Things I Like To Whisper About

Would You Hear Me Whispering

اخيييييييييرا رجع


يا مدارس يا مدارس
شو اكلتو ملبس خالص
والملبس بالكبايه
اشكرك يا معلمتنا
عنظافة مدرستنا
مدرستنا حلوه خالص
اجا البابور البابور
اجا خالي من اسطنبول
حاكاني تركي تركي
خلّى عويناتي تبكي
الدنيا برد الدنيا برد...ست ساميه بتقطف ورد
الدنيا شوب الدنيا شوب...ست هند بتقطف شوك

من الصبح وانا بنشد هالانشوده اللي تعلمتها بالصف الثاني "ب" بتعرفوها؟؟؟...بالبدايه اهلي استنغشوني بعدين قلقو خصوصي انو اليوم كان يوم السطلان العالمي عندي شكلها من التأثيرات الجانبيه للدوا لاني لساتني بريضه :(

المهم
شو هو اللي رجع؟؟؟
التوقيت الصيفي :)
انا بكررررررررررره التوقيت الشتوي و بعشق التوقيت الصيفي, بحب النهار الطويل اللي بتعملي فيه 100 شغله و لسا ما اذن المغرب توقيت الربيع و توقيت الرحلات و الطلعات.

المفروض بكره نروح رحله لان الجو بجنن و لكن اهلي مترددين, مميتي بتحكيلي بدك تروحي رحله بهالحلق اللي عليكي :$ هو بني وبينكم الدكتوره اليوم بس حكتلي لوزك "معملين" وقع الكلمه و المصطلح علينا كان قوي, بحكيلها ملتهبين قصدك بتحكيلي لا الوضع اكبر "معملين" و ال بدها تعطيني ابره, وانتو بتعرفو موقفي من الابر :( وبعد صد و رد اعطتني دوا قوي و لغت موضوع الابره :)

ان شاء الله اصبح منيحه و نروح لاني بدي اشم ريحة الربيع....نيسان اجا يا جماعه و المناظر اللي بتجنن و الجو المنعش رجع كل سنة و انتو سالمين, ضبو الشتوي و طلعو الربيعي و خلولكم كم من جاكيت وشال لليل :)

كل ربيع وانتو بالف خير
ان شاء الله يكون موسم خير عالجميع
وان شاء الله تنبسطو بهالربيع لانه زي ما بحكو

الدنيا ربيع ...والجو بديع...قفلي على كل المواضيع :)





هالاغنيه هديه ل ‏‏"طب ‏... عوجهو‏" ‏:‏)‏ و لهديل طبعا :)

ملاحظه ع الهامش

ست ساميه معلمتي بالصف الاول "أ" و كنت احبها كتييييير, بتجنن كانت الله يسهل عليها ويجزيها كل الخير
و ست هند معلمتي بالصف الثاني "ب" و بكككككككككككككككرها كنت الله يسهل على هديك الايام :$



21 التعليقات :

هو في حدى ما بحب التوقيت الصيفي. إحنا الحمدلله صار إلنا اكثر من اسبوعين على التوقيت الصيفي مع انه نزل عنا ثلج قبل كم يوم. الربيع شكله مش ناوي يجي.ـ
اذا بدك نصيحه اخويه ما الها علاقه بالصحه بالمره اطلعي المشوار حتى لو انك تعبانه. الأيام الحلوه مع الأهل ما بتتعوض. والربيع عنا بالأردن مدة اسبوعين اصلا. نسأل الله لك العفو والعافية.ـ

 

الله يعينكم....حلو الثلج ليوم و خلص لكن يستمر هيك بكئب بصراحه

ان شاء الله طالعين بكره....هاد اللي حكيته لماما, الربيع راح يختفي بسرعه و بيجي الصيف فلازم نستغل الوقت

الله يعافيك يا رب...الحمد لله شكل الدوا فعلا قوي و صرت احسن

 

با الله ما احلى الصيف انا الشتا بيسبب اكتئاب الي خاصه هون في ميتشيغان الشتا طويل والشمس بتطل فقط في المناسبات !
اطلعي وشمي الهوا يمكن حتى تطيبي:)

 

الحمد لله على نعمة المطر....و لكن انا مثلك ما بحب جو الشتا بالمره حتى لبس الشتا ما بحبه

ان شاء الله....وهيني رايحه انام فورا ;)

 

بطل الليالي و بتروح الليالي و بعدك على بالي على باليييي .. انت روعة الروعة يا وسبوورة .. قبل شوي روحت مهدوودة و لاقيت كلماتك و الأغنية هدول دبوّوا فيّ الحياة اللي بتضيع في نهاراتي المتعبة ..و سلامتك يا قمرة المدونين :)

 

b7eb april it's my month :DDDD
bs I love Rain too T_T

 

هون توقيت وااااحد
:)

---

مس غادة - صف ثاني هـ

كنا 9 صبيان بصف فيه 25 بنت

أحلى صف :p

---
بعرف إني شتيت عن الموضوع
بس مهو لأنك حاطّة عمتو فيروز!

grrrrrrrrr

 

