Things I Like To Whisper About

Would You Hear Me Whispering

Movie :: Letters To Juliet





ما زالت الاجازه مستمره و ما زال الاسترخاء موجود و الحمد لله, بقدم على شغل و عملت كم من مقابله لكن الاجراءات كتير بتمشي بطيء هون غير انو عطلة العيد و بعدها العيد الوطني و راس السنه الهجريه ...ربنا يجيب اللي فيه الخير, المهم اجازه يعني طلعات و مشاوير و لكن بما انها اجازة طويله فالاكل في سيطره عليه, وكل جمعه باخده اوف يعني بعوّض الاسبوع كله :) شهر وشوي مشي و الوزن باقي زي ما هو وهاد اهم شي.

بالغالب بنطلع وبس نرجع عالبيت وفي وقت بنحضر فيلم, حضرت مجموعه كبيره من الافلام و خصوصي ان النت هون ما فيه محدوديه للتنزيل لهيك كل يوم بنزّل فيلم او تنين و بالليل بس ينام عبود بنحضره انا و مرة اخوي.

حضرت اكتر من فيلم اشي عجبني و اشي لأ اللي عجبوني

Inception
Remember me
babies
Law Abiding Citizen
Dear John
letter to juliet

وفي افلام لسا بدي احضرها و متوقعه انهم يكونو حلوين...بتمنى بعد ساعات من التنزيل يكونو حلوين

Due date
You again
Tangled
Mother and Child
Green Zone
The Lovely Bones بناءا على اقتراح Rain
Morning glory
Letters To God

الفيلم اللي بدي احكي عنه زي ما هو واضح من العنوان letters to juliet g لكن بالاول بدي احكيلكم اني مش متخصصه بالموضوع فمعلش اذا تهتو بالقصه ...لكن متأكده انه حيعجبكم
حبيت الفيلم من اول ثانيه لقبل 5 دقايق من نهايته, مش انه نهايته مش حلوه لأ بس النهاية التقليديه لهالنوعيه من القصص بس اجمالا حلو, حبيت اغنيه المقدمه كتير كتير ومش راضيه تروح من بالي بعنوان You got me

فكرة الفيلم نوعا ما جديده, الفكره باختصار علشان ما احرق القصه, وحده شغلها التحقق من صحه القصص بالجريده fact checker , ونفسها تصير كاتبه بالجريده, بتروح مع خطيبها لايطاليا علشان شغله و علشان يقضو اجازه , الخطيب دائما مشغول فهي كانت تلف بالمدينه لحالها, بيوم راحت لتزور بيت جولييت و البلكونه اللي كانت تحكي منها مع حبيبها روميو, كل البنات السائحات بيجو عالموقع يكتبو لجولييت رسائل عن هموم الحب و يلزقوهم على الحيط تحت البلكونه وبآخر اليوم بتيجي وحده بتجمعهم و بتكتشف البطله ان في مجموعه من الستات بشتغلو " سكرتيرات" لجولييت حسب ما بسمو حالهم , بقرأو الرسائل و بردو عليها وكأن الرد من جولييت, البطله حبّت القصه و بيوم وهي بتلم الرسائل وقعت صخره من البيت و بين من تحتها رساله, طلعت محطوطه من 50 سنه قرأوها وكانت من وحده بريطانيه و عمرها 15 سنه وحبت واحد ايطالي و اتفقو يتزوجو وبيوم ما قررو يتلاقو بالسر من ورا اهلها ما قدرت تروح و تركته, البطله تبرعت بانها ترد عالرساله و بناءا على هالرد بتصير احداث الفيلم

احضروه وما راح تندمو :)
وهي اغنية المقدمه You got me :)



31 التعليقات :

هو أي نعم فكرة الفلم حلوة...بس مش نظامي اكيد..
انا بأييداقترح the lovely bones
و بضيف Date Night
The Solist

و بستنى رأيك :)

 

Abu El Sharif

اكيد مش نظامك
بنصحك ب
Law Abiding Citizen
متأكده انه حيعجبك :)

date night
حاضرته ..حلو بس مش كتير عجبني :$

لكن
the Solist
كيف مش سامعه عنه!!
البطلين بحب تمثيلهم كتير
خلص هلأ بنزل الفيلم و بكره بحضره ان شاء الله :)

 

ربى

بصراحه....بستاهل :)
احضريه و خبريني شو رايك

 

عجبتني الأغنية:))
بس اللي عجبني أكتر توصيفك لحياة الرفاهية

آخ آخ زكرتيني بما مضى:(
عندي أفلام مركونه من السنه الماضية ولسا بحضر فيهم:(

 

مياسي

بتجنن الحياة هيك :)
نوم واسترخاء وما في اشي بغم البال .....احمدك يا رب :)

يمكن لانه لسا في فلوس الوضع مستتب :)

الاغنيه من لمّا حضرت الفيلم و هي براسي

 

