Things I Like To Whisper About

Would You Hear Me Whispering

أصبحنا و اصبح الملك لله


صباح الخير عالجميع
اليوم حسيت حالي صاحية مبسوطه
قلت لحالي لأ شو مبسوطه ما مبسوطه ..
لازم سمّه بدن على هالصبح
فقررت اعمل جوله على صحفنا الكريمه
و حبيت اجيب ملخص للي قرأته

منشان الله انتخبو

المؤسسات الحكوميه ما بتجيب فلوس و يا دوب تغطي الرواتب

لهيك بدهم يخفضو الرواتب او الحوافز او العلاوات...مش ضروري هالموظفين يتبحبحو

شو يعني ارتفاع مقبول للمحروقات؟؟؟؟ لهلأ مش فاهمه...هو ضل اشي مقبول

احمدو ربكم اللي ما رفعنا سعر الغاز...ومنشان الله انتخبو

وزير التربيه مدعوم عالاخر و قراراته صح الله لا يردهم هالمعلمين...وابدا مش علشان اعتصمو انطردو

وخبر عن الشفافيه اللي بنتميز فيها بس مسؤول يزور البلد شو بصير

الخبر الوحيد اللي بشرح القلب و المنطق ....فتوى الفيس بوك


والخبر اللي برجعك لمود الانبساط ....محمود عباس...منشششششششششان الله بطل وزّع ابتسامات :)

14 التعليقات :

عاد اليوم جايه الصبح وبحكي لحالي

اليوم ويسبر بتحطلنا شي حلو اسمو اليوم خميس وهي بتحب الخميس :)

 

ما انا جاي مبسوطه...مش عارفه قلّة العقل و شوفة الاخبار من وين اجتني :(


اليوم الخميس...واي شي ما بعكر المزاج ان شاء الله :)

 

ويسبر...حتى وانتي منكده
you make my day:)

أحسن خبر ...خبر الفتوى...الله يبارك فيه الشيخ نوح
قديش نحنا بحاجة عقليات متفتحه!!!1

 
أزال أحد مشرفي المدونة هذا التعليق.
 

Oh, poor teachers! 130 teachers.

Makes me wonder what's on Jordan's priority list now... Money, eh? Not education?

 

كي ويسبر
بتذكر اتفقنا ما نقرا اخبار
الي مدة متابعة موضوع مشان الله انتخبوا
و البنزين بدو يصير اغلى من الالماس بالاردن يعني بنفع تنكة بنزين تصير شبكة
الله بعين
شو خلاكي تقري اخبار الخميس
لا و انا نازلة افتح اللينكات و اقرا

اجازة سعيدة

 

خذيها مني لا تقرأي اخبار انا لما ادخل صفحة الاخبار باقرأ التعليقات علشان اضحك لاني بصراحه بكره الاخبار كلها قتل ودم وضرايب وعالم بتموت من الجوع واللي عايش مش عايش الله يكون بعون العالم

 

طيب ، اولا مشان السعادين الزرق انتخبوا
ثانيا : حكي الحكومة مزبوط ليش زعلانه انت؟!؟ مهو الموضفين اللي يا دوب يصل راتبهم ل 300 او 400 ليرة ان طارت هدول مشكلين عبئ على الانفاق العام و عملو عجز عمرو ما صار من ايام الحكومات السابقة ، بس الموظفين الكبار بالدولة اللي راتب واحد فيهم بصل 4000 او 5000 دينار غير الحوافز و بدل سيارات و بدل بركة سباحة و بدل بزر في البطيخ هدول مش عاملين اي عائق على الميزانية ابدا ، استغفر الله شو هالحكي هاد

و صحيح قبل ما انسى مشان العقيد في مسلسل باب الحارة انتخبو بالله عليكم

 

ليش زعلانة من عباس ؟ مش شايفة كيف حياة الفلسطينية جميلة و كلها إنجازات فلازم يوزع إبتسامات

بعدين هو يعني أحسن من أبو عمار؟

و مسا الورد
:)

 

مش منتخب مش منتخب موووووووووووووش منتخب
:]

 

Nissan

صباح الورد عأحلى نيسانة مدونين :)

الله يسعدك ويجبر بخاطرك يا رب :)
وانا كمان عجبتني ...اخيرا اشي منطقي بنحكى :)

الله يسعد ايامك يا رب :)

RoxMySox

Poor teachers...poor families :(

priority list!!!
there is no list... every one is thinking only about himself

Welcome here,and thanks for the comment :)

 

Jafra


هيك اتفقنا...بس مرات بصيبني زهايمر وبنسى النكد اللي بعد القراية :)

الله يعين الجميع....كل ما نتوقع انها وصلت لقمّة الضغط بكون لسا في كمان :(

الحمد لله كانت سعيده و عجئة من الاخر :)
ان شاء الله ايامك دايما سعيده

Sozan

والله شكله هيك لازم :)
قرأة التعليقات...والله فكره حلوه :)

الله يعينا و يعين العالم يا رب

 

Dr.Mohammed

ههههههههههه بالزبط هيك :)

مبدئيا موظفين الحكومه عالتقاعد يا دوب يوصلو 400 :)


هو ما حد بنكر انّه الله يعينهم علينا...مش بكفي مشغلينا..جد انّا ناس ما بنعطو عين
شو فيها لو كل واحد فينا تبرع ب 200 دينار شهري للحكومه.. ليش الطمع

اللي رواتبهم 4000 هدول بتعبو...فلازم يعطوهم على قد تعبهم, يعني سيارات و سفرات لازم يبيضو وجه البلد وهمه باجازاتهم في الخارج, اما احنا لو متنا من الجوع هون, ما حد بسمع فينا و بضل وجه البلد ابيض :)

خلص ولا يهمك....احكيلك انا لاني منتميه انتخبت امبارح :)

 

Palestinian Princess

انا مش زعلانه ...انا بحكي علشان مصلحته :)

ابو العبس حبيب الشعب....اي اذا اليهود اللي ما بحبو حد بحبوه و راضيين عنه انا بدي اكرهه؟؟؟ اعوذ بالله :)

صباح ومسا الفل والياسمين :)

Haitham هيثم Al-Sheeshany الشيشاني

له له له...ليش
عاد في متسابقين اصواتهم حلوه بين الشباب ...

صباح الورد :)