Things I Like To Whisper About

Would You Hear Me Whispering

بابا



انا اكيد بحب بابا كتير, لكن بعد ما اشتغلت و خصوصا بس ارجع عالبيت واكون كتييييييير تعبانه وما بكون نفسي حد يحكي معي, بحب بابا اكتر و اكتر, مرات بروّح عالبيت ما نفسي حتى اكل من كتر التعب و بس نفسي انام, كيف بابا كان يستحمل و يضل مبتسم و يضحك معنا و يضحكلنا.

و احنا صغار كل يوم بس بابا يروّح من الشغل, وكل يوم يعني كلّ يوم, و حتى فترة ما اشتغل بابا بمادبا و كان يجي وجهه احمر من الشوب, لازم انا و اخواني التنين نتخبّى و بابا يدور علينا بالبيت, طبعا كانت ماما تساعده بأنّه يلاقينا وبعديها فهمت ليش ماما كانت تترجانا كلنا نتخبى بنفس الغرفة, و كان يدور علينا و يعمل جو سسينس ليلاقينا , و "كأني شامم ريحه فلان هون".." كأني سامع صوت نفس" و بعد ما يلاقينا كلنا, لازم نصف و كل واحد يركض على بابا و بحكم ان بابا طويل ما شاء الله فلازم يحملنا و يرفعنا و يرمينا لفوق لنلمس السقف :) هالشي ياخد اقل شي ساعه و بعدها يغيّر و ناكل.

غير طبعا اللعب بالطابه و قعدات حكي القصص و الذكريات خصوصا بس تنقطع الكهربا, كلنا نتمدد على تخت بابا و ماما و يبدا بابا بحكيلنا عن مغامراته ايام زمان :)


و بتزكر لمّا كان بابا يسوق جوا نفق, ما بعرف اي نفق, كان طويل و شوي على دائري و فيه اضوية , كان لازم بابا يضل يزمر من اول ما ندخله لحتى نطلع منه و احنا " هاااااااااااااااااااااااااااااااااااااااااااااااي" كل مرّه كل مرّه نمشي فيه لازم يعمل هيك والعالم اشي يزمر معنا و اشي يزعل و يكشّر بفكر بابا بزمر اله, واشي يأشر و يشبر وبابا ولا عنده مشكله مدام احنا مبسوطين

حاليا هالشي عملته مع فرّوحه, حبيبتي طلعت زينا, او يمكن زي كل الصغار بتحب الانفاق, صرت ازمر و ما عندي اي مشكله, و اخوي بحكيلي انه بس يرّوح من الشغل لازم تنط عليه فروحه و يرفعها لتلمس السقف, واخوي التاني بحكي انه اول مايدخل البيت عبود بصير يركض ليتخبى و هو يدورعليه و كل ما طول ليلاقيه كل ما عبود فرح اكتر

سبحان الله كيف الدنيا بتلف وكيف مشاعر و اشياء ما كنّا نقدرها ولا نفهم معناها بس نوصل لعمر معين او وضع معين بنفهمها و بنقدّرها

كان بابا يحكي لاخواني" بس تصير اب بتفهم "و ماما تحكيلي " بس تصيري ام بتفهمي" و طبعا بوقتها كنّا نحس انها نصائح و مبالغ فيها,لكن سبحان الله هلأ بس خواني جربو يصيرو اباء الحمد لله بحكولي انه شعور غريب غير عن كل المشاعر اللي حسّو فيها بحياتهم.


الله يخليلنا اباءانا و امهاتنا ويقوينا لنكون و نضل مرضيين يا رب ...والله لا يحرم حد من الاولاد

مساكم و صباحكم ورد وياسمين :)

30 التعليقات :

الله يخليلك ابوك و امك و يخليلك كل إللي بتحبيهم يا رب

 

الله يخليلكم اياه يا رب و يطول في عمره ة يرزقك رضاه دائما

كتير مرات بنعتب على ناس لتصرفات بعملوها أو أشياء ما بعملوها بدون ما نجرب ظروفهم.. و لما نجربها بس بنعرف قيمتها و ليش كانوا هيك
تحياتي

 

حلو كتير ذكرتيني بوالدي حبيبي الله يخليلنا اياهم ويطول باعمارهم:)

