Things I Like To Whisper About

Would You Hear Me Whispering

الحالة الاجتماعية

واضح اني ما الي دخل بتزبيط الصور :$



كتير مرات بكون المجتمع اللي عايشين فيه عنده نوع من الظلم خصوصا للبنت,احنا مجتمع ذكوري مهما تقدمنا وتطورنا وتعلمنا وتثقفنا

خليني اشرح اكتر وحستخدم نفسي" ويسبر" كمثال علشان زي ما اتفقنا بلاش نورط مع حد ,احنا مش ناقصين :)

هلأ نظرة
مجتمع صغير مثلا مجتمع التدوين ل "ويسبر" كعزباء

بنت عمرها 33 سنه مش متزوجه,كاتبه قصص عن سلسله عرسان,اي نعم كلهم طلعو اشي بخزي بس برضه بقدر هالمجتمع انه يستنتج ان ويسبر متطلبه وما بعجبها العجب وهي لو تحط عقلها براسها وتهدى شوي وتبطل شوفه الحال ربنا بكرمها بأبن حلال بس هي ما تطلع فيه 100 عيبه وعيبه ,مافي حد كامل حتى هي مش كامله

او.... بنت وماشاء الله عليها وعمرها مش قليل وبتضل ترفض عرسان -هالنوع عندهم العريس لقطه لو ايش ما كانت صفاته وعيوبه,ما بنرفض- اكيد الموضوع في إنّ.....

لو شب و وصل 40..... مسكين الدنيا اخدته والتهى ونسي موضوع الزواج, بدور على عروس ومش لاقي,حواليكم بنت متخرجه جديد بنت عالم وناس :) ونادرا ما يتهم بأي اتهام او اي صفه بتمس بعدم زواجه لهلأ ,في اتهامات لكن نادرا ما يطلقوها بهالمجتمع

‏ هلأ لو "ويسبر" مطلقه

اهاااا والله كنا متأكدين واضح من كتاباتها ان في عقده معينه عندها,والله كنا شاكين خصوصا من سلسله هالعرسان,احكيلك انا بتوقع انها مألفتهم,اه مش بعيده العقد بتعمل اكتر من هيك,وبعدين بتتزكر البوست الفلاني? لما كتبت كزا وكتبت كزا كان واضح ان في ألم معين واضح ياجماعه
ياخوي ابعد عن الشر وغنيله شو بدك تتورط مع هالاشكال,هاي بدها عريس والسلام اسألني انا بتمسكنو ليتمكنو, روح نقيلك بنت صغير "ما باس تمها غير امها" وشو الله جابرك تاخد وحده مطلقه
لاحظو انهم طبعا ما جابو سيرة ولا سألو عن سبب الطلاق :)


هلأ لو كان الموضوع شب مطلق..... اكيد قرفتو بعيشتو ويلا ليش بدو يتركها? اكيد امها بتتدخل بكل كبيره وصغيره,اكيد كانت مخططه تحكمه,يلا منيح اللي خلص منها
طيب في حواليكم بنت متخرجه جديد لهالشب? ?

احنا مجتمع بحب يطلق الاحكام على كيفه,هو القاضي وهو محامي الدفاع ومحامي الادعاء وهو الشهود اللي ماشافو حاجه, والمشكله الكبرى ان رأيهم بصير اوامر وتطبق من الجميع بدون نقاش,لانه مين انا اتحدى المجتمع ومين انا ليكون الي رأي بعد رأي المجتمع وانا عايش بهالمجتمع والا ما اتأثر فيه,فمن مبدأ الموت مع الجماعه رحمه

انا رأيي انه بضل موت ولو رشيتو عليه شوالات سكر بضل موت وبضل مر
هاد استسلام لان الوضع هيك كتير اريح,تبريرات ما بتدل غير على انك جزء من هالمجتمع الذكوري,انا بحكي عن مجتمع مش عن اشخاص معينين,بحكي عن تفكير الناس اللي حواليك اذا انت ما بتفكر او بتفكري بهالطريقه
فبرجع وبحكي انّا مهما اتطورنا ومهما اتعلمنا ومهما اتثقفنا بنضل مجتمع ذكوري :)

29 التعليقات :

المفروض انهم يحكو "ويسبر" 33 عاما, عزباء من أفضل الفتيات المدونات و العرسان اللي كتبت عنهم ما بستاهلو الزيجة.

