Things I Like To Whisper About

Would You Hear Me Whispering

الفاضي بيعمل.....



زي ما كلكم بتعرفو و بناءا على تذكيري الكم بالموضوع 1500 مرّه فانا من شهر 10 وانا مجازه من الشغل :) راحه نفسيه مش طبيعيه الحمد لله, نفسيا و جسديا مرتاحه و خصوصي نفسيا لاني كنت احس الشغل بدو يغير من نفسيتي, هلأ الكل ملاحظ اني جدا ايجابيه و دائما بضحك و الحمد لله.

بس اللي ما بتعرفوه اني فاضيه ولكن ما معي وقت احك راسي - على رأي وحده صاحبتنا و بتكرهنا وخده بالك حضرتك - وقتي مليان عالاخر و باشياء مسعدتني و هاد الفرق بين هلأ وبين وقت ما كنت مشغوله بالشغل اللي كنت احبه كتيييييييييييييير و لكن بكره الاداره اللي فيه, الحمد لله كل الاداره تغيرت و الوضع صار احسن و اذا ما صار و اشتغلت لشهر 10 فانا راجعه عليه :)

المهم خليني احكيلكم و انا فاضيه شو بعمل

  • بنت مرضيه :)

كل وقتي بقضيه مع بابا وماما, من الصبح لليل و لهيك بالغالب ما بشبك منيح الا بالليل, انا حابه كتير هالشي و بابا و ماما مبسوطين اكتر, ما بعرف موضوع اني كنت وما زلت يمكن اسافر خلاهم يتعلقو فيي اكتر, اي مشورا اي اشي بنحضره اي شي بناكله لازم مع بعض و بالاغلب مع مميتي :)

  • طالبه :)

ايون طالبه.... غير دروس الفقه و تفسير سورة النساء اللي متعوده عليهم من وقت الشغل انتسبت لنادي بندرس فيه تفسير الجزء 28 و حفظه بالاضافه لمحاضرات تربويه

من ضمن الاشياء اللي بناخدها بالنادي في دروس طبخ فااا بتقدرو تحكو عني شبه طبّاخه :)
عملنا هاي الاشياءات الزاكيه ....اول صورة بنت خالتي اللي عملتها بس انا اعملها بفرجيكم الصوره ان شاء الله, الباقي لتارت و لطبخه اسبانيه كتير زاكيه اسمها Paella تعلمنا كيف نعملهم و اكلناهم :)











بالاضافه لمحاضرات منفصله بيوم تاني مش بالنادي في اساليب التدريس لطلاب صعوبات التعليم و هاد بنقلني للعمل اللي بعده

  • مدرّسة :)

رجعت للتدريس الحمد لله و هاد من اللي حسّن كتير من نفسيتي, زي ما حكيتلكم قبل اني كنت ادرّس طلاب في جمعيه الايتام و حاليا بدرّس طالبه جديده بعرفها من قبل و لكن اول مره بدرسها, بدرسها عربي و رياضيات, هي صف تاسع و مستواها يمكن صف رابع, للاسف مستواهم كتير متدني وان شاء الله اقدر اعمل فرق , لكن التعامل معهم مره تانيه كتييييييييييييييييييييييييييييييييييييييييير ببسط, برجع وبنصح الكل يحاول يتطوع بهيك مشروع لانه بحسسك النعمه اللي انت فيها غير سبحان الله في راحه نفسيه و سعاده غريبه بتدخل على قلبك
وفي مشروع تاني اذا زبط بحكيلكم عنه :)

و اخيرا وليس اخرا

  • محاولات مصوّره :)
مش بس رين و الدكتور وحل و هنا اللي بحبو التصوير...لااا ويسبر كمان بتحب التصوير :)























الباقي صور من الامارات بين دبي و العين :)













19 التعليقات :

ما شاء الله عليكي يا ويسبر متعددة المواهب. طبخ وتدريس وتصوير وكتابة مدونه ومش عارف ايش كمان:)ـ
ان شاء الله يديم السعاده عليكي دائما.ـ
شكرا على الصور. استغلالك وقت فراغك بمساعدة الايتام شيء تغبطي عليه. يا ريت الناس عنا تتعلم العمل التطوعي احسن من طق الحنك.ـ

 

احلى فضاوه...ما شاء الله عنك
كل هاد وفاضيه!!!! ممممممممم على الصور والمشهيات..عجبتني فكره دروس الدين مع الطبخ...وين هاي؟؟؟

 

اول شي يعطيكي العافية :) عجبني تدريس الأيتام !!
الله يوفقك :) الصور حلوين كتيير ..صور السما حلوييييييييييين ..

 

و الله و الله كنت بدي أسأل عن مصير ال"ضحايا" اللي بتدرسيهم

لوول

---
صورة ال"فوشار" هي الأروع!
----

يقطع الشغل و سنينه
----
و بسسسسسسسسس

* الكيوي قتلني! مش شايف غيره بالصور + آه يرحم جدي صرت أعرف الكيوي
و الله ما ذقته بحياتي بالأردنّ

ههيهيههيييي

 

حكيتي شيء كثير مهم وبيشبهني وهو اني فاضية ونفس الوقت مش عارفة احك راسي ..ومش عارفة شو اللي شاغلني !!
بالنسبة للبابا والماما .. ماتضيعيش ولا لحظة تعيشها معاهم ،، اسعديهم واقضي وقت اطول معاهم .. بالنسبة للتجارب الثانية فهي مسلية ومفيدة في نفس الوقت .. كمان تصويرك حلو ،، امبارح حاولت اصور بعض الصور ولكن للاسف مالقيتش حاجة اصورها وكمان الكاميرا كانت بطاريتها فاضية "" فقستني يعني !!"" يلا خيرها في غيرها
استمتعت بكوني هنا ..

