Things I Like To Whisper About

Would You Hear Me Whispering

حالة استنفار


امبارح اشترينا ساندويشات فلافل طلعنا احنا وفروحه ومامتها نفطر في حدائق الحسين, الجو كان بجنن و بعد شتوه قبل بيوم الارض كانت شبه مبلوله وفي برك صغيره عالاماكن المستويه, كانو العصافير اخر انبساط وبنتقلو من شجره لشجره وكأنهم بلعبو, في مجموعه عصافير بلعبو في بركه من البرك, حاولت اصورهم بس بسبب اصرار فروحه اني اخدها معي واحملها ما قدرت اقرب الصوره عليهم, لكن وانا بصورهم فجأه شفت اشي زي قطع الزجاج عالارض بلمعو بشكل غريب ,ركزت لقيت ان كل نمل الحدائق مستنفر لجمع مونه الشتا بعد مباغته مطر امبارح الهم, سبحان الله سمعت وشفت التنظيم اللي بشتغلو فيه بس زي هيك ما شفت,ما بتصدقو العدد ,كل ما ارجع لورا خطوه ابعد الاقيهم تحت رجلي بالعشرات


هي من صور المطر قبل بيوم...صورت فيديو بس طلعت مصورته جانبي ...وبما اني ما بحب اضل اقلب اللاب توب لاشوفه فحبيت اغنيكم عن هالشي برضه







صور من الحديقه









اتركم مع الفيديو اللي مش كتير واضح لأني بصور بأيد وحامله فروحه حبيبه "تاتو " - يعني خالتو بتعرفني بحبها تناديني بأسمي بس بتناديني فيه لتلفت نظري بس التهي عنها مع ضحكه بصير بدي اكلها اكل بعدها و اه انا اساسا عمتو مش خالتو لكن عمتو بتحكيها بطريقه ولا حرف اله دخل - وطبعا صوت فروحه مبين وهي بتعرفكم بالمي و بال "نمنه" يعني نمله وبالخلفيه صوت حديث العائله :)









23 التعليقات :

كل الصور الحلوة كوم و الصورة رقم ٤ كوم ثاني، أحلى وردة، الله يخليها لأهلها و يحفظهم جميعا

 

Saleh

تسلم يا رب
هي وردة عيلتنا...فرح العيله كلها

امين يا رب
و ربنا لا يحرم حد منهم

 

مغامره حلوة مع فروحه انت خلتك تمسكي الكاميرا انا ولادي بيصيروا يحكوا ماما انا بصور انت بس ارتاحي !!
الصور حلوين والله يخليلكم اياها الاموره

 

حلوة كتير الصور خصوصا صورة فروحة كوول كتير ..
صور ( النمنات) كتير عجيب إجتني الحكة :D
ولكن سبحان الله مجتمع النمل مجتمع منظم وبيستغل الفرص .. مخلوق حجمو صغير بس بيعطي دروس وعبر كتيرة
ياريت بنتعلم منو حالة الأستنفار هيّ

بوسيلي فروحة وعمتها
(:(:(:

 

ننننن
الجو حلو ، أشعر بذلك من هنا
عبر الصور الجميلة للغاية التي أشكرك على مشاركتنا اياها كعادتك الجميلة أختي الاردنية الجميلة ^^.

مطرت عندنا امبارح واليوم ايضاً
نحب هذا ، لكن موج البحر بلغ اقصاه هذه الايام .
0.0

أعطيك نشرة الطقس خخخخخخ

بالنسبة للنمل ،وحالة الاستنفار
فسأخبرك أمراً عجيباً عني :
شششششششش
منذ زمن بعيد ،ولازلت
أقف لمشاهدة هذا الموقف العظيم ، وهذا العمل الجبار والذي احترمه عليه وبسببه النمل.
تفان في العمل وتضحية ومسؤولية والتزام رهيب لا مثيل له..
حتى عند اليابانيين ربما^^.

حيث اجد النمل ، أخذ وقتي واتفرغ لمراقبته ، وافكر كيف وكيف وكيف
ثم أحث نفسي على الخروج من تلك اللحظات بأمر خاص واغير به بعض عادات
السيئة

*.-
يوماً طيبا لك صديقتي

 

صورة فرح كتير حلوه
بس وين وجهها؟ ما استفدنا شي من الظهر:)

 

Awww!!!! God bless that "namneee"!!

 

Sozan

مهي حبيبتي بتحب تتفرج على شو بصور على نفس الكاميرا لهيك حاملتها كنت :)

بث حي و مباشر يعني

الله يحلي ايامك ...تسلمي و يخليلك حبايبك يا رب :)

Bullet


الله يحلي ايامك....انا كتير بحبه هالقميص جد فايع و بتجنن حبيبتي وهي لابسته

جد سبحان الله, بشتغلو بكل دقه و ما بوقفو ابدا, كل واحده الها مهمه بتقوم فيها

يوصل يا قمر...و حخليها تبوسني عنك :)

 

Lati


اهلا بصديقتي الغاليه :)

اول شي انا زعلانه من البلوجر اللي ما ببين لمّا تنزلي مواضيع جديده في مدونتك :(

فعلا و الحمد لله الجو كتير حلو هالايام, جو رحلات :)

فعلا سبحان الله , ما في حد من البشر وصل بتنظيمه و بتفاني عمل كل فرد فيه مثل شعوب النمل

ايامك سعاده وهناء يا صديقتي
ومبروك الرخصه :)
ما بدي تخلي شارع بالمغرب يعتب عليكي :)

مياسي

الله يحلي ايامك يا قمر
تالوجه بتشوفي عالفيس بوك :)
نزّلت صور الها و لعبود هناك

 

Rain

Thanks ya amar....

