Things I Like To Whisper About

Would You Hear Me Whispering

فشّة قلب :)


انا شبه يومي في الي مشوار خارج مكان شغلي لشغل برضه, وكنت بالعاده يا اروح بسيارتي يا بسيارة الشغل , ما كانت تفرق عندي كتير مع ان الموقع بعيد نسبيا عن مكان شغلي,لكن بعد ما مرة مديري القديم سمعني حكي وكأني بهرب من الشغل, قررت ما اطلع بالمره ولعلّمت باقي الموظفات شو بنعمل هناك بالزبط, وطبعا خربو الدنيا, مش لانهم ما بفهمو, لا لانهم ما بدهم يشتغلو و مرات بس يخرب معهم اشي بتعقدو وببطلو يشتغلو, فاضطر مديري يترجاني اروح و بسيارة الشغل طبعا :)

حاليا انا وكمان بنت بنشتغل هالشغل وبما ان زوجها بيجي على الشغل لياخدها ما بتحب تروح كتير, المهم موضوعي عن السيد الشوفير, في عنّا اكتر من شوفير كلهم محترمين الا واحد, بكره اروح معه لكن مرات لان ما في غيرو بضطر اسكت, اجمالا ما باخد و بعطي مع حد منهم لكن هاد بالذات ابدا ابدا .

ال مره ركبت معه كان خاطب جديد , و ما حيليلو يحكي مع خطيبته الا باللحظه اللي انا فيها بالسيارة, و صباح الخير حبيبتي, وكيفك يا روحي, وزناخه دم , الحمد لله خلصت المكالمه شغل المسجل على اغنيه عراقيه عبارة عن ردح علني و علّى الصوت, ولا كأنها سيارة شغل, حكيتلو لو سمحت يا بتطفيه يا بتوطي الصوت, و ال ايش هو شغل عالاغاني علشاني, لان البنات بحبو الاغاني, حكيتله انا ما بحب الاغاني, و هاد الحوار بدون مبالغه كل مره بركب معو بنعيده.

المهم تزوج الشب و مرة طلعت معه, بحكي مع مرته, حبيبتي و افتحيلو الباب, معلش سامحيها...مش فاهمه شو القصه بس اللي قهرني, انه بس سكر الخط صار يسبسب عليها," انقلعي الله اللي يقلعك".." يغص بالك انتي واياها" و من هالحكي, كرهتو اضعاف الكره اللي قبل, ولك يا بلاش الواحد يحكي ما بتعرف ان هاد قلّه احترام الك قبل ما يكون الها, من يومها وانا مقهوره منه لكن ما الي دخل فيه اني احكي اي شي.

و امبارح اجت الفرصه :)
امبارح طلبت سيارة, و اتفقنا انه يكون جاهز الشوفير على موعد معين, قبل ما انزل اجا مراجعين مشيت معاملاتهم و كان لازم انا امشيلهم المعامله لاني بدي اخد معلوماتهم معي للمكان اللي انا رايحه عليه, يا دوب ركبت السيارة بلش الشب يردح و ليش بتنزلونا بكير, و بحكي بنبرة صوت عاليه, المسكين ما بعرف مع مين ورط, حكيتله اول شي وانت بتحكي معي بتوطي صوتك لان هاي النبرة انا ما بسمح لاي كائن كان يحكي معي فيها, صار يحكي بطريقه انه لانه شوفير انا بحكي معه هيك, حكيتله انت الك وظيفه بتقوم فيها و انا عندي وظيفه اقوم فيها وظيفتك توصلني و تجيبني محل ما بدي وانت ساكت, وانا وظيفتي بقوم فيها و ما حد بدخل فيها, فاخر مرة بتسمح لنفسك تحكي معي اي كلمه, ساق زي الشاطرين ولا نفس, مع شويه تعصيب بالسواقه ضليت ساكته حكيت لحالي بكفي اللي حكيته, وصلت مكان ما بدي و ضلو يستناني كالعاده و اول ما ركبت بحكيلي اخت ..... -طبعا كلمه اخت هاي نوع من انواع الاحراج علشان اسكت- انا اسف ما بعرف كيف حكيت معك هيك, وحقك علي ومن هالحكي, حكيتله بسيطه بس يا ريت ما ينعاد الموضوع و انّا لازم نلاقي طريقه لنتواصل فيها علشان ننزل بنس الوقت عالسيارة.

