Things I Like To Whisper About

Would You Hear Me Whispering

اكتب معنا عن....



فكرة جميلة جدا من صديقنا المجمعنا دائما على الخير يوسف, هالفكره حسب ما بتزكر حكتلي عنها قبل سوزان وقت ما كنّا ناويين نعمل مسابقه مدونة شتاء 2010 , ملخص الفكرتين هو تحديد موضوع معين لكل شهر بحيث يكتب عنه اكبر عدد من المدونين لتبادل وجهات النظر و الافكار و الاراء, و لتعريف الناس بالموضوع , و هالشي يستمر لاسبوع من نهاية كل شهر, وتحديد موضوع جديد للشهر اللاحق, يعني مثل موضوع اطلاق العيارات الناريه في المناسبات و اللي الحمد لله كتير ناس اتفاعلو معه و كتبو عن الموضوع بوقتها واللي اكيد راح نرجعله في الاشهر القادمه و نضل نرجعله لحتى نحس ان في اثر تغيير ممكن يحصل.

بدي استأذنكم باني راح اختار 3 مواضيع من اللي اقترحهم صديقنا يوسف للكتابه عن واحد منهم في نهايه هالشهر و اللي موضحين في الاستفتاء الموجود على يمين الصفحه, و ابتداءا من الاشهر اللي بعدها بتم طرح مواضيع جديده بناءا على اراءكم, ممكن نرجع للموضوعين اللي ما انكتب عنهم في الاستفتاءات الماضيه و نضيف اشياء حسب اراءكم وحسب الاحداث او الذكريات اللي بتطرأ على حياتنا بوقتها

بناءا على نتائج الاستفتاء اللي حتنتهي في 24 من كل شهر يتم تحديد الموضوع اللي راح نكتب عنه و تستمر الكتابه لمده اسبوع حتى نعطي فرصه لاكبر عدد من المدونين يشاركو بعض بالافكار و وجهات النظر المتشابهه او المختلفه, و في اول الشهر اللي بعده بتجدد الاستفتاء بمواضيع جديده.

عندي استفسارين
كيف راح يتم اقتراح المواضيع؟؟؟
و طريقة لنجمع كل التدوينات عن موضوع الشهر مع بعض و في مكان واحد

مبدئيا عندي اقتراح, ممكن يتم طرح المواضيع في التعليقات على مدونتي او اي مدونه بتكون كاتبه عن الموضوع و اصحاب المدونات مشكورين بخبروني فيها لاقدر اضيفها عالاستفتاءات, و بالنسبة لتجميع التدوينات انه يتم وضع تسميه موحده لكل موضوع و بهيك بنقدر نوصللها و انا بجمعهم بمدوني بنهاية الادراج اللي حينكتب عن موضوع الشهر ....شو رأيكم؟؟؟

و اللي عندو اي اقتراح ياااااااااا ريت يشاركنا

واللي ما عندو تعليق و حابب الفكره يا ريت تشاركو بالاستفتاء :)

24 التعليقات :

مساء الخير
والله يرضى عليكِ ويسعدك
وان شاء الله تكون هالمواضيع المشتركة بداية لديمومة مجموعتنا وتوسيعها ودوما نحو غدِ افضل ومستقبل احسن
انا اقترح ان يشارك كل من يرغب سواء بالكتابة من على مدونته او بالتعليق على مدونات الاصدقاء
وممكن في نهاية كل شهر ان نقوم بتجميعها على صفحة جديدة تفتح للمجموعة تتضمن كل الكتابات والتعليقات وممكن نتشارك بالتنفيذ حتى لا نثقل على احد
بمعنى كل شهر يتولى ايٍ من الاصدقاء مهمة نقل وتبويب المشاركات والتعليقات على ان يصار الى ترتيبها حسب اسبقيّة نشرها حرصا على احترام مشاركات الجميع

طبعا بناءاً على طلبك مجرد اقتراحات

دمتِ بخيّر

ملاحظة:اللون الابيض على التصويت غير واضح
رجاءاً اذا امكنك تغييره ليسهل قراءة عناوين المواضيع المقترحة
وانا اذا سمحت سانقل التصويت الى صفحتي وممكن اقتراح نقله الى صفحات الاصدقاء من يرغب

