Things I Like To Whisper About

Would You Hear Me Whispering

ساعات بشتاق



انا و الحمد لله مبسوطه كتير كتير كتير
الاجازة توقعت و اليوم رحت اعمل بطاقات التأمين لاهلي و اللي همه اهم سبب لاني اخد اجازه مش استقيل غير انو اذا لا سمح الله ما زبط موضوع الشغل اقدر ارجع عشغلي كأخر خيار - بعيد الشر :(- اللي بتعود عالشغل و الراتب ما بقدر يقعد هيك عادي, انا مأمنه حالي ماديا لشهر 2 , ان شاء الله لوقتها بكون ربنا ميسرلي شغل منيح, بالامارات في شغل ولكن خواني خوفوني بانه ممكن الجو العام ما يعجبني, وبالعقد في فتره تجربه 6 شهور الي والهم و لهيك بديش اخد قرارات سريعه و برضه بديش اتأخر :$ الله يجيب اللي فيه الخير,بس حاليا انا بأجازه راحه لحتى اسافر عالامارات فبدي ارتاح جسديا و عقليا :)


هلأ جسديا ماشي الوضع و حبيبي النوم عم باخد منه اقساط واقساط تعويض :) بس مشكله الراحه العقليه من التفكير فهاد شي مش بأيدينا, افكار كتيره مع ان كل اللي حولي بطمنوني , لدرجه ان اخوي حكالي تعالي عيشي عنا وما تشتغلي :) - الله يرضى عليهم يا رب و يعطيهم ليرضيهم قد ما بريحو بالي - بس زي ما حكيت ما بقدر ارجع اخد مصروف :$ وانا بحب الشغل وخصوصي اني ما عندي اي التزام

هلأ افكار الشغل والمستقبل تقريبا نحلّت بضل الافكار بخصوص الماضي, حاسه الشغل والحياة غيروني كتير, بدي ارجع مرّه تانيه ويسبر القديمه, بدي انسى كل شي و ارجع لمزاج الابتسامه الدائمه , بدي ارجع الاقي واشوف الاشياء حلوه مهما كانت, ارجع لمزاج البساطه بالتفكير بكل المواقف, بدي ارجع يبطل كل شي يدايقني و ارجع اهوّن اي شي بصير معي, حاسه اشي من جوا انطفى, ما بدي اكون متشائمه بس مش عارفه كيف اوصل الفكره بس فيي اشي انطفى, انطفى بس ما مات الحمد لله لهيك بحكي اني بدي ارجع و ان شاء الله حرجع.

بعد تفكير لقيت ان احنا اللي بنختار, بصير معنا احداث ممكن غصب عنّا وممكن بأختيارنا ولكن ردود الفعل و تأثيرها علينا احنا بنختاره, فااااااااااااااااااااا من اليوم قررت , اليوم اول يوم اجازه رسمي الي قررت اني ارجع ويسبر القديمه, القديمه يعني قبل 4 او 5 سنين , و مدام انا من جوا مقرره فأكيد ربنا حيساعدني لاني اتغير

قبل كم يوم كنّا انا واخوي بنعمل ال Drive تبعت كل فتره و اجت اغنيه لمحمد فؤاد , انا مش من محبي ولا متابعي الاغاني ولكن ال Drive فيها جزء اسمه DJ تخصص اخوي فلازم نسمع كم اغنيه , الاغنيه لخصت مشاعر جواتي بشكل كبير و سرحت فيها لبعيد بعيد كتير, اسمعوها و ركزو بالكلمات اكيد حتعجبكم ....تصبحو على خير يا احلى الناس :)





27 التعليقات :

شوفي انا ماراح انصح, مااحب النصائح ابدا بس راح اقولك كلمة و ماشاءالله عليكي واعية
عملك -اي عمل- ابدا ابدا لاتتركيه , ايش مايكون . العمل بيعطينا طاقة و راحة حتى لو ماحبينا
و تاني شيء اقدر افكرك بشيء واحد بس يبسطك و يسعدك و يرجع ابتسامتك الحلوة تاني؟؟ اهلك و اخوانك, ياربي يخليهم لك قد ايش حلو كيف قلوبكم على بعض
و بس