مرحبا ويسبر

الي زمان ما طلطلت فبحب اسلم عليكي و على الجميع

انا شايفة الفلم و زي ما قلتي نهايته كانت جدا تقليدية

بس انا عندي مشكلة للأسف مع هاي النوعية من الأفلام الرومنسية.. قد ما بتكون محبوكة و حلوة .. قد ما بتخليني احزن انه ما في حب بهاي الطريقة الرائعة اللي بصوروها بالأفلام للأسف

المهم ان شاء الله بتنبسطي في اجازتك
:)

 

اهلا وسهلا يا قمر
الف الحمد لله على سلامتك يا رب
اشتقنالك كتير كتير

لسا قبل كم يوم كنت احكي مع مرة اخوي بنفس الموضوع
بحس ان الفكره دائما ان واحد من الشخصين برجع برغم كل الصعوبات ومرات برغم الرفض

بحاول وما بتنازل بسرعه لانه مقتنع باللي قدامه و باختياراته...عنا المعظم بيأس من اول مره وبعد التفكير بطلع بنتيجه ان الخيار كان غلط من اوله :)

بعرف شرّقت و غرّبت...هاد من فرحتي برجعتك :)

الحمد لله كتير مبسوطه

 

صباح الخير.. يمكن صارلي اكثر من سنة مش منزل ولا فيلم

شكلنا على يدك بدنا نرجع لهلعادة القديمة

استمتعي بإجازتك.. و أنا سأبدأ تحضرياتي للدوام :(

 

أنا بحب أحضر أفلام بس ما بعرف من وين أنزلهم,,, فيدينا :))

 

إحنا بدنا طخطخة و دماء و أشلاء!

شو جولييت ما جولييت :]

عجبنتني مياسي بتعليقها... حياة الاسترخااااااااااااااء لوول

حأشوف إذا الأفلام موجودين بس إذا طلعوا بايخيين ف ......

حترسبي! :P

 

Whisper:

الله يسعدك يا ام قلب ابيض زي الورد

الله يبسطك كمان و كمان

جد فرحتيني بكلامك با عسل

:)

 

رااااااااااايقه
وفاااااااااااضيه

اللهم لااااااااااااااااااا حسد
:k:


بشوف إزا بحاول انزله الأيام اللي جاي
تراني مدنمنه تنزيل افلام
لو بضل إسبوع ينزل,, بستناه كمان

صباحك مارشميلو بالعسل...

 

صباح الخير والجمال

الفيلم شوفتو الاشهر الماضية مباشرة بعد خروجه على الdvd
لانه جزء من عملي هو بيع الافلام المختلفة، الكرتونية والمصرية والاجنبية وحتى مسلسلات اسلامية ايرانية.

وبعضها لدي في البيت ،
هذا الفيلم رسائل الى جولييت
تشوقت لرؤيته ، لكن بعد ان شاهدته وجدته عادياً، لهذا لم اخذه معي الى البيت،ولا حتى لاعادة مشاهدته.

مع الافلام يمكنك وصفي بالخبرة المتواضعة في هذا المجال،لكن بالاول والاخر الذوق هو الفاصل طبعاً.

يوما طيبا لك صديقتي

 

Oh my gosh I love Colbie Callait!
and I love this song <3

definitely gonna watch this one!thanks Whisper!

 

Thanks for the recommendation. I was looking for new movies to watch in the coming break. I will check your list.
Hope you are having good times :)

 

حضرتو و حبيتو بس زي ما حكيتي نهايتو متوقعة

 

فكرة الفيلم كانت متوقعه جدا بالنسبه ليا
بالاضافة الى اني مااحب الافلام الرومانسيه , حضرتي طبعا من عشاق الرعب
:]

بس اللي عجبني في الفيم كتير و خلاني اشوفه للنهاية كانت ايطاليا و المناظر , شيء يجنن
:)

You draw a big smile on my face just remembering that :)

 

جعقر حجير

صباح و مسا الورد
اهلا و سهلا بجعفر :) زماااان ما طليت علينا

انا بحب الافلام كتير , خاولت ابطل هالعاده و لكن ما قدرت

شكرا ...و ربنا يعطيك العافيه :)

Anonymous

انا بنزّل من هاد الموقع
و منه نزلت كل الافلام اللي كتبتها

انا بفضّل التورنت احسن من التنزيل المباشر لانه مرات بيفصل فبقدر اكمل من مكان ما وصلت

و بالنسبة للترجمه

بهاد الموقع بتلاقي اللي بدك اياه

و اذا بدك موقع للتنزيل المباشر موقع ماي ايجي ممتاز

 

Sheeshany

انا بدي ارتاح نفسيا مش تنشد اعصابي :$

بس بنصحك بفيلم
Law Abiding Citizen
راح يعجبك اكيد

وبرضه باقي الافلام راح يعجبوك اكيد :)

عسيرة حترسبي
مش لاقيه قصّة :(

PP

انت الذوق كله يا قمر :)
امين يا رب و يبسط الجميع ان شاء الله

انتي اللي فرحتيني بتعليقك و رجوعك :)
ربنا يسعد مساكي و كل اوقاتك

 

UmmOmar w Besaan

يس
ايون
نعــــــــم
:)

