Things I Like To Whisper About

Would You Hear Me Whispering

موقع منحة


صديقنا المهندس جعفر من فلسطين, بشرفني دائما بزياراته لمدونتي و بسعدني بتعليقاته, جديد عرفت انه شارك في تصميم موقع رائع وجدا مفيد اسمه "منحة "


و زي ما انكتب عن الموقع بموقع زاد الاردن

فان الموقع بيوفر اخبار المنح الدراسية في جميع الدرجات العلمية؛ البكالوريوس، والماجستير، والدكتوراه، في كافة الدول الأوروبية وأمريكا واستراليا.

الموقع كتير مفيد لان ومثل ما المهندس جعفر حاكي, كتير شباب الحاله الماديه بتمنعهم متابعة دراستهم مع انهم ممكن يبدعو لو صحتلهم الفرصه.
الموقع مصمم باللغه العربية والانجليزيه


و في اله صفحه عالفيس بوك بنزل فيها كل المنح الجديده اول باول و بشجعكم انكم تشاركو هالصفحه وانكم تزورو الموقع لانه اكيد راح يفيدكم

الله يعطيهم العافيه المهندس جعفر و المهندس ابراهيم على هالموقع الرائع
و شكرا الهم لمشاركتنا فيه :)

16 التعليقات :

الدال على الخير كفاعله

في ميزان حسناتك و حسنات المهندس ان شاء الله

 

صباح الخير ويسبر
ما بدي أقول غير شكرا جزيلا على البوست.. و بتمنى انو كل الزوار يستفيدوا من الموقع و نقدر نخدم و نحسن من أوضاع إخواننا في الأردن الحبيب
مع تحياتي/ جعفر ححير

 

جميل
الزيارة تمت وشكرا على الموقع
اذا فكرت انجن واكمل دراسه بستعين فيه

صباح الخير صح:)

 

ما شاء الله، موقع مفيد

 

well done!!
very useful and organized, enshallah ill do more than visit it, I'll use it!

 

فكرة حلوه.. شكراً إلو وأكيد الك على مشاركتنا اياها :)

 

موقع حلو يسلم
عفكرة مبروك الدومين الجديد وين الحلوان

 

مياسي

والله انا بديت افكر بالموضوع
مش برة اكيد بس فكرة الماستر :)
ان شاء الله خير

صباح الورد..كلنا بننساها هاي صباح الخير :)))

Qwaider قويدر

اهلا وسهلا فيك
جد الله يعطيهم العافيه :)

Diana Habashneh

I liked it a lot,thanks to Jafar and his friend for sharing it with us :D

Welcome here :D

 

Rula A.
اهلا ياقمر
وانا بضم صوتي لصوتك وبشكرهم عالموقع :)

قط البكتريا

الله يبارك فيك يا رب
عقبالك :)

بالنسبه للحلوان فااااا الخط ما كان واضح وما عرفت اقرأ :)

 

Jafar

شكرا جزيلا الك و لصديقك عالمجهود الرائع :)

To All
بكرر اسفي للي تعليقاتهم ما بينت
:(

 

شكراً الك على مشاركتنا الموقع...
عجبتني فكرته و تصميمو كتير راقي و مريح :)
ان شالله اقدر اكمل ماجستير بيوم من الأيام لانو هاي الفكرة بلشت تتلاشى مع زيادة المسؤليات :S

 

I don't think my voice will add any thing in praising the effort behind that site.

I just took the chance to say mar7aba

 

وين تعليقي؟!!! و ين راح؟

شو شكلو الموقع بلش يخضع لقانون المطبوعات و المنشورات الاردنية أو انكم بعتو للحكومة و صار يخضع للرقابة؟

:) lol

 

Mrs H

اهلا وسهلا يا قمر
ان شاء الله كل ما الاقي موقع حلو ومفيد او اعرف عنه راح اكتب عنه :)

و شكرا لجعفر على هالموقع

ان شاء الله بيجي الوقت المناسب قريب
بس يكبرو الصغار بتقل مسؤولياتهم :)

Shaheen

Ahlan w sahlan feek da2eman :D

Dr.Mohammed

هههههههههههه

اول ما قرأت هاد التعليق تزكرت تعليقك
اللي كان بما معناه

"الدال على الخير كفاعله و الله يجزيكي الخير "

اجمعين يا رب :)

بس انا عندي ديمقراطيه تامه
اللي بكتب تعليق بنشره
و اذا حد زعل فورا بعطيهم ال
IP address :D

 

يجزيك الخير على هذا الموقع الممتاز يا ويسبر

الفكرة رائعة و ان شاء الله الكل بيستفيد منه

 

سراج الماضي

امين يا رب
والله يجزي اللي شاركونا فيه :)

اكيد ان شاء الله في ناس كتيره حتستفيد منه