Things I Like To Whisper About

Would You Hear Me Whispering

سلسلة عرسان - الحلقة 12



قبل ما اسافر باسبوع اتصلت فيي موظفة قديمة عنّا و هلأ تقاعدت, هالموظفة حكيت عنها هون
حكت معي كأنا شووو كنّا صاحبات عالعظم زي ما بحكو, كيفك وشو اخبارك وشوفي اشي جديد عندك ومن هالحكي, ومن موضوع لموضوع وصلت لانها جايبتلي عريس, خير اللهم اجعله خير, ابن بنت حماها قال بدور على عروس بنفس مواصفاتي, جد زهقت من هالكلمة, المشكلة بهيك موضوع بفكرو العالم اني راح اطير من الفرحة و اني انبسط هيك بس لانه اجاني عريس, بحكيلها طيب ما في "مواصفات" اله كمان؟؟؟ بركي مش نفس "المواصفات" اللي بدي اياها.

سكتت شوي حستني ناكرة للجميل شكلها, بتحكيلي دارس .. وبشتغل ب... و راتبه كتير منيح وبشبه امير, حكيتلها مين امير؟؟ بتحكيلي امير اللي بعاصي, وانا ثقافتي بالتركي عدم, حكيتلها ما بعرفه بصراحه, بس ما حكيتيلي عن عمره, بتحكيلي هون المشكلة , انت اكبر منه ب 6 سنوات بس, حكيتلها مش بس, الموضوع هون انتهى, بتحكيلي هو بعرف هالشي وما عنده مشكله و بالعكس حابب كتير يتعرف عليكي, حكيتلها لا انا العمر عندي مشكله, و خلص انسي الموضوع, اعطيه فرصه ما اعطيه فرصه, حكيتلها انا اساسا بعد اسبوع مسافرة عدبي, سألتني ايمتا راجعه و جاوبتها بعد شهر, بتحكيلي طيب انت عندك مانع تطلعي معو برّه تشربولكم كاسة عصير وتتعرفو على بعض, حكيتلها اه ومانع كبير كمان, بعد اصرار و الحاح اتفقنا انه اذا بدو يجي زيو زي اي مراجع بيجي عالمكتب بشربله فنجان قهوه بنحكي شوي و بناء على هالجلسة ممكن نحكم مبدئيا على بعض,وممكن مع الحكي يبين ان الشب عقلة كبير و بنشوف موضوع العمر, و خلص الاسبوع وسافرت وما اجا :)

انا استغربت الموضوع لان البنت قعدت معي بالمكتب فترة و بتعرف اني ما بقبل اطلع بره اتعرف على شب,و بتعرف ان العمر بالنسبة الي فيه مشكلة, وارتحت لقراري وهيك ما بكون بس بحكي لأ زي ما بتهموني صاحباتي بالشغل, ما بتصدقي على اشي وتحكي لأ, الموضوع مش هيك, الموضوع انه الزواج بده تأني و تفكير, بدو تختاري صح علشان ما تندمي, وفي تجارب كتير بتخلي الواحد لاااااازم يتأنى بهيك موضوع, واشي تاني ما بنكره, ان كل ما تتأخر البنت بالزواج بصير تفكيرها انضج و بتصير الامور اللي بتهمها تكون بالشب غير عن قبل, يعني منظور فارس الاحلام بكون موجود ولكن بمعايير بتختلف و الاولويات لهالمعايير بتختلف.

بعد ما رجعت بيومين, يومين بالعدد الاخت بتبعتلي مسج عالموبايل, نص الرسالة " بتقدري تكفليني بدي اشتري موبايل, و بالنسبة للشب فهو لسا حابب يشوفك"
تخيلو الوقاحه لوين وصلت بالعالم!!! طلعت الاخت عامله كل هالقصه علشان بدها مصلحة مني, انا بعتلها "لأ ما بقدر" و اكلت حالي ندم كيف وافقت انه يجي عالمكتب, جد انقهرت, و انقهرت اني انا بعرف البنت منيح والي قصص معها قبل و مشاكل وطوش وكيف انا زي الشاطرين رجعت احكي معها عادي, وهي التانيه في الها صاحبات متطلب منهم, بس بعد ما سألت تبين انها طالبه منهم و لانهم عندهم تجارب معها من قبل بانها ما بتسدد الفلوس بطلو يكفلوها.

