Things I Like To Whisper About

Would You Hear Me Whispering

تنبؤات الابراج لعام 2011




للي بفكر انو هالبوست قديم وماشي عليه من قبل.......لا تنسو تقرأو الملاحيظ بالاخر :)


اهلَين وسهلَين فيكون في عالم ويسبر "معلوف" السحري للابراج,زي ما عودتكُن باول كِل سِنه بدي نبئكُن بتوكعات الابراج لكِل واحد و وحده فيكون- المقدمه اللبنانيه لزوم التسويق للمنتج :) و بعرف اني ما عودتكم على شي بس برضه الكزبه لزوم التسويق , و خلص صار حنكي يوجعني ,فنرجع اردنيين مرّه تانيه :)

بالنسبه لتوقعاتنا السياسيه
في حد راح يموت, وفي حد راح يضل , وفي ناس راح يألفو كتب, وفي بلاد راح تنباع وفي بلاد راح تتبهدل وفي بلاد راح تضلها مترفشه ببطن بلاد تانيه.......باختصار مفيد جدا يبقى الحال على ما هو عليه وعلى المتضرر انه ياكل هوا ويضلو لابد وساكت ....العادي تبعنا يعني .

الاوضاع الماليه
هلأ بالله عليكم لو في واحد من اللي بقرأو المدونه عنده اموال بحاجه لدراسه اوضاع بكون هون؟؟؟ اي اللي معو 50 نيره بهالوقت يضحك بعبو..واللي معو وبقرأ فبس علشان احطكم بالصوره, على رأي الجد اللي بالشهد والدموع " منّه له منّه له..جي رايح منّه له " :)

اما بالنسبه لتوكعاتنا للابراج لسِنة الفاين و عشرة قصدي وحداش :$ وبما ان الاوضاع ماكله هوا فالسنه سنه خير للابراج الهوائيه , ولكن للاسف الناريه راح تنطفي السنه, والترابيه راح تتحول الى غبار رمليه شماليه شرقيه, و المائيه راح تنقلب على راس اصحابها بامواج عاليه الارتفاع فيا جماعه بالعربي ...السنه مش سنتكم

برج الحمل - برج ناري

بما انه برجي فراح احطّه لحاله ,هالبرج راح يقاوم الرياح العاتيه وما راح ينطفي وراح يقاوم يعني بالعربي خاوا بدها تكون سنه خير - ان شاء الله طبعا :$ - و كل اللي بهالبرج راح يتغير مديرهم, لا لا راح يغيرو شغلهم, و راح يغيرو سياراتهم, وراح تتحقق كل امنياتهم اللي ببالهم حاليا واللي ممكن تطرأ لظروف جديده - استحياطا يعني - واصحاب هاد البرج راح يهدى بالهم, و يكونو اقرب لله ان شاء الله :)

الاسد والقوس -برج ناري

مثاليين, ويمكن هاي مشكلتكم وهاد اللي خلاكم تاكلو هوا
بهيك زمن ما بتقدرو تعيشو, معكم فرصه لاخر السنه انكم تتغيرو الكم عندي انجحكم السنه الجاي :)
خياليين وحالمين, خلّو الاحلام تنفعكم اذا بالواقع مش مشيين حالكم - طبعا هون انا بدّي اوضح اني بستثني برج الحمل من هالكلام - وين كنت ..اه مشو حالكم بالاحلام لشوف :)

برج الثور و العذراء والجدي - برج ترابي

اصحاب هاي الابراج عمليين وعلميين, بسيطين ومحل ثقه للجميع...انبسطتو عحالكم صح !!!
ماشي ماشي خلّي العلم ينفعكم, لاا لااا لااااه راح تاكلو هوا السنه :)))


برج الجوزاء و الميزان والدلو -برج هوائي

ايوه ياعم....مشيه معاك حلاوه, راح تتجوزي يختي ارتاحي منك الها , اخيرا راح يتحقق الحلم :$

وكل واحد و وحده منكم راح يطير و تطير لمستقبل باهر زاهر ماهر ان شاء الله
استغلو السنه لاني قررت السنه الجاي احطكم مع الفئه اللي ما راح تنجح :)

سرطان وعقرب وحوت -برج مائي

اصحاب هالابراج حسيسيييييييين و شاعريين, بس مش دوامه اللي راح تدخلوها السنه, هوا ومي يا سلااااااااااااااااااام.... ملااااااااااااااااااهي وعلشان ما حد يبدا يبكي, الملاهي حلوه و بتجنن صح يااااااااااي
بس المشكله انكم ما راح تطلعو منها لنهايه السنه :$


وهيدا كيل اللي بنتوكعه لهالسِنه و بتمنى لالكن سنه سعيده و هابي نيو يير و تشير اب يا جماعه اتس جست يور لاك :))



المعلومات السابق ذكرها جديده علي بصراحه واضطريت ابعبش وابحبش بالنت لاعرف ترتيب الابراج و انواعهم فشكرا لعمو جوجل.
اه واشي تاني ,اللي بدو يزعل علشان برجه فانا بعتذر الموضوع مش بايدي هاي تنبؤات فلكيه و علميه بحته ومش اشي انا اخترعته :(


