Things I Like To Whisper About

Would You Hear Me Whispering

A new expatriate joined the club :$




بتتذكرو اول ما رجعت من الامارات حكيتلكم عن مقابلة عملتها بالاردن, الحمد لله استخرت و الامور مشيت وهيني بالامارات :)

الله يجيب اللي فيه الخير ان شاء الله....باب جديد فتح و حكيت اتوكل على الله و اجربه

اشتقت لماما كتيييييييييييييييييييييييييييييييييييييييييييير بس ان شاء الله شهر زمان وبدها تيجي لهون زياره

في سكن مؤقت حاليا و اللي معي بنت لبنانيه بتجنن ومن اول ليله ما نمنا و احنا نتحدث , ان شاء الله تستقر الامور بسرعه

ما في نت ولا تلفزيون حاليا, هالبوست بكتبه عالسريع من بيت اخوي فاذا تأخرت عليكم هون او بمدوناتكم فاعذروني :(

زوجة اخوي و عبود و ايفيلين مسافرين عند اهلها و لسا ما شفت اخوي التاني و فروحه ونور واللي نهاية الاسبوع مسافرين على الاردن , سبحان الله كيف بيوم وليله صار اللي بسافر عالاردن يعني ببعد مش بقرب :(

حاليا النفسية شبه زفت مع شوية فرحه بتجربه جديده, وجود خواني ولله الحمد كتييييييييييير مريح, ممكن انتو بتفكرو اني اخترت الغربه و لكن هي كانت شبه اجباري لاني ما بدي استقيل من الشغل لسبب معين و لهيك ما بقدر اشتغل بالاردن فلازم اشتغل بره, مبدئيا المقرر سنه و بعدين بشوف شو بصير معي

ادعولي......نراكم :)

27 التعليقات :

يا مية ألف مبروك ، وبالتوفيق بحياتك الجديدة في الخليج

 

بالتوفيق يا بطه
ان شاء الله يكتبلك كل الخير .... عاذرينك....بس لا تطولي علينا ابقي طمنينا عليكي بين الفينه والاخرى ...بالفصحى.هههههههه هيك طلعت معي

gooooooooooooooooooooooooood
luck ya 2mar men hooooooooooon lal 2mar

 

Mabrook whisper, I know that UAE is great, I've lived there for quite some time. but you have to be prepared for the though weather. it's extremely hot and humid at this time.

 

ya mar7aba ya mar7aba :D wallah o nawwarat el emarat :D o welcome to the club :)) inshallah mwaffa2a o allah yjeblek elli fi el kheir wein ma kan :) if u need anything e7na 7adreen :)

 

الف مبروك ام السوس

الله يفتحها في وجهك ويوفقك
بتستاهلي كل خير والله

بس اشتري لاب توب بسرعة واشبكي نت

:)

 

ويسبر
مساء الخير

رغم اني لا اعرف لكِ اسما لا اوله ولا اخره ورغم انني لا اعرف لكِ شكلا الا انني حين قرأت الادراج شعرت وكأن اختي التي اعتدت ان ازورها كل يوم وتزورني كذلك قد سافرت وابتعدت عني
بعدين صحيت وتذكرت زينة وفرح وسوزان وسمسم وياسمين ووجع البنفسج وصالح وهيثم والكثيرين واللذين وان باعدتنا المسافات معهم الا انهم قريبون الى الروح وادركت انك لا زلت معنا قريبة ولن تبعدك عنا المسافات
اتمنى لكِ كل الخير في عملك الجديد ونلقاكِ هنا دائما بخير

 

بالتوفيق ويسبر، برغم كل معاناة الغربة و لكن الحصول على فرصة لتغيير الأجواء هي بمثابة حلم عندي

أتمنى لك تجربة ناجحة و موفقة :)

 

مبروك الشغل الجديد. التغيير صعب في البدايه بس حلو بعدين. وإن شاء الله يكون للأفضل

 

يالله ويسبر!
هيك بتروحي من غير ما نشوفك! عن جد اتنكدت أنا:S

 

الحمدلله على السلامة وأكيد نورت الإمارات بوجودك فيها

ان شاء الله تكون آية الرزق كما يقولون
وأكيد الغربة سوف تكون تجربة رائعة تزيد من خبرتك في الحياة