جد قهرتني



ملاحظه: اي تشابه بالاسماء او بالاحداث فهو من محض الصدفه البحته, والاحداث جميعها من وحل الواقع




40 التعليقات :

المثل بيقول، ان لم تستح فاصنع ما شئت
انا شايفلك هالعالم ماخدين قصّة العريس انّها مفتاح كل شي عند البنت يعني، بجيبلك عريس يالله عيشي بس زبّطينا
شي بيقرف...و فعلا مهين

 

Good Morning
6ab ana btegdare tekfaleene?
bedde ashtre mosadas ato5lek eyaha:P
LOL
Jad allah y3een el banat!!
then mesh 3arf bs 7ases enno hal benet men el naw3eyeh ele ma bhmha 7ad ela 7alha sa7bet asbaqeyat fe 3alam tawreet el banat:P ya3ne mawdo3 el 3arees fe elo aktar men hadaf bel nesbeh elha o menhom el mobile o ashya2 o5ra:S
.
.
o Estamerre:)

 

Qwaider قويدر

المشكلة انهم بكونو متأكدين 100% ان اي بنت راح تموت وتلاقي عريس,مش عارفة من وين جايبين هالثقة, واذا حكيتي لأ انت بتكونو بتمثلي وبس بدك تكوني تقيله

فعلا اشي بقرف

Ahmad Merie

Sba7 elward

Walaw 2akeeeeeed...ana 2elly bkfalak :D

wallah 2ashya2 3'areebeh 3ajeebeh benshoof :S

ya allah shooo bkrah hal3alam w elmoshkleh 2enhom katraneneen 7walena :(

Allah b3een...
laaaaa hal2esas el6arma inshallah ma btestammer :)

 

مرحبا ويسبر

المشكلة التي يعاني منها الكثير من الفتيات اللاتي لم يتزوجن بعد في مجتمعنا أن العديد من الاشخاص يعتقدون أنهم ينتظرون المخلص لهم من حياة البؤس والهوان التي يعيشونها وبالطبع يستغلون تلك النقطة في تحقيق مصالح معينة لهم

أعتقد ياويسبر أنه ومن خلال معرفتك المسبقة عن تلك المرأه وماحدث في هذا الموقف الاخير يجعلك تتأكدين أن الطبع دائما سيغلب التطبع وذلك سينطبق معكي على كل الاشخاص الذين تعرفينهم في أي موقف من الممكن أن تتعرضي له لاحقا

عشان هيك لاتنقهري ولا على بالك بالعكس إذا إجا أمير وأشك أنه كذلك تعاملي مع الموضوع بكل برود أعصاب

تحية

 

أشرف محيي الدين

ما بنكر ان في بنات فعلا بنتظرو هالمخلّص زي ما حكيت, لكن ليش التعميم؟؟
و برضه بكون واضح ان البنت عايشة عيشة شقاء و يلا مرتاحه بحياتها الحالية و جد بكون واااضح

هي غلطتي اني توقعت ان هالموظفة ممكن العمر- لانها ست كبيرة و متقاعدة- ممكن هدّى شوي من اخلاقها لكن للاسف الطبع غلب التطبع زي ما حكيت

هاد اللي راح يصير مع اني ما بفضل يجي لاني راح اكون جلفة بزيادة معه :$

شكرا اشرف

 

ياااااااااااااااا إلاهي!!!
شو هالوقاحه إلي هيه فيها..على قول ستي:
إذا لم تستحي فاصنع ماشئت
وهاي ما شاء الله شغاله بالعالم كلها مش مخليه حد من شرها.. حسبي الله على هيك ناس..
ههههههه عن جد تقولي هالعريس سوبرمان ولا أبو الحروف..
الحمدلله إنو ربنا كشفها وبينلك حقيقتها قبل ما تتورطي معها بأي إشي :)

 

Rula A.