بصراحه انا استغليت الفرصه و فشيت قلبي و زدتها عليه شوي, وبصراحه مش ندمانه بالمرررررررررررررررررة :")
بكرة اللي بهزيء مرته انا ان كان بينه و بينها و اكتر بكرهو بس يكون قدام الناس
هاي مش رجوله
هاي قلّة احترام الك اول شي

16 التعليقات :

أنا ما بفهم إلي بعملو هيك حركات يعني بتناغشو؟ ولا بفرجو حالهم للي قدامهم؟ ولا بستعرضو زلمنتهم؟
في واحد عنا بالشركة طباعو نفس طباع هادا الموظف .. وأنا زيك شغاله فيه طس.. بس جد مرات بستفزني كتير من جوا بس برضو ببين إنو أصلاً أنا مش شايفاك ولا موجود حوالي..

 

wallahi ennek GADA3A ya whisper hehe
i liked this ..
ana kaman fashet 5l2i b wa7ad bel jam3a hehhehe bel 3a2el bs wadda7telo wejhet nazary b ashkalo elli jayeenli 3al jam3a ye7ebbo o ye3sha2o o yedawro 3ala bent yezabtooha ( 7asab mustala7at-hom) .. had el shb elo ftra betbaya5 3alay b wa7de mn mu7adarat el sube7 o hek be5affef dm 3ala asas enno shu ana atbassam 3ala na3'ashto o b3d shway y3ni a3ty raqme hehe ..
ella b nfs hal mu7dara mbare7 .. ana 3m aqra2 fa la5batet o el DR sa77a7li fa ana olet sorry .. o had sar yetda7wak o y2alledni ..
alla la y7ot 7ada mtra7o hehehe ..
laffet wejji .. o oltello b2darsh a2ool 3annak ella we2e7 .. aslan hek ma byelba2lak ella hek :D
o mn hal 7aki .. sar yed7ak .. ana 3omry ma 7aket b hal osloob bel jam3a aw oddam ayya 7ada la2nno b7ebbesh .. bs had ettarret a3mal hek o iza kaman marra betfalsaf yemken akol kf heheh .. la2nha kanat al qasha elli qasamat thahr al ba3eer ... lol..
Have a gd Day !

 

Mar7ba whisper

3njad almod3 astfzne ana kaman,lal2saf alshab alurdne wal falsteene bashkal 5as lasnhoom zfer m3 alset oh albint marto ow5to a2ribto 7ata momken amho,mafkreen inhoo lama ya3'lt 3ala marto o2dam alnas inho rajal d7aknee wallah la2sef mab3rfoo adish ra5as homa lama ya3mlo heek ,3najad b2alibo m3te asef lanho ba7kee heek on your blog bass kolhoom nfes altina mafee zo2 a2d ma7walo mafehoom yatrakoo wa yat3mloo be tri2 mo2daba m3 thier women.
bass 3anjad bravo 3ailke tl3te mn 5arjo asaln heek kol alrajl bedhoom 7ad ywa2fhoom 3nad 7adhoom .
Have a good day

 

شو بدّك في الزلمة؟ خلّيه يفش خلقة ... يعني لمّا يروّح على البيت رح يطلّع سمة البدن تاعتك على مرتو المسكينة! يعني الله يسامحك تسبّبتيلها بهزّة بدن و يمكن أتله... كلمة منه على كلمة منها و يمكن تحرد على بيت اهلها و الله اعلم يطلّقها و يشرد اولادهم بالشوارع يبيعوا علكة على الإشارات
مش حرام عليكي هيك ضيّعتي مستقبل هالأولاد المساكين :)...
تابعي الحلقة القادمة مع مسلسل يسرا في رمضان الجاي

 

بيستاهل, منيح اللي سويتي فيه هيك

 

تعرفي همسه فس ناس تتصرف متل هيك بيفكروها رجوله وبتحالوا فيها يعني قال ايش ببهدل وما حدا قده المهم انك ريحتي بالك :)

 

السلام عليكم :)
الزلمة وقع ومافيش حد سما عليه :)
والله هو بيستاهل صراحة ، بس السؤال هل الحكي المليح بيجيب معه نتيجة؟؟ يعني أحيانا الناس بيرتكبوا أخطاء بسبب أنهم عاشوا في بيئة بتزين الخطأ وبتعتبره صح
بس واضح جدا أنك كنتي شايلة من الزلمة كثير

 

هههههههههههههه

عجبتيني والله

هو بستاهلها من البداية

يللا منيح انك حطيتيله حد وخلصتي من قرفوا

 

البني ادم الواطي اللي ما الو احترام بين الناس مابيجي يتشطر الا على أهل بيته...يعني مدعوس عليه برة وبيجي يعمل أسد بالبيت

في حديث شريف بيقول: خيركم خركم لأهله وأنا خيركم لأهلي...