 

saba7 el khair....thekrayat 7lweh kteer wo allah ykhalilik ahlik kolhom...ana mrti la halla2 bs nemshi b nafaq betkhallini azammer :D

 

الله يخليلك أبوك يا رب, يعني إذا بعمل هيك أشياء أكيد لازم تحبيه, الله يخليكم لبعض

 

mar7ba whisper honey
i truly liked this post mashallah awal shee allah yatwal 3omer abok wa7melk a5wank ya rab ,mashallah ur family mabin 3ailh 3a2al mathliha ,allah yab3ad 3ankoom al3een .allah yas3adkom diamn ya rab wa ya5alikoom lab3ad.

noor

 

جميل جدا
جد الله يخليلكم اياه ويخليه الكم يا رب

 

الحلو انه انا و اخواني كان النا نفس الحركات و احنا صغار :) سبحان الله كيف بتلاقي ناس اتربت بأماكن مختلفة بس بتلاقيهم نفس الألعاب و الحركات و همة صغار
الله يحفظ الأمهات و الأبهات ويطول أعمارهم أديش بتحملوا عشان يبسطوا ولادهم

 

Saleh

امين يا رب...و يخليلك اهلك واحبابك ان شاء الله :)
شكرا

جعفر حجير

امين يا رب العالمين

معك حق...و خصوصا بتقدير اللي بنعمللنا, ما بنقدّر الا بس نكون بنفس الموقف :)

الله يخليلك اهلك وكل احبابك يا رب :)

 

سوزان

الله يخليلنا اياهم يا رب و يحماهم
و ان شاء الله عن قريب بتشوفي الاهل و الاحباب, و انا بعدّ حالي من الاحباب :) ثقّه شو تعملي

مواطنون بلا حدود

ya saba7 el ward :)
al7amdolellah kanat 2ayam 7elweh
Ameen ya rab we5alelek 2ahlak w 2a7babak ya rab

Ma azkaha el madam :) jad 7abet-ha, shakloo nafs el zekrayat kayen 3endha :D

 

Anonymous

امين يا رب العالمين, الله يخليلنا اياهم كلهم يا رب :)

تسلم\ي و الله يخليلك اهلك و احبابك :)

Noor

ya 2ahla bel 2amar :)
kefek w keef Ramadan ma3akee???

Thanks, happy u liked it :)
Ameen ya rab, w y5alelek 2ahlek w 2a7babek w yegma3kom 3an 2areeb :)

Thanks ya amar for ur sweet word, Ameen ya rab :)

 

LUNAR

تسلم يا رب
و ربنا يخليلك اهلك و احبابك, ويخليك لبنوتك و والدتها

هلأ ما شاء الله انت دورك تعمل هيك مع زينة القمر :)

Hb

ياااي ...كنت بستنى بتعليق هيك :)
كنت متوقعه اكيد ان هالحركات مش بس عنّا :9

امين يا رب
الله يخليلنا اياهم و يحماهم و نكون مرضيين يا رب

 

صباح الفل ويسبر
بدون ما تكتبي هذا البوست...كان واضح من معظم كتاباتك ان علاقتك بالوالد والوالده واخوانك ...ما شاء الله علاقه ممتازه
وكان واضح دور الوالد الله يحفظه في بناء شخصياتكم وعلاقته الحلوه معكم اكيد كان الها الاثر في شخصيتك الحلوه المتوازنه

الله يحفظهم يا رب وما يحرمك من حنانهم

 

Nissan

يا صباح و مسا الانوار

الله يسعدك يا رب...انت ما شاء الله عليكي بتلقطيها عالطاير :)

امين يا رب...و يخليلك اهلك واحبابك و يخليكي لاولادك يا رب

 

ان شالله يارب الله يخلينا لآهالينا واحبابنا

وهاي التصرفات الطفولية كمان احنا لما كنا صغار كنا نعملها ... يمكن الفطرة هيك بتقول .. وخصوصي بالنفق
منصير نعمل متل الاسعاف
وي وي .. وي وي ... وي وي ... لحتى يخلصوا ضواو النفق

تحياتي

 

جميلة التدوينه , انا حبيت ابوكي من كلامك عنه

والله فعلا ماحد يقدر يعرف حجم التضحيات, بس المشكلة لما ناس تعرف و ماتقدر

الله يخليلك ابوم و امك يارب و لا يحرمهم منك
و يحلي للجميع ابائهم وامهاتهم

اما الاطفال فبالنسبة ليا لا الموضوع منتهى, حلوين من بعيد و بس ههههه

 

Allah y5allelk eyah ya rab. I agree that we never appreciate our parents as they deserve until we have kids. I lost my parents before getting married, and now after having my kids I just wish they are here to show them how much I love them and appreciate everything they did for me. Allah yer7amhum.

