Things I Like To Whisper About

Would You Hear Me Whispering

عنّي :)




1/ عرف نفسك ؟

ويسبر...همسه...ام الوسابر...ام السوس...الام الروحيه للمدونين....نانا ...WeWe
هيك اصدقائي المدونين بحكولي


2/ ما أكثر ما يميّز شخصيتك ؟

ركازه و كبر عقل مع طفولة مستمره دائما


3/ ما هى اهم نقطة تحوّل فى حياتك ؟

هي مش نقاط...دوائر و خطوط و مربعات, كل مرحله كان في اشياء مرافق الها تنقلني لدرجه جديده من التحوّل


4/ كيف دخلت الى عالم التدوين ؟

بديت كمتابعه و بعد بفتره تشجعّت و بديت اعلّق, بطبيعتي يصعب علي التعبير عن مشاعري بالكلمات و بيوم قررت اجرب اكتب و من يومها وانا موجعه راسكم :)


5/ ما اسم مدونتك ولماذا اخترته ؟

Things I like To Whisper About
كلمة ويسبر الها معنى عميق بقلبي و قبل المدونه كان اسم البلوتوث او اي اسم حركي الي ويسبر
همسات مرات عاليه مرات وشوشه...بوصل فيها اللي بقلبي و مشاعري كلهم ولكن مش لكل الناس...للي بخصّهم بهالهمسات


6/ صف مدونتك ؟

من اجمل الاشياء بحياتي....ملجأي .... عرفتني على ناس رائعين ما اعتقد كنت راح اصادفهم بالواقع


7/ من هم أكثر ثلاث شخصيات أثروا بك من داخل عالم التدوين ؟ ومن خارجه ؟

ما ببالغ اذا بحكي ان كل شخص مر على مدونتي او انا تشرفت بمعرفة مدونته كان الهم اثر كبير بحياتي...كل شخص علّق و تابع...كل شخص نصح و واسى و شاركني بافراحي..كل شخص عرفته هون كان اله اثر بحياتي, و لنكون صريحين...مش كله اثر ايجابي, لكنهم كانو قلّه قليله و لله الحمد

لكن لازم اخص المدون عامر الخليلي...صاحب مدونه اسكدنيا و اللي مدونته كانت السبب الرئيسي لدخولي عالم التدوين


8/ ما هى طقوسك الخاصة عند الكتابة ؟

ما في طقوس, انا ما بقرر اكتب, الافكار بتيجي باي وقت, بكتبها فورا عالمدونه او على ورقه ومرات عالموبايل


9/ ما هو الاسلوب المفضل لديك فى التدوين ؟

اللي في بالي اكتبه بدون تنميق و تفكير و ترتيب, و بدون ما اقلق صح ويلا لأ, بدون ما افكر بشي, و تغيير هالاسلوب هو سبب من اسباب قلّة تدويني الفتره الماضيه, اعاده الصياغه و استخدام المسودات خلّاني ابعد لاني بديت افقد متعه التدوين اللي كانت السبب الرئيسي لاستمراري


10/ فى رأيك ما أهم ما يميز تدويناتك ؟

اي نعم انا مميزه و ملاك يمشي على الارض...وريتني ما ابلى كل شي بكتبه بجنن ...بس بترك الجواب على هاد السؤال الكم انتو :)



11/ ما هو تقييمك لعالم التدوين فى الفترة الاخيرة ؟

ما بننكر ان الهدوء التدويني كان وما زال صايب الكثير من المدونين, الاحداث اللي بتصير على المستوى الاقليمي و على المستوى الشخصي اثّرت و خلتنا نبعد, و لكن فكره التدوين اليومي كانت اكتر من رائعه, المعظم التزم و بدت روح التدوين ترجع من جديد غير تعرفنا عاى مدونين رائعين خسارة كبيره انّا ما كنّا نعرفهم من قبل و لكن ان شاء الله من هاليوم راح نضل متابعين الهم



12/ اختر اقرب تدويناتك الى نفسك وضع رابطها وحدثنا عنها ؟


بالرغم من التعليقات الغريبه اللي وصلتني واللي خلتني اوقف عن كتابتها ولكنها الاقرب الى قلبي, كانت فشّه قلب كبيره الي


بحب كل محاولاتي الكتابيه تحت عنوان "شخابيط وسبريه" بس هاي بالذات الها اثر كبير عندي



بهالتدوينه حسيت دمي خفيف...ما بعرف ليش هالتدوينه بالذات اكتشفت موهبه جديده عندي و ان الكلام بطلع معي بدون تفكير و جد يا جماعه دمي خفيف :)


