Things I Like To Whisper About

Would You Hear Me Whispering

I recommend




الحياة هالفترة مليانه احداث, لكن من كتر العجئه فيهم مش عارفه اجمع اشي ينكتب او ممكن بطلت اعرف اكتب ,مشاعر غريبه ما بيتعبر عنها بالكتابه!!! ويلا شو بالزبط مش عارفه
بس اللي بعرفو اني انا كمان زي باقي اصقائي المدونين و المدونات اللي زهقو , شكلي حاخد اجازه من التدوين قريبا, حاسه ان الوضع مكركب بالوسط - وسط المدونين مش الوسط الفني :) - في شي غلط على مشاعر انسانيه سيئه بنهرب منها من الحياة العاديه فجأة صارت تظهر قدامنا و نواجهها بعالم التدوين, وبهيك فقد التدوين حلاوته عالقليله بالنسبه الي, في جو مشحون مش لطيف ابدا , في اشي ممل من اليوميات اللي بحياتنا فجأه صار يظهر في العالم الالكتروني, ناس بتحكم على ناس و ناس مش طايقه ناس وناس بتهرب من ناس, ايش في يا جماعه !!!! او يمكن انا حسيسه بزياده مش عارفه.

المهم هلأ اتركم من هالحكي و خلينا باللي جاي اكتب عنه :)

بما ان الافكار ما بدها تترتب بكلمات فقررت اشاركم بأفكار حلوه و كلمات احلى لبعض من اصدقائنا المدونين اللي بحس ان حرام الناس ما اتابعهم وما تكون بتعرف عنهم ولا بتقرأ اللي بكتبوه, طبعا و للاسف ما حقدر اكتب عن الكل مرّه وحده , كل اللي عندي بمنطقة المدونات اللي بحب اتابعها كتاباتهم كتير حلوه, بس بدي اخص اليوم اكم من مدونه صديقه :)

  • بدي ابدا اول شي بالترحيب و بتعريفكم بصديقنا المدون الجديد صاحب مدونة " من وحل الواقع" عالم التدوين زاد طبيب جديد بحكيلنا عن مواقف بواجهها بحياته كطبيب و بربطها بقصه تانيه, وانتو المفروض تحزرو شو الرابط العجيب بين القصتين :)

  • وبرضه الترحيب بفرتوشه اللي عرفتنا عليها "حبيبتي" ام عمر :) فأهلا وسهلا فيكي في عالم التدوين

  • مدونة بدت بقصص اسبوعيه لزميلنا المدون " نادر احمد" عن "جبر" و رحلة حياته " من بطن امه للقبر" اسلوب رائع بالكتابه و قصص بتلامس حياتنا اليوميه, متأكده انكم حتضحكو و حتتوقفو عند كتير من الجمل, اي نعم ان القصص صارت اسبوعيه على شكل " نكشات الاربعاء" و اي نعم انها بطلت كل اربعاء, لكن ما فقدت نكهتها الاكثر من رائعه , من المدونات اللي بدك تجهز كاسه ( نسكافيه, شاي بنعنع, قهوه) اي شي بتعدّل مزاجك و تقرأها
** هلأ رحت زرت المدونه و لقيت ان كل اللي فيها ملغي :$
عكلن انا متأكده ان نادر ما حيحرمنا من كتاباته الجميله هو حاول قبل هالمره و لكن الكل طالب برجوع المدونه و متأكده انه هالمره ما حيطول علينا برضه


  • مدونه صديقنا Lunar و صديقنا Jaraad ... مدوناتهم و طريقة كتابتهم ابدا غير متشابهه ولكن جمعتهم مع بعض لانهم بشتركو بأنهم بطولو علينا بالتدوين و بس انا اغيب كل واحد منهم بنزّل بوست بكل يوم بغيبه :$

  • مدونه صديقنا هيثم السلاوي برضه كل 5 سنين بكتب مرّه و لكن اللي بكتبه بكون عالوجع بالزبط :)

ان شاء الله قريبا بكتب عن مدونات تانيه بحب اشاركم فيها...لانهم بصراحه كتار و جد لقراءتهم متعه جميله :)

Nighty :D

27 التعليقات :

طيّب لا تنسي تدلّي على الخير. المدوّنات الجيّدة تستاهل نضمّها الى قويدر بلانيت. و اللا شو رأيك؟

امّا بالنسبة للكهربة... عادي. كلّنا في الهوا سوا.

