Things I Like To Whisper About

Would You Hear Me Whispering

فائدة جديده للشاي الاخضر


وحدة راحت عند الدكتور ووجها مورّم وبقع نيليّة وزرقة!!
قالها الدكتور :
خير شو في شو صايرلك ؟

قالتلو :
يا دكتور , كل ما بيجي جوزي من الدوام بيبلش ضرب فيي..
وما بيخلي مطرح من جسمي إلا ما بيضربني فيه..!

قالها :
غريب بس أنا بعرف جوزك منيح وبعرف انه عاقل وما بيعمل هيك ..!!

قالتلو:
متل ما بحكيلك يا دكتور!!

قالها :
طيب خدي هالدوا , معمول من الشاي الأخضر وشوية أعشاب مفيدة كتير,
وبس تعرفي أنو جوزك صار بده يوصل على البيت,
إغلي شوي منو وضلك عم تتمضمضي منو قد ما تقدري ..
وحتى لو وصل جوزك ضللك عم تتمضمضي ..
وارجعي لعندي بعد شي أسبوعين لنشوف النتيجة!

بعد أسبوعين رجعت ووجها نضيف وما في آثار ضرب بالمرة!!
قلها الدكتور:
شو عملتي؟
قالت
:
عملت متل ما قلتللي بالضبط..
بس أحس إن زوجي راجع ... أغلي شوي..
واتمضمض فيهن شي نص ساعة زيادة..!

قلها :
شفتي شلون هاي النتيجة,
لو بتضلك مسكرة تمك وما تبربري لمن بيوصل جوزك من الشغل
ما كان صار اللي صار من قبل !!!

قال شاي أخضر قال

8 التعليقات :

ومفيد الشاي الأخصر للرجال كمان
:k:

 

خدلك أم عمر!

خالف تعرف
خخخخخخخخ


بس لو تتعلمن الدرس

و شكرا ً لويسبر اللي بتحاول جاهدة مع جنس حوا

:]]]]]

 

UmmOmar

اول شي الله يجبر بخاطرك زي ما جبرطي بخاطر عالبوست بتعليق

تاني شي...زي ما انت ملاحظه ان ما حد ايّد البوست

انسي هيثم شكله تعبان مش شايفتيه بحكي "شكرا لويسبر" !!! من ايمتا احنا مناح مع بعض؟؟؟
هو المطر مأثر عليه

Sheshanee

لاااااا جو الاردن مش ماشي معك بالمره

شو شكرا ما شكرا؟؟؟ شو بدك بالزبط؟؟ اكيد في طلب بعد هالمناحه هاي

البوست من باب الدعابة اللا واقعيه لدعم موقف ادم مش اكتر فلا تسوق فيها

و زي ما انت شايف ..... العالم ما استقبلت هالدعابه ولا استلطفتها :(

 

مهو لو أفتح باجوقي عن إنه ليش محدنش حب هالبوست ,, أبسكتنيش دوا سد الحنك يختي
:k:


لك ينباعو بالعزا الرجال ع هالشاكله اللي ما بتقبلو حكي مرتاتهم و طلباتها وحتى شكاويها متل ما هيه ,, وبروحو بمدو إيدهم " المكسوره بإذن الله" عشان يثبتو وجهة نظرهم أو يثبتو إنهم " مش رجال" وك إخصصصصصصص


هوص,, خلص ,, هوووص إم عمر
:k:

شيشاني,, أجته ضربه ع راسه هديك اليوم,, و وقع من طابق خامس,, ف صابه فقدان ذاكره

إتدقيش

 

صباح الخير اولا
وله له له له تانياً...هيك الله يسامحك؟!!!
يا شماته الاعداء فينا

تالتاً...في شي غلط بالموضوع لانه هاد البوست ما طلع عندي بالريدر الا امبارح مساء وهلا انتبهت انه من يومين.....يعني في خلطبيطه وبيجوز مش باين عند ناس كتير....لكن رب ضاره نافعه ...يختي بلاش يشوفوه
:)

 

UmmOmar

احكي و فشي قلبك يختي

اللهم امييييييييييييين...اكتر انسان بكرهو بهالوجود هو اللي بتلائم على مرته...جد انه مش زلمه

لا الله يسامحك ...تفوليش عالزلمه, بدنا نسفره الله يسعدك :)

نيسان

مهو انا بدي الاعداء يعرفو ان مثل هيك افعال تقع تحت بند

"don't try it at home" :D

هو طلع اكتر بوست انزار الاسبوع الماضي بس شكله حس الفكاهه اللي عندي مش مهضوم هالايام :(

على رأيك بلاا منه هالبوست :)

 

وقعت بس لساتني صاااااااااااااااااامد

 

اهاااااا

That explains it all :P