Things I Like To Whisper About

Would You Hear Me Whispering

اعترافات ....وحقائق

نبدأ بالاعترافات

يوم الخميس بالعادة بكون كتير مبسوطة وما بحس بالتعب, لكن الاسبوع الماضي كان مليان مشاكل بالشغل, وجد ما صدقت وهو يخلص,فامبارح كانت صايبتني حالة من الملل و الخمول الفكري الرهيب هالحالة الها ملازمتني فترة مش عارفة ليش, روحت عالبيت تغديت لحالي على غير عادة, اخوي بدو يتأخر بالشغل وانا ما بدي اعمل اشي غير اني انااااااااااااام و انا بتغدى كنت فاتحه التلفزيون على mbc max و كان في فيلم هندي مدبلج للخليجي, انا اولا بكره الافلام الهندية و تانيا بكره الخليجي و ثالثا والاهم بكره المدبلج, حالة الخمول اللي كانت عندي خلتني ما اغير القناة, والامرّ و الادهى اني حضرت الفيلم كامل... لهلأ مش مستوعبة اني حضرته :$ حتى اخوي اجا من الشغل و تغدو اهلي و جلينا و انا متابعه الفيلم و كل شوي بحكيلي اخوي " ام السوس جد بتحضريه ويلا بتتخوتي؟؟؟؟"... " ام السوس انت بتعرفي انهم بتخوتو عليكي؟؟"..." لا جد بالله متابعتيه " وانا مصرّه اني احضرة خلص بدي اعرف النهاية, وبما اني ما بحضر خليجي فنص المصطلحات مش فاهمتها...لكن برضه كملته

انا بحب السيريلاك كتيييييييير كتيييييييييييير....اه السيريلاك هو اكل الاطفال ما غيره مش غلطانه بالاسم ولا غلطانين بالقراءه, و إلي فترة جاي عبالي سيريلاك و مستحية اشتري, مع اني لو احكي لاخوي راح يجيبه لانه هو كمان بحبه :)
وانا بالامارات اكلت سيريلاك, كل ما كانت فرووحه ما تكمل صحنها نقسم الباقي علينا , اكل انا لقمة و اخوي" ابوها لفروحه" لقمة وامها لفروحه لقمة, الكل بحب السيريلاك عنّا :)


اخوي بعت لماما فلوس عيدية علشان عيد الام, مع ان ماما ما بتحب نحتفل بهاليوم من ناحية دينية, لكن والله الفرحة بينت بعيونها انه متزكرها, انا بدي اجيب لماما محضرة الطعام براون 6 في واحد, وللاسف ما صحللي اشتريها قبل لكن فلوسها صارت مع ماما و بكرة ان شاء الله رايحين نشتريها هي و كتاب حابة اشتريه لبابا لان بابا بحب يقرأ كتير, واخوي الصغير جاب ساعة كبيرة بتتعلق عالحيط كانت ماما حابة تشتريها, هلأ وين الاعتراف.... الاعتراف اني انا قعدت احكي لماما عن اخواني انهم ما بفكرو فيي بالمرة صايرين - وطبعا هالشي ظلما وبهتانا الله يسامحني - و انهم بنسوني و هي عيد ميلادي بعد كم يوم لاشوف اذا بتصلو فيي, مع انهم كل سنة عال 12 بالزبط بحكو بس ما بعرف شو كان صايبني, المهم اتصل اخوي يعيّد عالماما و بحكيلها في 50 دينار من الفلوس لام السوس علشان عيد ميلادها :$ بس انا حكيتله اختك المفتريّة اليوم بتحكي لماما انكم بتنسوني وما راح تتزكرو عيد ميلادي :) حسيت حالي أكّاله نكارة :$

دور الحقائق

مهما كبرنا بالعمر, بس تيجي صابونه جوا عيونا كتييييييييييييييييييييييييييييييير بتحرق :(

مع اني مش عاملة كيك من زمااااااااااااااااااااان, لكن كيكة اليوم كانت ابدااااااااااااااع و بالاجماع :)

احلى اشي بالحياة لمّا تحس ان في طفل بحبك وبميزك عن الكل, و بس تلتهي عنّه يناديك باسم خاص الك هو بس بحكيه و يفتح ايديه و يحكيلك " حِبّه...حِبّه " قصده بده يضمك :) زيدووووووووووووووووو انا بمووووت عليك, ابن بنت خالتي بحبّه كأنه فرووحه او عبود ولاد خواني, وسبحان الله الطفل بحس باللي بحبه

هالبوست عبارة عن تفشش و كتر حكي وارق مش اكتر,الساعة 2:30 ومش عارفة انام ... فااااا سامحوني :)

22 التعليقات :

