Things I Like To Whisper About

Would You Hear Me Whispering

ادعولي




كيفكم وشو اخباركم, ان شاء الله تكونو كلكم بخير
كتير اشياء ببالي اكتب عنها, وخصوصي جمعه الصبايا المدونات اللي عملناها يوم الثلاثاء وكانت بتجنن - اشتقتلكم يا صبايا :) - بس ظروف الشغل هالايام مكئبتني تماما, الله يفرجها , ادعولي يا جماعه في اشياء بالشغل بتصير وكأني بشتغل بين عصابات مافيا مش دائرة حكوميه, ان شاء الله بس يوصل الموضوع لنتيجه بخبركم القصّه كلها, بس انتو لاتنسوني من الدعاء ان ربنّا يفرجهّا علي

اصعب شعور هو الشعور بالظلم و انك تحاول تدافع عن حقوقك وتدفع الظلم و لكن كل شي يكون ضدك لمجرد ان العالم اللي بتتعامل معها ما بتخاف ربنا ....حسبي الله ونعم الوكيل و املي بالله كبير انها تنفرج عن قريب

الموضوع عاملّي حاله شبه اكتئاب و ارق, شبه لاني بحاول اقاومه مع انّي ما بعرف انام منيح و بجبر حالي انام و بس اصحى عصلاة الفجر يصير فيي اشي بيغلى من جوا من كتر التفكير وما بقدر ارجع انام :(

هلأ انا بعرف ان بكره, او فعليا اليوم الخميس, و اخوي بدو يجي من السفر يعني فروحه بدها تيجي بعد كم ساعه :)فقررت احكي لا للأكتئاب و نعم للسعاده :) بدي اتوكل على الله بموضوع شغلي و انا متأكده انه ان شاء الله حينصفني و يسرلي اللي بدي اياه

وخصوصا ان نعم رب العالمين بدت اليوم الصبح بالمطر اللي صحينا على صوته, انا ما بحب الشتا بس مطر و جو دافي و رذاذ برشرش على وجوهنا غصب عنّا بدنا نبتسم :) , هو اي نعم الظهر قلبت الدنيا حمرا و بطلنا نعرف نتنفس من الغبره, و اي نعم فجأه حسيت حالي بالكويت و شايفه ال "طوز" اللي كانو يحكو عنّه بنات خالتي, و اي نعم هالجو بكئب اللي مش مكتئب بس انا قررت, لاااااااا للاكتئاب :)

بتمنالكم نهايه اسبوع بتجنن زيكم و تقضوها بكل شي مفيد و ممتع و مفرح الكم ان شاء الله
و برضه....لا تنسوني بالدعاء

34 التعليقات :

هلق بقولولك كل شيء بالنهاية يكون على ما يرام .. فان لم تكن الامور على مايرام .. فهي ليست النهاية

:)

ان شالله تكون فترة ويتمر .. وانتي اكيد اقوى من هيك
:)

يللا .. لا للاكتئاب .. وليعم الفرح _ مادامها جاية
توصل بالسلامة

يللا تصبحي على خير .. بكرا مداوم ع الجامعة .. بكفينا عطلة
:)

 

ان شاء الله تمر على خير واني اكون قويه :)

ما في احلى من العطل, بس يلا تداومي لتخلص بسرعه
بالتوفيق بهالفصل وان شاء الله تكون سجلت اللي بدك اياه بعد هالتعطيل اللي صار بالتسجيل
نيااااالكم عجامعتكم

 

يا رب تفرجها علينا كلنا

 

الفتره بعد صلاة الصبح هي اصعب شيء على الانسان اذا كان في امر بضايقه. يمكن لأن العقل بكون بعده ما انشغل بأمور الحياه اليوميه.
نسأل الله ان ييسر أمرك ويجعل هذا الأمر هين عليك وتذكري كلام الوهاب
وفي السماء رزقكم وما توعدون

 

ربنا يكون معك وبيكفي ....هو هيك الشغل لازم كل فتره تطلعلك سمة بدن مرتبه غير سمات البدن الصغار اللي بتشوفيهم كل يوم
ان شاء الله بتمرّ وبتاخدي حقك وربنا بينصفك من كل ظلم

اشتقتلكم اكتر يا قمر وربنا يعلم اديش فرحت فيكم
ما شاء الله عنكم ...كلكم بترفعوا الراس وبتبيضوا الوش وبيشرفني اني تعرفت عليكم

 

هسا بعملك عمل بفلس الحكومة بس عشانك :]

تفائلي بالخير وان شاء الله بعطيكي على قد نيتك

توكلي على الله وان شاء الله ربنا بسهل الامور

 

