Things I Like To Whisper About

Would You Hear Me Whispering

امنيات....كلاكيت تاني مره




كل طفل بكون عنده احلام وامنيات, امنيات واقعيه و اكيد امنيات وهميه بتناسب عمره كطفل متل الطيران اللي هي امنيه مشتركه عند كل اطفال العالم :)

انا وانا صغيره- ولهلأ بصراحه- بتمنى اني الاقي طاقيه الاخفاء
جد كنت اتخيل لو لاقيتها وين ممكن اروح
وفي مكان محدد كان يخطر عبالي
بتعرفو القهوه اللي باخر جبل الحسين؟؟؟
كنا كل ما نروح نزور عمتي نمر من جنب هالقهوه, وفي اشاره ضوئيه هناك
كنت دايما ادعي انو تكون الاشاره حمرا علشان نوقف جنب القهوه
و اضل اتطلع على الرجال والشباب جوا و همه بأرجلو و بلعبو شده و دومينو و طاوله
بس يكون في مجموعه كبيره عالطاوله,بهاد المنظر بكون نفسي الاقي طاقيه الاخقاء و اقعد بالنص و اسمع شو بحكو وعلى شو بضحكو!!!!

امنيه تانيه وبرضه لسا لهلأ بتمناها, و زادت بايام الجامعه وايام الركوب بالباصات
كنت اتمنى اني بس اركز براس اللي قاعد او قاعده قدامي اقدر اعرف بايش بفكر
وخاصه بس يكون اللي قدامي فيه نظره تعب او اكتئاب او حزن
بكون نفسي اعرف شو اللي مأثر عليه و مخليه حزين

امنيه تالته وهي مستوحاه من مسلسل كان يجي على التلفزيون واكيد كتير ناس كانت عندهم هالامنيه
اني بس احط اصابعي على بعض اوقف الزمن :)

بس اكون في موقف محرج بس بدي اهرب من حد اوقف الزمن
كل شي حولي يوقف و اضل انا اللي بقدر اتحرك واي شخص تاني انا بلمسه برجع للحركه


ملاحظه ع الهامش
هاد بوست قديم...لكن بما ان الامنيات لساتها موجوده و ولا وحده منهم تحققت لهلأ حبيت اشاركم فيهم مره تانيه :)

12 التعليقات :

تصدقى فعلا نفس الامنيات يمكن تختلف الاسباب اللى نتمناها عشانها لكن نفسها

طقية الاخفا كنت لسه بفكر فيها النهرده
فعلا محتجاها جداااا :)

ممكن نسلفها لبعض لو حد لقاها

:))

دمت بخير ويسبر

 

أنا بتمنى ألاقي مليون دينار بشنطه ع باب بيتي

لا متفهمنيش غلط,معنديش شنطه سفر وأنا متمنيه ومتمنيه, ف مصاري وشنطه مره وحده

 

آه من هذه الطاقية / الطواقي

لا إيقاف للزمن :( حتى في أذهاننا المتعبة لا نقدر

و بهذا نزيدها تعبًا

 

رؤى

طقية الاخفاء والله اعلم امنيه مشتركه بين الكل :)
ياااا ريت اللي يلاقيها ما يبخل علينا ....لكن حسب علمي ما زال البحث مستمرا :)

ام عمر

طمووووووووحه كتير ليش الحكي...وخصوصا بهالايام

والله اعلم احتماليه انّا نقدر نوقف الزمن اكبر من انك تلاقي هالشنطه :$

شيشاني

بنقدر....بمعلقتين مورفين حجم عائلي كل شي بتعطّل :)

 

جميلة :) لو لاقيتيها طقية الإخفا تبقى تباصيهالى يومين ولا حاجة D:

 

مخدرااااااااااات!

 

Nelly Adel

الله يحلّي ايامك يا رب :)
هههههههههه ولا يهمك...اللي بلاقيها الاول بعمل جمعيه و كل يوم واحد باخدها :)


نورتيني

شيشاني

O_o
مورفين ...دوا التحسس :$
انت حتودينا بدهيه ليه

 

من متى مورفيين دوا تحسس؟
مخدراااااااااااااات؟

 

وكر مخدرات طلع هالمكان!

و إم عمر المروجة #1
قصدي # صفر

:يبلغ السلطات، و خاصة السلطة الروسية بدون مايونيز:

 

اسمها مسكنااااااااااااااااات.... بس كل واحد و طريقة استخدامه الها

:sofera:

 

إحنا جاتنا إخبارية هنا يا ويسبر خانوم بس أنا حدّيك 10 دقايق تخلي المكان لأني متأكد إنك بريئة و معمولك عمل!

انفدي بجلدك و بعد التحريات حترجع الأمور لحالها إن شاء اللااااااه

 

اطلع منها انت يا طربش و خلينا صحاب

عكلن تحرياتكم على فشوش...الدنيا اخر شهر و "الدوا" خالص من عندي :)