Things I Like To Whisper About

Would You Hear Me Whispering

المصعد




انا بطبيعتي ما بحب المصاعد, مش خوف او فوبيا لا بس بفضل الدرج من باب ان فرصه الواحد يتحرك شوي بدل ما هو قاعد على طول, و لكن بس يكون الطوابق كتيره و العماره عاليه فبركب المصعد عادي و حتى لو لحالي. فوبيا ان المصعد يوقف فيي ما تصيبني مع اني بفضل يكون معي حد لان الموت مع الجماعه رحمه زي ما بحكو و فرصه يكون في حد نتسلى معه و نتحدوت شوي
أي نعم عندي مشكله كبيره بالمناطق المغلقه, حتى لو غرفه كبيره و انتبهت ان ما في شباك او باب مفتوح بحس حالي راح يغمى علي من قلة الاكسجين, حتى بالسيارة لو الدنيا موت زمهرير لااااااااااااااازم افتح الشباك ولو نقطه لاحس بالهوا

ليش هالمقدمه.... لان جديد اكتشفت ان في حلم مزعج دائما مرافقني ومن انا صغيره, كتير بحلم اني بركب مصعد, مرات لحالي و مرات مع حد, مرات بكون واسع المصعد ومرات بكون عالقد القد, و دائما بكون أزراره او كبساته غير عن العادي او مش موجودين اساسا فما بعرف وين اكبس و بكبس أي شي و هات يوقف المصعد او يفتح الباب و دائما في نزلات و طلعات زي الملاهي بتوقف القلب, ومرات بصير يطير زي حلم اليوم , ييدا الحلم بمكان بعرفه و بعدين بنتقل لاماكن جديدة و مرات بفتح الباب على مكان غريب ما فيه ابواب بس مصاعد ثانيه و ينتقل من صغير لواسع لضيق او لعتمه و ضو, وبضل طول الحلم مخنوقه

هل ممكن عقلي الباطن بكره المصاعد لهيك ما بركبهم؟؟

هل في للمصعد دلاله تانيه بالحلم غير المعنى الواضح اله؟؟

ما بعرف بس اللي بعرفه اني بكره هالحلم لأني بصحى خايفه و متدايقه كتير


8 التعليقات :

منتشابه كتير بهاي الحالة

بس بدون الحلم

مابقدر افيدك, بدك تسألي حدن دارس علم نفس
:(

 

صباح الخيرات ويسبر

بالنسبة لي المصعد من الاشياء التي تخيفني
مع انه ياسبحان الله عمري ما طلعت فيه
او اضطريت لذلك!!
لكن لدي خوف جاهز منه والسلام..
والخوف كل الخوف من أنه يحدث يوم اكون فيه ف مكان
لا توجد فيه السلالم!!
على الأرجح في الامارات كثير امكنة مافيها غير المصاعد.

اتخيل الناس المتقدمة تقول لي
اللي خايف ومتخلف يقعد في بيتهم احسن له وللخلق
^^
طبعاً لو اختير لفعل.

بالنسبة للاحلام والله ماعنديش فكرة
وبلاش نضع احتمالات معقدة ليك ف الحالة دي.
^^
يوماً طيباً

 

@Um Ommar

مسا الورد
المصاعد ما بتخوّف....شكلي بخاف من اشي تاني بشبه المصعد :$
شي مجهول شكله

@ لاتي

اهلا اهلا يا قمر
مساكي فل و ياسمين يا رب

هون العمارات عاليه و بدك تطلعي 30 طابق و اكتر ...ما في مجال غير مصعد :$

هههههه...لاااا تخافي العقد موجوده بس بدها تحديد مش اكتر :)

نورتيني كالعاده يا قمر

 

لا انا بعرف علتي رسمي
بخاف من المصعد اللي بالصوره
اللي بكونو جدرانه شفافين
بحس حالي رح يغمن عليّ رسمي
وعظامي بيصيرو يجعوني
وأحيانا بدوخ بجد وكإنه حالة " وقع المصعد" صارت مش تهيءات
غير وجع الراس والصداع هاد

ههههههه,, بتمنهاش هالحالة لحدن ترى

 

يمكن خوفك من الأماكن المغلقة و المصعد أكثر مكان مغلق بنتعامل معه.

قوانين السلامة في كل مكان في العالم بتحتم يكون في أي مبنى درج (سلم) أو أكثر، لكن في بعض البنايات مش سهل الواحد يعرف مكان الدرج

 

Saleh basha :)

ممكن ...الاماكن المغلقه كتير بتوترني و الاماكن المجهولة كمان

معك حق

Anonymous

شكرا لتعليقك و اهلا وسهلا فيكي دائما

ما بنكر اني فهمت التعليق غلط و شوي ازعجني ولكن بعد ما التفت نظري للتعليق و فهمته اكتر و حسيت بالمعنى كتير حبيتك :)

شكرا الك و لاهتمامك ...وفعلا معك حق باللي كتبتيه مع اختلافي بالمعنى الرمزي للحلم لانه مرافق من الطفولة يعني بعمر التفكير محصور باشياء ابسط و لكن تنبيهك كان بمكانه

شكرا الك مره تانيه و شرفني مرورك

 

كلو خطايا!

مبينة

 

مكنتش شعبره اللي شعبرناها :(

اخر مرّه بحكيلكم عن احلامي اصلاطن
وها