الشغلة فد تكون انو احنا مجتمع ذكوري وممكن تكون انو احنا مجتمع بحكم عادات وأفكار ما الها دخل بالواقع بشي وكانت تنفع لفترة من الزمن وانتهت صلاحيتها حاليا, ما بعرف هالنظرة الغريبة اذا كانت البنت عزباء وخير يا طير , مريم بنت عمران لم تتزوج ولم يمسسها ذكر وهي من خير النساء في العالم هل عزوبيتها أنقصت منها شي؟

النظرة الغبية للمرأة المطلقة وانها كذا وكذا, هل كونها مطلقة عاب منها شي؟ احد نساء الرسول عليه الصلاة والسلام هي مطلقة زيد بن حارث لو كان طلاقها اشي ينقص منها وبأخلاقها كان ما تزوجها الرسول عليه الصلاة والسلام.

السؤال هو متى يا ترى هالمجتمع راح يشغل مخو؟؟؟

 

الى حد ما ... انا معك
انه مجتمعنا مريض من هاي الناحية

لكن نوعا ما ... صار يفتح ويتوعى
والدليل على هيك ... رد احمد حمدان

لو انه من المجتمع لمريض ما كانت هيك وجهة نظره ... يعني جيلنا صار يتفهم الموضوع اكتر ... المهم , كل شي بالنهاية نصيب ... هاي هي الفكرة اللي لازم يفهمها المجتمع

 

Ahmad Hamdan

شكرا احمد, رأيك ورأي المدونين والمدونات اللي بحترمهم كتير بعتز فيه :)

المجتمع اللي حوالينا بكيل بالف مكيال ومكيال, و اهم مكيال هو المصلحة الشخصيه اللي عندها بغيرو كل مبادئهم وافكارهم ومعتقداتهم ومرات للاسف اساسيات دينهم

صلى الله عليه وسلم, ما في حد متل رسولنا الكريم باخلاقه وافكاره

وانا بضم صوتي لصوتك بهالسؤال...الى متى؟؟؟

 

Ahmad Al-Mahrouq

التعميم اكيد غلط, و زي ما حكيت انت واحمد وكتير من المدونين والمدونات اللي بحترم رأيهم وطريقه تفكيرهم اكيد مش من ضمن هالمجتمع اللي بحكي عنه

المشكله مرات مش بالجيل الجديد, المشكله بالجيل القديم اللي بفرض وجهه نظره وافكاره عالجيل الجديد

اهااا جبت الفايده...كله اولا واخرا نصيب, لكن بدك مين يفهم و يقتنع

 

Wow! i think there are 3 posts i didn't read in your blog!! stupid busy life!!!

Anyway, usually i can feel the sarcasm in your posts , and i can understand what you meant to say even without saying it frankly, but in this post ....hmm...i can't ! i simply can't feel any sarcasm, especially in your last paragraph i felt as if you are really surrendering !

If this society keeps dragging you down then stop living!! if you are simply affected by this society then leave it! if you hate such society then simply change it or kill it ! i dont know what you have to do , but what i know that most of what i said is not applicable and cant be done!

So what is the solution ?! simply cope with it , and be stronger than this stupid society , there are huge errors and misunderstandings around us, our society judges us in harsh way, even so , we shouldn't "simply surrender" because if we did; we will die inside before dying outside,

I dont care what everybody say if i know myself ! i dont need any stupid loser to tell me who i am ! if I'm a successful in my life and i have some good friends and my relation with my family is good ; then i bet i definitely better than everybody else!

I used to read you posts to feel your special sarcastic way of expression about everyday events ,i used to feel your high hope and your strong personality, so please dont take this from me! dont let it go !

 

كلو كلام
هاد الحكي تاع المجتمع اتغير ومش عارفه شو
مهما بين انو صرنا لقدام بأكدلك انو معظم الافكار هي هي

اذا ما كان أسوأ

بعدين نغمه جديده منك ويسبر هاي ولا أنا متنكده عالصبح؟

صباح الخير:)

 

فعلا
ما الك دخل بتزبيط الصور
:D

بمزح

هسه بدك تحطي براسك شغلة , احنا كمجتمع شرقي وكعرب , ما في اشي بعجبنا

بحس مرات انه كل المجتمع عبارة عن لجنة تحكيم كبيييييييييييرة , شغلتهم ينقدو العالم

