Things I Like To Whisper About

Would You Hear Me Whispering

تسليم واجبات 2010




علي واجبات كتيره و حبيت اخلصها قبل ما تخلص السنه لنبدا سنة جديده بيضه, كل عام وانتو بالف خير يا رب

صديقتي الغاليه اللطيفه "لطيفه" كلفتني بهالواجب من اول الشهر بس شكلي كسّلت مع القعده و هلأ لحليته , مش انه صعب وما عرفت اجاوبه الا هلأ...لا ابدا اطلاقا مطلقا :)

- لخّص حياتك الدراسية في جملة .
مدرسية رائعه جامعيه سيئة

2- لخّص حياتك اليومية في جملة .
اعيش يومي بتفاؤل بغد افضل

3- لخّص حياتك العاطفية في جملة .
بحب الله و الرسول وبابا وماما و خواني و اولادهم :)

4- لخّص مجمل ما عشت في جملة .
الحمد لله على كل حال

5- لخّص حياتك العمليه في جمله
بعد 10 سنين معاناة بالشغل يشرفني اني التحق بركب البطالة "مؤقتا" ان شاء الله :)

5- أرسل الواجب إلى أربعة من أصدقائك .
بدي اقتبس رد صديقنا صالح..... جميع من أمون عليهم قد وصلهم هذا الواجب.

هلأ لخصت صحيح بس انا بطبيعتي كتيره حكي, فلازم اوضح
اول شي يمكن انا الوحيده اللي بتعتبر 4 سنوات الجامعه كانت وحده من 3 اسؤ فترات في حياتها :$

ثاني شي... حياتي جميله جدا ولله الحمد , الصحه و الاهل و الرضا اهم شي بالحياه و ربنا منعم ومتفضل علي فيهم, لكن اكيد ما خليت من الحفر مع اختلاف اعماقها, اشي طلعت منه و نسيته تماما و اشي خلاني اكثر حذر للخطوات التانيه و اشي من شدّة الحذر خلاني اوقف مكاني و خايفة اتحرك ..... فدائما الحمد لله على كل حال :)


واجب تاني من الصديقان ابو زينه و صاحب الفكرة جعفر عن حصاد عام 2010


1- ما هي اهم الأحداث التي طرات على الصعيد المهني - التعليمي لهذا العام؟

اخيرا و بعد 10 سنين شغل منها معاناه اكثر من 5 سنين اخدت اجازه سنة و بديت صفحه جديده في حياتي العمليه :)

2- ما هي أهم إن الإنجازات على الصعيد الشخصي و الأسري؟

للاسف بسنة 2010 صار في حالتين وفاة عنّا بالعيلة استوقفوني و اثرو فيي كتير, لفقدان الاحبة و لرهبة الموت , تقبّل الموت طبعا ما في اعتراض عليه و لكن فكرة ان في حد اختفى وما راح نقدر نشوفه و نحكي معه مرّه تانيه فهاي كتير صعبه, الله يرحمهم و يغفرلهم و يرحم جميع اموت المسلمين
سبحان الله الانسان مع الوقت بنسى و بتستمر الحياة ولكن بتضل في غصّه موجوده او يمكن بلحظات بس يكون قاعد مع حاله بتزكرهم و بتألم على فراقهم, الاشي اللي ريحني اني حلمت بعمي الله يرحمه ثالث يوم من وفاته و شفته وقف قدام الباب ابتسملي و مشي, ان شاء الله يكون خير و ربنا يغفرله و يرحمه يا رب.

الحمد لله ربنا رازقني بعائلة رائعه, بأب و ام مثاليين و اخوان رائعين و زوجات خوان اروع اللي اختلف ب 2010 وكان اهم شي الحفيده الجديده نور وانّا بأنتظار الحفيده الجديده الثانيه " ايفيلين" يا بتكون ب 2010 يا ب 2011 :)


الصعيد الشخصي..... كان ممتاز ليوم عيد ميلادي, ارتفع للسما لبعدها بشهر و فجأه نزل بسرعه 1000000 كيلومتر بالثانيه الحمد لله حاليا رجع لمقبول وهيني بدرس منيح لاخد الامتياز :)
بعتبرها ثالث اسوء فترة من حياتي :(


3- :ما تقييمك العام لسنة 2010

كانت سنة يمكن اني اوصفها "تقريبا" سيئة

4- : أهم طموحاتك و اهدافك للسنة الجديدة 2011؟؟


حكينا عن اهدافنا بال 2010 ببداية السنه بمدونة قرابتي رولا اللي اشتقتلها كتير كتير كتييييييييييييييييييييير - ربنا يصبرها على وفاة والدتها و يرحم خالتو ويدخلها فسيح جناته يا رب - معظم الاهداف اللي كنت حابة احققها ب 2010 ما صارت, اهمها العمره :$ ربنا يكتبلنا اياها , اني احوّش فلوس - عأساس ال 2000 دينار اللي كنت اخدهم ايام ما كان عندي شغل :) - بس الحمد لله حققت اشي منهم , نزّلت وزني و الحمد لله ربنا قدرني اصوم الفتره الماضيه لكن للاسف مش كل اثنين , و قدرت اصير اتحكم باعصابي و صرت طويلة بال بزياده و مش كل شي ينرفزني :)

