Things I Like To Whisper About

Would You Hear Me Whispering

عدت سنة

مساء الفل..

بوست سريع وتجربه،، طبعا المعظم عرف بموبايلي الجديد :) عادتي الحلوه بالتقزيز و الاعلان عن كل و اي شي جديد بصير معي :)
ممتي بالامارات و بالرغم من بعض تغييرات الخطط المرتبتها بس ان شاء الله لسا في وقت للتطبيق، حابه تكون اجازه حلوه لا تنتسى لمميتي

امبارح كملت سنه كامله و انا ضمن فئة المغتربين ... مش مصدقه ان سنه كامله مشيت، المشاعر هي هي مثل اول يوم ... الاشتياق و قبضة القلب و السؤال " انا ﺷﻮ اللي عملته بحالي " لسا موجود بالرغم من التأ قلم اللي ما بقدر انكره على اسلوب الحياه الجديد ...ما بنكر اني حبيت فكره الاستقلاليه الى حد كبير...اخد القرارات و ترتيب الحياه بناء على ﺍحتياجاتي انا مش حد تاني ، تحمل المسؤوليه و تقبل النتائج صار اكبر

هلأ انا في مرحلة اعاده الحسابات و اتخاذ قرارات اكبر ان شاء الله تكون في مكانها ... ادعولنا :)

اخر شي بدي احكي لنيسانه التدوين كل عام و هي بالف خير و سامحيني عالتأخير يا قمر... العمر كله تقضيه بالسعاده و الهنا يا رب


و دمتم

11 التعليقات :

تلفون جديد ؟ شو بتقولي؟

يا ستي مبروك التلفون
والله يقويكي بقراراتك يا رب وان شاء الله تكون بمحلها

تقريبا صارلي 6 اشهر هون انا من ضمن نفس الفئة ’ الله يفرجها

 

اه صحيح ما انت بطلت على الفيس بوك

يس يس يس...جلاكسي نور البيت :)

اللهم ﺍميييين
ان شاء الله بس تيجي زينه و ام زينه الحياه بتصير احلى

يا الله كيف الايام ﺑﺘﺮﻛﺾ

 

مبروك مبروك يا رب
جالكسي نوت والا اس 2؟

الحمد لله , ام زينة وزينة اجو من اول الشهر
والامور تمام الحمد لله يا رب

شايفة بالله

 

الله يبارك فيك يا رب... اس 2 ما حبيت النوت كتير كبير عموبايل غير انو اغلى :)

هاي الاخبار الحلوه...هلأ الحياه حلوت

الحمد لله على سلامتهم

 

مبروك التليفون الجديد

كلنا ويسبر أغراب
كلنا أغراب عن طبيعتنا وعن عاداتنا وعن أشياء بيطلبوا منا نؤمن فيها وهي ما بتستهوينا
صرنا دبل أغراب
أغراب عن وطنا واغراب عن حالنا
متل عم يقولوا بالجبر أغراب أوس 2

رغم سرعة هالبوست ورغم شعورك بسطحيته هو عميق بفكرته وعميق بمشاعرك

وربنا يوفقك بقراراتك الكبيرة
ويقوي قلبك

وكل عام ونيسانة بكل خير يارب

 

:)
و أنت سالمه يا قلبي
وان شاءالله سنواتك الجايه كلها تكون احلى من اللي راحت بألف مره

سلامي لمميتك
:)
وصحتين على الاشياءات الزاكيات اللي لسه هلا شايفتهم على الفيسبوك ,,,

مبروك ال اس 2 عاجبني ومفكره
فيه او جالاكسي نوت بس خايفه ما يساعدني كتير بالبلوغر والتعليق
شجعيني اذا لقيتيه سهل

سلام يا بطتي

 

ويسبر
مساء الخير
وسنة مرت ....وسنين عمرنا كله مرت
المهم ان نحاول ان نستفيد من تجاربنا
مبروك الموبايل ....انتبهت على الفيسبوك
والحمد لله على سلامة الوالدة والله يخليها لكِ ويخليكِ لها
انا شايف انها قضت نص السنة عندك وانتِ قضيتي نص السنة التاني عندها.....ههههه
يعني ما فيش غربة كتير

الله يرضى عليكِ ويسعدك

 

اه النوت كثير كبير ودفش كموبايل

الله يسعدك ويديم عليكي كل اشي حلو

الله يسلمك يا رب

 

طالما مفيش حلوانات وكعكات وبوظات
منيش مشاركه معك بأي شي
وهـــه
هي حرده ع لوية بوز



الله يكون معك ,ويفرجها عليكي يارب

 

ya reto alf alf mabrooch el nobile el jadeed ..
ytrabba b3ezke sitt whisper .. :P

ya3ni bagdar agollek kol saneh o ente slameh .. o nshallah essaneh el jayh betkoon a7la 3aleke ..
o btenhadi lal qararat essa7e7ah elle feha 5airik .. :)

o good luck with ur plans with ur mama ..
hope u'll have great times together .. :)

 

زينة الصبايا

الله يبارك فيكي يا قمر.

انت الذوق واللي بتحلّي اي شي بتقرأيه ما شاء الله عليكي...كلامك وداني لبعيد بالتفكير يا قمر

اللهم اميييييييييين


نيسانة التدوين

الله يسلمك يا قمر....مميتي اليوم تسهلت عالاردن :( بسرعه مشيت الايام سبحان الله

ان شاء الله راح انزّل بوست بكل الصور خلال زيارة مميتي عن قريب :)

الله يبارك بعمرك ...الاس 2 عجبني اكتر من النوت...النوت شاشته كبيره بزياده و النت على جلاكسي ممتاز كتير و بعطيكي فرصه لتعملي كل شي

لهلأ حاببته كتير وكل يوم بكتشف شي جديد فيه