ملاحيظ ع الهامش

اي تشابه بين هاد البوست و بوست توقعات 2010 فهو من محض الصدفة البحته .... و ما الكم علي يمين غير مقصوده اطلاقا مطلقا, ومش انو بوجهلكم رسالة انو شو متوقعين يتغير مثلا!!! وبعدين انتبهو للاسم..... بركي الاخت "معلوف" بتغش من الاخت "شمّاس" هاد عأساس انو كلامهم اله مطرح من الاعراب اساسا.....
وهالتشابه لا يعني اني لا سمح الله لا سمح الله مبطله اعرف اعبّر و الكلمات صايره ولا الها دخل فيي, او اني بالعربي بطلت اعرف اكتب :( لاااا ابدا مش هيك
ولا اني مثلا منصدمه انه مشيت سنه كامله وما حسيت فيها, ولا اني بعد المراجعه للذات حسيت ان انجازاتي جدا جدا جدا متواضعه كانت هالسنه و ما حققت شي يذكر غير اني تركت شغلي :)
هو يمكن الافلاك وزحل و المشتري و اقماره السنه سبحان الله موجودين بنفس اماكن السنه الماضيه البعد النوعي و الكمّي والمسافة الافقيه والعرضيه و القطريه و الميتافيزيقيا الطبيعيه بتلعب دور كبير عفكرة - كلام كبير ما تحاولو - او يمكن معموللنا عمل.....او يمكن و هو الارجح....انا صايبني زهايمر يا جماعه, جماعه!!! اي جماعه!!!...اي بوست!!!!....مين انتو!!!....من ام عمر!!!...اي كعكاتّ!!!...وين انا!!!.... مين اناااااااااااا
اعتقد الفكرة وصلت و عرفت انسيكم اصل الموضوع :)

ملاحظه نمبر تو

للي كنت ناوية انجحهم
اوعكم تكونو مفكرين اني بخلت انجّح اللي رسبو السنه الماضيه او اني ما بوفي بوعدي....لا لا لاااااا بس انا حبيت ان الوضع الطبيعي اللي كلنا عايشين فيه ما يتغير....كل الي بوعدونا كذبو علينا....وانا متواضعه من يومي و ماشية على رأي كل الامثال العربية اللي بتحث على الرضا باسؤ معانيه و الخنوع و عدم التحرك من حط راسك بين الروس....لا امشي الحيط للحيط....فاااااا حطيت راسي بين الحيطان و اخلفت وعدي بس و فقط علشان مصلحتكم خفت يصيبكم صدمه حضارية من التغيير.... و كلام للابراج الهوائيه.... هيني دعمتكم للسنتين فبدنا دعمكم يا جماعه - طلعت بنفع للانتخابات :)

و كل عام وانتو بالف خير

23 التعليقات :

تسلملي أوضاع الحمل
وبما إني هوائية فمعناتو عال العال:)

 

مياسي

شايفه ما احسني....متوصيه فيكي انا :)

و اوضاع الحمل ان شاء الله هالسنة تزبط شوي :$

 

الله يبشرك بالخير

برج التووور
ماكله هوا...

 

ماشاء الله عليك

كويس انك لحقت ف آخر الموضوع وقلت بأن المعلومات موثقة..
كنت طامعة تغيري لي طلعي المنييل ^^
مع انه حياتي ما بتشكي من شئ، غير مني انا نفسي خخخخخخخخخ

ان شاء الله يكون العام الجديد خيراً من اللي نودعه الآن، ونقدر كلنا نحقق الاشياء اللي ماقدرنا نحققها ف 2010..
وف 2009 وف 2000
وف وووو


0.0
لن ننتهي على هذه الحال

لكن الحق أنك أبدعتي
بارك الله فيك ، وسعيدة ان انبسطتي بناغنيا

كل عام وانت بكل خير
اختي الجميلة

 

من الاخر مي وملاهي العقرب .... ولك هاي مش مي هاي مجاري


شو احساساتك وتوكعاتك للحياة العاطفية لذكر القط البكتيري ..؟؟؟
علاقتو مع انثي القرد المجنونه بتوافقو ولا ما بتوافقو
نع العلم انو الكت البكتيري عقرب والسعدانه برجل البغل.

بلز بلز جوابيني هادا شي ايرجنت الي

 

مساء الخير
كل سنة بسمعهم كلهم بيقولوا هاي سنة القوس....السنة هاي فهمت شو بيعنوا بذلك؟
قصدهم السنة التي تطيح بالقوس
هيك مبيّن معك والا في غير هالحكي؟؟؟

دمتِ بخير

 

yaaaaaaaai w ana kman 7amal <3 :D

 

بما اني أنا من برج العذراء..
فراح أكون من اللي بدهم يوكلو هوا السنة :(:(
إن شالله كل أيامك الجاي بتكون خير و سعادة، و بتكون سنة منيحة إلنا كلنا :)

 

Ana kaman borjy el 7amal.. Bs dayman bkoun mish ma7zooz.. Yemken this year a change will happen?