بالنسبة الي، فوالله مشغول مشغول مشغول.. و مش ملحّق بالمرة

 

مسا الخير ويسبر
اول اشي بحب اشكرك انك ضفتي اسم مدونتي عندك , وهاذ بعنيلي اشي كثير بالمناسبة , فا شكرا جزيلا
:)

بالنسبة لشغلة التدوين
وجود المشاكل او مثل ما وصفتيه انتي : الجو المشحون

وجود هاذ الحكي حوالينا , ما بعني انه احنا ننتكس بمعيّة الجوّ ونبطّل نكتب
ومن فترة مش بعيدة , زعلتي لما ابصر مين وصف المدونين الاردنيين بالسطحية

سطحيين او لأ , جو مشحون او صافي

التدوين بالنسبة لكل واحد فينا المفروض يظل ثابت ونظرتنا اله ثابتة

وبرضه قبل فترة مش بعيدة , ذكرتي انتي بمحل - ناسي وين - انه التدوين بالنسبة الك شي كثير حلو وأساسي

شغلات كثير بتطلع معنا في المدونات , عمرها ما بتطلع بالواقع
-بتكلم بلساني هون انا

انه كثير ناس تفاجئت لما عرفت انه محمد جرّار ممكن يطلع معه كتابة زي ما هو طالع

حاس حالي طلعت عن الموضوع
:S

المهم , خلاصته
قبل ما تفكري باشي زي هيك , اسألي حالك : انا ليش عندي مدوّنة وليش بدوّن؟

والباقي عندك

 

قويدر

هو احنا مين النا غير قويدر بلانيت :)

ولولاه كان ما تعرفت على حد ولا حد تعرف علي ...وهالشي انا دايما بحكيه لانه واقع

الله يعطيك العافيه...

 

Abu Zaina

لا شكر على واجب...بالعكس بشكرك انت على كلامك الرائع اللي دائما بتتحفنا فيه, غير عن تعبيرك كتير من الاحيان عن اللي بنحس فيه بكلمات دقيقه و هالشي بريح كتير, انو نعرف ان في ناس بتحس زينا ومش بس احنا اللي متأزمين من موضوع معين او ملاحظينه

هلأ موضوع اني اترك التدوين...فهاد مستحيل, ولكن انا فكرت و سألت حالي السؤال اللي بتحكي عنه, حسيت اني بطلت انا بكتابتي بالمدونه, صرت افكر و اعيد صياغه وبهالشي فقدت جزء من متعة التدوين اللي علقتني فيه, فالموضوع اجازه لاعاده الحيويه للافكار, وللاشتياق للتدوين فبترجع التلقائيه مره تانيه, بعرف حالي بحكي كتير عن الموضوع وما بنفذه :)

 

شو اللي صاير بالمدونين الاردنيين كل يوم واحد ببطل. كلامك شوي غريب بخصوص انه الجو صاير مشحون. انا ما لاحظت شيء بالمدونات بس يمكن يكون هاذ الشيء خارج نطاق المدونات. على العموم ان شاء الله انك ترجعي بكلامك وما تبطلي كتابه. الكتابه على فكره احيانا بتكون افضل وسيله للتعبير عن الذات والفضفضه. انا بالنسبه الي الكتابه علاج نفسي :) لو في معاي وقت كل يوم بكتب بس هم الدراسه ماخذ معظم الوقت.
شكرا جزيلا على التعريف بمدونتي المتواضعه. بحاول اكتب كل ما يصحلي.ـ

 

salam..
ana sara7a ba3ani mn hal moshkeleh sarli fatra...ya3ni el wa7ad betseer m3o a7dath bs bewajeh moshkelet tasnif ma yaslo7 lel ketabeh mn ma la yaslo7...a7yanan mashakel el 7ayah wo enshe`3alat-ha kman betkhalli el wa7ad y2ajjel el ketabeh...bs da2eman el modawwaneh r7 tshakkel masa7a 7atta t7ki she momkin ma l2aiti 7ada bl waqe3 yesm3o...3la kol 7al enshallah tkoon fatra wo bet3addi l2nnha tawwalat m3i ana shakhseyyan....wo mabrook 3al 7afeedeh el jdedeh kman, enshallah btetrabba b 3ezzkom

 

ما الزك يا شيحه

اهلا فيكي فعلاً عالم جميل اتاخدت فيه و عجبني

شكراً لترحيبك

 

Jaraad

ما حبطل...ما بقدر ابطل :)
اذا اليوم عطلت البلوج كم ساعه ما استحملت :$ كيف ابطل

غيرت رأيي :)


انا ما بتعامل مع حد خارج نطاق المدونات الا مع بعض الصبايا اللي صارو خوات الي :)

ممكن انا حساسه زياده لبعض الامور :)