نعم الحمدلله للتوقيت الصيفي...والحمدلله ع سلاكتك كمان يا بطه

طمنينا عنك وعن رحلتك...اذا عملتوها

 

ألف سلامة عليكِ
ما في أحلى من الربيع بالأردن فلازم تطلعي و لمة العيلة حلوة

بتمنلك وقت جميل

 

كل ربيع وانتي بخير
وسلامتك من المرض يا قمر

بس انا والله ما بحب التوقيت الصيفي :(
يعني انا نظرتي للموضوع ( صحيان قبل بساعة ) ويعني لا تقولي مهو بتنامي قبل بساعة :D
كما واني بشكل عام بحب الشتوية اكتر بكتييييير من الصيف مشان هيك صعب اكون من المتحمسين لتغير التوقيت
بس أهو بنتعود

 

Happy Spring :)
Enjoy the trip. I miss the outdoors so much but we haven't seen the sun for 5 days straight :(
nchallah by the time you get my comment, you'll be feeling much better.

 

سلامتك ويسبر ... اللي بيكرهوكي :)
انشالله تكوني رحتي رحلة :) الجوا كان بجنن :)

 

بتعرفي انه التوقيت الشتوي هو الأصل :P
يعني اسألي الكبار بيقولولك انه التوقيت الصيفي هو المستحدث..وكأنه الختيارية ما بطيقوا الصيفي :)

أنا مش فاهمة كيف كانوا عايشين :$

 

هديل

الله يسعدك يا احلى هدووول بالدنيا...مش احنا بنشبه بعض فانت اكيد الروعه :)

الله يعطيكي العافيه يا رب....ربنا يديم عليكي الصحه و على قلبك الفرح دائما يا قمر

ربنا يسلم عمرك...لاااا الحمد لله منتاااااز وضعي هلأ :)

Rain

we all love 'Rain' 6ab3an...but we love spring more ;)

 

elsong hay awal marra baasma3 feha.. ma a5adnaha bel tani ebteda2i e7na:(( yemken 3shan kont fe sho3beh alef:P

A7la shee el tawqeet el saife.. bet7esse el nhar sar elo brakeh... o elwa7ad be2dar yenjez feeh aktar..
o kol 3am o ente be alf 5air rosess

 

Sheeshany

يا ريت يضلو صيفي عنّا...احلى بصراحه

ههههههههه....طبيعي احلى صف

عمتو!!!
زيي يعني؟؟؟
افهم من هيك انك بتكرها!!!

منطق...واحد عنده بدله بعتز فيها الربطه "الكرافه" اللي بارانب بتلبقلها طبيعي ما يحب فيروز

Naysan

الله يسلم قلبك يا رب :)
رحنا والحمد لله كانت بتجنن...قريب بحط الصور ان شاء الله :)

 

Alirbidi

الله يسلمك محمد :)

فعلا و الحمد لله كانت لمه حلوه :)
تسلم يا رب, الجو كان كتير حلو وكانت الرحله جدا ممتعه

همسة

وانتي بالف خير يا قمر...انا عندي تحسس ربيعي ان شاء الله ما يجي السنه :$
الله يسلمك هموستي

لاااا ما تحسبيها هيك...اول شي بدك تلغي التوقيت القديم وما تقارني فيه, بدك تحسبي انك طلعتي من البيت و رحتي عالشغل و طلعتو تغديتي انت و صاحباتك و لفلفتو بالمول و روحتي و الساعه يا دوب 6 و المغرب لسا مطول :)

اذان المغرب عند اهلي كان يعني انا لازم اكون بالبيت ...هلأ تطورنا وصرنا عالعشا :)
بتعرفي كبرت :$

انا من محبي الربيع وبفضل الصيف عن الشتا

 

Dr.N

Happy spring to u too ya amar :)
I did wal7amdolellah...the weather was very nice, the spring smell and the views were perfect

It still winter there :$ Allah ye3enkom

Al7amdolellah I'm feeling verygood now thanks 7bebti :)

Hana

الله يسلمك يا رب....وهم مش كثرو بس موجودين ليش الحكي :)

بالعاده بحكولي ان شاء الله بسة الجيران و بنبسط :)

الحمد لله رحنا....فعلا كان ممتاز
انتظرو الصور قريبا :)

 

Dreamy Villager

جد!!! مع انو مش حلو :$

ههههه يلااا الحمد لله اني اخيرا طلعت من الصغار اللي ما بعرفو :D

البركه بتزيد باليوم بحس و الجو بدو هيك توقيت

Ahmad Merie

LOOOOL because u r from the 80's :$

2aw m3alemtak kanat mesh 7afezt-ha :)

Belzabt....kteeeeeeeer 2ashya2 btenjezha w lessa fe wa2et ma3ak mesh 5alas sarat lail
Thanks :D
w 2enta b2alf 5ear sadeqi :)

 

أييييييييييوه
هو دا المنطق

glad we DO see eye-to-an-eye .... NOT
:Pp

 

هاااااا O_o
ده انجليزي ده يا مرسي؟؟؟؟؟