Things I Like To Whisper About

Would You Hear Me Whispering

Ironing Water

كتير بنلاقي و بالخليج بالذات الترجمة من الانجليزي للعربي بتكون كتير متدمرة
مع ان المفروض المسؤول عن هيك اشي يكون اقل متطلب لوظيفته انه يعرف اللغة او اللغتين

هاي الصورة من كارفور دبي




و انا بسوق كتير بشوف سيارات مكتوب عليها نهفات حلوة لكن للاسف ما بقدر اصورها
وما بصدق اشوف اشي بس اكون مش انا السايقة
لكن بالعادة بكون اخوي و بس اطول الموبايل اصور بصير يحكيلي
اذا بدك تصوري صوري بالعقل, وبالعقل يعني ما ابين الكاميرا و ما اعرف شو بصور بالزبط ودايما بتروح النهفات
مرّه شفت بك اب مكتوب عايه
" بكمي حبيبي" و كان نفسي اصوره لكن اخوي روحها علي
و مرة واحد كاتب
" فكرك راح تفرج...... طيب وكتيش"
والعمو اللي بسوق السيارة شكله كبير بالعمر و جد بتحسة هو اللي بحكيها
يوم الخميس كنت بسيارة الشغل و مر هالبكب و حبيت اصوره
السائق م بقدر يحكيلي لا بالعقل ولا بالمنطق
اخدت الصورة بكل بساطه ما حد حس علي :)

المشكله ان البك اب قصدي البكم ماكل هوا
نظرة مين هاي اللي راح تضربه؟؟؟
بس بتحسوالاشي المعدني اللي تحت جد كأنه معضوض :)



قبل كم يوم كانو بحكو عن حياة الممثل "Marlon Brando"
و من ضمن اللي بحكو عنه كاتب السير الذاتيه
Peter Manso
بالله عليكم ما بشبه سعيد عبد الغني؟؟؟
جد اول ما شفته بحكي لماما صدق اللي قال بخلق من الشبه اربعين
الزلمة نسخه عن سعيد عبد الغني :)


بصراحة انا ما كنت متابعة اللي بحكوه
انا كنت بستنى الفيلم اللي بعده :)

مسائكم سعيد
وتصبحو على خير :)
Nighty

15 التعليقات :

هههه أنا تليفوني لبيل ما أطولو ويستوعب إنو يشغل الكاميرا بكون الإشي إلي بدي أصورو وصل طريق المطار :P
آه والله فيه شبه من الممثل المصري :)

 

اسف نسيت
فعلا بشبه سعيد عبد الغني، مش معقول
كوبي وبيست
سبحان الله

 

صباح الخير ويسبر

مش عارف ليش لما شفت صورة البكب، ضربت في بالي اغنية عبد الحليم
بكبي حبيبي البكب الاخضر...يوم ورا يوم امجادو بتكبر
طبعا هذا يكون إذا ما كان البكب ديانا والذي يكون اخضر اللون عادة
اما في حال كان البكب تويوتا هاي لوكس والذي يكون عادة ابيض اللون ستكون الاغنية بكبي حبيبي البكب الأبيض
اسف على الأطالة، لكن احي فيكي روحك المحبة للحياة، وتصويرك للنهفات حيثما وجدت، ان شاء الله دايما هيك تضلك فريش وما نتطفي روحك زي باقي هالشعب اللي بطل يعرف يضحك وانا واحد منهم

 

هههه حلوة هاي ماء حديدي... منيح للي عندو فقر دم :p
زي ما حكيتي، أنا كمان كتير بشوف نهفات، مكتوبة عالسيارات أو الحيطان أو وين ما اجت تيجي!!!
بس أنا بصراحة ما في شي بقهرني قد شغلة الترجمة هاي،،، يعني بشوف محلات كبيرةو حاطين آرمات طويلة عريضة دافعين عليها دم قلبهم، بس بكونو كاتبين كلمة غلط، أو انو ال(سبيلينج) تبعها مش صح... يعني أنا بستغرب، الواحد لما بدو يفتح محل و يسميه باسم أجنبي، ما بغلّب حالو يسأل عن الطريقة الصح لكتابة الكلمة؟؟؟
و بالنسبة للعمو (مانسو)... فعلاً نسخة عن سعيد عبد الغني،،، سبحان الله!