التدوين واحده من الامور اللي كتير بحبها بحياتي, و لاني حسيت اني بطلت اكتب على طبيعتي زي قبل و صرت افكر بالمواضيع ففقدت جزء من المتعه اللي كنت الاقيها بالتدوين, هي مرحله و بتمر اعتقد مش اكتر

الله يعطيك العافيه... ربنا ما يضيعلك تعب ان شاء الله
و بدنا تخلص علشان ترجع للاهل سالم غانم :)

شكرا الك لمواضيعك الجميله...و لمشاركتنا بأخبار و فيديوهات مهمه

 

مواطنون بلا حدود

Ahlan wa sahlan...weaaaan zaman 3annak :)

Halla2 2akeeed fe 7ayat kul wa7ad 2esas mohemmeh ma by2dar yoktob 3anha walaaa 2eshe :$

Sa7 ... w bardo 2ennak btoktob la nas ma be3rafook sha5syyan kteer moree7 :)

Fe3lan...we miss ur posts bsara7a w lazem terga3..ana b3raf 7alee kteret 7ake w ma b2dar 2ab3ed lool :)

Allah ybarek fek w 3o2balak ya rab :)

Euphoria

و بس يمشي الوقت يتنسجمي اكتر و بتحبيه اكتر واكتر...انسي الكلام اول البوست, هيني تاني يوم بس ما فتحت البلوج انسم بدني :")

شكرا لانضمامك لعالمنا :)

 

مساء الفل للفل

شو القصه يا جماعه؟ امبارح لقيت نادر مختفي ..واليوم مدونتك ما رضيت تفتح من الصبح لهلا ...وفكرتك انتي التانيه اختفيتي!!!
الاوضاع مكهربه ...صحيح بس ما اظن أن عالم التدوين هو السبب بالعكس
انا بدخل المدونه عشان ارتاح من الضغط اليومي واعتبرها وسيلتي لتخفيف التوتر حتى لو ما كتبت...بيكفي ان اقرأ واعلق واقضي ساعه او ساعتين اتنقل بن صفحاتكم ....أحلى من احلى مشوار برا البيت
الحمدلله على سلامتها,,,المدونه وصاحبتها
ومعك أنا بقول يسمع منك ربنا ويرجع نادر قريباً
المدونات اللي ذكرتيهم رائعين وان شاء الله سأبدأ بمتابعة اللي مش متابعيتهم منهم...دائماً انت سباقه للخير ويسبر

 

lol =) thanks for mentioning me. You know I like your blog, don't you? =)

And I like you as a reader of my blog as well, despite the fact that I write many things that you might not like, you still read my blog =)

And I like you as a sister of mine =)

btw I post 9 post per month not 1 every 5 years ;p

 

Naysan

يا مسا الورد والياسمين والنرجس :)

شكلها المدونه زعلت مني ..كيف افكر اني اتركها, ما بتعرف الهبوله اني بس بحكي حكي ومستحيل ابعد, هو انا بقدر :)

اما بالنسبة لنادر...مش عارفه شو القصه, ان شاء الله تكون سحابه صيف و بتمشي, شكله بدنا نروح جاهه لمدونة اشرف بما انه ما بنقدر نعلق على مدونة نادر :)

الله يسلم قلبك يا رب...فعلا الكتابة بالمدونه و قراءة باقي المدونات كتير مريحه وممتعه و احلى سهرة بتقضيها بينهم :)


Haitham Seelawi

For sure u like my blog walaw LOOOL :D

Thanks Haitham, I really appreciate ur nice words and it's a pleasure to have a brother like u :)

It's ur space to write what ever u want, I can't deny that I have different views about some subjects but that can't change the fact that I like ur blog :)

I know it is not 1 every 5 years ... but u know we love to exaggerate :P

 

هههههههههههههههه

بتتذكري لما شفتك بالجمعه وحكيتلك في شي غلط؟!
هاد كان قصدي تماما، في شي بالجو مش مريح مو شي معين بس محسوس:))

انا هيك رأيي

وبالنسبة للي بيغطّو سنه وبيرجعو اهلا اهلا:))

ما بصدق تبطلي، انتي مدمنة يا شيخه:)

 

مساء الخير:
شغلة الجو المشحون أنا حاسة فيها شوي بس ما أظن أنه السبب اللي بيخلي بعض الناس تبطل! يعني في النهاية إحنا بنكتب ( من وراء حجاب ) يعني كل واحد بيكتب من ورا ستار البلوج وما حدا فينا فعليا بيعرف التاني معرفة حقيقية على أرض الواقع فليش نحكم على بعض أو نزعل من بعض مش فاهمة؟ اللي بده يكتب هو حر بحاله واللي بده يبطل و(ينطمز) هو كمان حر بحاله بس ما حدا يحمل حدا تاني مسؤولية قراره!