لااا بعرف لا عيون زرق ولا سنان فرق....فما بنخاف منك

لكن استحياطا
بسم الله ما شاء الله

حطيت بالرد فوق الموقع اللي نزّلت منه الفيلم ان شاء الله ما ياخد وقت كتير

يم يم...صباحي و الحمد لله كان فعلا زاكي مثل وصفك
واليوم اكلنا كب كيك من عند شوغر دادي
يميييييييييييييي من الاخر

مساكي و صباحك و كل اوقاتك مسك و عنبر يا رب

اختي المغربية الغاليه لطيفه :)

صباح ومسا الفل و الياسمين

لاااا لا تقولي :$
ما حبيتيه

الفكره ببداية الفيلم حلوه و لكن انا النهاية اللي كانت مش قوية بالنسبه الي

بس حبيت شغلك كتير :)

اذا بنعتمد عليكي ترشحيلنا اسم كم فيلم حلوين نحضرهم :)

 

Rain

There is 2 or 3 songs for her during the movie and they r also very nice but I love this the most :)

u will love the movie...I'm sure :)
I think :S

Susu

U most welcome :D
inshallah u'll find some thing u like

Yes wal7amdolellah I'm having a wonderful time ....thanks ya zoo2 :D

 

Sire

رفيقتي في " التغريد " :) اهلا و سهلا فيكي يا قمر في عالم التدوين

النهاية تقليديه ...يا ريت ما استعجل المؤلف في النهايه :$

Wafa'

رعب!!! لااا والف لا
بحب الرعب اللي بالاحداث امّا مخلوقات و هالقصص ما بحبهم

ايطاليا...ماماميّا :)
المناظر كتير حلوه كانت

ان شاء الله دايما تضل الابتسامه على وجهك و بقلبك يا قمر

 

ما تصدقي إني بدي طخطخة ... بعتبرها سخيفة هالنوعية من الأفلام

ما لقيت إلا

remember me

من الليستة

بس جبنا فيلم لجوليا روبرتس

بس ما حضرناه لسا

 

صباح الخير مع يوم جديد صديقتي

حالياً التحفة بالنسبة لي
هي ثلاثية narnia
1 2 3
الآن الجزء الثالث يحقق اضخم الايرادات ،
فاكيد محب وعاشق اعمال التشويق والمغامرات
سوف تعجبه ، مثل نوعية سلسلة هاري بوتر باختصار شديد.

على الساحة فيلم عن الفيس بوك ومارك
اسمه :
you don't get to 500 million friends without making a few enemies ...
أما غير ذلك، فيبدو ان لائحتي عن اجمل الدراما او حتى افلام الكرتون ،للسنة التالية لم تأتي بعد،فهي من السنوات الماضية.
ومع ذلك فمايزال زخمها وجمالها لا ينبض مع السنوات.

 

Sheeshany


برضه حلو هاد الفيلم بس ان شاء الله يعجبكم :$

فيلم جوليا روبرتس انا حبيته كتير حضرته بالاردن قبل ما اجي هون :)

Lati

صباح و مساء الورد
حضرت اول جزئين من
Narnia
وكتييييييييير حبيتهم, لجزء الثالث حاليا بالسينما , راح ادور عليه و انزله ان شاء الله :)

هاري بوتر حضرت بس اول جزء ومش كتير حبيته :$

اه صح...سمعت عن هاد الفيلم من قبل ولكن كنت ناسيته... شكرا للتذكير

كل ما يعجبك فيلم يا ريت تنصحينا فيه :)

 

eat pray love .... = faaaaaail ma 7abbait!

we saw remember me = bardo ma 7abbait! bat2a44a3 la enno a6wal shway kan bikoon momtaz

we saw social n/w kaman ,,, ya3ny 3reft ashya2 jdeedeh bas akeed ma 7abbaito! I hate Faceboooooooooooooooooook :DDD "6b laih btsayyi7!"

 

ويسبر عنجد إجو بوقتهم ....كل ما أغيب شوي بلاقي أشياء كتيير حلوه فاتتني بمدونتك ....هههههه
you should watch despicable me
هو كرتون كتيير حلو ....
أنا بعشق النوعية من الأفلام متل الفيلم اللي حكيتي عنه letters to juliet
اليوم إن شا الله بجيبه ....:-)
lovely bones kaman beda7ek ...heheh homa kamen 3adma bedaloo yor2o9oo :)

 

Sheeshany

Kullo Fail y3nee :S
Unthinkable be7ko 3anno action 7elo ...jarbo :)

Orangee

الله يحلي ايامك يا رب
المهم ان شاء الله يعجبوكي

I watched despicable me and loved it very much :)

بضحك!! ليش كنت مفكرته رعب :$
نزّلته هو وكم فيلم بس ما حضرت شي الفتره الماضيه

بس احضر شي حلو بخبرك :)

 

unthinkable balash minno ya whisper! ma nimna leeleetha ana o umm Hiyam! action bas ... willa agollik enti shofeeh o o7komy balash a5arreb 3alaiky l film :)

 

Toooo late :$
I watched it last night :( w ma 3refet anam

6ab 2enta 2eqtare7 movie :)