جد وقاحة :(
طيب افرضي اني انهبلت مثلا - بعيد عني- و رضيت اطلع من وين بدها تدبرلي حد, ويلا ممكن تتفق معه عموعد و بتاخد مصلحة منه!!! :$ بتعملها

الحمد لله

 

صباح الخير
طبعا قرأت كل الحلقات والمعلم بستنى فيي وانا شايفه لسه
المهم

عنجد الله يكون بعونك
عارف انك مش مستنية شفقة من حدا , بس انه المواقف اللي صارت معك شوي بتضايق
شوي بتضحك كمان
ما بقول غير انه تبين الامور من اولها احسن ما ترتبطوا وتندموا لا سمح الله

 

LUNAR

الله يعطيك العافية :)

الحلو انها بوقتها بتكون كتيييييير بتضايق, لكن بعد بفترة كلهم بصيرو بضحكو

الحمد لله, مش ورطة بصراحة :$

 

لا اكشن الصحيح

كمان عريس مع مهتّه!!!
بالنسبه للعمر انا معك؛ ما بفضل ابدا يكون اصغر مني ولا حتى قدي

بس انا اللي بعرفه انو طالعه موضة الواحده تتجوز واحد اصغر منها
وبيعيشو مبسوطين

هيك بسمع

 

مياسي

شفتي بالله, و بتحملني جميلة قبل ما اشوفو للشب :)

بالنسبة للعمر انا نفس الشي ما بفضل بالمرة
لكن ممكن تصير موضه عنّا بس نوصل لعمر معين ما بتعرفي, تخيلي :)

 

حبيبتي
هي موضه صارت وخلصت
صاحبتي اتدربت في زين
بتحكي لي كتير موظفات متجوزات اصغر منهم
والحياه سعيده
:)

 

احنا عنّا كتير موظفين متزوجين اكبر منهم, لكن تقريبا 80% منهم بفكرو يتزوجو هلأ مرة تانيه لانهم من وجهه نظرهم انه حقهم يتزوجو وحدة اصغر منهم, مع انهم ما بشكو من زوجاتهم, بس فراغة عين بعيد عنك :$

 

ههههه
وعشان هيك انا بحكي
الاصغر من اول احسن
ولا فكرك
فراغة العين موجوده وخلص؟

 

هو في منو ... لكن مش الكل بلاش حد يزعل :)

 

هههههههههه

ضحكتيني عالصبح

صباحك خميس:)

 

6 sneen.. mm...mama zamanha gaya .. gaya ba3d shwaya .. gayba ma3aha le3ab we 7agat.. ))))
ma et7oti bebelik ya whisper .. nas 3ajeebeh fe3lan..
esma3i ana 3endi 3arees la2ta .. wo bedi meen yekfalni bsha2a .. haa sho ra2yek :)))):))
.. tayeb elbenet hadeek metjawzeh ?

 

هلق اكيد انه الاخت هون غلطانة ... وتفكيرها مش ولا بد ... فلا تزعلي ولا تنقهري

وصح اللي عملتي معها سكتها وكحشها ... لكن متل هيك نوعيات لازم كنتي دبلوماسية معه

يعني ... ممكن كان رديتي بطريقة تانية ... مش كتير دفشة
-واسف للتعبير- ... لكن هيك طلع معي

يعني متل هيك نوعيات يمكن يقلب الموضوع كله ... ويألف قصة جديدة
وتروح تحكيك للكل مش عاجبها العجب ... وكان يصحلها ... ومن هالحكي المصقع هاد
مبين عليها مصلحية وحقودة

يعني الدبلوماسية كان احسن رد الها

ما تسأليني كيف الرد الدبلوماسي ... لآني انا ما بعرف

واسف للازعاج

 

أحلى شي عجبتني هاي (بشبه أمير)!!!!
بس انتي كمان الحق عليكي،،، مدام ما بتعرفي أمير -زي حالاتي- ، احضريلك حلقة من "عاصي"، بجوز تغيري رأيك!!!
و بالنسبة لقضية العمر بالزواج، أنا معك 100%، لأنو أغلب حالات الزواج اللي فيها بتكون البنت أكبر من الشب، بتكون مليانة مشاكل، و مرّات حتى ما بقدرو يكملو مع بعض، لأسباب كتير بتركيبة الشخصيتين، ما بدنا نحكي عنها هلاً....
بس ايمتا هالناس بدو يصير عندهم شوية دم؟؟!!