Enjoy every minute with your parents and don't hesitate to show them your love :)

 

how beautiful :) u brought tears to my eyes walla
take care of the old man :)))

 

Ahmad Al-Mahrouq

امين يا رب العالمين

شكله كلنّا و احنا اطفال بنحب نفس الشي وكان يسعدنا نفس الشي :)

النفق لهلأ بس امرّ و انا بسوق الّا ما ترتسم على وجهي ابتسامه من هديك الايام :)

اهلا و سهلا أحمد :)

Wafa'

الله يحلّي ايامك و حبتك العافيه يا رب :)

للاسف التقدير بكون كتير متأخر مرات...ان شاء الله ربنا يقدرنا لنكون اولاد مرضيين

الله يرحم والدك و يخليلك الوالده و الاهل و كل الاحباب يا رب

لاااااا...الاطفال هدول شي تاني
حلوين من بعيد ومن قريب و بكل حالاتهم :)

 

Susu

Ameen ya rab..teslame ya amar :)

Sorry for your lost...Allah yer7amhom

Allah y5aleke la wladek ya rab,be sure that in every pray and do3a2 they will know how much u appreciate them,and will be beside u inshallah

I'm and I will inshallah...thank u very much :)

NasEr

I'm sorry for that naser :(

I will inshallah ...thanks ya sadeqe :)

 

الله يحفظ لك ابوك وامك ويجمعكم على المحبه والسعادة
ماشاء الله عليك عشتي ايام جميلة الله يبعد عنكم الحساد يارب

:)

 

White Freedom

امين يا رب...و يخليلك اهلك وكل احبابك ان شاء الله

الحمد لله رب العالمين كانت ايام حلوة :)
الله يجعل كل ايامك و اوقاتك حلوة يا رب

 

Sorry Haitham :(

Allah y5alelak 2ahlak w tshofhom 2areeb w y5alelak Hayyoum w mamet-ha

 

من أجمل المواضيع والادراجات إلي قرأتها.. الله يخليلك الوالد والوالدة وما يحرم حد من اهلو.. آمين..

 

الله يحلّي ايامك يا رب..تسلمي يا قمر

و الله يرحم الوالد و يخليلك خالتو و اهلك على طول

 

the emails to u r not working! Don`t know y! :(

so I thot to post it here,,
it`s not bwt "missing" (my comment I mean) ,, it`s just I practcly never knew my dad! During growing up I mean.

he was away and me being the eldest never got to know him, got me?
anyhow,,

salam

 

الله يعطيه العافيه....

ما بعرف اذا قصدك انه كان متغرّب

للاسف كتير ناس بتغربو ليأمنو حياة كريمه لعائلاتهم ولكن للاسف همه و عائلتهم بخسرو اوقات ما راح تتكرر

لهيك انا مع ان اذا الاب تغرّب ياخد كل العيلة معه, صح بتكون صعبه و فرصه التحويش بتقل و لكن وجودهم مع بعض بهوّن كتير اشياء

ان شاء الله اكون فهمت قصدك صح :)

 

متغرب بالكويت كان
و برضه تركيا شي سنتين و 20 + يالسعودية! إجا بعد ولادتي بأكم يوم و رجع طوالة! لووول

it`s a trade-off for sure :)

***I should be on Oprah or something ,, البؤسااااااااااااااااااااااااااااااااااء

لوول

 

ما شاء الله وجهك خير عالعيله كان :)

الله يعطيه العافيه يا رب...
هو خسر و انتو خسرتو :(
بس الظروف بتحكم مرات

بس مش لدرجه اوبرا يعني.... ممكن كلام نواعم و كتير كمان :))))