و دحين اللي احب اسويه و هو اني ادعيلك

يارب يوفقك و يسعدك و يرضيك و يدلك على طريق الخير و ييسرلك هو و ييسرلك الناس الطيبة و ييسرلك العمل الطيب و الرزق الحلال
يارب يعطيك من الراحة اللي تتمنيها
يارب يسعدك و يسعدك و يسعدك في الدنيا و الاخرة
يارب ييسرلك الدنيا و يرزقك الجنه في الاخرة
يارب يسعد ابوك و امك دنيا و اخرة و يقر عينهم فيكم و يرضيهم للتربية الحلوة اللي ربوكم هيا, لي قلوبكم الحلوة على بعض
يارب مايحوجك لاحد ولو كان حبيب او قريب
يارب يعطيك الصحة و العافية
و يرزقك كمان و كمان دنيا و اخرة

:)

 

بنشتاق لانا القديمة بس بصراحة كانت متعبة من قد ما هي طيبة

بس بنشتاق لحالنا زمان

بتمنالك التوفيق و اسالي مجرب
( انا يعني )
الشغل ما في غنى عنو حاليا حتى للبنت القضية مش مصروف بس
اللي تعودت على الشغل صعب كتير انها تتركه
و بالنسبة لموضوع الامارات فجربي احسن ما تضلك طول حياتك تقولي يا ريت و يا ريت
و يا رب يخترلك الاحسن و الافضل الك
بالتوفيق

 

Wafa'

عرفتي ليش بحكي عنكم احلى الناس....لانكم دائما جنبي و بتحسسوني ان الي اخوات واخوان جداد بحياتي ما الي غنى عنهم

الشغل ضروري جدا و انا مع ان البنت تشتغل ولا تعتمد على اي حد ماديا, ما بعرف الواحد الزمن شو مخبي وما بنفع الشخص ال انفسه

امين يا رب...وربنا يخليلك كل احبابك يا رب و يحققلك كل امنياتك عن قريب و يعطيكي ليرضيكي

امييييييييين يا رب العالمين
اجمعين ان شاء الله
الله يسعد ايامك يا احلى اخت بالدنيا :)

 

Jafra

مشكلتنا انّا بنضلنا طيبين و مهما حاولنا نتغير ما بنقدر فالمعاناه بتصير مضاعفه ....لا راضيين عن الناس ولا راضيين عن نفسنا :(

فالافضل نضل احنا القدام وما نتغير و نحاول انّا نختار الناس الصح بحياتنا

فعلا الشغل ما عنو غنى ابدا ابدا
و خصوصا بس تحسي باستقلال مادي صعبه ترجعي تعتمدي على غيرك

انا نفس الشي حكيت للي نصحوني ما اغامر و اجرب...اني اجرب احسن ما اضلي احكي يا ريتني جربت و اشوف شو بصير احسن ما يضل بخيالي انه ممكن كان افضل لو جربت او ممكن لأ, و اذا فعلا شغلي احسن من غيره برجعله وانا متأكده انه افضل شي وبنفسيه احسن

امين يا رب
شكرا يا قمر :)

 

رح اعيد الدعاء اللي دعتلك اياه وفاء واقول آمين ...آمين...آمين

واقول لوفاء ...لكِ مثل ما دعيتي لويسبر يا رب
دمعت وانا عم اقرأ فيه

اديش حلو الشعور انه في ناس بتحبك ...هيك لله بالله
وانا بحبكم انتو التنتين من كل قلبي

قولي الله يا ويسبر "على رأي باب الحاره" وان شاء الله لن تندمي
وربنا يفتح ابواب الخير كلها أمام هالوجه الملائكي والقلب اللي أبيض من التلج

 

Naysan

الله يسعدكم كلكم يا رب
و يخليلي اياكم :)