 

Yosef

مساء الورد

اميييين يا رب العالمين

المهم الجميع يشارك حتى ولو عالقليله باختيار المواضيع و اقتراحها, فكرةطريقة تجميع الادراجات حلوه كتير بس وين هالصفحه تكون؟؟؟ نبني مدونه جديده مثلا ؟؟؟ اذا اه سهله جدا بس المهم نقرر قريب لتكون جاهزه قبل اخر الشهر وانا ما عندي مشكله اجهزها :)

طبعا ممكن تنقل التصويت وكنت ناويه اطلب هالشي من الجميع لحتى تنتشر الفكرة اكثر بس نسيت

تم تعديل اللون الابيض و هلأ صار واضح ان شاء الله :)
شكرا عالاقتراح و التنويه

 

بقترح جروب عالفيس بوك مثل جماعة انكتاب
وهيك بتكون المسائل أكثر تنظيما

ما انا يا عمي من زمان بحكي التدوين بدو رفاهيه
ما حدش مصدقني :))

 

يعطيكِ العافيّة ربنا

اكيد مدونة جديدة ونختار لها اسما جامعاً
ونضيفها جميعا الى قائمة اصدقائنا
واترك لكِ وللاصدقاء اختيّار الاسم المناسب

دمتِ بخير

 

موضوع كتير كتير حلو أنا حبيت الفكره :)
بس يا ريت المرات الجاي تكون المواضيع بتهم الشباب أكتر ومشاكلهم زي مثلا ارتفاع سن الزواج ....المعاكسات ...عروض الأزياء بالشوارع ...الطلاق بين الشباب ....هيك أشياء

 

مياسي

خلص بنعمل مدونه و بنعمللها جروب عالفيس بوك شو ورانا احنا, لانّا بدنا نضيف التعليقات عالمدونه و عالفيس بوك ما في مجال :)

رفاهيه من الاخر :)

Yosef

الله يعافيك صديقي.... بنستنى اقتراحات الاسماء من الاصدقاء وانا من بكره ببدا اجهز الشكل العام للمدونه الجديده

تحياتي

 

Orangee

الله يحلي ايامك يا قمر

الفكره مشتركه وهي انتي كمان اشتركتي بالمواضيع اللي حتنطرح في الاشهر القادمه ان شاء الله

ارتفاع سن الزواج
المعاكسات
عروض الازياء بالشوارع
الطلاق بين الشباب

شكرا يا قمر :)

 

كنت حابب يكون فيه موضوع رابع للتصويت من وجهة نظري أهم من المواضيع الثانية (على أهميتها)، و المفروض إنه موضوع الساعة لأنه أساس كل ما يجري حولنا، عشان هيك أنا ممتنع عن التصويت.

لو سمحتوا بلاه الفيس بوك (إلا إذا كان رفاهية)، أنا ما إلي خبز هناك و لا ناوي يكون لي أي علاقة بالمدعو إياه

 

Saleh

ويلكم باك لكرسي المعارضه صالح :)
جد استفقدنالك هناك

نيجي للجد

اذا انك بتحكي عن الثورات وحركات التغيير و قمعها و المعارضين فهالشي انكتب و راح يستمر الكتابه عنه تلقائي

ليكون عيد ميلادك يلوح في الافق واحنا مش عارفين :)

الفيس بوك لحتى يشارك فيه جماعة الفيس بوك ولكن المدونه الجديده هي الاساس....منيح :)

 

شايفة حمل السلم بالعرض من إختصاصي
:-)

خلاص إنتو فصلوا و إحنا بنلبس

 

انا مع صالح في الموضوع يعني كان لازم ينضاف الموضوع الرابع في الاحداث اللي عم بتصير ومش شرط الثورات مثلا اليوم صارت رابع جريمة شرف في الاردن وباعتبر من اهم المشاكل التي تواجه المجتمع الاردني
الفكره حلوة كتير وشكرا للمتابعه على الاقتراح :))))

 

