Things I Like To Whisper About

Would You Hear Me Whispering

الدنيا ربيع...والجو بديع

الحمد لله كان الاسبوع الماضي حافل بالطلعات و الرحلات :)
الجمعه و السبت الماضي كان برد ومطر , و الحمد لله باقي الاسبوع كان الجو كتير حلو, رحنا على حدائق الحسين اللي جد كتير بحبها, بحسها مشروع ناجح 100% و ما شاء الله كبيرة و منظمه وفيها شجر ومكان للقعده ومكان للمشي و للعب, لكن كالعاده احنا ما بلبقلنا اشي, العالم قالبينها مزبله مع انه بين كل سلة زباله والتانيه يا دوب 10 متر, و بتلاقي العالم راميين زباله جنب السله بشوي, انو جد عوج

مرتين رحنا عالحدائق, اول مرة كان في رحلات مدرسية للبنات,اول ما شفتهم رجعلي شعور جميل و ذكريات اجمل مع رحلات المدارس, وانا بالمدرسة كان نفسي تخلص سنوات الدراسة بسرعه و انتقل للجامعه, و اهم شي اني اخلص من المريول, خصوصا الازرق. كنت طويلة و احس حالي شكلي غلط فالحمد لله اني كنت بالكشافة, كل يوم البس مريول الكشافة :) ,وكنت احكي بعمري ما راح اتذكر هالايام, قبل فترة انسألت عن احلى مرحلة بحياتي, اجابتي كانت " ايام المدرسة :) " بكل برائتها وطفولتها, بكل احساس الحرية اللي كنت احسه, بكل قلّة همومها وقلّة تفكيرها, كان نفسي اروح احكي للبنات ان هالايام راح تكون من احلى ايام حياتكم فاستمتعو فيها لاخر لحظه, بس حكيت بلاش اكئبهم هلأ :)
اللي قهرني ان البنات كانو صغار بالعمر و معظمهم بمراييل زرقا يعني ابتدائي وكانو يلعبو ومبسوطين, تمشينا انا ومرة اخوي و مرينا قريب منهم, شفنا زلمه او مش زلمه شخص مريض نفسيا عمرة تقريبا بال 60 قاعد مكان بعيد و بتطلع عليهم, و شعرنا بان الموقف مش عادي لانه اول ما شافنا قام ومشي, و فجأة لقيناه ورانا و ال بضحكلنا :$ اشي مقزز بصراحة

تاني مرة كانت رحلات مدارس الاولاد, اللي قعدو قريب علينا, طلاب لا يتجاوز عمر الواحد فيهم 13 سنه, بدون مبالغه الكل بدخن :$, والاستاذ قاعد جنبهم زي البلاش الواحد يحكي و هوالتاني بدخن وما حكى كلمه لطالب, و بولعو لبعض من نفس السيجارة, حريفين ما شاء الله

اليوم رحنا عطريق السلط - ياما ماشينا :) - وما شاء الله الجو شو منعش, هوا نقي و خضار اشي بجنن, هش و نش و اكل اشي من الاخر كان واحلى شي ان خواني وبابا عملو كل شي, كانت رحلة مريحه و منعشه
بس للاسف وقع عبوود و انطبش اول طبشة بحياته :( بس الحمد لله كانت سليمه




















22 التعليقات :

مرحبا ويسبر صورك حلوة كثير وبصراحه بتعيد الواحد للكثير من الذكريات يسلموا:)

 

allah y3teeki el 3afyi..w slamt ebn a5ooki :DD

 

First thing I noticed when I arrived to Amman airport was the weather, after a round in the gulf with its dusty, hot & humid weather, I came to a calm and refreshing breeze. So, I appreciate it like nobody does.

Also, My family did a perfect job in taking care of our home garden, roses and flowers everywhere, The fountain id working again announcing officially the summer start here.

sometime I think, all what we need in Jordan is one oil field and proper management to make it a good place to live in, instead of being scattered all over the world.

 

سلامة قلبو عبود.. هههها ذكرتيني لماً نطلع رحلة وإحنا زغار أنا وأخوي كنا ناكل تراب -ما بعرف ليش- شكلو كنا نلاقيه زاكي أيامها..وماما تصير ولك بكفي تاكل تراب إنت ويها وتمسكنا وتقعدنا جمبها..
الصور حلوين كتير.. أن كتير بحب حدائق الحسين جد حلوين وزيما قلتي مشروع ولا أحلى.. هاي مشكلة النظافة بكل مكان مابعرف ليش هيك الناس.. إليوم الصبح وأنا سايقه رايحه على الشغل إلي جمبي على الإشارة كائنو شاري اغراض من الدكان طالهم ورمى الكيس من الشباك ..يعني ليش هيك سوى؟ بدو سيارتو اضل نضيفه بس الشارع عادي لو توسخ مع إنو تلاقي موظف الأمانة مكنسو قبل نص ساعة بس..
الجو طول هادا الأسبوع راح يكون حلو ومنصب ل الشطحات :)

 

el dnya rabee3 o el jaw badee3 afelli 3ala kul el mawadee3 :P :P :P
walla el jaw enno raheeb .. lucky u edrty troo7eelek hek tal3at .. :s
walla el wa7ad lazem yetla3 mn el jaw el routine had o yetosh!!!!!!
any ways .. el muhem u enjoyed it .. o nshala dayman kul eyyamek rabee3 o hadawet bal ya rb :)))))
have a sweet springy day :D

 

o e7na embare7 ro7na 3ala 7adeeqae el 5our fe dubai.. kteeer 7elweh o enbasatna.. o t3arraft 3ala nas fel 3eeleh awal marra b7ayate bashoofhom:S
enno men el 3eeleh!!
ay 3eeeleh?!
ab3ad men 3maami o 5wali b3rfsh 7ada!:S