يمكن أنا كنت بكتب بشكل أسرع من هيك وأكتر كمان بس حاليا مشاغل ويمكن كتير من البوستات لزملائي المدونين راحت علي وما قرأتها بس راح أضل أحاول أتواصل وأكتب من فترة لفترة لأنه عالم التدوين حلو وممتع ومدونين الأردن أحلى ناس :)

صحيح هسه وأنا بكتب تذكرت إنك إنت وأحمد المحروق كنتو وعدتونا بمدونة صيف 2010 وصار بده يجي الشتا - مع انه الدنيا لسه شوب - فشو صار بالمشروع؟
بلكن ترجعو تجددو الفكرة وتكون فرصة أكبر للتعارف والتواصل وتخف حدة التوتر التي يعبق بها جو التدوين.

كل الود

 

يا اخوان الجدلية في التدوين هي مسألة حقوق وحضارة

نحنا شباب عرب بدنا نحصل حقوقنا ونعمل حضاره

هاد هو النقص الرئيسي عند الشباب العرب

شو رايكم نتعلم كراتيه ونحصل حقوقنا بادينا
انا شايف ان الكراتيه افضل من التدوين

؟كيف
هلأ اذا في شي مدير أخد قرار غلط وفوت البلد بالحيط لو كتبنا عنو تدوينه حياخدوك الشرطه وهو ما راح يدري عنك
لكن اذا عملت قفزه جنية وناولتو في صباحو راح ياخدوك الشرطه برضه لكن الفرق انو هو عرف مين انت وليش ناولته

انا من وجهة نظري انه التدوين هو عباره عن مساحة افتراضيه لنعمل حضاره بعد هيك بصير عمل التدوين شيء تقليدي بيشبه صالونات الطبقات المخمليه

كرمال هيك انا بفضل انو نتجه للكراتيه

دمتم بخير

 

مش فاهم شو بدك بالزبط ؟؟
:d

 

اولا انا يشرفني انو تذكري مدونتي المتواضعه في مدونتك الاكثر من رائعه ، عن جد شكرا الك ، هاد شرف الي

بس شو بالنسبة للرابط العجيب ؟! ذكرتيني بايام الكرتون و سبيس تون

 

مياسي

ايوااااااااااا....انتي اللي فاهمتيني ;)

هاد بالزبط اللي بحكي عنه...

شكلك صرتي منهم يختي ....كترانه غيباتك

ههههههههههه برضه برجع وبحكي...انتي اللي فاهمتيني :)

كيكي

مسا الورد

الموضوع مش اللي بنكتبه بقدر ان الاشساء اللي بنكرها بحياتنا صارت تحدث بعالم التدوين, هاد الشي المزعج

هي اولا و اخرا هو قرار الشخص اكيد,..بس بحكي للجميع ما حد يبطل و الكل يضل يكتب, ممكن المفروض نخفف من حساسيتنا شوي و بتنحل الامور...

فعلا ...عالم التدوين ممتع و بعرفك على ناس جداد بشخصيات جديده بتأثر ايجابيا على حياتنا

المشكله ان يا انا بكون مش فاضيه يا احمد بكون مشغول بدراسته, ومش عارفين نرتب ولا انسق بينا :$

بس في افكار جديده حتنطرح قريب ان شاء الله و اكيد بس تجهز بخبركم عنها :)

فاااااا انتظرونا تجدون ما يسركم :)

 

ثائر

انا مش قد التحاليل النفسيه السياسيه هاي :$

ولا كراتيه ولا تايكوندو....

القلم بوجع برضه و لو ركزنا شوي بنقدر نألم فيه اللي بدنا لكن بدك تلاقي التعابير الصح و بدك مين يفهم :)

و بما انه معظمنا بفضّل ينام ببيت اهله بنضل نلف و ندور حوالين المواضيع و ما بنيجي بالصميم :$

قط البكتريا

بدي 5000 دينار اروح عجزر القمر اهدي اعصابي اسبوعين زمن :)

 

إذا هاي تقدمة (قوية هاي تقدمة) مشان تاخذي إجازة ف ..... إلعبي غيرها عمتو

و إلا !!! ... و إلا س"ن"بكي :]]] و ذنبك على دمعاتنا :)

و بدي أسألك زي ما سالت جعفر.... "كم عمولتك؟" :PP

*ما تغيبي! :(

 

W7l

كلك ذوق والله عالكلام الحلو .... مانا حكيت الحق حالي بسرعه علشان بكره بس تصير مدونتك مشهوره احكي انا اللي اكتشفته :)

