Things I Like To Whisper About

Would You Hear Me Whispering

التعوّد


اي شي بالحياة اول ما نبدا فيه بنلاقيه صعب واحيانا شبه مستحيل ومع الوقت بنتأقلم معه و بنتعود عليه, و برضه مع الوقت بنستسهله و بنصير نحسه ولا اشي .

تعامل الشباب والبنات بالشغل, وخصوصا اللي بكونو قاعدين بمكتب واحد, بالبداية بكونو حذرين و مع الوقت ببدا التعود يصير, و هالشي مش غلط اذا كان بحدود زمالة شغل و احترام متبادل, ما راح اخوض بموضوع الاختلاط بالشغل و رأي الدين, خلينا بان العلاقه تكون رسميه و علاقه عمل مش اكتر.

لكن في نوع تاني من العلاقات بتتطور لاكثر من علاقة زملاء, مع الوقت البنت بتصير تاخد عالشب و الشب ياخد عالبنت, وتشكيلو و يحكيلها, ومع الوقت بقربو من بعض كتير, و برضه هون في عدّه انواع, هلأ وحده مش متزوجه و واحد مش متزوج ويكون الهدف الزواج - مع اني شخصيا مش مع هالشي اطلاقا - بس يلا بنبلعها انه الله يستر عليهم وان شاء الله بنفرح فيهم, النوع التاني و اللي هو النوع الخطير وهو اللي بدي احكي عنه, علاقه المتزوجين مع المتزوجين.

بتكون الاخت متزوجه و الاخ متزوج, ولكن من كتر ما تعودو على بعض بتصير تتعامل معه كأنه زوجها, وممكن تطلع منها كلمه "حبيبي" عادي ولا كأنه في شي, وممكن توصل انها تمزح معه على شي و تقوم تضربه على كتفه, او تعمل حركه تافهه من هالحركات, و حتى توصل فيهم انه يجبلها هديه او اي شي علشان يراضيها لانه امبارح عصب عليها بالشغل.

هالشي بصير عنا بالشغل كتير, و بطريقه غريبه, في منهم المفروض انه مش بسوء نيه, و بس تحكيلها اشي او تنبهيها بتحكيلك " عادي فلان زي اخوي...وين راح تفكيرك" , و في منهم بتصير قصص حب بينهم, وبصيرو يحكو تلفونات وهمه كل واحد ببيته, قاعد بين مرته و ولاده, واذا واحد فيهم اخد اجازه التاني ما بعرف يشتغل, والمأساة ان الكل شايف وساكت و الكل بعرف زوجها و بعرف زوجته.

و بس تحاول انك تنبهم , بتصير انت العدو و انت بتحكي بشرفهم وانت وانت... و بس تواجههم ان هالشي مش بس عيب و خيانه هالشي حرام, بصيرو يبررو لحالهم و بصيرو يهددو و يتوعدو , من باب خير وسيله للدفاع هي الهجوم.

انا هالموضوع كتير قاهرني, و مش قادرة اضل ساكته, والله حرام اللي بصير و المشكله اني مش عارفه شو اعمل و كل اللي حوالي بحكولي ما تدخلي يصطفلو, بس جد مش قادره اضل هيك, نصحت و حكيت للبنت و قاطعتها و برضه ما في شي تغير, مش عارفه اسكت زي ما الكل بنصحني ويلا اعمل شي, واذا عملت شي شو اعمل, انا ما بدي اعمل فضايح ولا توصل ان يصير طلاق لاسمح الله بس الموضوع زاد عن حدّه و الكل حتى الادراة شايفه هالشي و ساكته, يعني بتسأل المدير وين فلانه, بحكيلك هيها من الصبح عند فلان وهو زعلان, وكأنه مش بايده انه يمنعها تروح مع ان عنّا ممنوع الطلعه من المكتب الا للشغل, انا مقهورة عليهم و على زوجاتهم و ازواجهم, مش هدفي ادّعي المثاليه او بس انتقد, الله يهدينا و يهديهم يا رب



ملاحظه...كنت بدي احكي لو انا عمل فيي هيك كان....بعدين تزكرت اني طخيته قبل كم بوست :)