A lot of "namnat" :)

 

الحمد لله على المطر ، سبحان الله كيف الدنيا بتتغير حتى ريحتها بتتغير ، و نفسية الناس كمان بتتغير اذا بتلاحظي هالشي هاد ، الناس بترتاح نفسيتها لما تبلش تمطر بتحس كانو ربنا أكرمهم او انو رزقهم برزق من عندو، الحمد لله على الشتا و ان شاء الله بكون موسم مطري اشي فاخر يا رب ، و الله يخليلك النمنه

 

Dr.Mohammed


الحمد لله و ربنا يسقينا لاغيث ولا يحرمنا

معك حق..في صفاء بصير بالنفس
الله لا يحرمنا نعمة المطر و ان شاء الله تكون سقيا رحمه لا سقيا عذاب

و يا رب يستفيدو من المطر و يعبو السدود لحتى ما يجي الصيف الجاي بدون ماء

تسلم يا رب :)
و يخليلك حبايبك

 

الله يخليلكم إياها ويحفظها وتشوفها عروووووووسه ئدددد الدنيا

 

UmmOmar

تسلمي يا قمر
و يخليلك حبايبك يا رب

امييييييييييين....شعور غريب صابني بس حكيتي عروس :)
ياااا رب اشوفها احلى عروس يالدنيا :)

 

ما شا ءالله حلوين الصور...شكله كان يوم حلو..وان شاء الله تكون ايامكم كلها حلوة :))
وفروحة عسل..الله يحميها ويخليلكم ياها

 

WD

الله يحلي ايامك
كتير حلو كان ومع ساندويشات ابو جباره بجنن كان :)

تسلمي يا رب...الله يخليلك حبايبك :)

 

كروهات
جينز
شعر منكوش

ناقص المايك والنضاره


تحية خاصة لنجمة الروك أند رول
فرووووحة

 

زي ما بحكي دائما ً بهيك قصص... حأشكيك لما تبقى من جمعية الرفق بالح"ل"وان :)))

*صيدا ً موفقا ً ... هدول ناموسات الشتاء الجوعانة :P

 

أول شي بكرهكم لتناول الفلافل! بدنا فلافل حقيقية هووووون مشان الله!

تاني شي بكرهكم لتناول الفلافل! -بس ما عدا فروحة هون-

:D

خلص ... ما في ثالث إشي :P

 

ثائر

لاااا فايعين فايعين ويلا شو بتفكر

بس حبيبتي الشعرات مع الهوا طايرين و مستحيل تقنعها نربطهم او نحط عليهم بكله, بتحبه مفرود :)

يوصل ولا يهمك :)
تسلم ثائر و ربنا يخليلك الاموره يا رب :)

 

Haitham

واضح انه ما معك وقت لحطيت التعليق على الموضوعين بنفس المكان :)

بالنسبة للبعوضه
فاااااااااااااااا احلفلي انك لم تقتل بعوضه من قبل, ومش ضروري بالسعوديه....لا بالزرقاء المشهوره باحجام البعوض المتفاوته :)

اذا ما عمرك قتلت فاااااا اشكيني

المشكله شتا و بدت تصير برد و لساتهم فيهم نشاط يهربو :$

اما بالنسبه لتعليق الرحله

فلو شفت الساندويش, من عند ابو جبارة و بكعك و الخبزه متشربه الحمص و الاضافات بدها تطلع من اطراف الساندويش....يا سلااااااااام اشي من الاخر :)

 

أني بعتذر أم الويسبر ! مشرتة الأمور كاينة معي شكلو :]]]

بس على فكرة ،، أنا الآن قرأت التعليقات
على كل الإدراجات اللي بهذا البوست و اللي أحدث لأنو جد جد ما وصلني أي تعليق جديد! مع إني مشترك بالتعليقات!!!!! شو السيرة! شكلو حضرتك مو دافعة الإيجار ؟ :]

و طبعا ً بالنسبة لإنك طفرانة <=== و أناااااااا مطنّششششششششششششششششششششششششششششششششششش *يصفر شبه-سعيد ٍ*

 

بالنسبة لاهم موضوع و هو الطفر :)

فاااااااااااا اذا ملاحظ بطلت اجي المدونه الا بالليل وما بكتب شي جديد خوفا من انهم يشوفوني و يطالبوني بالايجار :"(

انا استحياطا تركت اسمك و رقم تلفونك وايميلك وعنوان بيتك عندهم و حكيتلهم هاد اخوي هيثم, بس تحكولو ويسبر بعطيكم بزياده كمان :)

هلأ معقول تكون كاتب الايميل غلط لهيك ما بوصلك التعليقات O_o

انا بعملها...او بالاحرى عملتها :) فأسأل مجرب ولا تسأل طبيب