بس في ناس السفاهة في دمهم مابيقدروا

 

Rula A.

اهلا اهلا بقريبتي :)

بفكرو ان هيك همه بصيرو زلام
مشكلتنا ان كتير بطلو فاهمين معنى الرجوله الحقيقي :$

بستاهلو الطس هالنوعيات

Farah Batarneh

kan lazem 2affesh 2albee bsara7a .. w kteer 2erta7et :D

laaa had kteer zawadha, ma b7eb 2elly bs be5afef dam w betna3'ash 3alay 3alashan yeda7ek el3alam, allah la yeroddo bsara7a
u too ya amar have a wonderful day :)

 

Rula A.

اهلا اهلا بقريبتي :)

بفكرو ان هيك همه بصيرو زلام
مشكلتنا ان كتير بطلو فاهمين معنى الرجوله الحقيقي :$

بستاهلو الطس هالنوعيات

Farah Batarneh

kan lazem 2affesh 2albee bsara7a .. w kteer 2erta7et :D

laaa had kteer zawadha, ma b7eb 2elly bs be5afef dam w betna3'ash 3alay 3alashan yeda7ek el3alam, allah la yeroddo bsara7a
u too ya amar have a wonderful day :)

 

Njordan

2ahlan ya amar :D

wallah mesh elkull 7aram n3ammem, bs fe heak w fe heak w men kul elgensyat :$

fe morada nafsyan 3alashan ye3'a6o eln2as 3endhom besero yega3je3o 3alfadee welmalyan.
law ye3raf elwa7ad fehom 2en 2e7teram marto men 2e7teram nafsoo ma be3malo heak

yeah fasheet 2albee :D

u too ya amar w jom3a mobarakeh


Qwaider


ههههه جد مسلسل بكل حبكاته و بوصل بالاحداث هاي ل 30 حلقه , ما شاء الله متعدد المواهب :)

مهو لولا ان الشب ما بتخنفس بالبيت قدام مرته كان ما حكا هالحكي بس سكر الخط :)
يعني اييييييييييش ياااا
حبيبتي وما حبيبتي و بس سكرت قلبت...علينا يا مندلينا
:)

 

Ahmad Hamdan

بقهرو هالنوعيات ولازم حد يوقفهم عند حدهم

Sozan

ما بعرفو ان الرجوله معناها ابعد ما يكون عن هالتصرفات, وهاي التصرفات بتبين ان اللي قدامك مش زلمه
الحمد لله :)

سراج الماضي

و عليكم السلام :)
هههههه مسكين ما بعرف مع مين تورط :)

ممكن يكون متعود على هالتصرفات , والده بعامل والدته هيك و خوانه بعاملو زوجاتهم هيك بس المفروض يعرف ان في ناس خطوط حمرا ما بصير تتجاوزهم, و ان مش الكل بتقبل مثل هيك معامله

بصراحه اه :)
و زي ما بحكو انا ما صدقت وهو يجي فيي :)

 

Ahmad Al Mahrouq

:))))
بدو اياها بصراحه
بتعامل معه و راح اتعامل معه بشكل شبه يومي فالافضل نبين طريقه التعامل من اولها

Hamdanism

ما بعرف ان هو اللي بقدر يفرض احترامه بره و جوا باسلوب ابعد ما يكون عن اهانه العالم

المشكله في ناس باخدو من الدين القشور الخارجيه, طريقه لبس مثلا,او الاشي اللي بريحهم مثل تعدد الزوجات

هاد كله صح مش غلط اكيد وما النا اعتراض عليه, بس يا ريت يكونو مطبقين كل امور الدين و متبعين كل السنن عن الرسول الكريم من تعامل بين البشر و بين الازواج بعدين يوصلو لهالامور

 

بتعرفي الانسان الللي بحكي مع مرته هيك عالتلفون و بس يسكر الخط بصير يسب عليها بكون بخاف منها بشكل مش طبيعي

وبستاهل البهدلة

 

Amjad Wadi

انا هيك والله بحس كمان :)
يعني لو تسمعه قبل ما يسكر الخط...الكلام الحلو و الصوت الهادي

بكرههم هدول الناس انا :$

نورتنا دكتور امجد :)
ما بدك تكتبلنا اشي جديد :)