 

يا سلااااام (:

لكان راح ناكل هوا !! ماستغربت لانو نفس العام الماضي يعني هههه

كل عام وانتِ بخير ومحققه كل أحلامك وامانيكِ يارب

صدقا أشتقت التواجد هنا (:

 

كل سنة وانت بصحة وسعادة
انا من مواليد 6 اكتوبر
ايش برجي في ناس بتقول سرطان والبعض يقولو ميزان

 

كل سنة وانتى طيبة وسنة سعيدة عليكى
وانا من موليد القوس
تمنياتى لكى وتقبلى تحياتى

 

Naysan

له له له الله يسامحك لو حكيتيلي من قبل كان قرأت الكواكب من زاوية تانيه ....يمكن بالامارات هيك القراءة و بالاردن غير ....زبطت هيك!!!! :$

Lati

لا لا لا ....انا شو دخلني هي الافلاك و الكواكب اللي حكت, انا بس بمارس موهبتي بقراءتهم :)

كلنا حياتنا في نقطه معينه بنكون "احنا" مشكلتها الوحيده :)
عجبني التعبير كتير

هو من ناحيه الاهداف المتراكمه....فحدثي ولا حرج :$
ان شاء الله تكون سنة خير علينا جميعا
و انت و الاهل بالف خير يا رب يا احلى اخت بالعالم

 

قط البكتريا

اعتقد اعتقد ان انت سبب الدمار الشامل لبرج العقرب....هيك بحكي الفنجان...قصدي الابراج :)

هلأ بما اني مشجعه تماما للرغيف العجيب فيسعدني اني احكيلك انه ما في حياة عاطفيه, كلها طوش و مشاكل و الظاهر ان الرغيف العجيب راح يفوز و يخلص المسلسل :)


Yosef

مساء النور :)
القوس...القوس...القوس
اه...المثاليين :$
انت اعلم ان بهالدنيا الماشيين فيها و اللي كل شي حوالينا غلط مع المثاليه مستحيل يمشي

اذا بتزيد نسبة الشفافيه و بتصير "منهم" بتزبط معك
و اعتقد ان وضعك هلأ كتير احسن من ما تكون معهم

هيك المريخ حكالي :)

 

Rain

laaaa kteer heak :)
thats why there is many common things between us ;)

MrsH

كان لازم اسأل الجميع شو ابراجهم و بعدين اطبق التحليلات على الافلاك :$

بس اتطمني احيانا...احيانا الكواكب بتغلط, ما بتكون الرؤية واضحه من عندهم :)

كل عام وانت بالف خير و ان شاء الله سنة خير عالجميع :)

 

Tareq

Wow very good for u :)
I know :S thats why I put it alone to change the fact of nooooo luck :(

Happy new year Tareq and inshallah u will achieve a lot of what u want during 2011

Bullet

ههههههههههه صح...وشو اللي بدو يتغير فكرك :$

وانت بالف خير يا رب و ان شاء الله بتحققي كل اللي بدك اياه السنه و بتخلصي من سنة جامعيه تانيه

و احنا اشتقنالك اكتر بس عاذرينك علشان الامتحانات

 

❤ مدونة قلب العرب ❤

وانت بالف خير يا رب
بصراحه و بيني و بينك...انا ولا بعرف بالابراج ولا بعرف الاشهر وشو الابراج اللي الها
اللي بعرفه اني حمل :)

بس عكلن ان شاء الله تكون سنة خير عالجميع

شكرا لتواجدك و للمتابعه :)

هبة

وانت و الاهل والعائلة بالف خير يا رب
الابراج بمصر تقرأ من زاويه مختلفه - هاد دليل العلم البحت اللي بحكي عنه :)
فلهيك القوس بمصر هو برج السنه اساسا :)

اهلا وسهلا فيكي و دائما بتسعديني بمرورك :)

 

3n jd!!sa77?
that's exactly what I thought too :) :D

 

Rain

kteer fe 2ashya2at motashabehaa...nyyali bsara7a :)

 

Tab katbeh post jdeed w katbeh, enno ghallbi 7alek w zabbti "اما بالنسبه لتوكعاتنا للابراج لسِنة الفاين وعشراه" la2enno law ma tghayyarat el tanabo2at at least tghayyarat el saneh :p
Sheklo ana w Mayyasi santna 7elweh, tab3an enti awwal el ma3azeem 3ala 3orsna el moshtarak bma enno el shaghleh feeha zawaj :p

 

LOOOOOOL
Thaaaaaaaaaaaaanks Rand :)
ma konet mentabha :S

mho t3'ayyar el 2esem :)

inshallah sanet 5ear lal jamee3....bs b3ed Italy shooo fe 2eshe 7elo momken yseeer !!!!

 

Momken, shw be3arrefna, mathalan 2 Italys are better than one :p Magui Farah bet2ollek el jawza2 hai sant safar elo :D m3 enni ma ba2amen bel abraj bas jay 3a bali a2amen bas b hai el jomleh :(

 

2aw momken 2 Italy w ta5dene m3ek :D ya salaaaaaaaaaaam damaaar bekon elwade3 :)