Things I Like To Whisper About

Would You Hear Me Whispering

الزوجة الثانية


قبل كم يوم كنّا نتحدث انا و مجموعه من القريبات عن موضوع الزوجه الثانيه, انا بعرف ان الشرع حلل للشخص يتزوج 4 ولكن في شرط اساسي وهو العدل و عدم ظلم وحده من الزوجات علشان التانيه وهو امر نادر الحدوث جدا,و في حالات معينه مثل مرض الزوجه او عدم الانجاب, مع ان لو انعكست الآية و مرض الزوج او كانت مشكله الانجاب منه, فورا بنحكم عالست بانها قليله اصل ودين والمفروض ترضى بنصيبها وتسكت, وانا مع هالشي لكن للطرفين, زي ما هو قدرها هو قدرك برضه, لكن في حال اني مثلا مثلا تزوجت ولا سمح الله فكر الاخ انه يتزوج وحده تانيه, فانا راح اطخه و اطخها :$


انصدمت كتير لمّا سمعت رأي بعض من البنات بانهم ما عندهم مشكله لو تزوج زوجهم عليهم, او انهم يتزوجو واحد متزوج, و انه هاد حقه وكانت تبريراتهم بتصوير الحياه الزوجيه على انها فقط لاشباع حاجات الزوج , و نسيو التفاهم والانسجام, نسيو الحب و الاستقرار, نسيو التعاون و المشاركه, حسيت الحياة الزوجيه تجردت من كل معانيها, استغربت ان بنت ممكن تفكر بهالطريقه.

بسألها انت بترضي عحالك انك تسرقي زوج من مرته, بتحكيلي هاي مش سرقه هاي شرع رب العالمين, انا بعرف ان شرع رب العالمين, بس انت ما عندك مشكله انك تشاركي حد تاني بزوجها؟؟او ان وحده تانيه تشاركك بزوجك؟؟ بوقته, بمحبته, وحده تشاركك بتفاصيل حياتك مع زوجك بحلوها ومرها؟؟

وحده منهم بتحكيلنا انها بتأمن ان موضوع الزواج التاني عبارة عن قدر, مكتوب للشخص مثل الرزق ومثل الزواج الاول, و ان في كتير رجال بتعرفهم الهم سنين بحكو لزوجاتهم انهم بدهم يتزوجو عليهم و لهلأ قدرهم انهم ما يتزوجو, تخيلو ان وحده الها 22 سنه و زوجها بحكيلها انه بدو يتزوج عليها, 22 سنه من القهر و سمّه البدن...

خطر في بالي سؤال, هل الزوجه مجبره انها ترضى بهالوضع؟؟؟ بما انه شرع فهل من ناحية دينيه ما بصير تعترض؟؟؟ الحمد لله انه طلع انها بتقدر ما توافق و بتقدر انها تنفصل عن زوجها اذا الوضع ما ناسبها, بس انا بضلي عند رأيي.....بمنتها البساطه بطخه و بطخها

29 التعليقات :

يعني اللي ما تعلّم من اوّل مرّة .. عفوا .. اكتفى .. حلال طخّه :) و اللا لأ؟

 

we think the same way u and I, men na7yet el ta5 awal shi w kaman men na7yet el fikra, el rjal befakkrw enno el deen 7allal el ta3addod 3ashan el zalameh ydal yjamme3 zawjat kol ma 3ajbato wa7deh :S anyway Rabbna sob7anaho wa ta3ala be7ki enno shart el 3adel w kaman be7ki enno ma 7ada be2dar ye3del, so wade7 enno eli ma be3del ra7 ytoulo ethem, mesh 3arfeh lesh yghalleb 7alo men el asas

 

قويدر Qwaider

ههههههههههه...صح 100%
انا كنت بدي اكتب هالشي, بس حكيت لا يا بنت, مش حلوه بحقنا :)

 

Rand

Ana kont beddy 2a7ke b5no2o, bs ba5af ma yemoot fa el6a5 ho el7al :D

Halla2 ho momken ye3del belfloos welmasareef 3ala kul bayet, laken la yomken 2enno y3del bel ma7abeh welmasha3er w had wallah 2a3lam bardo ma beseer w yo3ad men el2omoor 2elly lazem ye3del feha..