أتمنى لك التوفيق في عملك وفي حياتك الشخصية

حفظك الله وحماكي من كل شر وسوء ونستودعك الله الذي لا تضيع ودائعه

 

الله وسواك ويسبر ودوري بالك ع حالك :)

 

وانا بحكي مالها الامارات منورة :)
اهلا و سهلا عسوووولة

عندك رقمي من ام عمر احكيني امتى ما فضيتي :)

الله يوفقك و يرضى عليكي و يرضيكي دنيا و اخرة يارب :)

 

الله يوفقك ويحميكي

 

الله يوفقك يا رب
تجربة جديدة و غريبة
تحمسيييييييييييي

 

ويسسسسسسسسسسسسبر
عنجد الف مبروك وانشالله ابترتاحي و ابتنبسطي هناك

ديري بالك عحالك و ما تحكي مع ناس غرب

 

الله يوفقك يا رب و يسهل طريقك و يكتبلك الخير بكل خطوة
لا تغيبي كتير و ضلي طمنينا عليكي
بالتوفيق

 

الله يوفقك يا رب و يجعل هاد الشغل قدموا خير عليكي من كل الجهات
احكي امين :)
استمتعي بكل شي جديد عم تعيشي وتجربي .. الحياة مرة وحده :)
موفقة

 

صدقيني المكان لازم تبعدي عنه عشان تصيري تشتاقيله وتغيير جو وإكتساب خبرات ووضع جديد ولا تنسي لا يبقى على هو إلا هو
وإنا لله وإنا إليه راجعون
لووول
دخلت في الجو حاسه حالي زي عادل الإمام لما صارو يحكوا نبقى آخر حلاوة والصلاة على النبي

صدقيني لو بيطلعلي هيك تجربه ما بحكي لأ .. بس مين بدو محاميين
:(
يمكن في خورفاكان

 

الله يبارك فيكم يا رب و شكر لكلامكم

احمد....الله يبارك فيك, الخليج و الشووووب و الرطوبه :$ الله بعين

نيسان....الله يسعدك يا بطه :)

Tha2er.. Thanks my friend :) it was 45 degree yesterday and there were some thing like fog from the humid :(

Hb...Manwreh bewjodek yta amar :)
Ameeen ya rab teslamy ya zoo2


نادر...الله يبارك فيك...عقبالك اذا بدك :)

في لاب توب بس ما في نت :( بس هانت ان شاء الله
لسا معتمده على المعونه الاخويه الانترنتيّه :)

 

يوسف....كلامك رائع كالعاده
ان شاء الله ما في بعد, وزي ما حكيت لنادر قريبا النت بدها تيجي, ويلا شو اللي بدو يصبرني غير اني احكي مع ماما و اشوفها و ازوركم كل يوم؟؟؟

امين يا رب

جعفر...الله يبارك فيك و ربنا يكتبلك الخير و يحققلك كل اللي بتتمناه عن قريب

مالك....الله يبارك فيك و ان شاء الله يكون في هالتغيير خير

ميسو...شفتي يا قمر, الموضوع اجا فجأه و عالسريع وما لحقت اعمل شي :(
يلا بركي انتي اجيتي زرتينا هون :)

سراج الماضي...امين ..شكرا

صالح...امين يا رب.. شكرا الك :)
طولت الغيبه...لعل المانع خير ان شاء الله

سوزان...الله يبارك فيكي يا قمر, ولا يهمك ربنا بحمى الجميع ان شاء الله :)

Lioness ...الله يسعدك يا قمر, منورة بوجودك
طبعا الرقم معي و بكرة ان شاء الله برن عليكي لاعطيكي رقمي الجديد :)

 

قويدر....امين يا رب...شكرا صديقي :)

قطورة....امين يا رب, تسلمي يا قمره, متحمسه و لكن لا بد من موضوع الخوف و التردد بالبداية شكله :$

كعكي... الله يبارك فيك يا رب ...لاااا توصّي حريص :)
وين هالغيبه ...طولت كتير
هلأ انتبهت ان في ادراجات جديده, ان شاء الله راح اقرأهم كلهم