13/ استعرض اهم المواقف الغريبة او الطريفة التى صادفتك مع التدوين ؟

مش متذكره موقف معين.... بس بالعالم الواقعي انا كتبت عن موضوع بالمدونه و لان الدنيا كتيييييييييييييييير صغيره و بعد ما تعرّفت على حبيبه قلبي ليو و صرنا خوات و حكينا عن كل شي لبعض اكتشفت ان اصحاب القصه اللي كتبت عنها مشتركين بيني و بينها ....ضحكنا يومها لقلنا بس


14/ هل أحدث التدوين تأثيرا عليك ؟ وكيف ؟

كتيييييييييييييييييير.... غير عن اكتشاف نفسي و اكتشاف اصدقاء رائعين, اهتماماتي بالحياه تغيّرت, متابعتي للاحداث و القصص, معرفتي بامور تاريخيه و عصريه ما كانت تلفت نظري من قبل كتير زادت
تعرفت على ثقافات و افكار جديده, تقبّل رأي الاخرين ومناقشتهم بكل موضوعيه و روح اخويه, وجود اشخاص بفهمو و عقلهم كبير بالرغم من صغر سنهم



15/ اختر اى مدون ووجه له سؤال ؟

اول ما بديت التدوين تعرفت على مدونين اكتر من رائعين...للاسف اختفو من العالم التدويني...بدي احكيلهم و لاصدقائنا اللي الهم فتره مختفيين ارجعولنا لانّا اشتقنالكم كلكم بدون استثناء بس بخص بالذكر


8 التعليقات :

ملاك متخف!
هههههه

المفروض أكون شوي محترم بهيك إدراجات و أعلق بركازة

بس

wewe

إيييييييييييييييييييييييييييييه

المدارس باظت يا جدعاااااااااااااان

روحي وسبري بعيد عمو.. يلا .. الله معو

 

قرأتها متخلف :( هي حصلت يا شيشاني بعدين قرأتها متخف ...بطلت زعلانه :)

قضلى اخف من قضى :)

بحكيلك صفّي النيه يا ابو انس...مش راضي...اكسب رضا عمتو ويسبر يا ابو انس...بدوش

مااااااششششششيييييييي

 

إنتي هسع ===> نانا
فبكفي تضليل للجماهير :هيييييييييييييه:

:]

و شو هالترصد هاظ .. الواحد أبتهناش يكتب تعليق (شوي) شرير و اللا 100 هواة على راسه! و المناصرين/ات أبقصروش كمان!

كله رشاوي، معروووووووووووووف

أخ بس على الفساد

و ها أنا كمان

إذا بتفيرزي (يعني فيروز نانا، ركزي.. على الحسااب!)

أنا بالمرصاد

و بالمناسبة: يقطع الشفتات و دوامها
:]

 

حفيرز و افيرز...حتى لو كتبت مره وحده بتحب واحد اسمه شادي و احط اغنيه انا و شادي ...وها


بكره عطله...هاي فائدة الشفتات :)

 

اتشرفنا بمعرفتك همسة خانوم
في شغلات استشفيتها من خلال تدويناتك
وفي شغلات عرفتها اليوم
بالمختصر مهضومة كتير و بتنحبي


شو به الشيشاني
غدا مزعجك بشي نحنا بالخدمة

 

"10/ فى رأيك ما أهم ما يميز تدويناتك ؟

اي نعم انا مميزه و ملاك يمشي على الارض...وريتني ما ابلى كل شي بكتبه بجنن ...بس بترك الجواب على هاد السؤال الكم انتو :)"

لوووووول .. ايش هالتواضع اللي فوق بنفتحي هاظ ... انا بطلت قادر استطيع استوعب افكر ..

والعموم .. مدونتك من أكثر المدونات اللي بزورها .. جميلة جداً .. جداً ..
D:

 

زينة الصبايا

الشرف الي بمعرفتكم كلكم :)
الله يسعدو الزوء كله يا رب...انت قمر و بتشوفي كل شي حلو


ما بتقصري ....لهلأ ماشي الوضع و عارفه اتصرف معه ههههههه الله يستر من هالتعليق :$

 

Mr. Kooz

كيف بس.....تواضعي لفت نظركم كلكم ...يااااا سبحان الله :)

الحلو اني تاركه البقيه الكم و الكل ما قدر يعبّر من كتر ما انا مميزه...بعرف بعرف

الله يسعدك...وجودك دائما بسعدني و وجودكم هو اللي بحليها