 

I wont shoot, I'll use a good old fashioned carving knife stick it in his eyes and twist. did you see this article about the man who got sentenced with 120 lashes for being married to 6 wives (greeeeedy)
http://arabnews.com/saudiarabia/article18508.ece

 

wallah ana b ra2yi enno el 7a2 3al bnat ...l2nno hadafhom sar mojarrad el zawaj o bs...msh mohem shu el zorof el mo7eeta...bs bedha tetjawwaz...btakhod wa7ad mn marto aw yetjawwaz 3alaiha msh mohem .. el mohem bedha tetjawwaz....wo kman el 7a2 3al shabab, l2nno el 3alaqa el zawjeyyeh wo qarar el zawaj byakhdo b sabab ra`3beh aw enno beddo yefre`3 taqato b hal makhloo2a...wo bal tali ertebato bekoon bl jasad msh bl ensaneh...wo ertebat el jasad mn ahwan ma ykoon enno enfakk...wo kman mafhoom el tawafoq bain el azwaj ta2reeban msh mawjood...el mohem shu byesht`3l wo mn ay 3aileh wo kam r7 yedfa3 maher wo wain el 3rs r7 yseer...wo shahr el 3asal kman...ya3ni etha kan el mojtama3 wage3 aslan fa ma testa`3rebi mn ay ishe beseer...za2ed enno momkin el zawjeh t7ot shorot 3nd el 3aqed enno zoojha ma yetzawwaj 3alaiha aw etha ma kan bejeeb awlad yettalla2o...bs ana b ra2yi elle betrek el taraf el tani 3shan haik sabab...hada shakhs tafeh

 

انا من رأيك..أي والله لو يسير متزوج عليي مش بس لأطخوا..والله لأفجر راسوا بالنووي..
ما احلاني وانا زوجي متزوج عليي..طالما انا موفرة لإلو كل شي بده ياه ومش مقصرة
معه بشي فما معه حق انو يروح يتزوج

بردو كمان كُنا نحكي بنفس الموضوع أنا وبابا وأختي التوأم وعمو..
سبحان الله
:D:D:D

قال أختي التوأم بتأيد انو يتزوج عليها
من باب انه حقو..

تحياتي على هالموضوع

 

أنا ما بقدر أبداً يكون في وحده تانية.. عشان هدا معناتو التشتت وزيما قلتي الجيزه حب، إستقرار و مشاركه.. بس غريب إنو في بنات هيك رأيهم!!

 

اكتر شي عاجبني موضوع الطخ:)
علي وعلى أعدائي

 

I have this say (it's a personal say :P) :D
One woman is HEAVEN, TWO is Hell itself :P
Done ;)

 

ana hada elmowdoo3 be7ayrni ekteer .. fe masa2el beldeen kaweyeh shway .. o bedna nerda feeha .. o 27na m2amneen be7kmet rab el3alameen ..
bas ana meni o 3alay mosta7eel asaweeha .. ba7es aya wa7ad besaweeha( bedoon ma ykoon fe sabab ra2esy) me 3endo mo5.. o mesh fahem sho ya3ni o adeash ne3meh eno elwa7ad ykoon 3endo benet be7ebha o bet7ebo .. ya3ni ana maslan nafsi an7ab... bas ma fee meen taye2ny bhaldenya :)))
o eza ta5etee o shoftek ... ma ra7 abale'3 3anek :)

 

مرحبا ويسبر

في الواقع موضوع تعدد الزوجات هو موضوع جدلي في عصرنا الحديث وأعتقد أن تغير الظروف والازمنة له دور أساسي في إعادة النظر في الحالات التي قد يتم فيها ذلك الزواج

ففي الماضي كان السبب الرئيس في تعدد الزوجات في الاسلام عند فترة الفتوحات الاسلامية والتي تسببت بترك العديد من النساء الأرامل ولذلك كان هذا مدعاة لتعدد الزوجات نظرا لتزايد أعداد النساء وتناقص أعداد الرجال الذين استشهدوا في تلك الفتوحات

أما في عصرنا الحديث فلا توجد فتوحات ولاحروب تستنزف ذكور هذه الامة ولا أعتقد أن نسبة الاناث في المجتمعات العربية تفوق نسبة الذكور بمعدلات يمكن اعتبارها مرتفعه كما هو الحال في اوروبا مثلا والتي لا تزال تعاني من ويلات الحرب العالمية الثانية ولذلك فما هي المسوغات الجوهرية لحصول الزواج الثاني ؟

أنت ذكرتي حالات مثل المرض وعدم الانجاب وتقولين أنه في حال انعكاس الصورة وكانت الزوجة في ذلك الوضع وطلبت الانفصال فستكون قليلة أصل ودين ولكن من يصدر هذه الاحكام بحق تلك الزوجة هو بالتأكيد الذي سيهاجم الرجل في حال زواجه وأقصد هنا الاطراف التي دورها فقط التعصب لبني جنسها في الحق والباطل