هوسة...الله يبارك فيكي يا قمر, ان شاء الله بس يجي النت كل يوم بشبك بطمنكم و بتطمن عليكم كمان

هنا...مش عارفه اسمك هنا و يلا هناء!!!
اميييييييييييييييييييييييييين يا رب :)
تجربة جديده وحلوه فعلا ولكن لو بس مميتي معي بتكون الحياة لونها بمبي :)

نورنياتي.... ههههههه بتذكر هالموقف بمدرسة المشاغبين

هو في منو, بتحسي انك لازم تبعدي شوي و القرار ان بس لسنه والله اعلم شو يصير بعدها
بركي اهلي اجو هون كمان ....الله اعلم :)

 

مبرووووووووووووووووووووووك

و مخبية طول الو"ئ"ت يا عفرييييييييتة

خخخخ

بتخافي من الحسد "إم عمر" .. بعرف ، كلنا بنعرف

بحب أبشرك إنو الصيف جاي!
و الشغل فيه تحدي بس هلاااااااااااااك
و إنو حتكون فيه طوش

و بسسسسسسسسس

لوول

---
يعني راتبك الأسبوعي حيصير أكثر مني أخيرا
؟!

"شكلو ما شفتي تعليقي لسا عند نيسان ببوست يوم ميلادها"

----

وينك يا نادر! تعال خوذ قر"ظ" ثاني من أم الويسبر

-----

سعال: اللبنانية حلوة؟ مخطوبة شي
؟
هسسسسسسس

هذا سؤال مشفر و مو لإلي .. لأ

أبدا ً إطلاقا ً

:-]]]]

*أم هيام غيرت رقمها فما تحاولي تفسدي!

 

يكتبلك ربي بكل خطوة سلامة وبكل قرار الخير والبركة
هي تجربة متل ماحكيتي وان شاءالله بتيجي ع اللي في بالك يارب ولا تترددي وتخافي مع أنو شي طبيعي بس لاتخليه يسيطر عليكِ وراح تثبتي حالك أكيد
(:

ويسبر ديري بالك ع حالك ماشي؟
ودعواااااااااااتي لك مش راح أنساكِ من الدعاء ان شاءالله


فااااتني كتير بوستات بس ان شاءالله أكيد حأقرأهم (:

 

Sheeshany

الله يبارك فيك يا رب....
مهو حبيت افاجعكم انا :)

الله يسهل عليها ...من غير شر غايبه وانت ماخد راحتك بجيبة سيرتها :$

الصيف ببدايته لسا و الحراره 45 :( الله يعينّا على شهر 8 و رمضان ...اجر ان شاء الله
من زمااااااااااااان ما شفت شي عالنت لا بوستات ولا تعليقات
بركي بالاجازه قدرت اشوف

المهم النت اجا اخيرا

اللبنانيه مخطوبة و عرسها بشهر 12 ...ريّح اللي بدو يتطمن O_o
و رقم ام هيام صار لازم و ضروري يكون عندي

Bullet

اميييييييييييييييييييييييين يا رب :)

المشكله ايام بكون شوق ومع الشغل و اليوم مليان بمشي الوضع و ايام بكون قلبي بغلي و بندم و بشتاق لماما بالذات كتييييييييييييييير كتيييييييييييييييير :"(


الله يسعدك يا قمر
لا تنسيني من الدعاء دائما

وانا كمان فاتني كتير بس ان شاء الله بالاجازه برجع بعوّض اللي راح كله

 

التفاصيل الثانية مش مهمة
المهم إنو في وقت ل شهر 12

بدنا نخرب الموظوووووووووع

برظاي عليكي إبعثيلي وسائل الاتصال للأخت اللبنانية و بسرعة + شو بتحب / شو بتكره / لونها المفضل / و اللي منو

-----

شوف كيف الناس بتكسب حسنات و هي قاعدة - اللللللللللللللللللله!

نميمة بيضاء هاي بس على كلّ

خخخخخخخخخخ

-------
btw
قرأت شرورك على مدونة كعكي بس مش قادر أفتح صفحة التعليقات عندو! و لا تقولي خطايا!

 

برضاي عليك انت ابعتلي وسائل الاتصال بالاء
صار لازم ولابد نتحاكى انا و هي :)

هههههه...لا هي خطايا