امين يا رب النا اجمعين..تأثير كلام وفاء علي كان كبير و اسعدني لابعد الحدود

حبتكم العافيه يا رب...,الله يديم المحبه

دائما وابدا توكلنا على رب العالمين

وجه ملائكي....الله يجبر خاطرك يا رب :)

 

ويسبر بعرف ناس من الأردن والامارات والسعوديه وسوريا وكندا وأمريكا وسنغافوره وماليزيا ما في حدا منهم مبسوط.ـ الكل حاب يغير بحياته بس ما حدا عارف كيف. انا ما بمزح. الانسان طبعه هيك دايما بحب الشيء اللي مش موجود عنده. انا بقول انها الاجازه اللي اخذتيها فرصه عشان تعملي تجديد بحياتك. بتعجبني مقوله
“If you do what you’ve always done, you’ll get what you always got.”
اتخذتي اول خطوه جريئه فتابعي وان شاء الله بتنولي مرادك

 

allah ywaf2ek ya whisper:))
bel nesbeh lal emirates ma r7 ye3jebek falatan el ommeh hnak o qellet el 3arab,,
o ma r7 ye3jeb el jaaw kaman,,, bs zay ma be7ko ma7al ma bterza2 elza2.. eza el rateb mnee7 mo 3'alat.. o tajrobeh 3ashan ma tdal be nefseek:P
ama bel nesbeh lal 6 monthes fa hadool 3adi.. ma tshele hamhom zay el 3 monthes 3enna bs bel emirates 6 sh.hoor :) eel kol heek o kol el 3oqood hek.. shedde 7elek o enjoy ur time o mwafa2a o good nyt:)

 

انا باختلف معاكي على اختيار رد الفعل لانه رد الفعل للانسان بتتحكم فيها برضو عوامل اخرى متل الجو والوضع اللي حواليكي يعني ما شاء الله بتكونوا منشرحه في الصبح بيصحى واحد من العيله نايم على الجنب الغلط ينكد عليكي وشغلات تانيه
الاهم انه في نهاية اليوم وهاد الشي تعلمته من الدنيا ومن الشغلات اللي صارت معي تعددي كم من نعمه انعمها عليك الله اليوم وبعدها بتحسي في السعاده خاصه لما يكون مخك شغال في امور محكومه بالرزق والدنيا اللي بايد رب العالمين
استمتعي في حياتك

 

الله يسعدك يا ويسبر بكتني هالاغنيه رجعتني 10 سنين ورا

 

بحجه إنه وفاء ماخلت حكي ولا دعاء من بعد كلامها

ف


بديش ادعيلك انا,, حررررررررررررررره :k:


بمذاح,, الله يختارلك الأفضل يارب
وإيسرلك كل شي بتحبيه, وماتتغلبي متل ماكنتي هون متغلبه
وماترجعي تحتاجي هالشغل المحترم اللي هون

 

اذا ويسبر الحالية هلقد أمورة،ايش حال القديمة؟:)

يا رب يهدّي بالك و ترجعي متفائلة متل زمان و أحسن
و الله أحلى اشي المشاعر الايجابية،بتغني عن كل الدنيا
و حظا موفقا في كل اشي

قد ما بستزنخ محمد فؤاد بس الاغنية جد حلوة!

 

الله يوفقك ان شالله
شو هي الحياة الا شوية مغامرات؟ خديها من وحده غيرت وظايف بالهبل
ما في شي تخافي منو

وبالنسبه انو نرجع لزمان
الي تحفظات عليها شوي

صعبه ترجعي لسبب بسيط
بدك ترجعي تغيري كل شي مر عليكي لترجعي متل اول

هيك انا بشوف:)

 

بتمنالك كل التوفيق يا ويسبر في المرحلة الجاي ، إنت عن جد بتستاهلي كل خير :)

الله يوفقك يارب في مجال العمل واكيد في حياتك الشخصيه وماتشوفي انشالله أي هم أبدا :)

