Things I Like To Whisper About

Would You Hear Me Whispering

خارج الصور



حاسة حالي عايشة بين صور كتير في حياتي
اللي بحبها و اللي بكرهها واللي بتبسطني و اللي بتزعجني
ولكني مش جزء منها
حاسه حالي خارج هالصور كلهم وبس متفرجه وما الي دور ولا تأثير
وما الي صورة خاصه فيي ارجعلها حتى
هالشعور مش صحيح ولا صحي انا متأكده
بس حاسه ان ما الي اي اثر او تأثير
حاسة حالي خارج كل الصور اللي بعيش معها و فيها


19 التعليقات :

مالك يا ويسبر ليش هالكآبه بعدك صغيره وما شاء الله عليكي !
انت اللي ممكن تغيري من الواقع على الرغم انا شايفه انك في الك اثر يعني بكفي طلاتك علينا وروحك الحلوة لكن اذا حابه تعملي شي لا تستني عليه واعمليه لو شو ماكان ولو شو حجمه كله اله اثر
الله يطلعك من هالحاله يارب ويعينك عليها ديري بالك الكآبه مو منيحه يمكن انت بحاجه لفرووووووحه حبيبت عمتها :)

 

We all have this feeling sometimes no matter how positive we are! We all have our weak moments. Just try to be stronger sweety to win the battle with yourself.
Inshallah you feel better soon. xoxo

 

شعور غريب بس وصف معبر جداـ

 

خارج الصور
خارج المكان
خارج كل شي يا ويسبر إحنا بهالزمان

---

لا استفدنا منك على هالصبح!

 

مو كتير فهمت بس يمكن قصدك انوا ما في شي خاص الك؟؟
اكيييييييد في بس دوري منيح واذا ما في اذن لازم تعملي شي خاص فيكي صورة الك وحاولي تخليها حلوة كتير مشان لما ترجعيلها تحسي انك ما ضيعتي ايامك ..
بالنسبة للأثر .. بتصور انك من الشخصيات اللي بتأثر بالناس وين ما تروح .. الك كاركتيرك الخاص اللي بخليك تعلقي بذاكرتهم وبالتالي اكيد اثرتي في حدا .. على الاقل اثرتي بالمدونين وخليتهم يسيروا يكتبو بموضوع عنجد ومؤثر كل شهر مرة :)
بس انت استعيذي من الشيطان واقرأي المعوذات وتذكري الأشياء الحلوة و بروح الشعور انشاللة :)

 

Sozan

لا الحمد لله مش اكتئاب ...هو مش تعاسه كمان بس شبه انعدام للسعاده
وهو كان شعور وقتي والحمد لله لاني اليوم فرش عالاخر مع اني صاحيه بدري :)

الله يسعدك و يسعد كلامك اللي دائما برفع معنوياتي

اذا بس قرأت اسم فروووحه قلبي صار ينط فشو حيصير بس يجو باخر 5 :)
عم بنعد الايام و بنستنى يجي اخر 5 بفاااارغ الصبر
لكن التلفونات شغاله بيني وبينها و خاصه انها هلأ صارت تحكي اسمي صح وكامل و طالعه بتحب المي والسباحه لعمتها :)

الله يبعد الاكتئاب و الكآبه عن الجميع

Susu

Exactly and that's why I wrote it's not healthy nor right
Al7amdolellah it passed for me and I woke up with a big smile on my face :)
Thanks ya amar :*

 
أزال المؤلف هذا التعليق.
 

Jaraad

انا بس اركز منيح بطلع معي الكلام :)

ملاحظه ع الهامش

قبل ما ابدا التدوين ما كنت اعرف اعبّر عن اللي بحس فيه و سبحان الله بس بديت اكتب الكلام صار يطلع لحاله ...الله يخليلنا المدونات :)

Sheeshany

برين ستورمنج عملتلك شكله على هالصبح :)
يلاا فكر... فكر :)

 

Hana

هو احساس ما بين عدم السعاده مع العجز على التغيير الجذري باشياء بتخصني

كأنه متفرجه عاللي حوالي ولكن انا مش قادره اعمل الشي اللي بدي اياه...مساحتي شبه ملغيه بحياتي انا مش بحياة الاخرين :$