يار ب يفرجها عليك و يسهل امورك يارب العالمين

خلي "حسبي الله و نعم الوكيل" على لسانك على طول و باذن الله ربنا ماراح يخذلك ابدا

بس ابغى اقولك شيء واحد, لو لاسمح الله الامور ماانتهت زي ماتبغي, لاتيأسي و لاتحزني . ماتعرفي ربنا متى كاتبلك الفرج, يمكن مو الان بس بعدين. اصبري

والله صارت لي العام الماضي مشكلة في العمل كبيرة و بعد شهور و شهور ربي جابي لي حقي. و الحمدلله

ربنا كبير و يمهل و لايهمل

حسبي الله و نعم الوكيل

لا لاكتئاب و نعم للفروح و لاحلى فروحة جاية لعندكم
:)

 

أسأل الله تعالى أن يفرج عنك كل هم و غم، وأن ييسر لك أمورك جميعها.. آمين

كنت هنا

 

You are stronger than that, don't let anything get you down or depress you. Do whatever need to be done w Allah ykoun dayman ma3ek w inshallah all ends well and the way you wanted to..
Listen to this song:
http://www.youtube.com/watch?v=_DWgm48jIFE

Big hug :)

 

قل لن يصيبنا إلا ما كتب الله لنا

الله يبعد عنك الإكتئاب و يحميكي من المافيات إللي في الشغل و إللي بره الشغل و يجعل العواقب سليمة.

بدك الصح: خلي الشغل و مشاكله في الشغل قدر الإمكان، يعني قرارك الأخير صح.

 

الله يفرجها علينا وعليكي يارب

قلبي معك عسوله

 

الشغل الشغل الهم الأزلي

لا تهتمي كتير اللي كاتبو ربنا ان شالله بيصير

فكره انا اكتشفت انو لقاء الثلاثاء كان عظيم جدا:) واستمتعت فيه

ان شالله بنشوفكم كلكم وبنشوفك حنان ترك كمان مره :)

 

صباح الخير
كتير قلقتيني انا حسيت انه في شي ابتعيلي التفاصيل لانه انا مو عارفه
اقعد وكتير قلقانه عليك الله يفرج يهمك
ودائما ادعي دعوتي المعهوده
حسبي الله ونعم الوكيل
لاتطولي علي بالجواب وخر شي الحمدالله على سلامه فروووحه واكيد الله بعتللللك اياها بهاي الفتره لانه عارف قديه انك بتنسي الدينا وهمومها
الله معك وويوفقك بكل خطوه عم تخطيها

 

شكرا الكم جميعا و ربنا يستجيب و يفرجها عالجميع

Adham

امين يا رب العالمين
وشكرا و اهلا وسهلا فيك هون :)

Jaraad

معك حق, لانه اصعب شي بمر كان بعد صلاة الفجر
الله يفرجها عالجميع
امين يا رب
ودائما توكلنا على الله

Nissan

امين يا رب
والله هالفترة الها مستمرة سنوات :(
ياااااا رب...لان انا بس هاد اللي بدي اياه...حقي مش اكتر

الله يسعدك يا رب, وانا كمان كتير انبسطت بلقائكم كلكم...الشرف النا يا قمر :)

قط البكتريا

لااا دخيلك مش ناقصهم, كله بيجي عالشعب المسكين
انت بس ادعيلي ربنا ايسرلي الخير

والنعم بالله ...امين ربنا يسهل الامور

Wafa'

امين يا ربالعالمين

دائما وابدا حسبي الله ونعم الوكيل
والنعم بالله

الله يجيب اللي فيه الخير و يرضيني باللي قاسمه الي و يرفع الظلم عن كل مظلوم

تسلمي يا رب :)

خالد أبجيك

امين يا رب...اجمعين ان شاء الله
شكرا اخي خالد

Nour

Inshallah I'll try to stay storng :(
I'm doing my best and depending on Allah in every thing...walne3em bellah
Ameen ya rab

Thanks sweety for the song it made my day ... I love this song :)

Saleh

امين يا رب العالمين
هو هيك احسن شي, مستحيل انسى تماما بس لازم احاول اجبر حالي, و الموضوع في اله حل لكن انا الخسرانه بكون و شعور الظلم ما بصير نسكت عليه
الله يكتبلنا الخير يا رب
شكرا

Um Omar

امين يا رب العالمين
يسلم قلبك يا رب
ان شاء الله بتفرج و بخبركم كل شي

مياسي

الله يريحنا من هالهم يا رب
الله يجيب اللي فيه الخير

كتير عظيم :) جد انبسطت و خصوصا ان كلنا انسجمنا مع كلنا :)
هههههههه...ان شاء الله
;)

 

fostog

هلأ ببعتلك اخبرك المستجدات

بتعرفيهم كيف بالشغل, و بتعرفيني كيف
حسبي الله ونعم الوكيل

 

Khalliki mitwakleh 3ala Allah, ou rabna yisahhil 3alaiki :)

 

السلام عليكم ورحمة الله تعالى وبركاته

صديقتي الأردنية الطيبة

عالم ظالمة، واللي ما يخاف الله عليه يوم
يعرف أن أمره الى الله وحده.
أحياناً يفوت الأوان حين يدرك اخيراً هذه الحقيقة.