حلو كتير ونا بحب السيريلاك كمان بس صار لي عمر ما اكلته

واذا مش عارفه تنامي يا ام صابون تعي نطق حنك شوي :)

 

ممتاز كتير, هيك صرنا تنتين :)
هيوتنا بنطق حنك هلأ :)

 

السيريلاك ازكى اكلة بالدنيا
بموووووووووووووووووت فيه وخاصة بطعم الفواكه
عادي بشتريه ولا بهمني المهم اكل سيريلاك بس ديري بالك بنصح وبخلي الواحد زي الدب :)

وعاااااادي الأرق هي الساعة صارت 4 ونص ومش عارفة انام شي طبيعي

وحدة فاضية واجت تفضفض معك
صباحك فل

 

mar7ba whisper .
lol ana hal2 3ndee als3a brdo after 12 am 3ana hoon bel state brdo mo3arf anam bass akeed intoo hal2 betsh5oroo hahaha ,i just wanted to say mashallah 3ailkoom ,3ila betjanan wallah ya5likoom lab3ad wayb3d 3ankoom ashar ,wa ya5alik your mom and dad and brothers and sister if you have any ,mashallah 3aillkom .
salam

 

بحس دايما انو في فرق كبير بين مدونات البنات ومدونات الشباب. مدونات البنات فيها فضفضه وشفافيه أكثر. مع اني بكتب باسم مجهول بس لغاية الآن ما بسترجي اكتب امور خاصه. نيالكم على هاي الشغله (الفضفضه) لأنها بتريح الانسان. صايرين يدبلجوا الافلام الهنديه بالخليجي، هاي فعلا شغله جديده.ـ

 

صباح الخير أم السوس

هلاء عرفت ليش انتي طويلة، عشان الدورة الغذائية كانت سليمة، الله يتم عليكي الصحة يارب
أجمل ما في إدراجاتك عفويتك وخفة دمك
والله ضحكتيني

 

هههههههه أمن هاي الأفلام الهندية مع احترامي بس مش طبيعي شو بصير بالواحد بس يشوفهم.. جرعة غباء كبيره..
هو بحكم اني مولوده بالرياض فأنا بفهم حكيهم.. بس برضو مستحيل أشوفهم.. أنا بحيي شجعتك وقوة قلبك إلي إتحملتي فرجة ٤ ساعة :)

هادا شكلو اشي عند الكل.. حتى احنا بالبيت بنحب السيرلاك وبننبسط لماً أختي تيجي من السفر عشان ابنها لسا صغير فبنصير ناكل من علبته ههههه

كل سنة وأمهاتنا كلهم بألف خير ،، الله يحميهم ويخليلنا اياهم يا رب..

شعور حلو إنو طفل يكون يلعب ولما يزهق وبدو يروح يقعد بحضن حد يختارك انتي ويفضلك عن الباقيين :)

لا أبداً أنا انبسطت بقراءة البوست هادا :)

 

besra7a mmm .. ana ba7eb ree7et el serelak .. o 2abel talat sneen jarabet akol lo2meh .. bodra kanat :)
wo kol 3am wo entiii b5eeerrrrr ya em elsoooosss wel tamer elhendi kolo ))
sho ma bedek e7keelna .. wallahi doonan 3an kol 5awatek elek ma3azeh 5asah b2albi :))
welyom ana raye7 ajeeb 5alatet 3ajeen la mama :)
3ala fekra yom eljom3a ro7et asali be jame3 abu '3azaleh .. eli olteli 3ano 2abel ..
bas ma 2ndalet .. wo salet bejame3 el kelani .. kan nos eljame3 fadi !!!..
wo bardo zakarteni aroo7 azoor o5ty hal akamen yom .. 7aram wallah zaman ma zornaha ..

 

مرحب وسبر
أي حرام عليكم يا جماعة لا حقين فرووحه على نتفت هالسيريلاك !!!مش عارف شو بدي احكي عن الافلام المدبلجة ولى الهندية بس ليش مستلبسينا يهدبلجة و الله ما انا عارف واالمشكلة مبسوطين ع حالهم كتير و بنهاية كل الافلام الهندية حسب ما اذكر بطلعوا اخوان.... تحية

 

طيب اول اشي بتعرفي "الرابط العجيب" اللي بيجي على سبيس توون؟ هاد المفروض عنوان هالبوست

تاني اشي ، عن جد بالفعل لما الواحد يكون بنهاية اسبةع و قرفان و تعبان و ملان و نعسان و هلكان ما بتفرق معاه حتى لو حضر فلم هندي مش مدبلج بالخليجي ، لأ مش مدملج بالمرة صدقيني ما بتفرق كتير