أما بخصوص المرأة التي تسرق رجل متزوج فأقول لهذه المرأة أنها لو فكرت قليلا بالموضوع وأن هذا الرجل قد يكرر فعلته ويتزوج عليها هي أيضا فبالتأكيد ستمتنع عن الزواج به ولكن القضية أيضا لها علاقة بثقافة سائدة في مجتمع معين فبعض المجتمعات العربية يعتبر تعدد الزوجات فيها أمر طبيعي جدا وحتى في مجتمعنا ولغاية نهاية فترة السبعينات من القرن المنصرم لم يكن موضوع تعدد الزوجات أمرا مستهجنا أبدا بصرف النظر عن أسبابه كما هو الحال في هذه الأيام وبالتالي فإن ثقافة المجتمع تتدخل في نمطية التفكير لدى الافراد سواء الذكور أم الاناث

وفي النهاية واعذريني على الاطالة فأنا لست معكي أبدا بقضية الطخ

لأنو يا ويسبر اللي ببيعك لازم تبيعيه ولاتسألو عنو :)

تحية

 

yes bestahal el ta5..
awal she la2enno etzawaj o tani shee la2enno 3adha marra tanyeh.. so ta5o 7alal 100%

 

الطخ هو الحل الأمثل...

 

مسا الخير ويسبر
لا يوجد شيء اسمه الزواج الثاني، فإذا علمنا أن الأول غير موجود فمن أين نأتي بالثاني والمثل يقول "اللي ما له اول ما له تاني" ؟؟
اكثر من مئتي الف شاب وفتاة تجاوزوا الثلاثين ولم يتزوجوا بعد في الأردن، طبعا هذا على المستوى المحلي ناهيك عن
المستوى العربي "، الزواج اصبح من الكماليات، يعني لما يجي الصبي بنصلي على النبي"، اما بالنسبة لموضوع الطخ فأنا لم أتعجب أبدا
ههههههههههه

 

melicieuse

Welcome here :D

LOOOL @ and twist yes that also can satisfy me :)

About that man, he is disgusting too :$ and 20 lashes for each wife is not enough

thanks to Qwaider planet for introducing a nice blog like yours to us, I liked it a lot

مواطنون بلا حدود

Bsara7a 2ensadamet bhalshee, w fe3lan befakro heak m3 2enhom met3almat w beshta3'loo w mesh kbar bel3omor :S

w 7atta had men wejhet nazar b3d elbanat 2eno men 7a22o O_o y3nee wean elm3anee 2elly elmafrood tkoon mawjodeh bel3elaqa elzawjyeh 2e5tafat !!!

w 7akolna 2essa 3an zameleh 2elhom zojha 6alab yoktob fe el3aqed 2enno 2eza tzawaj 3aleha ma torfod w heyeh mwaf2a
jad 3'arebeen....

 

يا عنيفة !! :D
زمان بالايام الغابرة ايام الجامعة يعني
صار نقاش بيني وبين صاحباتي على هالموضوغ
خلاصة القعدة بالاجماع
انو ان شاء الله وربنا كريم يعني .. ربنا ياخد اجلوا قبل ما حتى يفكر بالموضوع
عالقليلة لما يموت بتضل الوحدة تذكرو بخير وتترحم عليه


* .. الطخ مش سياحي ، انا رأيي "السم" بكون انضف واسرع

 

الموضوع في جدل كتير

وكل حالة الها خصوصية
يعني في احياناً ... بكون ما في مشكلة بالتعدد

وبكون حل لمشاكل كتيرة

واحياناً تانية , بكون التعدد مشكلة بحد ذاته

اريح حل ... نأضرب عن الزواج ونخلص
وبلا بيت وبلا وجعة راس

 

هههههههههه
احلى شي فيكي انك لهلا بتستغربي :)
انا وصلت لمرحلة متقدمة اكتر من هيك
بطلت استغرب
و بعدين في شي انا مقتنعة فيه بغض النظر عن الرجال اللي رح يعترضوا
الزواج التاني الو شروط اكتر من العدل بين الزوجتين
بس هم كرجال مو حابين يعرفوها او يصدقوها او حتى يدوروا عليها
و شيوخ الدين ما بحكوا فيها لانو اغلبهم متزوج اكتر من 2
بس الاسلام كدين ارقى بكتير من انو يشرع تشريع يحل للرجل الزواج بس لتلبية حاجاته و يقهر الاولى
فكرة الزواج الثاني لحالها بتقهر
و انا يا ستي رح ادعمك بمسدس مي لتطخي :)

 

سيران نوفل

عليكي نور...في حاله ان الزوجه مش مقصره باشي فمش من حقه يكسر خاطرها و يتزوج عليها
له له له....لازم نقعدلنا قعده مع اختك و نوعيها, لازم بنهايه الجلسه تكون مقرره انها تطخه :)

Rula A.