ونحن الحمد لله ، أمورنا نرفعها جميعاً الى خالقنا، شاكين اليه همنا وغمنا،
طالبين منه فرجها ورضاه علينا.
في الحياة ، في جو العمل ، مع الناس في اي تجمع، هناك دائماً اشطال من البشر لا تراعي الله تعالى في تعاملها مع الآخرين ،بل تمعن الظلم والمهانة.
فحسبنا الله ونعم الوكيل
ولأني أحس بماتعانينه من غير حاجة للتفاصيل ،أدعو لأن يفرج الله كربتك ويزيل محنتك ..
مثلما ادعو للجميع بذلك وانا منهم

حسبنا الله ونعم الوكيل
وعزائي أن أكون مظلومة اليوم خير من أكون ظالمة أحد يوم..

اهلاً بالسعادة، ولا للاكتئاب:
مع أننا نعرف بأن قرارنا بايدينا معظم الوقت، في التحكم بمشاعرنا!!
إلا أنه مع ذلك ظروفنا ومشاعر القهر
حين تحكم قبضتها على رقابنا لا يبدو لنا أي جهد على التخلص منها.

 

Don't you mind anyone and enjoy your weekend!
الله يهدّي البال يا رب!

 

1- الله ينتقم من اللي ظالمك دنيا و أخرة
2- الله يفرجها عليكي ويريح بالك انشالله

 

الحمد لله, اليوم اخفّ كتير الوضع مع ان الموضوع لسّا قائم, شكرا لدعواتكم و لتواجدكم :)


Nido

walne3em bellah...inshallah 3ala 6ool metwakleh 3ala rabna

thanks ya amar :)

لاتي

و عليكم السلام و رحمة الله وبركاته اختي الغاليه

في غمرة الانتصار اللي بفكرو حالهم عايشين فيه بتغيب عن عيونهم وعن قلوبهم ان في رب رحيم بعباده و ما بقبل الظلم

حسبي الله ونعم الوكيل بهيك ناس

انا قررت انّي و بعون الله انسى الموضوع تماما و اركز على السعاده بقدوم اخوي و عائلته كمان كم ساعه و خصوصا انّا بعطله نهايه الاسبوع...و للاحد ربنا بفرجها ان شاء الله

شكرا صديقتي لتواجدك و دعواتك :)

Rain

ان شاء الله هاد اللي حيصير, مش منطقي اخرب على حالي انا كمان

امين يا رب
الله يهدّي بال الجميع

Ahmad Hamdan

انا اليوم حكيت لمديري شي بهالمعنى, ان ربنا يسلط عاللي ورا الموضوع حد يظلمه ليحس بعظمه اللي عايشه فيه حاليا

بس دعوتك ما بعرف ليش خوفتني :(
الله يجبلي حقي و يهديهم و يعرفهم
الطريق الصحيح

مش اني ملاك..لأ هالدعوه دعيتها على حد قبل هالمره بس هداك ظلم من نوع اخر, تخريب حياه تقريبا
حسبي الله ونعم الوكيل فيهم

بالنسبة للشق التاني...امين يا رب العالمين و يريح بال الجميع

 

Allah ywaf2ek w ysahelek :)

 

الله يوفقك ويبعد عنك مثل هذي الأشكال
وعلى الأقل تنامين مظلومة أحسن من إنك تنامين ظالمة

الله يحفظك وينصرك , توكلي على رب العباد وهو الوحيد اللي بيساعدك وطبعا بندعي لك

 

الله يفرجها عليكي ويسير امرك يا ويسبر ولا توكلي هم الرزق مكتوب من عند رب العباد ومادامك مش ظالمه وكونك مظلومه فان شائ الله رح يفك كربك والله ان احب عبد ابتلاه حتى يشوف قوته وقدرته على الثبات والله يثبتك

 

ويسبر أنا بقدر أفهمك بكل بساطة حتى لو ما شرحت الموقف، والله مجتمع العمل مجتمع حقير ومليان ناس ما بتخاف الله.
صدقيني بفهم وجعك وقديش إنت متدايقة لإني مريت أكثر من مرة بتجربة صعبة بالشغل وانغدر فيي بس والله ربك دايما بيعدلها لإنه إحنا مخلصين وبنخاف الله.
أنا دايما بطمن حالي وبحكي ( ويمكرون ويمكر الله والله خير الماكرين) فطمني حالك وارمي حملك على الله وخليهم والله لينقلب السحر على الساحر وبكرة بتشوفي.
الله يهونها عليك وتوكلي على الله