25 التعليقات :

عم تحكي عن شي واقعي جدا وحقيقي على فكره

على قولتك وضع العزابيه اخف بكتير من وضع المتزوجين

بس فكرك الشغل هو السبب ولا علاقة المتزوجين مع شركائهم السبب ولا بس هي سيابه؟

بدك نصيحتي: انسي ما تتدخلي كل واحد أدرى بمصلحته أحسن

من جد هسه؛ 2 متزوجين مش عارفين حدودهم صح؟ اذا حكيتي معهم كلمه زياده بتعلقي

على فكره العلاقات الزياده موجوده بكل دائرة أو مكان شغل تقريبا؛ تعالي شوفي الجامعه!!

 

ya lateef .. wo allah yostor 3alena .. mashallah 3aleky ya whisper bent 7ala o me ebterdi bel'3alat .. 5aleky dayman hek wo allah y2aweeky...

 

el mshkele eno bel zab6 bs tseer te7ke la 7ada 3n eshe be3malo
beseer o asef 3al mos6ala7 "besoo2 el sharaf" felle 3m te7ke feyo o be6al3ak ensan 3'abe o mota5allef
el mshkele msh eno el wa7ad y3mal 3'ala6
la2eno kol el nas b3'la6o
el mshkele eno el nas ma btet2abal wala kelme aw naqd aw eshe
alla be3en!

 

مياسي

يعني قديش بكره هالمنظر, بس بهون عن شكل المتزوجين

وخصوصا انه بتحسيهم بمارسو حياتهم عادي مع ازواجهم, هو بيجيلو ولد جديد و هي حامل, و من كلام اللي حواليهم وبعرفوهم منيح, بحكو انه بحب مرته, او انها بتحب زوجها
وما عندهم اي مشكله
اشي مقزز بصراحه

شكلي احسن ما اتدخل :$

 

Zuhair

Ameen ya rab

Wallah b7awel bs lel2asaf bkrah 2enny adal men elly be3'ayroo elmonkar be elqalb :$

nefse 2a3mel shee bs mesh 2adreh

 

Sha3rawi

Bedafe3 3an 7alo w beseer yhagmak, w btseer 2enta el3'al6an w tafkerak w nawayak saye2a :S

2akeed kulna bne3'la6, bs fe 2eshee ma be2balo el3a2el, w hommeh nafshom met2akdeen 2enhom 3'al6anenne

Allah ye3een elgamee3


Welcome here and thanks for the follow :D

 

موقف صعب ومحرج كتير.. المشكلة انهم كبار وواعيين على حالهم ومفروض انهم بفهموا الصح من الغلط..

شوفي هادا الفديو يمكن يفيد
http://www.youtube.com/watch?v=IPMUfB6Eu8c

وبالنهايه.. الرسول صلى الله عليه وسلم قال "من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان"

 

معلش عاللغة
يروح ينخلع , مرته احق الناس بهالحكي
وهي تروح تنخلع , جوزها احق الناس بضحكها وابتسامتها وحكيها

بالنسبة الك , خليكي عالحياد , بلاش بكرة بطريقة او بأخرى يتغير الموضوع وتنجاب سيرتك
الواحد فيهم قد اللوح ومش عارف الصح من الغلط

اسف , نرفزت
:D

 

Rula A.

الفيديو ببين ان الادارة هي اللي لازم تتصرف بهيك مواقف, واحنا ادارتنا سيئة جدا لدرجه انها قبل فترة اتخذو سياسة الاختلاط بكل مكتب, يعني كل مكتب لازم يكون فيه شباب و بنات مع بعض, الحمد لله ما كان في بقسمنا غير شب واحد قاعد لحاله بمكتب :)
و هلأ القسم كله بنات ما عدا المدير لحالة بمكتبة برضه

صلى الله على محمد صلى الله عليه وسلم, بكره اني دائما اكون من اللي بغيرو بقلبهم, دائما اخذ اضعف الايمان :(

 

LUNAR.