و اخيرا ادعي ربك انو اخوانك ما بقرؤو البلوج تبعك

 

بكره الافلام الهندية و تانيا بكره" "الخليجي و ثالثا والاهم بكره المدبلج

رهيبة انتي :D .. انا كمان طبعا

السيريلاك زاكي بصراحة و انا كمان لما اعمل لابن اخوي منو باكل نص الصحن قال من باب التشجيع مش اكتر :$

 

أول شيء الله يخليلك والدتك الغالية وأخوانك وكل أحبابك ، لأنهم لمحة من الجنة في جهنم الحياة اليومية

والله يعطيك العافية على الأسبوع المرهق

وخلص أحلى هدية الك في عيد ميلادك كرتونة سيرلاك بنكهات مختلفة :)

على فكرة الطفل بيشعر بالحب بدون ما تحكي مرات ، و في أطفال سبحان الله بتحبه بس تشوفه بدون ما تشعر ، الأطفال ملائكة تمشي على الأرض ، أنا شوفتهم بتغيير مزاجي كله دائما

 

Rated R

كل النكهات بحبها الا العسل , مش كتير زاكي بحسه :)

كل شي زاكي بالحياة بزيد الوزن شو بدنا نعمل يعني :$

انا نمت عال 4:30 تقريبا, عالاذان خلصنا حكي انا ومياسي :)

صباح ومسا الورد :)
و بالتوفيق في حياتك الجديده :)

Njordan

Hala Noor

LOOOL 7asab ma b3raf ana ma basha5er, bt3rafee bakoon naymeh w ma basma3 7alee :D

Teslamee ya rab, w y5alelek kul 7abaibek ya amar
noo ma fe sisters :(

kullek zooo2 wallah :)

 

Jaraad

كل واحد بحاجه لانه يفضفض من وقت للتاني لانه بكون شوي و بدو ينفجر, شكلي مزودتها بالفضفضه وانا مش منتبهه :$

انا عملت المدونه اول شي لهالسبب, ان اي شي بخطر ببالي اكتبه هون و اعبر عنه و هالشي جد بريّح, علشان هيك النصيحة الاولى انه ما حد بعرفك يعرف عن المدونه :)
مع ان اخوي الصغير و زميلتي بالشغل متابعين مدونتي

اكتب اللي بخطر ببالك و اكيد بحدود انت بتقدّرها و صدقني راح ترتاح

نادر احمد

صباح ومسا النور نادر

كانت وما زالت مستمرة :)
امين يا رب ...اجمعين ان شاء الله
شكرا كتير هاد بس من ذوقك, انا بكتب بدون تنميق اللي بخطر ببالي بكتبه , ان شاء الله اني ما اكون بزودها بس :$

 

Rula A

وليش سميته اعتراف انا؟؟؟ لاني انا مش مصدقة اني حضرت فيلم هندي وايش مدبلج :$

مش راضي يخلص هالفيلم وانا خلص كبرت بدماغي و بدي اكمله, اخوي الو يومين زاللني بهالفيلم, كل ما احكي رأيي بشي بحكيلي بعد الفيلم الهندي بتسكتي وما بدي اسمع صوتك :( معه حق بصراحه


هههههههههه هاد طلع عامل مشترك بين المدونات هالسيريلاك وانا مش عارفه

امين يا رب و الله يخليلنا اياهم فوق روسنا على طول

انا بعشق الاطفال بصراحه, و همه بحبوني والحمد لله :)

يلاا الحمد لله انه ما كان تقيل دم عليكم :)

Zuhair

6a3mo zakee bs mesh nashef, beddak te3melo zay 2akel el baby belzabt 3alashan to7kom 3al 6a3em :D

LOOOL w 2enta b5ear,lessa next Friday inshallah :D

heheh teslam ya rab,zakartnee fe baba bedal ye7kelee 2ente 2a7san wa7deh be 5awatek, b7kelo maho ma fe 3'eree,be7kelee w shoo be3arfek O_o

Allah yerda 3aleek ya rab, w zyaret ur sister fekra kteer 7elweh bardo, allah y5alelak 2yahom w ye5aleek 2elhom ya rab

Kul elmasajed 5ear w barakeh, bs sob7an allah elshea5 raye7 3omra w kan fe shea5 tanee, bsara7a elshee5 el2aslee kteeeer 2a7san, yalla next Friday inshallah

ho 2odam el3yadat el5arejeh belzabt law 2ejeet men 8th circle men jehat nadee elsyyarat fawran btwsalo :D

 

Enigma

اهلا وسهلا :)

لا والله كلنا بنكون بنلاهيها لتاكل, لكن اللي بضل بننبسط عليه ليش الحكي :)