 

oh la la .. very nice very niceee
so far i never went to 7ada2ek el7ussain ..inshallah soon :)
and yesterday the weather was trule cooooooolll :D SO WE WENT TO Jarash cos we had a guesst from abroad and want to show hom a part from jordan .. he loved it :)
mesh 3aref leash bas 7abeb 2a2olek happy birhday again :):)

 

مرحبا ويسبر
الحمد لله انك انبسطي، واهم شي الحمد الله على سلامة عبود
:)

 

مرحبا ويسبر

سلامات لعبودي وانشالله تكون اجت بسيطه الله يخليلكم ياه ويحفظو من كل شر

نهارك سعيد

 

فعلا الربيع بالأردن جميل جدا. ياريت انك كتبتي تحت كل صوره اسم المكان بس شكرا على الصور حلوه كثير.ـ

 

Sozan

اهلا يا قمر :)
الله يحلي ايامك, وان شاء الله كل ايامك تكون ذكريات حلوة لبعدين :)

احلى الايام كانت :)

Nasra

Thanks a lot and welcome here :D
nawartenee :)

سيران نوفل

Allah y3afe 2albek ya rab w ysalmek :D

3alashan t3rafee 2enno mesh la7alek betro7ee re7lat :)

 

Shaheen

Welcome back to Amman :D

As I heard the gulf weather is disaster these days, God be with all of u there

Mashallah w allah y36ehom el3afyeh, sure it adds more fresh touch for the weather

Thats it... and we will be very happy and satisfied, u never know..maybe one day the will announce it :)

Rula A.

الله يسلمك يا قمر, الحمد لله اجت سليمه بس المسكين اليوم انتبهنا لايده مشخوطه كتير :(

تراب!!! مرّة سمعت ان اكل التراب بعني نقص اشي حديد او فيتامينات كأنه مش متزكره بالزبط :)
صحتين وعافيه

الله يهديهم هالعالم, و يبطلو هالعوج,وفعلا بكل مكان رحناه الزبايل معبية الدنيا :(

الحمد لله, مع ان اليوم حسيته بدا يصير شوب, لكن بالنسبة الي الشوب ولا البرد :)
Farah

Belzabt :) kuuuuuul elmawadeee3

7aram ma nesta3'el el6a2es fe hal2ayam, 3'ear 2enna zhe2na men 7abset el sheta w bedna nen6aleq :)

Al7amdoleellah I enjoyed it a lot :)
Ameen ya rab same to u ya 7elweh :)

 

Ahmad Merie

WOW I think 2enna ro7na 3aleha w kteer 7abet-ha :)

al7amdolellah 2enkom 2enbasa6to

LOOOL we all like this, ya dooob bne3raf el 2rab 2rab welba2ee wala 2elna wala 2elhom da5al

Zuhair

Thanks, happy u liked them :D
kteer 7elweh w feha mala3eb basketball w football w fe makan lal bicycle wel skating

Jarash kteer 7elweh bardo, usually people from uproad likes this kind of places, take him to wadi rum he will love it there too

LOOOL thanks :) benfa3 te7kele 2yaha again la2eno zekra el 2osboo3 la 3eed melady :D

نادر احمد


اهلا وسهلا نادر :)
الحمد لله والله يسلمك
الحمد لله مش قوية الوقعة كاتت

 

سلامتو عبود ... مسكين عمتو تاركتو لحالو وقاعده بتصور والمسكين وقع وانطبش
ياحرامك
عجبوني مراهقين الثلاعطشات هدول الي بدخنو
مهو العلم بالصغر
كالنقش على الحجر

 

أشرف محيي الدين

اهلا وسهلا أشرف
الله يسلمك يا رب, الحمد لله كانت بسيطه

امين يا رب و يحفظلك عمر يا رب

منهارك ومساك اسعد

Jaraad

المشكلة انو بخلص بسرعه اسبوعين زمن من الشوب بصير الخضار الفريش و الجديد كأنه قديم ومغبر

الله يحلي ايامك, الصور لعند اخر صورة للمسجد بحدائق الحسين و بعدها بالسلط منطقة الصبيحي :)

 

قط البكتريا

الله يسلمك, هو بصراحه كان مع عمو, لو معي كان ما نمت الليل :(

الحمد لله بسيطه, هيك الاطفال شو بدنا نعمل

اه و هي استاذهم اكبر دليل :)

 

ههههههههههههههههههههههههههههه
آه ما أنا بعرف انو مش لحالي بروح رحلات..هههههههههه
والله ضحكتيني يا بنتي
سلامي لإلك

 

السلام عليكم ورحمة الله
حقاً رحلة مثلها تغير المزاج ، تقتل الروتين
والصور عن جد جميلة، جمال الطبيعة
أدام الله النعمة
بارك الله فيك

 

وعليكم السلام ورحمة الله وبركاته
اولا اهلا وسهلا فيكي بمدونتي المتواضعه...شرفتيني

الحمد لله كانت رحلة موفقه و عدلت مزاجي كتير

امين يا رب
و فيكي اختي :)

 

السلام عليكم ويسبر
مافي أحلى من الطبيعة

وسلامة عبود من الطبشة

وهذا العمو اللي بتبصبص الله يعينه على حساب رب العالمين
بس الفساد عم الجميع للأسف والشايب بطل يستحي على شيبته

 

وعليكم السلام و رحمة الله و بركاته

جد سبحان الله,الطبيعه بتغير النفسيه
منظر حلو و هوا نقي

الله يسلمك, الحمد لله طاب هلأ

جد انه قززني هالعمو, ما يستحي و ينضب
مريض نفسيا