همه بدهم واحد يجي يمسح بكرامتهم الارض بصراحه

لو فكر واحد فيهم لو مرته او زوجها بعمل هيك بشغله شو بكون رأيهم ساعتها؟؟

شكله الافضل اضل عالحياد

انا اللي اسفة عهالموضوع اللي بنرفز

 

بعرفش شو احكي يا ويسبر .... بس هو انتي لسه شفتي حاجه ... ماخفي كان اعظم فيه مشكله بالمجتمع ... يعني الواحد بحلل لحالو وبحرم عغيرو وهادا سبب كل السوء والمشاكل

 

If both are married then a relationship like the one you mentioned is not a sister-brother kind of relationship. If you care about them, the only thing you can do is to talk to them.

 

wallahe hay mshkele akbar
eno dayman mndal "n3'ayer" fel 2alb
la2eno el nas hal hayam ba66alat testa7e o ba6al 3ndha e7sas
o hamha bs t3eesh be ae 6ree2a law kanat 3'ala6 b3'ala6 ...
o alla ykatter mn amthalek :D

 

قط البكتريا

يا الله شو بكره هالشي, و كتير بكره حالي بس الاقي حالي بموقف مش عارفه احكي فيه لان الصفه اللي بدي انتقدها موجوده فيي, فبحاول اغيرها بالاول و بعدين انصح الناس انهم يغيروها :)

Jaraad

Even for them it's not a sister-brother relationship , it's some thing like affair

I heard that when one of the guy's friends tried to advise him, he said " u all can't understand the relationship between me and her" ...stupid :$

Actually I care about my duty of
انكار المنكر in front of God :(

 

Sh3rawi

Had 2elly mdaye2nee 2aktar shee, 2enhom bejharoo bheak 7arakat w 2e7na ma bne2dar nwajehom be3'ala6hom :S

Shokran :)
bs men el comments el7amdolellah bt3raf 2enno fe kteer heak :D

 

والله لقد وضعتي يدك على جرح خطير يا ويسبر

أنا أكره عمل المرأة لهذه الأمور
أنا مع تعليم المرأة ولكن ضد عملها خصوصا إذا كان في بيئة مختلطة مهما كانت

فالصراحة أين الرجولة عندما تسمح للناس في التحديق في وجه زوجتك طوال النهار؟؟؟ وأنت لست بحاجة لعملها أصلا ، كما لو حسبنا ساعات العمل الطويلة ، سوف نجد في النهاية أنها تقضي مع زملاء العمل أكثر ما تقضي مع زوجها و عائلتها

في قصة لنبيل فاروق الكاتب الشهير بعنوان مذكرات زوج خائن وهو يروي فيها تجربة زميل لهم في دروب الضياع ، يذكر هذا الزوج ان الطريق إلى أي سيدة يبدأ بإذنها ، فإذا سمحت لأي شخص أن يستمع لها فهذا هو بداية الطريق لماهو أكبر

والله سبحانه وتعالى قال لنا ولا تتبعوا خطوات الشيطان


وأنا صراحة كثيرا ما تستفزني كلمة " زي أخوي أو زي أختي" فبالله عليكم هذا كلام تافه، بما أنه يستطيع الزواج بك فهو ليس أخوكي، أخوكي هو فقط من هو محرم عليك

كما أن في الكثير من الأحيان يكون بداية الطريق أو السيناريو هو الآتي
تكون الزوجة على خلاف مع زوجها ، وطبعا لا يخلو بيت من خلاف فتأتي للعمل مهمومة ، فيتلقفها زميل العمل بكل حنية و أهتمام " مالك يا فلانة شكلك زعلانة اليوم" فتقوم هيا مثلا بشرح المشكلة أو التحدث عن همومها ، فيستغل الشيطان البشري الفرصة ليظهر بمظهر المهتم و الناصح لها ، ويحاول أن يبدوا كمن يريد مصلحتها وهو فقط يريد مصلحته ويصبح هذا الزميل هو القلب الحنون الذي تهرب من الزوج الشرير منه ، وهو طبعا يريد أن يبدوا بصورة ملاك حتى تتعود عليه و يصبح روحيا و نفسيا أقرب منها من أهل بيتها و زوجها