 

looool, I love these, the other day I saw a taxi with a "baby on board" sticker!!! I mean, he either doesn't get it ya enno he's very considerate of the safety of the baby passengers in his car, he might as well put up a sticker that says "daddy's girl" :P
kaman kan nefsi aswwer bs i was driving :( w 5eft yenzal ye3malli 2essa tarma ;)

 

مرحبا وسبر بانسبة للخليج هدول بكونوا بنغال وهنود الي بترجموا ، اما البكبات فهم الجيل الاول من المدونين .....

 

Rula A.

تلفوني القديم كان هيك, و من كتر الضربات اللي اكلها لو لحقت اطولو بسرعة الكاميرا بدها 10 محاولات تشغيل لتشتغل, سمّة بدن عالاخر

كتييير بشبهه :)

نادر احمد

صباح ومساء النور :)

ههههههههههه
كل هاد و بتحكي عن حالك ان روحك انطفت
بحب اطمنك ان مع الريميكس اللي عاملة للاغنية روحك لساتها ما انطفت بالمره :)

انا اول ما شفته تفاجأت :)

 

Mrs H

هههههههه صح بتنفع معهم :)

صح كتير محلات و حتى مرات بكونو كاتبين المينيو بالكوفي شوب بكونو كاتبين اشياء غريبة :$

سبحان الله, حتى النفخ تحت عيونو نفس الشي

Rand

LOOOOL I think he thought it's a cool thing to put, at least to put VIP on board :D

yeah because of that my brother always tell me " sawry bs bel3agel" :D
el2esas el6arma hay 3aleha copy rights :P

 

Enigma

معك حق خصوصا بموضوع اليافطات بالطرق, بكون واضح ان هندي اللي مترجمها :$

ههههه ممكن, برضة طريقة لتوصيل المعلومات :)

اهلا وسهلا :)

 

ذكرتيني بجمله قريتها مره على بكم ازرق

"لا يغرك زراق البكم والسايق وحداتي"

كل ما اتزكرها بحشش:)

 

طيب هو السؤال إنو هادا الماء الحديدي مقاوم للصدأ أم أن الملابس بتصدي لما تنكوى في هذا الماء ؟

على فكرة اللي بحب يتعلم حكم السفر وأقوال الحسد بس يمشي ورا بكم وليس بكب أو يمشي وراء ديانا وليس داينا وبالتأكيد سيتعلم الكثير من تلك الاقوال والحكم :)

فعلا بالنسبة للصورة الثالثة بخلق من الشبه أربعين مشالله ملاحظتك شو قوية عيني عليكي بارده :)

نهارك سعيد

 

مياسي

هههههه عجبتني ..الشب حابب يوضح ميوله الرياضيه :)

أشرف محيي الدين

الله يسامحهم كان لازم يوضحو اكتر بالترجمة :$
بس انا برجح ان الملابس تصدي بعد استخدامه :)

بدهاش ملاحظه الزلمة نسخة عنه :)

يومك سعيد :)

 

كيفك ويسبر
مرة رحت لمطعم و شفت المنيو فكرتها مكتوبة بالفارسي لانو المطعم ايراني

طلع اللي مترجمها هندي
من شو مترجمها ما تساليني
ايراني مترجمها لانجليزي و هندي نقلها للعربية
طبعا قررت ما اكل
و في الخليج ممكن تلاقي اليافطات مكتوبة ب الهاء تلقائيا تحوليها لحاء واذا رحتي لاي محل ترجمة بتلاقيهم هنود
:) خبرة

بالفعل كتير بشبه سعيد عبد الغني
و كتير شفت ممثلين اجانب بشبهو شخصيات عامة

طولت زي العادة
سلام

 

هو مجرد اقتراح للتدوين عن الخليل خصوصاٌ بعد ضم المسجد الابراهيمي لقائمة الاثار الصهيونية

 

Jafra

اهلا يا قمر :)

جد ترجمة المنيو فضيحه بتكون وخصوصا بس يكون معك اجنبي :$
مرة اخوي بتحشش ضحك دايما عالاخطاء الاملائية :$

بحب التعليقات الطويلة انا :)
نورتي

Anonymous

والله الموضوع في بالي
لكن كل ما ابدا اكتب بتروح مني الكلمات وما بعرف اعبر عن اللي جواتني بطريقة تصلح للنشر :(

ان شاء الله قريب, وشكرا عالاقتراح :)