ويا حبيبي لما تكون الامور الها علاقة بالحالة الاجتماعية , وخصوصا للبنت

البنت حتى لو خطبت شهر وفسخت , بتظل هالقصة لاحقتها تا تموت , فما بالك لما تتطلق ؟

يا عمي خلو هالعالم تعيش , والله ذبحتونا انتقادات وحكي ما اله طعمة ولا داعي

يعني هي البنت ما بكفيها انها مطلقة , وكمان المجتمع ما يرحمها ؟ والله كثير

ما تسمعي كلام من حدا , طنشي , خلي هالعالم تحكي مثل ما بدها , انتي عارفة حالك أكثر منهم , والقراب عليكي عارفين مين انتي كمان , فا طنشي

والسلام

 

مرحبا ويسبر

المشكلة تكمن فعلا في المجتمع الذي لابد من إضافة لقب آخر إليه بجانب اللقب الذكوري وهو أنه مجتمع مصاب بانفصام واضح في الشخصية فمن جهة هنالك تعنت وتعصب وتزمت للآراء وعادات وتقاليد لاتتناسب ولا بأي شكل من الأشكال مع هذا العصر الذي نعيش فيه والمشكلة أنه يتم استخدام ستار الدين لإضفاء شرعية على تلك العادات والتقاليد وهي بعيدة كل البعد عن الدين

صدقا أبدعت

 

klam jameel wo law enno fe en7eyaz wade7 lel mar2ah...bs ana nathreti lal mar2a mokhtalefeh shway...ya3ni msh dayman heyye el da7eyyeh...el mar2a mas2oleh b shakl kbeer 3n el sora elle wad3at 7alha feha...ya3ni, ana ba3taber enno 3aib entekhabat el majlis el niyabi ykoon elha kota feh...ya3ni nos el mojtama3 fashal enno y7assel 3la maqa3ed bl majlis wo beddo el 7okomeh ta3teeh maqa3ed l2nno mazloom...wo kman b nazra aqrab lal mawdoo3 elle fata7teeh...b ra2yik meen elle berfod ebno yetjawwaz motallaqah...msh emmo lal shab?ya3ni mar2a zayha zy el motallaqa wo momkin kan tkoon heyye makanha?ana mo3tham el shabab elle b3rafhom ommahat-hom wo khawat-hom kan elhom door kbeer b el 7okom 3la el bnat elle bokhtobohom la awladhom wo ekhwanhom...fa el mar2a heyye kbar 3adow la nafs-ha mosh el mojtama3...el mojtama3 nosso thokor wo nosso enath...fa law sar el mojtama3 thokori fa el 7aq 3ala el enath ana b ra2yi...tamaman zy el taleb elle fahsel b drasto wo be7ot el 7a2 thorofo...bl akheer betla3 howeh elle ma daras...tawalet 3alaiki kal 3adeh bs kan lazim a3alleq :D

 

this duplicity in our principles is what's making us lag behind other societies and cultures, ma 3enna mabda2 wa7ad nemshi 3alaih, w benghayyer afkarna ma3 ekhtelaf el ashkhaas, hada howeh el takhallof.

 

My dear garabe.. You said it all.. I have nothing to add..
tisla 2ideeki 3ala hal post il 7ilo w alwaqi3i :)

 

A friend of mine is passing through this these days! Her parents are pressuring her to pick a husband and she does not want to! She become very distracted!

She thinks that conventional marriage is like shopping! The girls are the goods, and the men are to pick!

And I second you on each and every thing you said above!

Mojtama3 mdawd!

 

بستغرب من المصطلحات اللى نتجت او بالاحرى كسب الغرب معركته فيها باختصار و كلام شامل الغرب بحاول يحاربنا بكتير امور لكن فشل فلاقى اسهل شي محاربة الاخلاق احنا لو ملتزمين صح بديني كان ما في هيك مصطلحات و لا هيك تفكير انا من الذكورين بين قوسين لكن ما بعتقد انه كل مطلقه مش كويسه او عزباء لخطأ فيها بعرف انك بتحكى مش الكل لكن لو الكل بفكر من منطلق اسلامي كان الكل هيط تفكيرو انا ما بزكي نفسي و المثال لا على سبيل الحصر كتبت باختصار شديد جدا لانه هالموضوع اكبر من كلمتين نكتبهم .
ع فكرة حتى لو انك مطلقه انا بتجوزك شو رايك :)
الى الامام يا ويسو

 

بلعكس ممكن يحكو عن الشب المطلق ... يخرب بيتو محدش بطيقو وبطيق زناختو ...
المهم احنا شعب صرنا ما عنا مبداء بنحول المواضيع لصالحنا
بخصوص سلسة عرسان 99 % بالمية منهم مشاطيب فا انا بشوف انو مش متتطلبه , هو اكيد فيه عرسان عاديين ونورمل بس شو بدك تكتبي عنهم قصصهم ما فيها اكشن

واخير الناس بضلو يحكو كان متزوجه او مطلقة او ارمله او عزباء ان كان صغيرة او كبيرة ....

