Things I Like To Whisper About

Would You Hear Me Whispering

بدكم افكار...احنا بنعطيكم افكار



انا شخصيا مش عارفة هالخبر سعيد ويلا تعيس

يعني هل هو انه العالم حسّت انّ المواطن خلص فلّس و ما ضل اشي يتم اقتطاعه للضرايب, ويلا انهم بطل عندهم افكار جديده للضرايب, ويلا حسو انّا قربنا ندخل جينس بعدد الضرائب علشان هيك تراجعو...طيب كان حكو الله يسامحهم كان ساعدناهم, في اشياء كتيره لسا ممكن ينحط عليها ضرايب, ومش مهم في فلوس ما في فلوس, بندبرها, يعني مثلا كل اردني مغترب - اسمهم معبيين مصاري و الاشاعه منتشرة بقوه - لازم يدفع هو او اهله عنه ضريبه عن كل شهر بقعد برّه البلد, شو نسميها هالضريبه....امممم اه بدل جنسية :) و علشان يستفيدو اكثر كل واحد ببعت بعملة البلد اللي هو فيها وبهيك بتيجي بالدولار و باليورو دراهم ريالات...

ايش كمان...ايش كمان.. اه ممكن بدل اقتناء طفل, وهاي مراعاة للطبقة الفقيره , كل عيله بقل عدد اطفالها عن 3 بدفعو هالضريبه :) علشان انو بس الاغنياء اللي يدفعو, الله يسامحكم و بتظلمو هالعالم وبتحكو انهم ما بحسو بالمواطنين اللي تحت خط الفقر.


وفي ضريبه بدل حكي, اللي بزيد عدد كلماته عن 1000 كلمة باليوم بدفع مبلغ عن كل كلمة زياده, وبهيك بخف وجع الراس من الناس كتيرة الحكي...وهاي مفيده قبل ما تبدا الانتخابات, فكل مرشح بس بحكي اللازم وما بنضل نسمع الخطب الرنانه و الوعود الوهمية اللي بحكوها.

يعني اذا بدهم افكار بنعطيهم, وما يحملو هم ابدا ابدا...المواطن تعود و اكتر من موته وحده ما راح يموت و هي راس مالها جلطة - بعيد الشر عنّا وان شاء الله اللي بكرهونا -




26 التعليقات :

لازم يركبولنا عداد ع كل اشي
حتى ع رجلينا .. ع كل كيليومتر يدفعونا عشرقروش
وع عيونا .. كم ثانية منغمضهم؟؟
لآنه الوقت اللي منرتاح فيه وبروح نوم
بروح ع الفاضي وخشارة مصاري
لازم ندفع بدل نوم

لاتعدي ما بتخلصي
تحياتي

 

ما بقول غير حسبنا الله ونعم الوكيل

والله اني بنخنق لما اشوف حق السيارة العواية - بعيد عنكم - هون حقها 6 - 7 الاف ليرة , وهذول ال6 الاف لو اخذتهم عالسعودية بتجيب بي ام او مرسيدس او شفر , الخ

وهاذ لسه باب واحد , غير الابواب الكثيرة اللي انخنقنا منها رسمي

 

شو رأيك بضريبة بدل مدونة؟
:D

كل مقالة بتنزليها في مدونتك بتدفعي عليها 5 دنانير
:p

الله يعين الناس على همومها و بدل ما الحكومة تساعد بتزيد الهم فوق الهم

لا حول و لا قوة إلا بالله

 

مهو انت مش فاهمه القصة ، القصة و ما فيها انو احنا شعب مرتاح و مستقر اقتصاديا ، فالفكرة انو كل ما فرضو ضريبة احنا بندفعها و بتم ساكت ، مش خوف لا سمح الله ، لأ ابدا ، بس احنا الشعب بدنا نشوف لوين اخرتها معهم ، يعني راح يضلو يلاقو مسميات للضرايب و لا لأ ، و زي ما انتي شايفه هيهم راح يقعدو ابو 4 اشهر لنهاية السنة يفكرو بضرايب جديدة ، فبالتالي احنا اللي بنضحك عليهم و فوزنا عليهم بالخطة المحمكة تبعتنا ، صرلهم اكتر من 100 سنة بالضاريب و اخيرا انتصرنا و حققنا نصر لنهاية السنة

هلأ لازم نفكر بالمرحلة التانية من الخطة لانهم راح يلاقو ضرايب جديدة ل 60 سنة لقدام ، بس مش مشكلة بعد 60 سنه راح نفوز بكمان 4 اشهر :)