 

لأ كثير أبو عصام
شوفت كثير بس زي هاي الكائن العجيب ما شفت
لم أتوقع نهاية القصة أبدا
فلم أتخيل يوما أن يصل الإنحطاط الأخلاقي للناس لهذه الدرجة ، تتلاعب بالمشاعر من أجل مصلحة وموبايل؟؟؟!!!!
الهذه الدرجة وصلنا من الإستهتار بالناس؟؟؟
أعتقد أنها توفقت على الشيطان المسكين
أنا صراحة بعد هذا الموقف حتى صباح الخير ما بتستاهلها
وصدقيني رح تكون نهايتها بشعة
الله يعفينا ويبعد عنا ولاد الحرام وأشباه البشر

 

مياسي

احلى يوم الخميس, صحيح انهم هلوكوني شغل ورا بعضه بس هيني حلصته :)

يلااا هاد تعويض عن سمة البدن من البوست الماضي :)

صباحك ومساكي سكر :)

Zuhair

LOOOOL 3agbatne raddet elfe3el :D

O_o 3arees...hat el CV bel2awal w 5aleeh yejeeb 3adam m7komyeh w benshoof shoo beser, 2aw 2as-hal ana bajeebelak 3aroos w ana ba5od elsha2ah :D

 

Ahmad Al-Mahrouq

لااااا دبلوماسيه ولا اشي
ما بنفع معها دبلوماسيه كان لازم اكون دفشة علشان اذا كنت مؤدبة راح تحكي بالموضوع و ترد تسوق فيه

هيك نوعيات ما بتستحي المفروض هيك نتعامل معها, وموضوع الحكي اللي بدها تحكيه الواحد معرض من الكل يحكي عنه هيك اذا ما اعطاه عين
و حاكيين حاكيين, فليش ما اكون انا فاشّة قلبي و مبينتلها اني فاهمتلها

ابدا ابدا ما في ازعاج :)
اهلا فيك دائما....

شو لساتكم بتسبحو بالجامعه :)


Mrs H

هاد طلعنا لازم نحضر مسلسلات تركية في حال تعرضنا لهيك مواقف :)

المشكلة بس حضرت المسلسل زاد اصراري انه لأ :)

كتير مشاكل بتواجهه المتزوجين لمّا يكون في فرق بالعمر و معروف ان البنت بتكبر قبل الشب و هاي الها تبعيات كتيره

الله يهديهم شو بدنا نحكي :$

سراج الماضي

مين ابو عصام!!! O_o

ولا انا بصراحة توقعت هالنهايه :)

هاد بس الناس ماشاء الله تتطور و تتقدم بالخبث و اللئمنه بوصلو لهالافكار
بسخرو كل قدراتهم العقلية لمصلحتهم الخاصة و بطريقة مقززه

امين يا رب العالمين

 

شكرا ويسبر لقبول التعليق


بالنسبة للسباحة ... احنا منستعمل القوارب هناك والجت سكي ... ما منسبح

هاي البوليتكنك ... مش حيالله

 

adheh 3omrek?

 

eeeeiiiiifffff what a b%£$ walla just from reading this i feel like smacking her on the back of the head and really don't be angry with yourself you were the bigger woman in this

 

OoOoOoOoOops !!
Whisper .. Its Normal enno hek el 3alam ye3mlo lol ! kulha masale7 b masale7 ! :S t5ayyali 7atta el 3arees sar masla7a .. walla 5sara fee shaffet ahweh hehehe ;P ma ta5di b balek .. u enjoyed ur time b Dubai :D
o bala menno o mnha !! b3den shufi how important u r ! 7atta az3'ar mennek 7abben yt3arafo 3leki ;) this means ur awesome !! 5odeeha mn had el janeb o ray7i rasek coz i believe its true ;)
Have a Gr8 Day ..

