Things I Like To Whisper About

Would You Hear Me Whispering

The newest member of our family...Eveleen :)


كان موعد ولادة مرة اخوي ب 1-1-2011 و لكنها باخر شهر من كتر ما تعبت و زهقت كان نفسها تولد باي لحظه, ولمّا قربت نهايه السنه و تحديدا لمّا اتصلت فيها ب 29 -12-2010 حكتلي بما انها صبرت لهلأ وما ضل كم يوم فخلص الافضل عالسنة الجديده , وحكتلي عن البيبي اذا كانت عنيده زي اخوها عبود فأكيد هلأ بتقرر انها تيجي قبل, وسبحان الله تاني يوم اتصل اخوي عال9 الصبح بحكيلي هينا بالمستشفى و اجت اجدد حفيده في عيلتنا "ايفيلين" :)

ما تحكولي ما بزبط " عبد اللطيف" و "ايفيلين" زبطت معنا :)
و على رأي اخوي "بما ان مرته رضيت تكون "ام العبد" فشكرا الها اذا بتخليني اشوف البنت مش انو اسميها " :) و الاسم اجا من تجميع اسماء ماميتها و والدها لمرة اخوي :)

الاشي الجديد اللي عرفته من مرة اخوي التانيه ان في ناس كتير بس يعملو شهادات ميلاد "لبناتهم" بغيرو بتاريخ الميلاد يعني لو مثلا انولدو باخر 12 مثل ايفيلين بكتبوهم باول السنه اللي بعدها, لانه حرام نكبرها سنه كامله و بس تيجي تتزوج - البنت ما صارت شهر لسا - بتكون مواليد 2010 و بتكبر سنه كامله :$

وهالشي عرفته مرة اخوي لما جابت "نور" واكتر من وحده حكتلها انها تعمل هيك, مع انو "نور" بشهر 10 انولدت, حكولها عادي بتكرمي اللي عالكاونتر و بمشيلك اياها !!!

معقول لسا في ناس بفكرو هيك بهالزمن؟؟؟؟

31 التعليقات :

ههههههههه
مبين العناد من الصورة:))

أول شي أهلا وسهلا بالست إيفلين-دخلك انو شو هالاسم هاد!!

تاني شي أنا بعرف انهم بيصغروا الولد عشان ما يروح عليه الصف اما البنت عشان تتزوج!
جديده هاي والله!!

 

مياسي

حبيبتي شو كشوره :)
عبود كان هيك وهو صغير...بابا كان يحكيله "مافيا" ههههههه

اهلا فيكي يا قمر...يلا مشيها

مهو بهيك يا ستي البنت بتكون اصغر بسنه عن عمرها الحقيقي ...مش مهم المدرسة المهم الزواج ;)

 

alf hamedallah 3alasalmtha waslmet mart a5oke .inshallah al3omer kolo ya rab bels7wa wel salama wa bdon aboha wa amha ya rab .

mabarak inshallah

 

ما شاء الله عليها كثير حلوه. بارك الله في الموهوب لكم

 

mashallah allah y5alleeha elkom o la ahelha :D

 

أنا بعرف انهم مرات بصغروهم مش بكبروهم عشان يخلصوا دراسة عالبكير. أخوي انولد بشهر 12 كمان، المشكلة انه لما دخل المدرسة كان عمره 5 سنين و عن جد بتفرق، بتحسي حرام لما يصحوهم الصبح عالمدرسة :( انو لساتو كتير زغير :(
بعدين أول مرة بعرف انه البنت لما تيجي تتزوج لازم العريس وأهله يشوفوا شهادة ميلادها :\ احنا بالعيلة عنا بكفي شهادة الصف السادس :P

 

no comment on (making her a year less,, lol)

but dfntly COMMENT on HER !

shikelha ,,, sa3beh , looooool

don`t u just looooooooooooove babies!

PS: ma 7atsadgy ba3raf, bas kont 3am baktob post (newest member of our family) ,, kan 3an lo3beh shareenaha mbari7 la hiyam, bas ba66alt la2anno 7ati7ky enng gallood,, 2azdy 2allood!
:P

 

عاد انا بحس بالعكس مثلا اذا الطفل انولد بشهر واحد يسجلوه انه ب 12 مشان ما تروح عليه سنة
أما انهم يأخروه فليش يعني
0_O
مبروك الأمورة الجديدة ماشالله وجهها منور من أولها شكلها مشروع ناجح
:D

 

صباح الفل والعطر والياسمين
صباح كل حاجة حلوة في الحياة

مبروك ، وحمد الله على سلامتها الماما
والله يحمي البيبي ايفيلين
فعلاً اسم مركب.

