Things I Like To Whisper About

Would You Hear Me Whispering

شعب Interface







شعب اهم شي بحياتو العالم و شو رأي العالم و العالم الها الظاهر و مش مشكله شو بنعمل بالخفا و بالسر طول ما هو بالسر, المهم المظهر العام المثالي اللي بنظهر فيه.

مش مهم اللي بنكون متأكدين منو 100% طول ما هو مش معلن قدام العالم بنطنشه و بنمشي عنه, ما عنّا ربط بين الكذب و التخبايه و بين الصدق و الوضوح, ما بنتوقع ان اللي قدامنا بس يحكي و "يعترف" من وجهة نظرنا بما انّا لازم نجرّم اي عمل واضح, و بين انه يخبي او يكذب بالمعنى الصحيح

بهمنا شو بدها تحكي الناس عن لبس فلانه و عن طلعت مع مين و ايمتا اجت و ايمتا روحت,او عن فلان - في حاله القبول بالمساس او الجرأة على محاسبة الشب على تصرفاته - شو بعمل و وين راح و واقف مع مين.


ما بنكر ان ضوابط شرعيه و ضوابط عاداتيه بحياتنا, في مجتمع و رأي مجتمع, بس في بالمقابل حريّة شخصيه و عدم التعدي على حرية الاخرين, في ضوابط عامه متعارف عليها, بس الطلب بانّا نمشي و نعيش ضمن ضوابط شخصيه خاصه فهون المشكله.


مثلا الشب بروح يخطب البنت, بهمه انه ما يكون بعرف عنها اي شي, ما بهمه عاشت علاقات سابقه او لأ, حبت طلعت راحت اجت - انا بحكي من وجهة نظر الشب هون - طول ما هو ما بعرف و طبعا ما حد بعرف فمش مهم, و لكن لو البنت صارحته بعلاقه باعجاب بحب و مصيبه اذا كان في خطبه او زواج, لسا علاقه اهون عنده لان نسبة اللي بعرفو بتكون اكبر, وهالشي تلقائي - ما بعرف كيف - بمس برجولته و كرامته و كبريائه.


الجيران طول ما همه ما بعرفو ولا بشوفو شي فجيرانهم كتير مناح, مع ان البيوت اسرار و اللي بدو يعمل شي غلط بعمله بس المهم انهم ما بشوفو وما بعرفو, و حتى لو عندهم نسبة شك 99% طول ما ان الموضوع مش معلن فعادي بمشي, ولكن بالمقابل لو انهم شافو شي بمعتقداتهم و عرفهم غلط بتبدا الاحكام تنزل على راس هالجيران.

احنا شعب بالاضافه لحبه للتنظير و للتجريم و للتحريم ....احنا شعب بنحب المظاهر و بس

8 التعليقات :

ااااخ بس....شو بدنا نحكي يا ابو زينه

بدل ما تضلها بالقلب تجرح شبه فشيت قلبي بدون فضايح :)

 

هيه معادله شوي صعبه,,

إنه إنت حر بحالك وبتصرفاتك ,,
وإلك حدودك
وكل حريتك بتوقف لمى تتقاطع مع حرية أي شخص تاني

على هاد الأساس, ما بطلعلنا
" على الأقل من وجهة نظري"
نحكم على العالم من خلال تصرفاتها المعلنه او من خلال حكي الناسات التانية عنها أو من خلال موقف شفنا عليهم

ك أبسط مثال
" فلانه مش مزبوطه كل يوم بسياره شكل"
ولمى تفضي حالك ت تشوفي شو قصتها , بتلاقيها بتروّح بسيارات الشركة ,
إلي فاضي من الموزعين بروحها بطريقة,
لإنه معهاش تجيب سياره و عندها أولويات تانيه تصرف عليهم أهم من إنها تركب تكاسي , وماكل ستلاف موقف من المواصلات العامه " حركشات وسرقات و ترصدات"

مع إنه "التكسي" سياره,ولو كل يوم تروّح ع الحارة بتكسي محدنش رح يعلق عليها

فهمتي عليّ وإلا أنا شتيت


على الهامش التاني,اه موضوع ممل
::سمايل بداقرك لإنك إتهمتي بطلانن وزور::
:k:

 

فهمت تماما....المهم الناس تشوف الاشي اللي بدها اياه و تحكم عليه و الله لا يردنا احنا و لا يرد مبادئنا و تربيتنا و حكمنا على الامور


الموضوع كمان ازدواجيه الاراء و المعايير و الاحكام
بتحكي مع الشخص ببين انه ما شاء الله عقليه مثاليه و بس تيجي للجد و التطبيق ببدا شو بدهم يحو الناس...و العالم...المجتمع

بحكيلك شو بدنا بالعالم و عند الجد اهم شي و الاشي اللي بدو يمشي حياتنا هو رأي العالم و شو حكمهم و وجهة نظرهم و لو كنا متأكدين انها محدوده و ظالمه و ملهاش اي اهميه

 

"كل على كيفك والبس على كيف الناس "
و الناس لها بالظاهر... هذا ما تربينا و تعودنا عليه...
اكيد مش موافقه عليه لكن مشوارنا كتير طويل حتى نكون متنورين ونستطيع تقبل الاخرين كما هم والتعامل معهم بدون الحكم عليهم بالظاهر او بدون انتقاد تصرفاتهم...حتى اللي مقتنع انه هالحكي غلط بداخل نفسه بيجاري المجتمع بالظاهر او على الاقل بيسكت لأنه شو بدك تحكي لتحكي ومين بدك تقنعي لتقنعي !
بالاخر نحنا بمجتمع مجبوره تمشي معه وتسايريه حتى تعيشي بسلام معهم !
موضوع الزواج والعلاقات السابقه كتير صعب على الرجل ان يتفهمه طبعا لتاريخ تقاليدنا وطريقة تفكير المجتمع بالنسبه للشرف ومعناه المبهم ومظاهره السطحيه والافكار اللي تربينا عليها...حتى الشيوخ افتوا بجواز ان تخفي المرأه عن زوجها علاقاتها السابقه حتى لا تكون هذه سببا في اثارة الشكوك في نفسه لاحقاً...وزي ما قلتي صعب على الشاب حتى يرتبط بوحده كانت خاطبه او متزوجه قبله ! مع انه ما عملت شي غلط بنظر المجتمع او حرام في الشرع !
كل اللي حكيتي عنه نفسي احكي فيه من حب المظاهر عندنا...ومن حكمنا وانتقادنا للناس على الطالع والنازل و...و خليها على الله ....

 

بكرهو هالمثل....كول والبس و اعمل اللي على ذوقك مدامك مش معتدي على حرية حد

ان شاء الله البس بنفكحي على اخضر سماوي...شو دخل العالم؟؟؟؟؟

" نحنا بمجتمع مجبوره تمشي معه وتسايريه حتى تعيشي بسلام معهم !" هاد هو اللي عاللني :( لانه وقت الجد كل الكلام المثالي اللي بنحكى عن الحريات بقلب وقت الجد و وقت ما يمسنا الموضوع

و النعم بالله....الله يصبرنا على هالمجتمع و نظرته

 

كانك في القلب ويسبر
بس شو الجديد ما هي هيك كانت و هيك رح تضل :))))

 

محاولة فعفطه خفيفه لرفض الواقع المجبرين نمشي فيه :$