 

مرحبا وسبر
انا ما بدي أحكي عن وقاحة هاي البنت بس بدي احكي عن هواية عربية وهي السعي في الزيجات سواء للبنات او للشباب والاسئلة الغبية و التفسيرا الاغبى لما يكون الواحد عارف من طرف مين جاي العروس او العريس لا بد يكون عندوا تصور ولو مش كامل عن عريس الهنا او عروسة الهنا فبحاول يتملص من الموضوع بلباقه فبتبلش التأويلات و التفسيرات و الاسئلة .... يا جماعة دعوا الخلق للخالق وا طلعوا منهاوسيبونا من دواوين راسين بالحلال

 

Mar7aba whisper
3najd how rude this lady ,which I doubt because id she was she would acted in better manner than this .I hate in general when those who so called (5atabt )they say bedhoom mowsafat kaza or mowsafatk bet3jbhoom.what are they thinking are they going to buy a car ,3najd Allah ya3anek you go through a lot with those 3arsn it seems .you there is nothing b3ad alnseeb you never will know when it will come so advice you and mash Allah you don’t seem to need my advice because you mash Allah educated and mature young lady that don’t rush really take you time take this from me am married women and being in marriage is hard hard work I wish I could have stayed single for little bit longer but like I said it always go back to the naseeb .
Allah b3een whisper wansee mod3ha hadee almara alee shabh ameer that’s so funny
Have nice day

 

كيفك ويسبر
عن جد ان لم تستح فافعل ما شئت هاي العالم بدها حرق بكاز اسود على راي وحدة صاحبتي
و الكلمة مش اسود :)

ذكرتني بولية امر عنا الها 3 سنيين على موعد الاختبارات و الشهادات بتقولي شو جايبتلك عريس المرة الاخيرة قلتلها يا ستي انا اترهبنت عن جد
ما بدي اتجوز :)
و ابنم امتياز بدون عرسانك
و طبعا كل القسم بس يشوفها بسالوني هادا العريس رقم كم ؟؟؟

بالفعل الادب و الترباية الها حكم كبير
هاي العالم مو مربية ابدا

سلام

 

صدقيني انك انتي اللي غلطانه .. لما رديتي عليها

كان قلتيلها:
خلي أمير يكفلك

 

Ahmad Al-Mahrouq

شكرا الكل و لتعليقك دائما بتنّور المدونة :)

الله يعينكم ..شفت الصور بمدونتك اشي غريب :$

Anonymous

halla2 ana fakaret 2enno beseer 2ajaweb heak so2al la Anonymous y3nee 3al2aleleh 2ajaweb la name mo7addad

bs bema 2enno elm3loomeh mesh kteer serryeh la2ene katebt-ha fe post 2abel
ana 3omree 33 2ella 21 youm y3nee 2arrab my birthday :D

mbayen 3ala 5a66y 2enny 2az3'ar sa7!! LOOOL :)

Welcome here 2eza kanat ur first visit 2aw la2 :D

 

Melicieuse

Imagine my feelings at that time,I wished I had a gift which allow my to extend my hand in the mobile and slap her in the face :$

We r dealing with rude people what to do...

Farah Batarneh

moshkeleh 2eza sar halshee normal :S
fee limits ya 3alam ma beseer tetjawazohaa...ba6alo yefhamo halnas

Yeah el7amdolellah I did :D w bsara7a ana nseeeeeet mawdo3o tamaman w ana honak :D bs el message zakartnee

ya far7eteee LOOL
yaaa kbeeer kteeeeeeeeeeeeeeeeeeer ya z3'eer kteeeeeeeeeeeeeeeer ma fe 7al wasat y5tee LOOOL

Allah yes3edo elzooo2 ,u too ya amar have a wonderful day w jom3a mobarakeh :D

 

Enigma

اهلا وسهلا :)
معك حق, لكن مرات بتحس حالك بتظلم الناس, يعني كل عيلة فيها هيك وهيك وحرام تحكم عالعالم من شخص

لكن للاسف بعد التجربة بتلاقي معظمهم زي بعض :$

التأويلات و التفسيرات هاي حدّث ولا حرج قصص و تأليف و احداث غريبة بخترعوها العالم
من شايف حالك.... لمعقد ...لانسان مش سوي وعنده مشاكل و... و... قصص ما بتنتهي

و لو تورطت لا سمح الله بزواج من النوع الجحيمي وين بكونو هدول وشو بعملولك و كيف راح يساعدوك وقتها
ولا اشي و لااا الهم دخل
فيحكو و يألفو وانا مرتاحه احسنلي :)