عفكرة اساس البلا عند جنس حوا هو جنس حوا
شريرات

 

مساء الخير ويسبر
هلا معقول كل العرسان اللي كتبتي عنهم!!!ولا واحد فيهم عجبك...يعني شو؟
بدك عريس تفصيل؟خرطو الخراط وقلب ومات!!!! ههههههه منشاني لا تتضايقي.....عم امزح معك
الله يهنيكي ويسعدك في كل الاحوال
ومعك في كل كلمه كتبتيها...او كنتي بدك تكتبيها وترأفتي بحالنا وقولتي بيكفيهم هيك....معايير مزدوجه في كل شي....معايير مزدوجه....الله يصلح الاحوال عن قريب
والله في هاي البلد وما جاورها كأنك بتنفخي في قربه مقطوعه...بنقرأ وبنكتب وبنهز رووسنا وبنقول صحيح وغلط وعوج....وعند اول موقف بنرجع لعقلياتنا المعشش فيها العنكبوت
يا رب....يهدينا ويصلح امورنا لها خيرها وشرها
مساءك فل وهمسات

 

شو ويسبر شكلوا المجتمع قارفك!!
المهم حبيبتي لا تخلي المجتمع يجبرك على شي انت تعتقدي انه غلط لانه مش المجتمع رح يعيش في الغلط
اما انه مجتمع ذكوري وبيحكوا تغير آه هو تغير لدرجه انه كل يوم منشوف مدينه صغيره بسكروها شلة زعران وبدهم الشرطه لتفتحها وجاهات ووساطات وبيحكوا طوروا نسيت انه تطورنا بييجي بالعكس من ورا
انسي ويسبر ولاتهتمي باللي بانحكي حواليكي

 

مساء الخير ويسبر
اليوم إدراجك ملفوف بضباب الحزن
ولكن ويسبر من حقك كل الحق، أن يكون لك مواصفات وشروط معينة في عريس المستقبل، لأنها زيجة عمر، وليست نزهة لمدة يومين
أنا قرأت سلسلة عرسان بأكملها، وبصراحة معك كل الحق بالرفض، طبعا أنا لم أسمع من الطرف الآخر، لكن أنا لا أشك في نزاهتك وشفايفتك :)، يقولون يا ويسبر "الكتابة هي الرجل" أي أن الكتابة تدل على شخصية كاتبها، وأي إنسان يقرأ كتاباتك، يقر بسوية عقلك وذكائك، وأخلاقك العالية، وطيبة قلبك، وخفة دمك،
ولا يهمك يا ام السوس ( كلهم ما بيستاهلوكي)
نعم نحن مجتمع ذكوري بامتياز للأسف، لكن عندي إضافة بسيطة (ويسبر)
المجتمع أيضا لا يرحم الرجل الذي تجاوز الثلاثين ولم يتزوج، أنا شخصيا (بلشت الإشاعات تطلع علي بالعيلة، بس والله ولا فارقة معي، يحكو اللي بدهم ياه)
( القافلة تسير والكلاب تنبح)
أمضي ويسبر ونحن من خلفك :)

 

Dr.Mohammed

I was soooo angry when I wrote the post :$

u know what makes me more angry,that I start feel that I'm changing by time, as u said "we will die inside before dying outside" some thing inside me is like going to switch off :(

I fed up with these unbelievable people living around us and just hurting others as if it's nothing

Al7amdolellah for our friends and family,to love us the way we r


Al7amdolellah it's only a moment thing nothing more :)
Words were choking me and they had to go out
inshallah I'll never change
Thanks for the sweet words they means a lot to me :D

مياسي

المشكله ان الوضع شكله بصير اسؤ :$

لا هي نغمه جديده بصراحه...بس خلص, خلص الشريط و ما حنسمعه مره تانيه :)

صباح ومسا الورد

 

LUNAR.

هههههه انا هيك حسيت برضه...فرصه توحدي اللون عالقليله :)

هو فعلا ارضاء الناس غايه لا تدرك و مهما عملت لازم يكون في اشي ينتقدوه

كيف يخلو العالم تعيش؟؟؟؟ همه بموتو بهالحاله, لانهم بعيشو عالنقد و عسمّه بدن العالم

هو احسن اشي انّا نطنش ....