ان شاء الله تكبر قدامكم وتعيشوا واياها
احلى اللحظات واجملها.

بالنسبة لتساؤلك صديقتي
هو
هذا الزمن المفروض فيه امقرضت اشياء بالية..لاااااااا هذا الزمن تحديداً
مصر على تراكمها وتخليد تلك
الأمور العجيبة.

يوماً طيباً لكم جميعاً
وبالصحة والسلامة دايماً

 

مسا الخير
اول شي مبروك البيبي الجديد يتربى بعزكم :)
بالنسبة لموضوع تاريخ الميلاد هم ما بيعملو هيك مشان العريس!!! مشان المدارس .. انوا حرام تروح عليها سنة كاملة بالمدرسة بس مشان يومين ثلاثة بشهادة الميلاد

 

NrJordan

Allah ysalmek ya amar :)

Ameeeeeeeeen ya rab w rabna y7ma ur sweet angels ya rab

Allah ybarek be3omrek 7bebte :)

Jaraad

الله يبارك فيك و يحلّي ايامك

عقبالك ان شاء الله :)

 

hb

2ahlan 2ahlan ya amarah....I miss u here :( 5alas u have to start ur own blog la7atta da2eman 2at6amman 3alekee :)

Ameen ....teslame ya rab w 3o1balek :)


Rand

هلأ بالعاده هيك بعملو....اخوي ابو فروحه هيك عمل بابا معه :$

لكن بالنسبة للبنات ..ما تخديها هلأ , بالنسبة الهم 19 بتفرق عن 20 و 29 بتفرق عن 30....هاي شغله زواج مش لعبه و طبعا كلهم بالطعشات متزوجين اللي حكو هيك :)

 

Sheeshany

Ok :)

7bebtee hadyeh bs 2eza z3lat :S men el2a5er btebda ma fe n2na2aaa :)

I LOVE them sooo much w bst3'reb men elly ma be7ebohom....bs 2akeed 2elhom wejhet nazer :S

LOOOL bs 3alashan t3raf meen 2allod w meen 2elly besro"g" men eltanee el2afkar :D

Rain

هالشي بالعاده للولاد بعملوه ...بس هدول بفكرو انها بس تيجي تتزوج بتكون اصغر بسنه , يعني لمّا لازم يكون عمرها 20 و يحكو انها 19 بتفرق معهم كتير


الله يبارك بعمرك يا رب....تحسين نسل من الاخر صار عنّا بالعيله
ولاااااااا الها دخل فينا بصراحه :)

فرووحه ونور شبهنا :)

 

Lati

صباح منعش و معطر بريحة كل الورود الك يا احلى اخت بالدنيا :)

الله يبارك فيكي يا رب...الحمد لله البنوته و ماميتها بخير

امين يا رب...وربنا يخليلكم الاولاد والاحفاد و يزودهم و يفرحكم فيهم

للاسف لسا في عقول مش راضيه تتحرك ولا راضيه تنفض عنها هالافكار الباليه

ربنا يسعد كل اوقاتك يا قمر

Hana

مسا الورد

الله يبارك بعمرك يا رب

مش بكبروها....بصغروها سنه
يعني مواليد اخر ال 2010 بحطوها بال 2011
يعني بدل 20 سنه بتصير 19 و هالشي طبعا بفرق عند بعض الناس بموضوع الزواج
صغيره و كبيره...اصغر منه و اكبر منه...اكبر منها ب سنه غير عن اكبر منها بسنتين و هيك

 

ما شاء الله...تبارك الله,
اللهم اجعلها من الابناء الصالحين البارين
تعيش وتربى بدلال اهلها وعمتها نانو ان شاء الله
من شابه اهله ما ظلم....عنيده عنيده... الله يعينكم

 

Naysan

تسلمي يا قمر
ربنا يخليلك حبايبك و يفرحك فيهم يا رب

اللهم امين

ههههههههه هو الموضوع وراثه عن العيله بيني و بينك
الرجال كلهم بعيلتنا عنيدين بشكل ممل....