بهيك تأجلت العمره و تحويش الفلوس لسنة 2011 و انضاف عليهم اني الاقي شغل ارتاح فيه ان شاء الله بالامارات او بالاردن وما اضطر ارجع لشغلي القديم, اني ازيد من تفاؤلي بكل شي بالحياة , ارجع للقرأة اللي بحبها و اللي بحسها بتحسن من شعوري تجاه نفسي و اكتّر من قراءة الكتب الدينيه و التاريخيه لاني ناسية اشياء كثيره :$, اظهر محبتي بشكل اكبر لماما و بابا وادير بالي عليهم اكتر لاني السنة الماضيه كنت " شوي" على كئيبة و كأني... كأني تشكونت كتير من شغلي طول الوقت و همه اللي دايرين بالهم علي

باب الاشتراك مفتوح للجميع بدون تحديد الاسماء و لكن الشروط...انو اسمي يكون مكتوب :) و اسم صاحب الفكرة و اللي هو جعفر برضه يكون مكتوب....علشان اذا الموضوع فيه حبس ياخدونا كلنا لنوّنس بعض :)

اما بالنسبة للواجب الثالث من هيثم.... أكثر موقف غريب/محرج حدث معك على البلوجر؟ "أو على الشبكة ال"ذبابية" بشكل عام" ؟


فاااااااااااااااااااا ما الك علي يمين ولا موقف صار....الحياة البلوجرية هاديه جدا جدا جدا :)

10 التعليقات :

أزال أحد مشرفي المدونة هذا التعليق.
 

;كل عام وانتِ بخير يا بطه

هي ال2010 دمها تقيل...الحمدلله على كل حال

ان شاء الله السنه الجديده تكون بداية لاجمل الفترات في حياتك
وان شاء الله ربنا يعطيكِ كل ما تتمنيه في الدنيا والآخره
يعجبني فيكِ يا نانا تقديرك الكبير لعائلتك...ربنا يحميهم كلهم ويسعدهم

شو بالنسبه ل "ايفيلين"؟
عنيده؟؟؟؟

 

الحمدلله ع السلامة يا صديقتي المميزة
فكرة انهاء واجبات العام الحالي، لاستقبال التالي بشكل اريح احساس أو شئ نفسي مشترك جداً ^^

اجاباتك جد جميلة مثل شخصيتك وروحك،
وان شاء الله دايماً ظلك هيك.
ويارب على طوووول موفقة في حياتك الكل.

اقدم تعازي لك في رحيل عمك ووالدة رولا، والخالة
رحمهم الله وغفر لهم جميعاً ولنا ان شاء الله.

مبارك طولت البال، فهي كما رأيت صفة مكتسبة، مقابل العصبية خخخ
اللي ممكن تكون مكتسبة أو وراثية أيضاً لدى بعضنا.

انا سعيدة لاني محظوظة بصديقة طيبة
واخت في الله مثلك
تلك ميزة التدوين الاولى..
بارك الله فيك
والله يكمل لك امانيك اختي ،

 

Naysan

وانت بالف خير يا رب
الحمد لله قرّبت تخلص و ان شاء الله تخلص على خير

امين يا رب...ان شاء الله تكون سنة خير عالجميع

اهلي جد نعمه كبيره بالنسبة الي الحمد لله على وجودهم كلهم حوالي و ربنا ما يحرم حد من اهله و احبابه

ايفيلين قررت تيجي اليوم :)
صار عنّا حفيد و 3 حفيدات :)))

الحمد لله و ربنا يحميهم

 

اختي الغاليه لاتـي

الله يسلمك يا احلى صديقه

تسلمي انت اللي قلبك ابيض لهيك بشعر بكل شي حواليه برقّه بالغه

الله يرحمهم اجمعين و يتقبلهم و يجمعنا فيهم في الجنه

انا بطبيعتي مش عصبية بالمره ولكن للاسف تأثير الشغل غيّر كتير من صفاتي ولكن الحمد لله بهالكم شهر رجعّت اشياء كانت حتنقرض فيي :)

صديقتي
كلامك و وجودك دائما ما يسّر قلبي
اجمل ميزه و احلى فائدة تعرفي على اخوات امثالك يشرفني تواجدهم في حياتي و تعلمي منهم كل جديد

فصيح و عامي مع بعض :$
كلامك لخبطني و مش عارفه اعبّر صرت :)

ربنا يحقق جميع امانينا يا رب اللي فيها الخير النا دائما

ملاحظه ع الهامش

بناءا على نصيحتك حضرت نارنيا بالسينما و ثلاثي الابعاد
ابدااااااااااااااااااااااع :)
كتير انبسطنا بحضوره
شكرا للنصيحه :)

 

اجابتك جميلة وكل سنة وانتى طيبة وبخير
تحياتى لكى يا اختى الجميلة

 

هبة

وانتي بالف خير يا رب
شكرا لتواجدك :)

 

الحمد لله ع سلامة "ايفيلين" و إمها و إن شاء الله بتتربى بعز أبوها و إمها و كل قرايبها، ألف مبروك يا رب

مبروك على حل الواجب، و عقبال عندي ما أخلص واجب هيثم باشا

إن شاء الله السنة الجديدة بتكون أيامها سعيدة و بتحققي كل إللي في بالك

 

شايفلك المعظم 2010 عنده كاينة سيئة!

حلولك أنا شايف إنها كويسة بصراحة
إن شاء الله ب 2011 تحققي كل ما لم تحققيه و تتمنيه ب 2010

 

Saleh

اول شي شكرا لانك سمحتلي اقتبس من كلامك :)

الله يسلمك ما بعرف وضعك الاجتماعي فعقبال عندك ان شاء الله على كل الاحوال

امين يا رب...سنة خير عالجميع ان شاء الله

Sheeshany

تقبّل الله الطاعات و الدعوات

للاسف كانت سنة جدا سيئه...الحمد لله انها خلصت

شكرا شكرا ....يعني بنجح طلعت :)