ان شاء الله اكون وضحت :)
اذا انا تهت :$

الله يسعدك يا قمر...ما بتتصوري سعادتي بكلماتك :))))

ما النا غير رب العباد و كلماته ليطلعونا من اي شي مزعج بحياتنا

شكرا عالنصيحه و ان شاء الله اداوم عليها :)

 

كلنا بنحس هيك كل فترة و التانية و انشالله بيروح هالشعور
كل ما تحسي هيك اعملي هيك بدون تخطيط اشي منيح لحدا بدون مقابل و فورا رح تتحسني

<3

 

اممممممم.. كإني بعرف هالشعور!
إنشاء الله إنه عارض وبيروح بسرعة..
الله يهني أيامك ويسعدها كلها يا رب..

 

طيب ...الحمدلله انك هلا مفرفشه
لاني قرات البوست من الصبح وما عرفت شو بدي اقولك شي غير عن الحكي التقليدي تبع الله يفرجها ويهونها عالجميع:)

ترى انتي بس تتفلفسي بعرفش ارد عليكِ
:)))
بس من الاخر: احلى فلفسه

 

اذن حاولي تغيري الشي اللي زاعجك !! والتغير أي شي بدك اياه لازم يكون سهل بس حددي شو اللي بدك اياه :)
واكيد لازم تداومي عليه بالأخير القران نور للبصيرة
والله يطلعك من هالحالة والشعور قريبا يااااااااارب

 

ما بتخيلك أبدا يا وسبر مالك أثر ولا تأثير .. لما تعرفي ترسمي ابتسامة على وجه متعب من كلماتك بس .. ابدا ما بصدق ولا انت بتصدقي هي بس لحظة و عدت اكيد :)

الانفصال عن الصورة عندي بيكون في الأوقات اللي بدي اعاتب نفسي و أأدبها فيها تأديب من اللي يربيها فلا تعود لهبلها تاني .. و بيكون انفصال عن الصور اللي بتعنيني شخصيا و انا و تصرفاتي عنصر اساسي فيها ..

توصل فروحة بالسلامة و تنبسطوا سوا يارب :)

 

Rain

حبيبتي قطوره...الحمد لله راح :)

معك حق....بس تعملي خير و ايش ما كان سبحان الله فورا بتتحسن نفسيتك :)

كيكي

ممكن بظهر هالشعور بس يكون في حواليكي عجئه كتير و لهيك انت كمان بتعرفيه

الحمد لله رااااح تاني يوم صبحت ناسيته :)

اميييييييين يا رب...ربنا يسعدكم كلكم و يفرح قلوبكم و يكتبلكم كل الخير

 

Naysan


الحمد لله ...عالاخر :)

هههههههههه حبيتها تتفلسفي
هو فجأه بطلع الكلام, من كتر التركيز ويلا من ضغط الموقف مش عارفه و هالكلام كتبته بدون تفكير فتحت المدونه و كتبته زي ما طلع براسي

الله يحلي ايامك يا قمر :)


كيف خالو؟؟؟ ان شاء الله يكون بالف خير وان شاء الله ما تكوني نسيتي تسلميلي عخالتو :)


Hana

بس اعرفه شو هو لاغيره على طول, مع ان ايامي هالفتره مش روتينيه ولا هاديه بالمره...ممكن العجئه بتولد هالشي

ان شاء الله...ما في غيره بهدّينا و بهدينا

طلعت :) تسلميلي يا قمر

 

هديل

الله يسعد ايامك و كل اوقاتك يا رب و ربنا يديم البسمه عوجهك و الفرحه بقلبك يا قمر

عجبتني طريقه محاسبة النفس اللي بتستخدميها.... انا بس اجي انام ببدا بهالشي و براجع يومي كله و بتكون الريمايندر لتاني يوم مليانه بالاشياء اللي لازم اعملها لازبط الاخطاء :)

الله يسلم قلبك يا رب...و ربنا يجمعك مع اطافيل العيله و كل اللي بتحبيهم عن قريب :)

 

اكيد ما نسيت ....بتبعتلك احلى سلامات
وخالو كويس...ان شاء الله احسن

 

الله يسلمك و يسلمها يا قمر

والحمد لله انو خالو بخير
الحمد لله على سلامته وما يشوف شر يا رب