Things I Like To Whisper About

Would You Hear Me Whispering

اقدم ذكرى



كل عام وانتو بالف خير مره تانيه و ان شاء الله تكونو قضيتو اول يوم مبسوطين
امبارح كان حلو مع ان ابشع فتره كانت عزومه الباربكيو :$ بس وانا قاعده هناك و بتفرج عالصغار اللي كانو مليون يمكن و همه بلعبو تذكرت هالبوست اللي كتبته من مدّه و نسيت انشره فحكيت ممتاز بما اني مش لاقيه وقت اكتب مع انو في اشياء كتيره اكتب عنها , مثل المقابلات اللي عملتها مثلا و في صور كتيره افرجيكم اياها مثل زيارة جبل حفيت مثلا :)
بس يلا هالبوست القديم الجديد بمشي هالمرّه :)



انا من انا صغيره وانا ما بعرف انام الا بتختي, و لهلأ بس اضطر انام بتخت غير تختي, بس حد من قريباتنا ينام عنّا بنام بغرفة اخوي لانه فيه تختين, بهيك حاله باخد مخدتي, وحتى بس اسافر كنت اخد مخدتي معي, كنت ...لان مميتي اقنعتني - هو اجبار بالعقل كان- المهم بطلت اخدها , لكن حليتها بأني اشتريت مخده وانا عند اخوي كتييييييييييير بتشبه ارتفاع و مساحة و طبيعه مخدتي :)

و حتى وانا صغيره بس كان بابا يسافر, كنّا انا و خواني كل ليله ينام واحد فينا عند ماما, بالنسبة لخواني و الي كانت متعه كبيره و مغامره جميله, خواني تمشي ليلتهم و بس يجي دوري, انبسط و انام عند ماما و بس يمشي 5 دقائق احكي لماما " بصير اروح عتختي...تحكيلي روحي الحق علي اللي ببدل غزلاني ب" و تضحك :) ......بعرف تتمه المثل , لكن ماما ما كانت تكمله, لانّا بطبيعة الحال غزلان بعيونها :)

المهم بتذكر و انا صغيره كنّا نروح على الشام كتير, عمّة بابا و اللي هي خالتو برضه - راجعو البوست القديم :) - كانت عايشة بالشام , انا ما بتذكر اي شي من السفره غير موقف واحد, اني بالليل بدنا انام و بديت انا ابكي بدي تختي , و الكل يقنع فيي و انا ابدا بدي تختي, بتذكر الغرفه بكل تفاصيلها و بتذكر انه في درج , و بتذكر ان بنت خالة بابا , اللي هلأ انا صحبه معها و بحبها كتير كتييييييييييييييير , بتذكر انها صرّخت علي بالبدايه و انا طبيعي صرت ابكي بزياده, المهم قامت جابتلي فرشه صغيره و حطت مخدات على كل الطراف و صارت زي تخت صغير و جابتلي حرام صغير و انا انبسطت عليه كتير و رضيت و نمت :), بسأل ماما كم كان عمري بوقتها, بتحكيلي اني كنت سنتين و نص :)

انتو شو اقدم ذكرى عندكم؟؟؟ شو اقدم شي بتتذكروه بحياتكم؟؟؟

9 التعليقات :

This is really nice :)
The strangest thing about my memory is that I remember my childhood so good that it feels like I've just seen it in a movie,but it's the present that I do not remember!for example I could NEVER remember what I wore or ate yesterday or to whom I talked...not a clue!
now..the oldest and most vague memory I have is me standing in front of my grandmother,wearing my white dress that had red dots and a small cute pocket on the side,and holding my mothers hand...it was at a some party.. my grandma came near and opened her hand to me giving me balloons,and she said to me:hide them in that cute little pocket of yours otherwise the boys will take them from you,and I didn't listen to her,and the family boys really took them!
I thought that was a dream until I told that story in front of my mother and my older brother,and they told me that they remember it too,and they were shocked because my grandmother passed away when I was two years old!
0_O

 

بكرهك كثير "شوي"

و الله و الله كنت بكتب بنفس المسألة
إنو tag عن ذكريات قديمة طفولية وهيك
:(

إنت و نادر
r blogpoopers :P

 

Rain

Ur comment and ur memory was more nice :)
I love old memories with grandmas, bs mashallah 2 years old !!!