مواطنون بلا حدود

b3ed qera2et el comment 2awal shee 5a6ar fe balee
"2enta ma sadda2et ya sayyed " LOOOL :D

ana 7akeet men 2abel w b7keha marra taneh...ana mesh m3 mawdoo3 7oqoq elmar2a welmosawaah w hal2esas la2enny b7es 2en el set ma5deh 7a2ha 2ella men nas mareda w hay 2essa taneh

bs mawdoo3 el7aleh el2egtema3yyeh hay 2essa taneh, kteer btegra7

elly 5allane 2aktob elmawdoo3 ho 2esset zawaj la sha5seen shayfeen 7alhom kteer monasebeen w 2enno kul wa7ad the one for the other bs waled el shab ho 2elly m3ared la2en el bent mo6alaka m3 2en elshab mo6alak w 3endo walad :D

"fa el mar2a heyye kbar 3adow la nafs-ha mosh el mojtama3" ma banker 2enno fe 7alat zay heak bs hay betkoon belsho3'ol bel3adeh

keed w bala zay ma be7koo loool

6awel zay ma beddak...I like ur comments :D

 

أشرف محي الدين

اهلا أشرف :)

هو لو هالتعنت والتعصب والتزمت للآراء والعادات والتقاليد بضلو عطول ماشي
ان هالعالم عندها مبدأ وبتمشي عليه
لكن المشكله ان ما في مبدأ ولا في خط واحد و واضح
خطوط كتيره و اراء كتيره بتتغير بتغير الظروف و الاهواء والمصالح الشخصيه

وهاد اللي بقهر :$

شايف كيف الافكار تقريبا عند بعض :)

Rand

Exactly ...
And this is the most frustrating thing :(


Rula A.

Ahlan be 2a7la qarabah :)
Allah ysalmek ya amar...lel2asaf kteer waqe3ee :(

 

Genki Dama

Yes...it's like shopping specially when some people treat the girl as if she is "bokset bandorah" :S

Thanks Haitham ...

Anonymous

شكرا عالمختصر المفيد في الكلام
مع ان في ناس ببينو انهم ملتزمين بالدين ولكن عند امور معينه سبحان الله الدين لا يطبق و بتصير النظره الخاصه هي المقياس

شكرا عالعرض O_o
هههههههه
عجبني ويسو :) هي اسم جديد

 

قط البكتريا

ههههه فكرك هيك ....ممكن بس الاغلب مش هيك

بالزبط..المصلحه اهم شي بالحياه

في قصص تانيه بس زي ما حكيت ما في اكشن, وفي قصص الشب منيح بس انا ممكن ما عجبته, بدو الواحد يكون واقعي برضه :)

العالم بدها تحكي بدها تحكي والا ما تلاقي شي تحكي عنه

هههههه انت من زمان هيك رأيك...دايما ظالمهم الله يسامحك :)


Nissan

يا مسا الفل :)

ههههههه...مرة وحده سألتني انتي ليش ما بدك تتزوجي؟؟؟ يعني مثلا عندك عقده من شي
تخيلي...مش هيك الدج يا اختي :)

تسلمي يا رب...ويهني الجميع ويسعدهم

هههههههه هو كان في بس حسيت حالي خبصت كتير فلغيت نص الحكي...كاشفتيني انتي :)

للاسف في ناس هيك....مهما وصلو بتفكيرهم وثقافتهم وتعليمهم بضل في اشي بالاخر بشدهم لورا

اميييييييييين يا رب
مساء الورد و الفل زالربيع النيساني يا قمر :)

 

Sozan

كتير كتيييييييييير يا سوزان :$


المجتمع مش مشكلته الحياه اللي بتعيشيها سعيده او لأ, المهم انه هو اللي يرضى ويكون سعيد

للاسف معك حق...يا ريتنا وقفنا مكانا

ان شاء الله

نادر احمد

مساء النور نادر :)

والله الموضوع كان كتير قاهرني و هالشي بين بالبوست :$

السلسلة كان سبب كتابتها هي الافاده, زي سلسله للاشياء اللي ينتبه الشباب انهم ما يعملوها وكيف البنات بفسروها, وللبنات ان الموضوع مش مزعج الك لحالك وفي بنات غيرك بعانو كنوع من المواساة
فأكيد كان بكل شفافيه و واقعيه وصراحه, بالبدايه كنت متردده لانها فيها جرأه و مش اشي عادي ينكتب,و في كتير تعليقات مزعجه وصلتني بالبدايه و لكن مع الوقت ومع القصص تعودو الناس عالقصص وعلي وعلى اسلوبي