 

حبيبتي ويسبر الله يفرجها عليك يارب
أنا ياما بسمع عن قصص الشغل وهيك اشياء وكيف بحسسواالواحد كأنو جاي يسرق مش يشتغل وبيحصل من تعبو

أنتِ توكلي ع رب العالمين ولا تهتمي لانو لايُرمى إلا الشجر المثمر.. وبالنسبة للناس يلي مابتخاف الله خذيها قاعدة أنو كريم الأصل دائما محني الظهر بهالزمن لانو متل الغصن بينحني لما بيمتلي بالثمر (:
فاااا << متل مابتحكيها انتِ وع فكرة كتير بحبها
فاا هول " الكائنات الحية" انسيهم لانو شو ما عملو الله راح يرد كيدهم بنحرهم

يالله انبسطي مع فروحة .. ع فكرة كل يلي اسمهن فرح بيكونو مؤنسين وخفاف -آحم آحم هههههه

الله يفرجها عليك يارب (:

 

7bebti alla yser amrek o yhdee balk :)
im bavk again by the way , c u around :)

 

Susu

Thanks ya amar...Ameen ya rab

White Freedom


امين يا رب... ويوفق الجميع ان شاء الله

الحمد لله على كل شيء

تسلمي يا قمر...امين يا رب
اجمعين ان شاء الله :)

والنعم بالله

Sozan

امين يا رب العالمين
هي الاحد ان شاء الله ببين شو بدو يصير
الله يجيب اللي فيه الخير

امين يا رب
شكرا ياقمر...الله يجيب الخير للجميع ان شاء الله

 

الكيل بمكيالين

انتي اللي عارفه بجو الشغل عنّا
جد اشي بقهر..في اشياء مش بنتعود عليها بس مع الوقت الصدمه بتخف , لكن بعد عشر سنين شغل و هيك يتعاملو اشي بقهر و بصدم

الله يجيب اللي فيه الخير و ربنا ايسر الامور ان شاء الله

والنعم بالله...انا متوكله على رب العالمين

امين يا رب العالمين

Bullet

امين يا رب العالمين

المشكله انك تشتغلي من كل قلبك مش علشانهم لأ علشان رب العالمين اولا و اخرا

وشايفين قديش مهلوكه و بعدين المكافئه بس تحتاجي شي يعاملوكي بأسؤ طريقه ومن تحت لتحت :(


نيجي للاخبار الحلوه
فروووحه بتجنن حبيبتي
و الحمد لله لسا متزكرتنا و بالعكس تعلقت فينا من اول يوم :)

كبرانه و كلماتها المفهومه كترانه
بكفي بتحكي اسمي و مرات بتناديني "آلتو" قصدها خالتو ومع اني عمتو بس باكلها اكل بس تحكيلي اياها :)

كل الفروحاااات بجننو اكيد :)))

امين...شكرا يا قمر

Marwa Joe

Marooooo almodammer...:)

kefek 7bebtee??? shoo hal3'ebeh hay?? we miss u kteer kteer 3al blog w 3al facebook :)

WELCOME BACK :D

Ameen ya rab..thanks ya 7elo :)

 

اصعب شي بالعالم كلو الظلم انا معك
الشغل الله يكون معك انا جربت شغل لفتروة مو طويلة بهالصيف و شفت عجب
و شفت بعيلتي عجب و شغل عصابات من قرايب مش من الغريب
اللي بيتطلع لتحت بيهون عليه وضعو و الحمدلله ع كل شي
و الله بيدافع عنا و بياخدلنا حقنا و كل ما زاد التعب تأكدي جاييكي جبرة خاطر و فرج كبير
الله يكون معك
و ان الله يدافع عن الذين امنوا ..
صدق الله العظيم

 

بصراحة أنا الي فترة مشغولة ، و مو لاقية وقت أزور المدونات اللي تعودت أزورها، و لا حتى أنزل مواضيع جديدة بمدونتي، بس اليوم فضيت شوي، و كنت مشتاقة لتدويناتك و تضايقت لما لاقيتك متضايقة و مكتئبة...
أنا نصيحتي انك تحطي كل شي ورا ظهرك، و تنسي الهموم، صحيح انو الواحد مرات مش بإيدو، بس ان شالله ربنا رح يكون معك اذا كنتي على حق...
و رح ادعيلك ان شالله

 

إن شااااااء الله تعالى خير

... و أن ما أصابك لم يكن ليخطئك!

enjoy farroo7a o ma 3alaiky

:))

 

الله يكون معك.. فالله خير حافظا و هو أرحم الراحمين

 

يا رب يوفقك ويفرجها عليكي
:)
and i guess i missed a great day ;)

 

شكرا الكم كلكم و الله يحقق كل امانيكم و ينصركم على كل عدو يا رب

الحمد لله...انحلّت :)