Things I Like To Whisper About

Would You Hear Me Whispering

قصص براءة





بدي احكيلكم اليوم قصه من القصص اللي كتير حبيتها لاولاد صاحبتي

صاحبتي بتحكيلنا عن اولادها "س" عمره 6 سنوات و "ع" اللي عمره 4 سنوات

"س" و "ع" كالعاده و الوضع الطبيعي انهم بتقاتلو طول النهار والليل, امبارح متقاتلين و قد ما "س" عصّب عأخوه حكاله " يلعن ابوك!!"
طبعا "ع" مش فساد بالمره, طيران لعند ابوه و حكاله ان "س" سب علي وحكالي يلعن ابوك, صاحبتي بتحكيلي فورا زوجها نادى "س" اللي هرب على غرفته, بتحكيلي احنا كنّا بنحضر اشي مهم عالتلفزيون و نسينا الموضوع وكل شوي "ع" يرد يزكر ابوه , والاب بنادي "س" و برجع بنسجم مع التلفزيون, بتحكيلي بعد نص ساعه من هالوضع , نادى الاب "س" باصرار هالمره



بتحكيلي اجا "س" وجهو احمر زي الدم و عيونو جاحظين لبره و حمر حمر, و بتعصّر و واضح انه معصب...بتحكيلي لسا ما حكاله ابوه اشي شوي "س" بتطلع عأبوه و بحكيله...


" يلعن ابوك انت كمان!!!!" و زي الطير هرب عالغرفه
بتحكيلي لثواني ضلينا منصدمين بعدين نص ساعه واحنا بنضحك, وهلأ بالبيت بس حد يعصب صرنا نحكي " يلعن ابوك انت كمان"
وهلا احنا بالشغل بس يجي مراجع معصب او حد يعصب بنحكي " يلعن ابوك انت كمان" :)


صباحكم سعيد :)

15 التعليقات :

يعني ما إجت إلا على هالأب المسكين ينسب عليه
lool
really funny

boys will be boys I guess
:]

 

Haitham هيثم Al-Sheeshany الشيشاني


شفت المسكين ...لو سامحه اول مره كان ما اجته مسبه تانيه

الوصف و الحكي غير عن الكتابه ...جد وهي بتشرح وبتقلده كتييير تحشيش الوضع :)

 

LOL!!
ع سيرة الصغار ابن خالتي لمّا كان عمره ٥أو ٦ سنين كان يقرط بالحكي و يلفظ الكاف تاء .. فا مرّة كنت بنكش راس عليه, قلتله قول كرسي..قال ترسي..قلتله قول كنَباي..قال تنَباي ...قلتله قول كوكاكولا..صفن فيّ شوي بعدين قللي تُلي
***
و قام من جنبي ..ع قد ما انصدمت ع قد ما ضحكت يومها ..طبعاً أكل قتلة وراها :)

 

مساء الخير ويسبر
منيح اللي حكيتيلنا انكم هيك بتعملو بالمراجعين، بلاش ما نيجي يوم و (الحج) تنوبو مسبة
:)

على العموم أنا فيي عادة ومن أنا صغير، لما بطلع من أي مكان كنت فيه مع ناس، بسب عليهم في عقلي ازا سبوا علي
ههههههههههههه

 

شي بيضحك وبيحزن بنفس الوقت

 

hb

هههههه الله يسامحك عصبتيه يا حرام

مش كلمه بصراحه وكلها 'ك'
بس حتى مسبته فيها نغاشه 'تلي' ههههه
بجننو الصغار

 

نادر

مسا النور نادر

حاش لله انا نسب مراجع :$
اللي قصدته ان تعصيبه علينا بذكرنا بالقصه,فبنعلق بالكلمه لكن انا نسب,لا ابدا ما حصلت ولا حتحصل ان شاء الله

زي صاحبتي مره زوجها جاي من بره ويادوب داخل لمحت صاحبتي بأيده باذنجان وهي ما بتحبه,فورا انفعلت وحكتله 'ليش جايبلي باذنجان' وبعد ثواني ندمت انها حكت وعالطريقه اللي حكتها فيها
هلأ كل ما حد هب بالتاني فجأه بدون داعي بنتطلع عبعض وبنحكي 'ليش جايبلي باذنجان'
هيك يعني....ان شاء الله تكون وصلت :)

عجبتني الفكره,من باب الكلام صفه المتكلم :)
انا مبدئي اشي تاني
المسبه بتلف بتلف وبترجع لصاحبها :)

 

Sozan

المشكله انك بتضلي تحافظي عاللغه اللي بسمعوها ولادك بالبيت, لكن للاسف اول مايروحو عالمدرسه بتزيد حصيلتهم من هالنوعيه السيئه من الكلمات :$

 

نسيت احكيلك
اصلا البوست عجبني كتير وضحكني
:)

 

مرحبا ويسبر
أنا كنت بمزح معك بس، أنا واصلتيني الفكرة من أول ما قرأت البوست

انا حبيت امزح بس
:)

 

شكلي دائما حفهم تعليقك غلط علشان اكسب رجوعك وتعليقاتك :)

بسعدني ان البوست عجبك ورسم ضحكه على وجهك :)

 

تحشيش الصغار ... دايما بتطلع معهم شغلات غريبة عجيبة

بس اذا طلعت من حدا كبير يا ويل ويله

 

الصغار بحكو الشي بتلقائيه وبقصد بريء
اما الكبار فالمعظم بكون شرير بكلامه :$

 

hehehehehehehehhehehehe.. kteeeeer 7elweeeeeeeeeeeeeeee d7ktnii kteeeeer
whisper ure an mazing writerrrr looooooooooool

 

Happy that I draw a smile in ur face ya amar :)

Thanks for the sweet words :)