الله يسعدك عالكلام اللي ما بدل غير على انك انسان ذوق والله :)

ما بنكر ان الشباب بواجهو مشاكل وانتقادات بموضوع الزواج, بس مش زي البنت, وخصوصا ان الشب ممكن يبعد و يطلع من البيت بس البنت قاعده و هالكلام بتردد على مسامعها لفترات اطول

ولا يهمك, همه اول ناس بحكو ان الموضوع نصيب و مكتوب و بعدين ببدو يحكو

انت انسان طيب و بتستاهل كل خير, لكن ربنا بعرف ايمتا ....و الطيبون للطيبات و ان شاء الله ربنا حيرزقك بنت حلال بتستاهلك و بالوقت المناسب

 

bel nesbeh ele el zawaj aw el talaq mesh mortabet be jens!!

fe shab allah ysahel 3aleh metzawej o mtalleq marten.. o mabsot 3ala 7alo o befte5er!! tab3an 3l naw3eyeh allah y3eenha 3ala 7alha.. ma ba3raf sho nazret el mojtama3.. la2enno 3omrha ma hammatne nazret el mojtama3!!

bs nazrete elo enno mostahter o fahem el rojoleh 3'alat!!!

 

Ahmad Merie

Had wad3oo sa3eb sa7bak :$
ma b7eb halnaw3yaat belmarrah

Ana b7awel ma 2ahtam be elnas w ra2e elnas
bs marrat bezedoooohhhhhaaaaa kteeeeeeeeeeeeeeeeeeeeer :)

 

بوست ممتاز كالعادة
و التعليقات كمان روعة و كفت و وفت
:)

نحن مجتمع ذكوري بامتياز
و نطبّق المعايير المزدوجة باحترافية و شمولية! يخزي العين
:(
بتوقع في ظل صعوبة التغيير على مستوى العموم إنو كل واحد يبدأ بدائرته الضيقة و بالتدريج

مسائل مثل هذه تحتاج وقتا ً لتبلور التغيير فيها مجتمعيا ً + استعداد و ظروف من قبل الناس و هذا ما لا يتوفّر للأسف
:(
ما إلنا إلا الوقت شكلو

 

Haitham هيثم Al-Sheeshany الشيشاني

انت حكيت جمله جوهريه وكتيييييييير مهمه

إنو كل واحد يبدأ بدائرته الضيقة و بالتدريج

فعلا ما راح يبدا التغيير الا بس يبدا فينا و تلقائي بنتقل للي حوالينا

ان شاء الله بيوم بتغير هالمجتمع و تفكيرو

 

بتعرفي ويسبر الموضوع كتير حساس ..
اليوم وحدة صاحبتي بتقولي بدنا عروس امورة و جامعية و 24 سنة .. لاحظي بالزبط
المهم بسالها عن التفاصيل لاني بخاف امشي بهيك موضوع طلع الشب كويس و منيح و متعلم و اهله ناس كويسين لكن تزوج كم شهر و طلق زوجته بعد مشاكل معها و مع اهلها
طيب شو؟؟
فكرت ارشح اختي او بنت خالتي بس ما فكرت بنظرة المجتمع لانه ممكن يكون الشب كويس و بستاهل فرصة تاني بس فكرت انه شو ذنب اختي انها تعيش مع واحد حب قبلها و ما رح يعيش معها تفاصيل التجربة الاولى في كل شي .. يعني القضية نفسية
:) شو رأيك رؤية من ناحية اخرى للموضوع

 

Anonymous

ما بنكر ان كتير من الشباب المطلقين بواجهو صعوبه بانهم يرجعو يرتبطو

لكن البنت المطلقة ما بتقدر تحدد عمر و تتشرط بمواصفات العريس, لانه خياراتها بتكون صارت كتير محدوده, بصير الشخص المطلق او اللي متزوج كتير مناسب الها من وجهه نظر العالم


ما بعرف كم عمر هالعريس, لكن مسأله تحديد العمر هاي بكرها خصوصا بس يكون العريس كبير

شكرا كتير عمشاركتنا وجهه النظر من الناحيه الاخرى للموضوع :)