Saleh

ذكرتني بابو عواد ....هو اللي كان شايف اللي بصير صح عفكره

الله يسعدك...بالعكس احنا بنستفيد من اقتراحاتك انت اقترح واحنا بنرفض الاقتراح على طول .....زي ما حكا يوسف ديمقراطية هون اه ويلا :)

ايش الاقتراح الرابع اللي كان ببالك خلينا انضيفه للاشهر القادمه :)


Sozan

جد :(
ما قرأت عنها

الاشهر جاي ان شاء الله و اقتراحاتكم هي اللي بتثري الموضوع

اذا اضافه موضوع جرائم الشرف للاشهر القادمه :)

لا لسا في شوية عقلات مركزين و متزكرين....الكبر لسا ما عبر شكله :)

 

حبيت الفكرة كتيير :)
بس انا مو شايفة المواضيع المطروحة !!وين الأستفتاء !!

 

ok shfto :P sorry al 3tb 3ala al nazar :P

 

Hana

حبتك العافيه يا رب :)

هاد شو كان عملتي لو ضلّ اللون الابيض القديم اللي نبهني عليه يوسف و ولا شي مبين :$

بسيطه....هو بيني وبينك انا حاطه مليون شي عاليمين :)

 

أنا "كمان" معارض

و معارضيييين كمان

فيس بوك! *يغمى عليه* + ما بدنا يكون على مدونتك

و أي اقتراح من أم عمر + نورنياتي مرفووووووض من الآن و إلى الأبد

و سلامة فهمكو

 

الله يعطيكِ العافيه مقدما ...واذا احتجتي اي مساعده انا جاهزه...احكي معي او ابعتي لي ايميل يا بطه

في فكره شبيهه بفكرة المدونه المقترحه هي بيت المدونين المصريين
ح اترك لك الرابط شوفيها ممكن تساعدك
http://bloggers-house.blogspot.com/

 

السلام عليكم
فكرة جميلة
إن شاء الله أكون في الركب معكم

و بالتدريج كل شي شوي شوي

" امنح الثقة "

 

طيب يا جماعه الموضوع رائع مبدئيا ,شايف يا هيثم مبدئيا بس !! المهم الي طرح ان شاء الله بالموضوع و مبدئيا لاي مساعده انا جاهز ) حتى لو فنيا ماخده بالك ويسبر(

 

Sheeshany

له له له لو عارضت قبل كان اصريت ان كل شي على الفيس بوك نعمله :(

وبالنسبة للطلب التاني و الثالث ولااااا قرأته انا ولا ناويه اقرأه

و بستنى اي اقتراح من ام عمر و نورنياتي لان طلباتهم اوامر :)

Naysan

الله يعافي قلبك يا رب

الله يسعدك بدنا ابداعاتك اكيد وخصوصي بالاسم و بالتعريف بالمدونه الجديده :)

بنتحاكى ان شاء الله قريب لنتفق
وشكرا عالموقع بشوفه وبستفيد منه اكيد :)

 

Alirbidi

وعليكم السلام ورحمة الله وبركاته

اهلا وسهلا فيك...طبعا بشرفنا اي مشاركه و انك تكون معنا :)

ههههههههه....شكرا على الثقة :)

 

W7l

اهلا اهلا اهلا :)
وخده بالي و بشدّه :)
و بدي اخد بالي لاني حسيت الموضوع لازم يكون متقن ومرتب من اوله وبالاتقان ما بدك غير دكتور معه اي باد يزبط الوضع عالاخر :)

بنتواصل برضه لنتفق على كل شي قريبا :)

 

(: موفقيــن
ومع فكرة انو تكون مدونة جديدة بتضم جميع الكتابات
الله يقويكِ (:
::
المواضيع المطروحة مهمة
وان شاءالله راح شارك بأفكار ومواضيع تانية ... راسي مليااان بس من الضغط ما عم يطلع شي !
::

 

Bullet

ان شاء الله كلنا نتوفق بهالفكره :)

انت معنا اكيد بتطبيق الفكره و باقتراح مواضيع جديده فلا تطولي علينا :)

ربنا يهدي البال يا قمر....وما تفكري كتير كله بتعدّل ان شاء الله