مش بس رأيهم هيك وبدافعو عن اللي
بعمل هيك
جد غريبين :$

 

مياسي

اه ويلا...هو احنا بنلعب :)

سراج الماضي

LOOOL
And it's a true say :D
usually men who do so regret it...

Zuhair

bs law rge3na lal quran fe masa2el kteer btetwada7, y3nee ma beddak temsek be7okojm mo3ayan w ma tkamel qera2a 3anno, fe shoroo6 w mawaqef mo3ayeneh el mafrood tet7aqaq la yetem el 7okom

mho rabna inshallah m5abelak el 5ear, w ma beddo 7ad ye7ebak wala t7eb 7ada 2ella elsha5s elmonaseb 2elly ra7 tkono 2a7la zawjeen bel3alam :D

Ahaaaa 2enta sadeeq fe3lee w zay ma be7ko alsadeeq waqt aldeeq :D

 

اشرف محيي الدين

مساء الخير اشرف

هاد كله سبحان الله ما بدل الا على ان الدين صالح لكل زمان ومكان, و وضح الشروط اللازمه لتطبيق الاحكام و تركلنا احنا نفكر وحريه تطبيقه

للاسف في نسبه كبيره في مجتمعاتنا بتحب تحط الحق اول شي وباي شي على المرأه, وكان الرجل مش انسان وما بغلط, كلمة حقه تتكرر في امور كتيره وكلمه حقها اجمالا نادرة الاستخدام
حتى من نفس الجنس, يعني ممكن في اخت او ام تقول عن ابنها انه حقه يتزوج عليها|, ويحكو عنها انها قليلة اصل, للاسف في ناس هيك

اهلا وسهلا بك دائما وانا من محبين التعليقات الطويله :)
لانها بتفتح مواضيع جديده ونقاط بكون الواحد مش منتبهلها او ناسيها

 

Ahmad Merie

Ahaa hay mo2ied jadeed :d

LOOOL laken balash elsabab el2awal ,7asab ma sm3naa 2ennak naweha 3an 2areeb :D

NewRise7

اهلا وسهلا فيكي...صار في شبه اجماع عالطخ :)

نادر احمد

مسا الورد نادر :)

على رأيك, يعني هي انا صرت ناويه اطخ الشب و هو مش جاي :)

ملغومه هاي "لم اتعجّب" بس الموضوع في اجماع من الطرفين واضح من التعليقات,فهاد بمحي عني صفه العصبيه :)

 

همسة

اهلا اهلا بهمسة المختفيه :)
اشتقنالك يا قمر

هههههه الموضوع بدو عنف ليش الحكي :)

ههههههههههه عجبني القرار :)

بس السم ممكن ما يموت يموت, احنا بدنا نتأكد انه خلصنا منه, تخيلي ننحبس و هو يضل عايش معها :(
اسمعي مني...هو الطخ ما في غيرو :)

Ahmad Al-Mahrouq

صح, الموضوع برجع للشخص و المجتمع اللي عايش فيه, بس برضه بالقرن ال 21 و في منطقتنا كتير قل هالموضوع, ما بنكر ان في مواقع زي الخليج لساته موجود وما في مشكله عند الناس


الحل تتزوج وحده و كفاها الله :)


Jafra

لاااا ما تقولي, لا تتعودي
هو ممكن وجودك بالخليج بخلي الموضوع متكرر قدامك وبشكل عادي, بس بضلو الموضوع غريب :$

معك حق, العدل من اهم الشروط اللي صعب تتحقق و في شروط تانيه

الله يخليلي اياكم, الحمد لله كان في دعم شامل باداة الجريمه و في التغطيه على الجريمه
هلأ بدي حد يجيبلي اياه علشان اطخه :)
هههههههه
عشت الدور بعرف :")

 

الله سبحانه وتعالى خلقنا جميعا وهو أعلم بنا وبما هو أفضل لنا

أنا لا أستطيع أن أعترض على شيء واضح في الدين ، خصوصا إذا كان مكتوبا في القرآن

قد يكون القدرة على الزواج الثاني للرجل قمة الظلم في نظر الفتاة ولكن بالتأكيد له حكمة عظيمة

وكما قال البعض قبلا هذا يعتمد أصلا على ثقافة الزمن و الوقت و الجيل ففي زمنا هذا الزواج الثاني مستهجن بشدة من قبل البنات وقد يكون في زمن ثاني و في دولة ثانية مرحب به ولا غضاضة فيه