بس اكيد ولا واحد منهم بعترف ...برضه عناد :)

 

ما شاء الله...تبارك الله، إن شاء الله بتتربى بعز أهلها و يخليلها عمتها عشان تدلعها


عناد!؟... تع شوفي عينات العناد عندنا

 

Saleh

تسلم يا رب ....اميييييين من هلأ بضمنلك محبة عمتها و دلالها و دلعها :)

عقبال عندك ان شاء الله

لااا عنّا عينات رهيبه
من اللي بعملو الغلط و بتفرجو عليك من فوق لتحت و بروحو يقعدو على كرسي العقاب لحالهم :$

 

Congrats for the new addition, Whisper! So what does her name mean?

I guess it makes since, few days will make all the difference, I mean being one year younger :))

 

عمتو ويسبر شو هالكشورة الصغيرة هاي
لا بالمرة مو عنيدة
ابددددددددددددا

:)
مبروك و الله يخليها الكم
بالنسبة لموضوع السن القصة مو قصة زواج و بس لا كمان مشان المدرسة بكون احسن انها تتسجل باول 2011 بدل التعليقة اللي هي متعلقة فيها باخر 12 :)
حتى ما تروح عليها سنة
شايفة المدرسات كيف بفكروا :))

 

جعلها ربنا من الذريه الصالحه باذن الله ومبروك على العيله تتربى بعز ابوها وامها ان شاء الله
متل ما حكت ميسو انا باعرف مشان المدرسه بس ممكن اصدق الموضوع :)
الاسم حلو وامورة ما شاء الله

 

Hello Whisper, and Alf Mabrook on the new addition to your family.
I know, I know, I've been away from blogging for a long time, but I still keep track of your posts. I'm still trying to push myslef to blog again, but with no use.
By the way, I always like to know what names mean, what does Eveleen mean?

 

Alf mabrouk.. Children r really adorable..

 

شكلها ايفلين معصبة شوي :)))

يا تي لو صرنا في عام 2111 مش 2011 راح تلاقي ناس تفكر هيك ... عاااادي :)))

بس ما شاء الله عليها حلوة كتييييير

 

Susu

Thanks ya amar :)

Thanks ya amar :)

It means little Eve '7awaa2' :)
It is the combination between the first letters of my brother's parents in law names :)

LOOL exactly :)

Jafra

اهلا اهلا ياقمر
نورت...نورت :)

شفتي بالله...حبيبتي ماخده الموضوع جد, ولو تشوفيني بلاعبها وهي بدها تضربني :$

الله يبارك فيكي يا رب

هو كلّ يغني على ليلاه...بس اللي نصحو مرة اخوي عززو وجهة نظرهم بموضوع الزواج ...وحده منهم مواليد 82 و حكت ان اهلها عملو هيك...الله اعلم مواليد اي سنه الاخت بالاخر :)

 

Sozan

اميييييييييين يا رب
الله يبارك فيكي ويباركلك بالامامير ان شاء الله

الله يحلّي ايامك يا رب...طالعه لمامتها :)

Tha2ir

Laaa....Laaaaaaaaaaaaaa Tha2er hon :D
What happened ya man we miss u A LOT here ....noooo excuses we want u back, start writing about ur normal working day and for sure there will be 100 stories to tell :)

I'm so happy to hear from u and to know that u honored me by a visit from while to while :)

Allah ybaarek feek w 3o2balak :)
As I wrote to Susu as I know it means little Eve :D

3edhaa :)

 

Tareq

Allah ybarek feek...3o2balak :)
Yes they r...they r a bless from God :)

كيكي

مش شوي...شويتين...3 شويات ..بدها تقاتل حبيبتي :)

المشكله انه عااااااااادي
انو يا عالم تغيرو شوي...ابدا :$

الله يحلي ايامك...ما الك علي يمين...شبهي الخالق الناطق ;)

 

what a cute littel doll
ishnt she lovely
stunning

model

3ayza akhes
back2evans

 

Model

Thanks :)
She is adorable such as all babies

Welcome here and thanks for passing by :)

 

ماشاء الله تبارك الله (:
تتربى بعزكم يارب .. عيونها كتير حلوين (: سمالله

صباحك قشطة (:

هيني ع مدونتك عم شوف التدوينات اللي فاتتني والصبح اليوم كتير حلو (:

دمتِ بخير(:

 

اهلا اهلا يا قمر
الحمد لله على السلامه و ربنا يعطيكي العافيه....ان شاء الله تكزني عملتي منيح بالامتحانات

تسلمي يا رب....اه حبيبتي اول شي بلفت النظر بس تشوفيها عيونها :)

صباحك ومساكي وكل اوقاتك ورد وفل
نورتيني :)