For me I used to have a good memory but now...salamtek I don't remember any thing and as u said even what I wore yesterday :$ B12 3endy over the normal mashallah but for nothing :)

 

Sheeshany

له له له ....ليش شوي :)

احكيلك
اكتب الموضوع و حط اني من كتر ما انا طالبه نجيبه اسم الله حولي و حوالي عملت الواجب قبل ما ينطلب :)

و فرصه يزيد الترفك عندي لانه بالنازل صاير اذا ملاحظ من التعليقات :(

I'm loosing control over here :"(
واخد بالك حضرتك!!!!

 

ملاحظ أوي أنا
بس مهو عطلة و طفر و عيد
لوووول

خلص ,,,, الواجب جااااي قريبا ً

*وين نادر :(

 

ممممم أقدم ذكرى ؟

مابتذكر شي لانو طفولتي كانت عادية جداااا بس راح احكيلك قصة لما كان عمري 7 او 8 سنين يمكن
المهم ,, رحنا نزور ستي الله يرحمها و كنت بحبها كتير ..المهم بعد شي ساعة إجى عمي , وعمي هيدا ما كنا منعرفو منيح يعني و لا مرة شفناه !
المهم إجى وأول ما دخل الغرفة أنا و اختي دغري تغطينا
هلاء شغلة بين قوسين للتوضيح ( هون البنت بس تكبر بيجبروها تغطي و جهها , يعني بيعودوها من هي و زغيرة أنو بتتغطى عن أي شخص غريب ) انا مش راح أعلق ع يلي بين القوسين لأنو أكيد راح أحكي اشياء خارج هالقوسين كتير و راح افجرهم من كتر الحكي فاا خليني ساكتة !!

المهم..
عمي قام يضحك علينا أنا و أختي و حاولوا بشتى الطرق انو يقنعونا انو هالشخص عمكم و هوي حلال عليكم .. بس ابداً نشفان دماغ مش طبيعي !!
المهم , عمي طوّل بالقعدة و نحنا أختنقنا بصراحة ومش قادرين نتنفس !! فاا ارتميت على أختي و ارتمت اختي عليي و نمنــا !!
ولما فقنا , طبعا عمي مشي .. سألنا إمي وين راح؟ قالت : بوسكون و راح
(:
قام قلنالها ليش تخليه يبوسناااا ههههههههه

بس اتذكر هالقصة بضحك ع حالي كتير

يسلمو وسبورتي نشطّي الذاكرة عندي شوي ^_^

 

Sheeshany

المهم ان الكل يكونو مبسوطين و اللي مبعدهم كل الخير ان شاء الله :)

نادر!!!

مش عارفه بصراحه :$

ان شاء الله بيرجع قريب لانّا اشتقنا لتدويناته كتير

Bullet


موضوع ما بين القوسين هاد انا برضه ما بدي احكي عنه اكتر من انهم بهالشي بعملو تأثير عكسي بدل ما يحببو الصغار بالحجاب بكرهوهم فيه


الله يرحم تيتتك و تيتتاتي كلهم يا رب

احلى الذكريات مع التيتات دائما :)

اكيد انصدمتو....اذا وجهكم ما فرجيتوه يقوم يبوسكم!!!
هههههه ...احلى شي بالطفوله هالحركات البريئه البدون تصنع ولا مجاملات :)

يسلمو على مشاركتنا بالذكرى

 

http://umomar.blogspot.com/2010/11/blog-post_23.html




:shy::shy:


:sc:

 

شطوره ام عمر
الاولى عالصف طلعتي :)