الشعب 1 - 0 الحكومة

 

همسة, المفروض تتعيني مشتشارة بوزارة المالية على هالأفكار الأينشتناية(نسبة إلى أينشتاين), يعني شو بدهم أحسن من هيك المصاري بتجي بشكل حلو, والناس عايشة و مبسوطة مش بكقي كل يوم والتاني حفلة ونادي ليلي و مطعم ومول وسوق بينفتحو

 

ههههههههههههههه حلو هالموضوع كتير :)نسيتي ضريبه ويسبر ضريبة بدل هوا على كل مواطن انه يدفع ضريبه على الهوا اللي بيتنفسه وهيك الكل بيدفع

 

"..امممم اه بدل جنسية :)"

او ضريبة اغتراب .. ضريبة القعدة برا :D

 

Ahmad Al-Mahrouq

اه فكرة برضه, عداد جميل جدا
شايف كيف الله يسامحهم لو استشارونا بالاول كان فدناهم....بس همه هيك كل شي بعملوه ليقهرونا بس :%$


LUNAR

ليش هيك انت مش منتمي؟؟
ولشو السيارة بالزبط..احنا شعب اتعود عالدلال , خرّبو اخلاقنا
المفروض نمشي مشي

زكرتني بالنكته اللي مختصرها ان خليجي بسأل اردني عن ال 300 دينار بدل شو بياخدهم
حكالو " بدل ما نشحد " ههههههه
جد شر البلية ما يضحك

 

Palestinian Princess

اه برضه فكره...فرصه الكل يسكر مدونته :$
الله يسامحك هاد علشان ضريبة المغتربين....خلص بنعملك خصم :)

الله يعين العالم فعلا...بطلو قادرين يتنفسو

الله يفرجها عالجميع

Dr.Mohammed


مهو طول ما احنا بنمشي على الامثال السلبيه "حط راسك بين الروس وقول يا قطاع الروس" او " الموت مع الجماعه رحمة" يعني بنبرر لحالنا .....لاااااااا اكيد مش خوف ولا جبن

اهاااا هلأ فهمت...يعني طلعنا احنا الفايزين بالدور الاول :)

فكرك بنضل للنهائي :$ ويلا بتروح علينا

 

Ahmad Hamdan

كيف بس...الله يسامحهم ما بستفيدو بالخبرات اللي عندهم, ما بعتبرونا موجودين و بس بجيبو محللين اجانب

مالحفلات و النادي الليلي و المطاعم والمولات مش لالنا...للي بدفعو وما بتفرق معهم اشي

احنا المسخمين بعملولنا ملاهي و بدفعونا التذاكر خاوا قبل ما ندخل...بدك تلعب او ما بدك تلعب..بدك تدفع :$

Sozan

اه صح...كيف راحت عن بالي :$
هاي كتير مهمه

و خصوصا انّا طول نهارنا انافخ من قهرنا..شوفي استهلاك الهوا كم زاد مع كل مصيبه


Rita

ايوه بالزبط :)

اسمه الاشاعه طالعه عليكم انكم معكم فلوس بالهبل...المفروض تدفعو :)

 

ابزبطش على الحكي .. لانو وقتها بقل الحكي على الموبيلات فا بتخسر الحكومة
فا انا بقترح
ضريبة على العرط لانو احنا شعب عريط
ضريبة على الزناخه لانو احنا شعب زنخ
ضريبة على الشتايم لانو بنضل نشتم ونسبسب


قط البكتريا انصراف

 

قط البكتريا

والله زماااااااان....شو وين هالغيبة
لا تعليق ولا مواضيع جديده
طولت علينا :)

مهو ضريبة التلفون مدفوعه ان كان بنحكي او لأ....يعني حاسبينها صح الجماعه

افكارك كلها حلوه بس اكتر شي فكرة ضريبة العرط عجبتني

هاي بلمو منها بلاوي :)

 

ههههه
عجبتني ضريبه المسبح

سمعتي صح عن ضريبه المغتربين؟ والله لما قرأت عنها حكيت غير ابوي يخف عقلو!!

ما بيكفي التحويلات اللي بنحطها بالبلد؟!