أنا صراحة لا أرى مشكلة في الزواج الثاني بحد ذاته من مبدأ ديني

المشكلة في وجهة نظري هيا في الناس الذين يسيئون للدين بإستغلال تعاليمه بشكل سيء

فلكل قاعدة دينية شروط و ظروف يجب توفرها قبل تطبيقها

شخصيا بالنسبة لي لا أظن أني أستطيع أن أتزوج زوجة ثانية فانا كما يقولون

One Woman Man

وبالعامية
حدا بيجيب الدبّ لكرمه :)

 

بدك الشرع يا ويسبر نعم مش مطلوبه معرفتها او حتى موافقتها ع ابموضوع
وعلى فكره انه مسموح للرجل انه يتزوج ع مرته من شان الخلفه او المرض برضه شرعا هاد مش صحيح الشرع حلله الزواج 1و2و3و4
والمطلوب العدل هاي الشغله ضميريه يعني الرجل حسب قدرته في النهايه الحكم مخافة ربنا
اما شغله انه الوحده تتزوج واحد متزوج هي بتحكي من تم مليان لانها مش متزوجه لسه بس بكره تتزوج ويصير مطلوب منها المقاسمه في وقت الزوج هون بتبلش الحروب الله يرضى عليها عائشه ام المؤمنين ويمكن تعرفي القصص
نسيت والسبب في التعدد هو اشباع رغبة الزوج لانه في رجال طفسه مره وحده مش كفايه
اما شغلة النصيب صحيح انا عندي الزواج متل البطيخه المسكره ما بتعرفي مذاقها حتى تفتحيها يا بتطلع حمره وحلوة يا بتطلع قرعه وسلامتك

 

سراج الماضي

حاش لله ان نعترض على حكم واضح بالدين و كما قلت مكتوب صريحا بالقرآن

انا اعتراضي على الاخذ بالحكم بدون شروط تطبيقة والتي هي ايضا واضحه بالقرآن و لكن هناك من يأخذ من الين ما يفيد حالته ويترك الباقي

اللي كان قالقني ان في ناس باعتقادهم اعتراض الزوجه الاولى على هذا الزواج يعتبر حرام , و لكن الحمد لله ربنا ارحمن بعباده من العباد ببعضهم

و بهالايام و بالاوضاع الماليه الحاليه اعتقد زوجه وحده و يا دوب :)

ان شاء الله عن قريب تلاقي الزوجه الصالحه اللي تخفف عليك غربتك و تعيشو حياة سعيده :)

سوزان

اعتقد ان هلأ كتب كتاب الزوجه التانيه بيتطلب ابلاغ الزوجه الاولى و اكيد مش موافقتها

في ناس عندهم العدل هو المال, و ما بعرفو ان العدل حتى بالمشاعر لازم يكون موجود

صح, معظم حالات الزواج التاني تبعها ثالث و رابع, بستسهلو الاشي الرجال بحسهم و بدل ما تنتين و اولادهم عايشين بالفقر و الهم و الغم خليهم 4 و اولاد اكتر :$

هدول فاهمين الزواج علاقه ابعد ما تكون عن الانسانيه

الزواج من الامور المكتوبه عالانسان من يوم ولادته متل الرزق

نورتيني, و بتمنالك عطله نهايه اسبوع سعيده

 

و يعني و العبودية حلال و شرع الله، بس المجتمع الانساني تطور ... و صارت العبودية مش مقبولة اجتماعيا من حدا ... بس ليش تعدد الزوجات ؟؟؟ مع إنو المجتمع الانساني كما تطور .... يعني و الكل عارف أنه في مشكلة مع موضوع تعدد الزوجات .... يعني في تواطئ مع الفكرة ... لأنو المجتمع الذكوري عندنا ... أكييييد مستفيد من القصه .. و بالتالي مش حابب يعمل تغيير ...
أكيد ... حتى لو تعدد الزوجات "حلال" ... ممكن يكون مرفوض اجتماعيا ... من الجميع ....

 

الانسان مخيّر مش مسير و لكن الانسان بطبيعته... او مش ضروري نعمم بعض الناس بطبيعتهم بتميل لمصالحهم الشخصية بكل شي, بكون انسان مش ملتزم ولا متبّع لكتير من سنن الرسول الكريم و عند موضوع مثل موضوع تعدد الزواج اول سب بكون انه بطبق سنّة رسول الله

طيب مفي الاف السنن اللي وصلتنا عن رسول الله هلأ انت صرت مطبق كل هالسنن و ما ضل غير هاي؟؟

زي ما حكيت في فئات من المجتمع مستفيده من القصة و مش حابين يعملو تغيير

اهلا وسهلا فيك دائما :)