 

Good job whisper!! It looks like you are using your time very wisely. The best thing is that you are enjoying everything you're doing :)

 

حلو كتير كل الهوايات وهيك ما شاء الله عليكي بتعملي شغلات كتير ما شاء الله
ع فكره ما في احلى من العمل التطوعي انا بلاقيه في اله مردود كبير وفيه متعه اكبر من العمل اللي نتقاضى عليه فلوس!
الله يخليلك ميمتك وابوكي يا رب
انا بحب الحلويات كتير والله يسامحك ويسامح هيثم دايما مدمرين الدايت تبعي حراااااااااااااااااااااااااااام !!

 

كتير حبيت البوست ويسبررررر
يا الله شو نفسي استغل وقتي كلّه
تصويرك حلو كتييييير
and I wanna try that Paella it looks delicious <3

اكتر اشي حبيته انك بتقضي وقت مع اهلك لأنه انا جديد تعلمت قيمة هالاشي

الله يوفقك يا رب
<3

 

ما شاء الله عليك , بس الواحد لما يكون فاضي بيبدع فأحلي شي الفضاوة ,

تحياتي
رشا

 

Jaraad

الصراحه....الله يعينكم عموضوع التدريس :$ لولا اني مبسوطه مع الطالبه و انها بس وحده كان ابصر شو صار فيي :)


هيني بحاول استفيد من وقتي بكل شي جديد :)

امين يا رب...اجمعين ان شاء الله

العفو..المهم يكونو عجبوك الصور , موضوع التعامل مع الايتام هاي تيسير من رب العالمين و الحمد لله ان شاء الله بس ترجع تستقر بالاردن بتفيدهم بخبراتك التدريسيه

الوعي اجمالا عم بزيد وبين كل الفئات, المتطوعين بين طالبات مدرسه و موظفات و متقاعدات و شباب طلاب جامعات و موظفين

Naysan

و الحلو ان في يوم بفيق من ال 7 الصبح :( ابااااااااااااااه

بس الحمد لله جد مبسوطه

ههههه اه شفتي بالبدايه بناخد عن الجزء 28 و بعدين بننتقل عالطبخ و الابداع :)

بالصويفيه المركز اذا بتحبي ببعتلك ايميل بالتفاصيل ....ياااااا ريت تقدري تيجي
هو كل يوم اربعاء عال 9 الصبح :)

 

Hana

الله يعافي قلبك يا رب :)

كتييييييييير حلو وممتع, بنصحك تجربيه
انا بحب الغيوم و الغروب كتير كتير

و بحب البحر...وبحب الورد...وبحب الشجر.. شكلي بحب كل شي :)

ربنا يحلّي ايامك

Sheeshany


O_o
اصلاطن انا منيحه معهم و همه بحبوني
لو تشوفهم من اول الممر بس يشوفوني بركضو علي :)
بحبهم كتير

انا و مميتي بنحب البوشار كتير كتييييييير لهيك دائما في بوشار جاهز

امييييييييين يا رب :(

له له له...بس تيجي عالاردن الك 2 كيلو كيوي بس عشرط تاكله بقشره لاني سمعت انه مفيد كتير :)

 
أزال المؤلف هذا التعليق.
 

وجع البنفسج

الله يعطيكي العافيه
انت ما شاء الله في عيله و دائما مع العيله ما في مجال دائما فاضيه مشغوله

الحمد لله...ربنا يقدرني اني اسعدهم و اكسب رضاهم دائما

الله يحلي ايامك يا قمر
الربيع كل يوم موجود و اطيد الا ما تلاقي اشي بجنن عندك تصوريه
بنستنى الصور قريبا

نورتيني...وجودك بسعدني جدا

DR.N


Thanks ya amar:)

Yeah wal7amdolellah I'm enjoying every minute of it :)

 

Sozan

سبحان لله...ربنا ببارك بالوقت بس تقضيه باشياء مفيده و ممتعه :)

جد فيه راحه نفسيه مش طبيعيه العمل التطوعي, ربنا يقدرنا على فعل الخير دائما

تسلمي يا رب...ويخليلك اهلك وكل احبابك ياااااااااارب

خلص خلّي اليوم اللي بتشوفي فيه صور اشياءات زاكيه هو ال
Off
و كل براحتك :)

Rain

حبتّك العافيه يا قمره
ان شاء الله بس تخلصي الجامعه بتصيري افضى شوي و بتعملي كل اللي بدك اياه

ربنا يحلّي ايامك.....شكله كلنا بنحب التصوير, هو الربيع بخلي الكل يحب التصوير :)

كتييييييييييير زاكيه
ليوم بحط الوصفه اللي اعطتنا اياها المس :)

تسلميلي يا عسل

 

Rasha

تسلمي يا رب

فعلا...فضاوة و نوم منيح و راحة بال بتخلي الواحد يبدع :)

شكرا للزياره
و اهلا وسهلا فيكي دائما :)

 

هو بالفعل أنا باكله بقشره على فكرة :)

"جزء منه"

 

يا لهوي لهوي آكل براحتي بصير زي نبيل شعيل المغني الكويتي حراااااام عليكي !!

 

يا سلام يا سلام شو هالأشياءات الزاكيه هاي :) لازم تكتبيلنا الوصفه :) لوووول ....ما شا الله عنك أهم شي الواحد يتقوى في دينه الله يحفظك يا رب.....الواحد لازم يكون متلك يقضي وقته بشي مفيد آآه والله