ههههه...معك حق بتحس المناهل كأنه :)

Sheeshany

بعد ال "تقدمة" ما ضل الي كلام....افحمتني بصراحه :)

كله الا الدموع....انا ما بستحمل و بصير ابكي جنبكم :(


:وشوشه بصوت كتييييييييير واطي:
العموله لسا ما اتفقنا عليها...انا تاركتها لذوق الشباب الطيبه :P

 

اسفه ع التأخير بالرد هون,, بس كان مايفتح البلوغ عندي

ستي,, بعد مسا الخير

اللي مش عاجبه طريقة كلامك,, يروح ع البحر
يا يشرب ميته يا يدب حاله فيه ,, يا ينقع كلامه و يعمل سحر وخلصت فكت

ليش بتهتمي إنتي,, مين بهمك
شوفي مين بهمك,, ومين مابهمك
وفلتريهم من حياتك

بجد,, فكرت اول حلقه إنك زعلتي مني
خف حناني رسمي

ترجعيلينا من البريك بالسلامه

إم عمر على سن ورمح

 

اهلا و سهلا فيكي يا قمر
المدونه اللي كانت فيها مشاكل واعتقد انه ما زالت, لاني رجعت عاللينك القديم بس التغو المدونات اللي ضفتهم عالموقع الجديد :$

ان شاء الله يزبط و ارجع عليه

مسا الورد :)

هو ناس مش عاجبهم و ناس فاهمين اسلوبي غلط وناس بفكروني ابصر شو بالزبط....اشياء غريبه

هو احسن شي اجازه ...وان شاء الله تكون قصيره :)


انا حكيتلك رأيي فيكي و بصدق بردي....و المختصر انتي ما بنزعل منك يا قمر, و شو اللي صار ممكن يزعلني

الله يسعدك يا رب, هاد دليل اني عزيزه عليكي زي ما انتي عزيزه علي :)

عزيز و عزيزه ...اذا انا تهت, ان شاء الله تكوني فهمتيني :)


احلى ام عمر بالدنيا :)

 

ع سيرة ,, احلى إم عمر

سمعني سلام,, خلي السلاح صاحي,, صاحي

:سمايل بجحر فيكي,, وبخاف,, وبهرب لأقصى الأرض:

تسلمي ويسبره,,اكيد إنتي عزيزه وعزيز ع قلبي,, مافي شك,,وميرسي ع المدح العميق اللي حكتيه عني,, خجلتني

 

بدنا سلام اقوى من هيك...السلام المربع هاد مش كفايه

سلام خماسي ...ثماني مثلا , و هيك سلام بدو شاكيرا :)

This time for UmmOmar :D

وخده بالك حضرتك!!!

 

كيفك وسبورتي ؟؟
اشتقتلك ولمدونتك كمان ^_^
بالنسبة للمقطع الأول اللي كتبتيه ما فهمت شي بصراحة :$
أنا لبعرفو أنو الواحد بيدون لينفس من ضغط الواقع اللي حواليه , ليحكي ويشارك بأفكاره سواء كان الطرف الأخر معي وبيتفق معي بنفس الرأي أو مابيتفق ,, بالنهاية كل واحد بيعبر عن أفكاره وفينا نختلف ونتناقش بس مش لدرجة الكره و التجني ع الطرف الأخر

هدي أعصابك يا سكر ^_^ أنت مدونتك رائعة وبحب أتواجد فيها , صحيح بالأول كنت بس بتابعك وبقرألك بدون تعليق بس هلاء عم علق لأن كان بدي ياك تعرفي انو في كتير بيحبو مدونتك وبيقرأوها ^_^
أنت بتكتبي بعفوية و بنقاء وهذا الشي بيكفي

كأنو حكيت كتير :$
بس لأنو غبت فترة بسبب الجامعة وامتحانات ):

الله يوفقك وسبورتــي ^_^

 

اهلا و سهلا بالقمر :)

اشتاقتلك العافيه يا رب و ربنا يعطيكي العافيه, بعرف الجامعه بتاخد الوقت كله و خصوصا بس تداومي ويكونو المحاضرات ملغيه و تضيع محفظتك ;P

معك حق بتعريف التدوين, وانا اقتنعت بهالشي بس المشكله هلأ الجفاف التعبيري و التفكيري اللي صاير عندي هالايام :$

تسلمي يا رب على الكلام اللي بجنن و اللي بسعدني والله
و وجودكم هو احلى شي بالمدونه و لولاكم ما كانت حلوه

تسلميلي يا زووووووء :)