يجب الإحتفاظ دوما بالحدود بين الزملاء في العمل مهما كان ، فالله سبحانه وتعالى لم ينهى عن الإختلاط من فراغ ، فهو يعرف ضعف نفوسنا البشرية ، فكيف تضع زيتا بجانب النار ولا تريده أن يشتعل؟؟؟؟

ويسبر أبذلي جهدك دوما في عمل الخير ، ولا يغرك تعليق الناس أو إستغرابهم ، فالإسلام بدأ غريبا و سينتهي غريبا فطوبى للغرباء

 

hadol jad ma besta7w, i'll tell u what u can do :) get someone to tell the woman that her husband is cheating on her :) and to tell that guy that his wife is cheating on him :P hek betshalbeki el denya, w kol wa7ad be7ess enno ma betla3lo ye7ki, w bekhrab kolshi. w jeebi one of those potato chips bags u were talking about on my post, and just watch :)

sorry 3al naghasheh bs el wa7ad betkhawwat men kototr ma hw mag-hoooooor :(

 

مرحبا ويسبر

في البداية أود تسجيل إعجابي الشديد بجرأتك وشجاعتك على طرح مثل هذا الموضوع الذي أصبح ظاهرا للعيان ولا تكاد تخلو أية بيئة عمل في مختلف القطاعات من وجوده وعلى الرغم من أنني أرى فيكي مثالا للفتاة التي لا تستطيع رؤية الخطأ أمامها دون أن لا تحرك ساكنا له ولكني أضم صوتي لصوت من نصحوكي بعد التدخل وذلك لعدة أسباب :

- في الاسلام كان هنالك حكمة شديدة في عدم قبول كلام الزوج بأن زوجته قد قامت بخيانته إلا بعد إحضار أربعة شهود لتأكيد البينة والدليل وهذا ينطبق على شهادة الزوج بزوجته فكيف بشخص من خارج نطاق الاسرة ولايملك بينة قاطعة سوى بعض المشاهدات التي تحصل أمامه وأنا صدقيني لا أقصد من كلامي أنك مخطئة في حق ماتشاهدين من ممارسات ولكن هدم بنيان البيوت ليس بالامر السهل أبدا يا ويسبر ولذلك كان الاسلام متشددا جدا في ذلك

- قد يكون الزوج من العقول التي لا تعرف التفاهم أبدا وأنه بمجرد إخباره بأن زوجته على علاقة مع زميلها بالعمل بشكل قد فاق أطر نطاق العمل قد لا يتورع ذلك الزوج أبدا عن ازهاق دم زوجته وبالتالي من يدفع الثمن في ذلك كله ؟ الجواب هم الاولاد الذين سيفقدون والدتهم وأباهم الذي سيسجن فهل تتحملين وزرهم وذنبهم بسبب ممارسات هاتفية أو تبادل هدايا وقد تقولين أنني بدأت أبالغ في نتائج ما قد يحصل ولكن صدقيني الموضوع حساس جدا وله أبعاد كثيرة وبخاصة في مجتمعنا في هذه الأيام التي وصل فيها العنف إلى أقصى درجاته وحالات القتل حدث ولا حرج

- سبب آخر هو أن الله عز وجل يمهل ولايهمل فمن كان قد تجاوز كل الحدود في علاقته أو علاقتها بزملاء العمل فلا بد من أن يأتي يوم ويفضح رب العالمين أمرهم في حال إصرارهم على الذنب وعدم التوبة والرجوع إلى جادة الحق واستشهد بكلامي أن رجلا في قوم سيدنا موسى عليه الصلاة والسلام كان مذنبا بذنب عظيم وعند خروج القوم لاستسقاء المطر في عام جفاف أخبر الله عزوجل سيدنا موسى أنني لن أمطركم لأن بينكم رجلا عصاني ولم يتب فبدأ سيدنا موسى بالمنادة بين قومه لذلك الرجل للخروج فبدأ الرجل بالاستغفار والتوبة فإذا بالسماء تمطر دون أن يعرف من هو ذلك الرجل فقام سيدنا موسى بسؤال رب العالمين مجددا من كان ذلك الرجل يارب فيقول رب العالمين لقد سترت عليه وهو مذنب فكيف لا أستر عليه وهو تائب