يسعد صباحك

 

Jaraad

انا فكرت فيها وخصوصا بعد ما حكيت لاخوي عن قراري, حكالي قيسي كم يوم بتكوني مبسوطه بالشغل وكم يوم بتكوني مش مبسوطه و احسبيها, لقيت ان الي اكتر من سنه ولا يوم بروح مبسوطه و ولا يوم برّوح من الشغل مبسوطه
وهاد السبب الرئيسي لقراري, الي فتره بشكي و بقدم عشغل هون ما بزبط, فلحتى ارتاح و اكون متأكده اني ما قصرت وهاد فعلا المكان الصح لشغلي

الحلو بالاجازه اني بأي وقت بقدر اقطعها وبرجع بداوم ...لهيك الخطوه جريئه بس ما فيها مخاطره كبيره والحمد لله

امين يا رب...شكرا :)

Ahmad Merie

Teslam ya sadeqee :)

ana zoret el2emarat 2aktar men marra w kteer 2enbasatet honak, bs k zyarah mesh 3esheh w had 2elly 2ale2ne shway

laken ana men mo7bee elt3'yeer w 7abeh 2ajarreb w allah yjeeb el5ear

lool w ana nawyeh 2alza2 bsara7a :D

y3nee 3adee el 6 months ...el7a2 3alay kan lazem sa2alet my brothers 3anhom kan men 2awalha 6amanonee
Allah y6ammen 2albak ya rab :)
Thanks :)

 

Sozan


معك حق...في اشياء حوالينا بتعكس على تصرفاتنا

بس اللي قصدته هو اني اضيف شويه حكمه و تروي بردود افعالي...اشي بسم البدن اكيد حينسم بدني بس احاول ادور على نتوفة جانب ايجابي ليقلل من سمة البدن :)

انا حاليا فورا بفرض سوء النيه باللي قدامي, وهالشي غلط او عالقليله مش مع كل الناس, فالمفروض اهدّي شوي بهالنقطه

الحمد لله على كل شي....غير عن الاشياء اللي بوقتها بنفكرها مش نعمه لكن بعد فتره بتبين انها اكبر نعمه علينا :)

ان شاء الله....راح احاول استمتع بكل دقيقه منها

الاغنيه نقلتني لجو تاني مع اني عايشه مع اهلي بس برضه الها تأثير

سلامتك من البكا و الحزن و ربنا يجعل ايامك احلى الايام يا رب


UmmOmar


امين يا رب...ربنا ايسر الامور و بالنسبه للرجعه للشغل هون
امييييييييييييييييييين ربنا ما يحوجني ارجعله

تسلمي يا زووووووء انتي
و ربنا ايسرلك كل الخير الك و لعمورة و لبيسانه و لوالدهم ان شاء الله

 

Rain

الله يسعدك يا رب ....لو تشوفي الابتسامه قديش على وجهي

الله يجبر بخاطرك :)

امين يا رب العالمين

الايجابيه بكل شي حلوه و بتسهل الحياة بس احنا بننساها و مشاغل الحياه بتخلينا نركز عالسلبيات

تسلمي يا زوء و حظا موفقا الك كمان بكل خطوه بحياتك

انا ما بطيقه بيني و بينك بس هالاغنيه كانت صح :)

 

مياسي

تسلمي يا رب...امين

بحكيلك انتي و رولا اللي شجعتوني

الحياة بتمشي وما بتوقف و احنا بنختار انها توقف فينا

التغيير مطلوب و المغامره و الجنون مطلوبين من وقت لوقت لتمشي الحياه :)

وانا بعشق الجنون المكسّر للروتين وهيني بلشت من جديد :)

لو بأيدي ...بمسح كل شي صار معي مسح و برجع لاول :)

لكن .... مش بأيدينا الموضوع

أشرف


شكرا اشرف :)

امين يا رب...الله يبعد الهموم عن الجميع

وربنا يسر الخير للجميع ان شاء الله

مسائك سعيد :)

 

I have no doubt that you will achieve whatever you set your mind to do. You have a strong personality and very focused.. Life is full of ups and downs and we change with every high and low..Mix the whisper from 5years ago with her dreams, and simplicity and the new one with her experiences..and I wish you the best of luck with the new road you have chosen.