بالزبط. هاي النهاية المشتركه لكل الافلام الهندية...و انا زي الشاطرين قعدت و حضرتو :$
هي اول مرة واخر مرة اكيد

Dr.Mohammed

ههههههههه هو هيك بس الواحد بدو يفضفض كل الحكي بطلع مرة وحدة وما بكون اله علاقه باشي :)

هاد اللي صار معي, يعني لو حد يسألني عن قصه الفيلم ما بعرفها بالزبط, هيك بس سرحان قدام التلفزيون

اخوي الصغير متابع مدونتي...فكرك بلا ما يقرأ هالبوست؟؟
انا زبطت وضعه وحطيت هديته احتياطا علشان ما يزعل :)

 

همسة

هههههههه "من باب التشجيع " عجبتني الفكرة خلص بدي استخدمها المرة الجاي :)

هاد جد كلنا بنحبه :)
صحه وهنا على قلوبنا
و بالنسبة للافلام الهندية.....هي فعلا اول مرة واخر مرة :$

سراج الماضي

امين يارب ,,,تسلم
ويخليلك كل اهلك واحبابك يا رب

والله الاسبوع الماضي كان كلّه مشاكل و اشي جديد و بصدم, زي اللي بكون بدومة ومش عارف يطلع منها
الحمد لله, ان شاء الله يكون انتهى الموضوع :$

هههههههههه احلى هدية بصراحه :)
بس اللي بنكهة العسل بدلو بنكهه فواكه :)

فعلا, لان اللي ما بحبو الاطفال , الاطفال ما بحبوهم

انا نفس الشي والله, برجعولك الابتسامه الحقيقة و الشعور النقي من جوا
الله يحماهم وما يحرم حد منهم يا رب

 

اول: شي اشتقتلللك موت وبعدين
مين فينا ما بحب السيرلاك وخصوصا بالفواكة مممممممم كتير زاكي انا شخصيا كنت اكل منه لما بحضر للبنات الوجبة
تاني: شي الله يعطيك العافية على الاسبوع الشاق وصار لازم اعرف مين اللي عم بعزبك عشان اخبصه من هون:(
بعدين كل سنة وخالتو سالمة وانشااالله الله ما يحرمكم منها يارب وكل امهات العالم بالف خير
وكل عام وانت بالف خير ياعسل وانشاالله كل ايام تكون خير
وانا بعرف انت قديش بتحبي الصغار الله لا يحرم حد منهم
اخر شي والله صاير تطور انك تحضري فيلم هندي؟؟؟؟؟؟؟؟؟

 

على فكره من طق حنك امبارح

راسي اليوم من الصداع اشي واو!!

حضرتكم هنـا:

أصوات أردنية حرة: قصص حياتية

 

Fostog

انا اكتر والله يا قمر :(
بحكولي ان مع الوقت راح اتعود على البنت الجديدة و بنساكي, حكيتلهم ما في حد بعبي مكان "امونيه" عندي

يلااا كلها كم سنة ان شاء الله وبرنجع :)

هههههه صحه صحه يا قمر, والله يعافي قلبك, بتعرفي جو الشغل كيف بكون مرات مقزز وما بتصدقي يخلص, يا ريتك موجوده تخبصيلي اياهم, لكن بتعرفي صاحبتك...ما بتقصّر :)


وانت وخالتو والجميع بالف خير يا رب

الله لا يحرم حد منهم يا رب

شفتي بالله, ال انا احضر هندي وشووو مدبلج ..علشان تعرفي مرحلة القرف اللي كنت واصلتلها :(


مياسي

سلااامة راسك يا قمر, انا صحيت عال 12 و الحمد لله ولااا كأني سهرانه :)
بس الليلة ما بزبط الارق, عنّا دواااام :)

ياااااي ...يسلمو يا قمر :)

 

Wiwz happy b-day ;D have lots of funn :D :D ...
ana bkrah al-movies aly btkoon mdbljeh.. bs izkri ana mwjodeh y3ni eza ma fhmti ay klmeh bal5liji bs es2li ya bataa <3
w ana b7b alsiralc ktteeeer 3ndy edman daymn bshtree :$ :P
w al9aboneh aly btiji bal3yoon bt7r2 kteer w btwj3 :'(
w ana kaman b7b abn bent 5alti :P l2no ymken hmeh araybna alw7deen aly daymn bnshofhom :D ,, 3njad halpost m32ed ;) :*

 

Jehan

Thanks ya amarah, I had wal7amdolellah it was a lovely day :D

noo 5alas 2wal marra w 2a5er marra :)

ana fakaret nakol Cerelac kteer bwjood 3abood 6ele3 3abood ma be7ebbo :(

Allah y5alelna 2yahom w ye7mahom ya rab