يا عمي مش مبسوطين بعيشتهم يتطلقوا ! اهون شوية من الخيانات العيني عينك هيك

 

I didn`t see this on my reader, honest!

this happens quiet a lot with yr posts 3afikra!

medi laish
:P
----------

u need to open yr mind more ya nana

l 7ayah sa3beh o l stress kbeer

o kol shee mo3a44ad fa ma feeha eshy l wa7ad ydawwer 3ala tanfeesat

3ala al a4al b ni6a4 l 3amal o haik

minha byfokko 3an roo7hom shway o sho bi 3arfik, yemkin l productivity tzeed kaman

-------

2ah bat5awwath akeed o ba7o6 kalimat 3angaleezy o haik mshan asayer l moodah

gal 7ob o 3'aram!

------
eiiiiiiiiiiiiiiiiiih

---------

3ala l hamish

Wallahy la ba3raf enha la umm kalthomatito wala la fairozatito

awwal marrah basma3 b esem el o3'niyyeah
---------

couple of days ago I posted a "thought" on twitter which stired quiet a debate

(t3rafy lamma aseer atfalsaf o a7ky deep o haik)

I share it here :

--------
one of our problems regarding relationships is that u r seldom satisfied with the AUDIENCE we already have, we fish for new/more instead of investing in genuine novel ones we r already in

 

زكرتيني بعمتي الله يسهل عليها ...هي الوحيده اللي بتستخدم هالكلمه :)

علشان ازواجهم ما يعرفو...لا و الفهيمه حاطه صور بناتها ببروفايلها...عاساس بتفكر فيهم يعني

يا ريت بطلع بايدنا نعمل اي شي لنصلح الحال بدون ما نخرب بيوت

اعتقد انهم التنين متأكدين انهم لا يمكن يرتبطو...بس بتسلو الله يسلي بدنهم اليهود

 

Sheeshany


تعليقك بيّن عندي بالايميل و ضليت اعمل ريفرش للتعليقات و بعد 10 دقايق بيّن :$
في مشكله معك انت شكله :$


قلقتني يا زلمه...ان حكيت شكله تأثيرات بلاد الفرنجه بدت تشتغل مع الشب :$ و ابواب المايند انفتحت على مصرعيه...مش اوبن مايند لااا ما فيش ابواب اساسا

حتى الانتاجيه....بدك يحبو بعض و يشتغلو؟؟؟ همه فاضيين يا عم للشغل!!!


فيروزياتك مش ولا بد...شكله ما كان عندك محاضرات عال 8 بالجامعه ويلا كان حافظ كل اغانيها و خاوا مش بكيفك :)
انا من ورا باصات الزرقا عرفت مين عبد الكريم عبد القادر و محمد عبده و حفظت اغانيهم :$ كورس مكثف كان

عجبتني فلسفتك :) معك حق تركيزنا بالاتجاه الغلط و تقديرنا للي بنملكه كتير قليل

 

el moshkeleh 3indy, ok 5alas!
:@
----------

3amto fairooz = 6.5 sneen garfeenna feeha b ayyam l jam3a!

elly byoskon b irbid mosh momken ma yi7fath a3'aneeha 3#asb 3anno!

:)

bas shiklo hal o#3niyyeah faltat

ma dal ma7al bel thakira shiklo

:D

--------

agwa courses = basat 3amman - zerqa

heheee
--------

let`s embrace our audience, not settle for them!

:)

 

ههههههههههه اسألني انا عن كورسات باصات و مجمعات الزرقا

الباص من المجمع القديم للمجمع الجديد و بالعكس كان الظهر يحط اغرب اشرطه دينيه بسمعها بحياتي غير كوكتيل الاغاني الغريبه العجيبه اللي تسمعها وانت ماشي جنب العشرطعشر محل كاسيت بالمجمع :$

كانت ايااااااااااام :$

الاعتراف بان المشكله عندك اكبر settle ممكن احصل عليها منك :)