- كثرة الحديث والتعليق مع الاخرين من الزملاء حول انتقاد علاقة رجل وامرأه من زملائهم قد تؤدي ببعض النفوس المريضة بالبدء ببث الاشاعات وتهويل الموقف وعند السؤال عن المصدر بالتأكيد ستجدين نفسك في موقع الاتهام في كلام لم يصدر عن لسانك ولذلك انصحك ومن خلال تجربتي بعدم التصريح المباشر والعلني أمام زميلاتك أو زملائك بالعمل بذلك الانتقاد فالنفوس المريضه كثيرة ومن يظهر لكي كحمل وديع قد يكون هو الذئب الذي يترصد بكي

أما بخصوص ما يحدث من تلك الممارسات والمشاهدات التي تحصل في علاقات العمل وتطورها إلى أبعد من حدود الزمالة فهي أيضا لها أسباب عديدة

الزوج الموظف

- هنالك رجال بطبيعتهم أصحاب نفوس دنيئه ولايتورعون أبدا في الدخول بأية علاقات إذا وجدوا التجاوب المطلوب

- هنالك أيضا من يستغل منصبه ونفوذه للوصول إلى مراده وهذا النوع حدث ولا حرج ولدى العاملين في مجال السكرتاريا قصص كثيرة في هذا النطاق

- العلاقات السيئة مع الزوجة

الزوجة الموظفة

- هنالك نساء بطبيعتهم منذ فترة المراهقة تعودن على الاهتمام من قبل الذكور ولذلك عندما يتزوجن تبدأ تتعارض لديهن فكرة أنهن لم يعدن مرغوبات كالسابق وكمحاولة لتعويض ذلك النقص ينخرطن بشكل مبالغ به مع الجنس الاخر في نطاق العمل كمحاولة لاشباع تلك الرغبة والاستمتاع بوجودها

- وبالتأكيد أن من الاسباب الرئيسه هو عدم اهتمام زوجها بها مما يكون له دور جوهري في تعلقها بأي شخص في مجال العمل أو غيره إذا وجدت منه الاهتمام المفقود مع الزوج

وفي النهاية سأقول أن مجتمعاتنا العربية وبكل أسف لا تقدس العمل أبدا إلا من رحم ربي فمن المفروض على الموظف أن يأتي لعمله ويؤديه بكل أمانه لأنها مسؤولية أمر بها الاسلام وكما قال رسول الله صلى الله عليه وسلم : إن الله يحب إذا عمل أحدكم عملا أن يتقنه وقوله : كلكم راع وكلكم مسؤول عن رعيته

فأين الاخلاص في العمل ؟

تتعدد أسباب فشل أداء شركاتنا ومؤسساتنا في كل القطاعات مقارنة بالعالم من حولنا ولكن إلى متى ؟

وتقبلي رأيي المتواضع ودمتي بكل الخير

 

كيفك ويسبر
بالفعل انا عم شوف هاي الامور من زمان بس عم بحس اني مش وصية على اخلاق حدا يعني نوعا ما ذنبهم على جنبهم
و بنصحك ما تتدخلي

 

هاي الظاهرة اللي بتحكي عنها موجودة بكل مكان، و منتشرة بشكل مقرف، مش بس هيك، و كمان مقزز... يمكن السبب هو الاختلاط الزايد اللي خلّى كل اشي عادي، و خلّى اللي بفكر متلي و متلك انسان رجعي التفكير و عايش بزمن غير الزمن!
و أكبر مصيبة بالنقطة اللي ذكرتيها، انو أغلب هدول الناس بكونوا عايشين حياة طبيعية و مبسوطين و مرتاحين عالآخر بحياتهم الأسرية، بس ليش هيك بعملو؟؟؟ يمكن لو يتخيلو انو أزواجهم أو زوجاتهم ممكن يعرفو بالصدفة عن هالشغلة و يعرفو شو رح تكون ردة الفعل عندهم، و انها ممكن تدمر حياتهم و تسبب الطلاق أحياناً، يمكن وقتها يفرملو شوي !!!
(اللهم أصلح لنا ديننا الذي هو عصمة أمرنا)...
أشكرك على طرح هذا الموضوع، و تقبلي كل التحية!