 

صار لي مبارح بحاول أكتب تعليق بس مو زابط
:[

شكلو الضريبة على التدوين أخذت حيز التطبيق ، لااااااااااااااااااااااااء

لوول

بس جد من مبارح مو عم يظهر اللي كتبته!
على كل الشباب / الشابات ما قصروا و كتبوا كل شي :)

 

مياسي

وانا كمان...يعني الضريبة الوحيده المنطقيه :)
الا اذا بعتبرو ابيار المي مسابح...بناكل هوا :)


جد في ضريبة مغتربين O_o
انا بمزح كنت :$
هدول الجماعه ما صدقو يسمعو فيها شكلهم :(


Haitham هيثم Al-Sheeshany الشيشاني

شكلك مش دافع الضريبه لهيك منعت من التعليق :)

مش عارفه شو بصير, حتى انا مرات وانا برد عالتعليقات بخرب اشي و يا ما ببين التعليق يا بكون معلقه مرتين :$
شكله اشي بالدومين

اهلا وسهلا فيك دائما...هاد من حسن حظي انك تعيد الزياره اكتر من مره :)

 

يا عزيزتي في ضريبة مغتربين مش مزح
كانت فكره مطروحه من فتره قريبه جدا!!

 

مرحبا ويسبر
يعني الحمد لله انك بتشتغلي في وزارة ما الهاش خص في الضرايب، ولا كان نخرب بيتنا على هالأفكار الشريرة تبعتك
سبحان الله ربنا الو حكمتو
يسعد صباحك

 

مياسي

اول مره بعرف :$
هاد جد ما خلو شي الا فكرو فيه :(

ان شاء الله تضلها مطروحه وما تقوم...وما تصير قيد التنفيذ

اشي بقهر

نادر احمد

ما انا بزبط اموري بركي طلبوني انتداب عندهم كم شهر :)

بحكو رواتبهم احسن من عنّا

صباح ومسا الورد :)

 

شكرا على هالأفكار الهدّامة!
صحيح إنه الإنسان جبّار ولما يحط عقله باشي بتطلع معه الهوايل.
لأن والاخوان المعلقين نزلوا يعطوك افكار. عجلي واشطبي هالادراج بلاش حدا مسؤول يقرأه مش ناقصنا اكلة هوا

 

فيه ضريبة اسمها ,,, ضريبة المبالغ المدفوعه لغير المقيم

شو مفكرتيهم بلعبو يا ويسبر

 

الكيل بمكيالين

انا لاني حزنت عليهم بصراحه...ما حبيت يبينو انهم تغيرو :)

طلعت انا اللي غايب طوشه وعاملينهم من زمان :$

بس عجبتني الافكار الهدّامه هههههههههههه

قط البكتريا

ييييييييي افهم من هيك ان اخواني متهربين من الضرايب :$

فكرك لو رحت بلغت عنهم....بشغلوني معهم :)

 

لا انتي اذا دفعتيلهم بدك تدفعي للحكومة ... تاني اشي من يومك مدكنة عفلوس

شهر التسوق قرب بدبي ما بدك تنزلي تعملي شوبينج

يا مسكينة :D

 

ضريبه إلي تضربهم..

في كتير دول الضرايب عندهم عاليه متل حالتنا، بس الفرق إنه بالمقابل التأمين الصحي ول تعليم المدرسي الجامعي، ول سكن ول كهربا ول مي كل شي مأمن للمواطن مجاناً!

بالأردن الحمدلله، بتتاخد هل ضرائب وبتختفي الله أعلم بجيبة مين!

الله بعين..

 

قط البكتريا

مدكنه فلوس!!!
موظفين حكومه....يعني الفقراء لله احنا :)

الشوبينج بدبي هاد مش عحسابي..الله يخليلي اياهم خواني المغتربين :)

Blabbrgirl

اميييييييين :)

في ضرايب بس في حياة بالمقابل....في رواتب في خدمة صح للناس
مش عصر عصر وبدون مقابل

الله يفرجها عالجميع

 

allah ysam7ik...haik beddik tza3lini mennik...shu dareebeh 3al mo`3tarebeen, e7na na2esna? la tfatt7i 3yonhom 3alaina allah yerda 3alaiki :D
bel nesbeh la dareebet el 7ki mo moshkeleh....aslan law tabbaqooha bejooz betla3li 3ndhom masari :D

 

مواطنون بلا حدود

Ma ana b7awel 2abyen 2entema2ee....fa medtarra 2enny 2a5on el sh3b :)

loool y3nee fe mostaradaaat....bs yemken el madam m5alsa 3ala kull el raseeed 2elly 2elak :)

2oskoot....6ele3 fee darebeh w ana mesh 3arfeh :$ y3nee eljama3a mesh m7tageen la mosa3dty :)


7aseh 5a66ak 2awda7 ....yemken la2ennak be Jordan :)

Nawwart 3amman :) inshallah tkoon mabsoot bel2ejazeh w lessa ma qazeeet w sar beddak terja3 :)