Nrjordan

ahlan w sahlan be noor
msa2 elfull :)

belzabt kelmet mwasafat bt7esseh 2eshe el3alam bedha teshtareeh

Akeed 2ana meqten3a 100% bhalshee elnaseeb, w rabna kateb lakul sha5s meen w keef w 2emta yetzawaj 3alashan heak ana mray7a rasee :D

Thanks for the sweet compliments :')

 

Jafra

ممتازه والحمد لله :)

كاز وسخ...هيك بسمعهم بحكو :)

ييييييي الله يعينكم بسمع بنات خالتي بحكولنا قصص عن هالشي, برضه معلمات
و غير عم وخال الطالب بس يجي ياخده او يسأل عنه
بحكولي فضيحه بجلاجل بتصير :)

ابدا ابدا :$
جمعه مباركه يا قمر :)

Amjad Wadi

ههههههههه يا ريتني نشرت البوست قبل ما ارد عليها
عجبني الرد كتييير كتيييير

 

ان لم تستحي فافعل ما شئت وهاي البنت ما عندها حيا

 

Sozan
مختصر مفيد لوضع وبيئة وتربية هالست

Zuhair

halla2 tzakaret 2enni fe 7ad sa2alne 2enha metzawjeh 2aw la2 w 6le3et 2enta :d

yes metzawjeh w 3endha mashakel ma 2elha 2awal men 2a5er m3 zojha w kan fe mawdoo3 6ala2 laken el7amdolellah ma tam :S

 

هاي ويسبر لا تنقهري ولا على بالك في من هالعينه عينات لا تديري بالك لهيك اشكال...منيح انك سافرتي ولا شوفتي قرابتها ولا وقعتي بشباكها غيرك وقعو وتمرمطو...
بدي اسالك عن طريقة الاشتراك بيوم التدوين عن الاردن...لانه في كتير مدونين سالوني وانه انا ما عندي علم بالموضوع كتير فيا ريت تعطيني التفاصيل لاوصلها...وشكرا

 

NewRise7

اهلا فيكي :)

الحمد لله, هو انا بصراحة نسيت موضوعهم وما فكرت فيهم الا بس وصلتني المسج :)

انا كاتبه بوست عن الموضوع ما بعرف اذا قرأتيه وفي لينك لمدونة قويدر و كيف شاركنا السنة الماضية

بتلاقيه هون


اللي صار السنة الماضية ان كل واحد فينا كتب عن الموضوع بمدونته ب 12/3
و قويدر كتب بمدونته عن الموضوع برضه و كل واحد فينا علّق عنده و حط اللينك للبوست اللي كاتبه
والمفروض انه التسمية او
the tag of the post to be BFJD or B4JD

بتمنى تكون الفكرة وصلت :)

 

Wiwii :D .. hru .. MISSED YOUR BLOG LIKE HELL MAN !!
this woman is soo eweeee .. y3ni men 6ri2it 7kiki m3ha ana krehtha!!
bs ana nfsy a3rf sho hal-nas hadool .. mafkreen kol alnas myteen anhom ytzwjo :S !!
y3ni hl2 alw7deh lazem tkoon 3endha 5ebra .. tkoon darseh mt3lmeh btsht3'l mzb6a amorha ya meshan tbny jeel naf3 ya mshan t2men most8blha l2no al7yat hal-ayam ma aleha aman !
y3ni wlek wallh ahritni :@ .. bdy a5o6ha w a5l9 3liha !! w7deh zn5aa :(
sorry anf3lt m3 almawdoo3 zyadeh 3n al-lzoom but what to do aly shohor mo 7a6a comments :P

 

Jehan

Ahlan ahlan ..LONG LONG time we didn't see u here...el facebook 2a5adek menna ;)

Miss u more ya amarah :)

yes elmafrood 2ennek benet sooo ra7 tmoote 3ala 3arees :S
mesh mohem t7a2e2ee 2ay shee fe 7ayatek... el3arees ho el main goal lazem ykon :)

LOOOL haddy 2a3sabek mesh me7rez elmawdoo3 :D

be6la3lek ya amar, write as much as u want :D