 

الحقيقة ... انه هاي القصة موجودة

احنا ما منقدر نوقفها .. لآنه مش من حقنا نتدخل فيهم

صح الشغلة بتقهر ... لكن اللي باني حاله ومأسس حاله صح مش ممكن يوقع بهاي الغلطة

واكيد ... الناس معادن , يعني ممكن تلاقي الدهب , وما بعطي اي علاقة اكتر من حدودها الطبيعية ... وبتلاقي حديد مصدي

 

سراج الماضي

للاسف الظروف الحالية بتجبر المرأة انها تعمل, لان راتب الزوج لوحده لا يكفي.

لا انكر ان اجواء العمل فيها نوع من الفساد و لكن الست بتقدر تحط حدود وحواجز لطريقه التعامل معها, ما بنكر ان الاختلاط حرام وباي مكان, فالوحده بدها تحافظ على دينها قد ما بتقدر
كلمة " زي اخوي و زي اختي" انا برضة ما بقتنع فيها, وبس يحكيلي انا زي اخوكي بحكيله, شكرا الك عندي خوان الله يخليلي اياهم

معظم الحالات بتبدأ بنفس البداية اللي ذكرتها, و في احيان تانيه العكس الرجل بشكي والموظفة بتكون هي الملاك بالنسبة لزوجته و بألف وجودها بحياته

الله يعينا اجمعين على فعل الخير, ويغفرلنا ذنوبنا اللي بنعرفها واللي ما بنعرفها

 

Rand

The problem that they have a stupid trust in their wifes and husbands, and if I tell him some thing about his wife he will say "I know my wife she's not that type of women" 6ayeb ma ur wife also think that u r not that type of men and u r :S

Jad 2eshe be2har

It's raining outside, and we ate popcorn yesterday and now I fell that I urgently need that bag of chips :")

 

أشرف محيي الدين

انا قررت ما اتدخل وشكله هو الافضل

كلامك ذكرني بمسؤوليه كبيره بتقع علي انا كمان , المفروض اني ما اخوض بموضوعهم مع باقي الموظفين, واني ما انقل شيء شفته انا , مسؤوليه دينيه اولا و مسؤولية اجتماعيه

اللي بصير مش اكتر من تآلف و هو اشي غلط برضه, وفيه خيانه

اللي وصفته في حاله وتفكير الموظف والموظفة هو اللي بصير بالزبط وممكن يطبق على اطرفين, استغلال الظروف , والشكاوي و اظهار ان كل واحد فيهم هو الصدر الحنون للتاني

اسألتك بمكانها, رأيكم دائما بسعدني و بفيدني

شكرا اشرف

 

Jafra

بس بتحسي حالك مقهورة انك مش قادرة تعلي اشي, لكن زي ما المعظم حكا اتي تضلي بعيده شكله افضل, وهمه كبار ومسؤولين عن تصرفاتهم و اكيد بقدرو يكيلوها بالمكيال الصحيح بين الخطأ
والصواب


Mrs H

ياما اتهمت باني عقد و تفكيري قديم واني لازم اتقدم شوي بتفكيري...واحيانا كتير انحكالي اني متخلفة بتفكيري :)

المشكله انهم بكونو واثقين كل الثقة بازواجهم انهم لا يمكن يعملو هيك, وبنسو ان هالثقة مستمدة من ثقتهم همه فيكم بانكم لا يمكن تعملو فيهم هيك...

اللهم امين, شكرا لتعليقك و مرورك
اهلا فيكي دائما :)

Ahmad Al-Mahrouq

للاسف كتير موجوده و بحسها بتزيد
شكله هيك...المفروض ما نتدخل :(

اكيد الدين والتربية و الاخلاق هي الرادع بهيك مواقف..الله يهدينا اجمعين و يصلحنا يا رب