Now, ya miss whisper, I have been trying to keep the old Noura away. I have been avoiding all what takes me back, avoiding people, books,pictures,news,music.. even Fairouz! I didn't want the old Noura with the memories the good ones as well as the bad..and here you post and song from a singer that I have never heard of before and you brought everything back in a couple of minutes !! It turned out that we never lose who we are, we can mask it and hide behind work, school and busy life but Old Noura is still here, so it will not be hard to go back to old whisper..
* Hug to you dear friend* :)

 

Noura

Thanks for the sweet words and for ur support :)

since 5 years and till now my downs are much more than my ups wal7amdolellah, a lot changed in my life a lot of people entered my life and thanks God that they left but each one and incidence left something in my heart and soul,from reading ur posts I found out that me and u have many things in common maybe not the same situations but I think it left the same feelings


Inshallah all ur days to come be sweet memories for the future and only the good ones to return back to u from the past :D

Tons of hugs and kisses to my sweet friend :)

 

ويسبر.. بخصوص شغلك.. ما بدي أقول إلا الله يكون معك و يرشدك للخيار الأفضل
بغض النظر عن قضية شاب او فتاة بس صعب على اللي تعود على الاستقلالية المالية إنو يرجع يعتمد على حدا تاني

 

آسف بس استعجلت و نسيت أكتب تعليقي على الأغنية.. صراحة مرة سمعتا في الشارع و رجعت سمعتها على اليوتيوب.. و خليني احكيلك إنها لها مفعول كافي للسماح للدموع بالخروج من نومها إذا سمعتها في لحظات معينة

موضوع إنو الحياة زمان أحلى..مممممممم.. أنا يمكن كتبت عشر سطور.. بس خليهم بدي أحذفهم و أكتبهم في بوست منفصل

 

جعفر

امين يا رب...شكرا جعفر :)
انا معك ,التنين صعب لكن اعتقد ان ممكن الشب وضعه اصعب من البنت بهيك مواقف

اسفه اذا الاغنيه حزنتك :(

انا قرأت البوست و عجبتني كتير وجهة نظرك وانا معك فيها :)
ما بدي احكيها خلي الشبيبه يروحو يقرأوها هناك :)

 

الأغنية أبدا ما حزنتني.. رااااااائعة بكل ما تعني الكلمة.. و من فترة نزلتها على فيس بوك
تحياتي

 

فعلا انها جميله و كلماتها كتير عالوجع :)

عالفيس بوك!! طيب ليش ما شفتها انا :$
ممكن لاني بغيب كتير لاشيك الفيس بوك

اهلا وسهلا فيك :)

 

الله يوفقك يارب ويسهل أمورك .. الواحد اللي تعود ع الشغل صعب يتعود ع قعدة البيت لانو شئ قاتل بصراحة $:
فا الله يوفقك يارب ويفتحها بوجهك ان شاء الله أنت بتستاهلي كل خير (:

أما بالنسبة أنو الواحد يرجع زي ماكان من قبل ممكن يصير هالشي بس لا يخلو الأمر من بعض المصاعب ...بس بما أنو عندك الأراده فكل شي ممكن
(:

تحية وّد

 

Bullet

تسلمي يا قمر :)

من ناحية ماديه و حتى من نتاحيه نفسيه, اللي بشتغل ما بقدر يقعد حتى ولو مكتفي ماديا

امين يا رب...الله يسعدك و يكتبلك الخير كله انتي كمان

ان شاء الله بقدر ارجّع حتى ولو شي بسيط, مع انه بأول اسبوع من الاجازه حاسه حالي متغيره :)

رجعت الابتسامه :)

اهلا و سهلا فيكي يا قمر...دائما بتنوريني :)