Things I Like To Whisper About

Would You Hear Me Whispering

آدم و حواء

الجمعه الماضيه الخطبه كانت عن قصه خلق سيدنا ادم و سيدتنا حواء, لكن بطريقه جديده اول مره اسمعها

قال لنا الشيخ انه عندما خلقت حواء استيقظ سيدنا ادم و ووجد حواء نائمه بجانبه - لان انخلقت من ضلع سيدنا ادم وهو نائم وهو لحكمه كبيره هي ان الرجل بطبيعته لا يتحمل الالم مثل المرأه ولو كان مستيقظ لكرهها من شدّه الالم - عندما استيقظ سيدنا ادم جاءت الملائكه تسأله, لم احفظ الاسئله حرفيا ولكنها كانت بهذا المعنى


ما هذه ؟؟...قال هذه امرأة

وما اسمها؟؟...قال اسمها حواء

ولم هي امرأة؟؟... لانها خلقت من امريءٍ

ولم اسمها حواء؟؟... لانها خلقت من حي

اتحبها يا ادم؟؟...نعم احبها

اتحبينه يا حواء؟؟... قالت لا و هي بقلبها اضعاف حبه له

جميع المصليات ضحكن و اكدن على ذلك بامائه بالرأس :)

و اكمل الشيخ كلامه عن اعوجاج حواء وهو شي يرفع مكانتها ولا يقللها ولا يستدعي الاستهزاء بذلك من بعض الرجال
قال الاعوجاج جاء من تحكيمها لقلبها قبل عقلها, اعوجاجها لتحمي زوجها و واولادها و لولا اعوجاجها لكن هناك رجلان بالبيت

و ضرب امثله في تربيه الاولاد من العنايه بالرضيع و الاهتمام به و بنظافته ومن تغيير الحفاض ومن السهر بجانبه بكل الحب وهو مريض, كل تلك الامور لا يوجد رجل على وجه الارض يستطيع عملها و تكرارها لنفس الطفل او لاكثر من طفل على مر السنين.

الهدف من الخطبه كان ان خلق الرجل بتكوين وصفات معينه لذلك اعطي زمام الامور في امور حياتيه مثل الطلاق وغيرها, وخلقت المرأه بتكوين وصفات معينه فعاملها بناءا على تلك الصفات ولا تحاول ان تغيرها او تغير بها شي ولا تصنع منها رجل...

24 التعليقات :

كل الاحترام لحواء بس اللى بتستحق الاحترام
اللى بتغير البامبرز لابنها ما بتجيب
شغاله لحتى تغيرلو
لا على سبيل الحصر و قيس عليها
(محمد)

 

يا ويسبر الكلام بهاي الطريقه في اجحاف بحق المرأه لأنه هاد الحكي والاقرار فيه هو الي بيعطي هالشيوخ الحق في انهم يقصو المرأه عن المجتمع وعن تفعيل دورها بالتالي كان لازم حدا وئف وقله لها الشيخ المحترم انه في رجال غير قادرين على الأخذ بزمام الأمور وبالتالي القضيه مش قضية جنس على قد ماهيه تركيبة شخصيه بالنسبه للمرأه أو الرجل
لأنه اقرارنا بكلام الشيخ بجر لأمور أكبر بتنطحو فيها هالشيوخ خصوصا بمواضيع حرية المرأة وقدرتها على مسك مناصب حساسه من القضاء أو الافتاء...الخ

 

يا ويسبر الكلام بهاي الطريقه في اجحاف بحق المرأه لأنه هاد الحكي والاقرار فيه هو الي بيعطي هالشيوخ الحق في انهم يقصو المرأه عن المجتمع وعن تفعيل دورها بالتالي كان لازم حدا وئف وقله لها الشيخ المحترم انه في رجال غير قادرين على الأخذ بزمام الأمور وبالتالي القضيه مش قضية جنس على قد ماهيه تركيبة شخصيه بالنسبه للمرأه أو الرجل
لأنه اقرارنا بكلام الشيخ بجر لأمور أكبر بتنطحو فيها هالشيوخ خصوصا بمواضيع حرية المرأة وقدرتها على مسك مناصب حساسه من القضاء أو الافتاء...الخ

 

مساء جميل لمدونة متميزة ورائعة بما تكتب

ادراج رائع ومتميز ولاأملك أن أضيف على ماقلتي وعلى ماقال الخطيب أية كلمة

أبدعت يا ويسبر :)

 

ra2e3 hada elshaikh .. i like when some crucil points being calrified by religion .. it makes perfect sense .. wallah lel2asaf .. eljame3 eli basali fee .. mm. el5otbeh dayman mesh hal2ad .. ya3ni marrat ll2asaf ymekn bat3amad 2at2a5ar shway :(.. allah y'3ferlena 3ala kol 7al .. and thnks for sharing this with us :) now i can argue m3 elneswan 3ena belmaktab :))..

 

7lo kteer el mawdoo3...howeh khotbet el jom3a lazim tkoon moshawweqa 7atta tshed entebah el mosalleen wo ybattlo yelteho ..elle nayem welle bel3ab b rejlain elle janbo :D
kman fe noqta mohemmeh...mawdoo3 e3wejaj el mar2a 7atta ma ykoon fe rejjalain bl bait...ana b ra2yi hay moshkelet el banat 7aleyyan, el onotheh sarat nadra 3ndhom ...wo el bnat saro 7asan sbi, bed-ha t3ml kol ishe zy el shabab, te7ki wo tes-har wo tfee3...wo bs tetjawwaz bet3amel joozha ka2enno mjakara b kol ishe...kteer qesas 7azeeneh 7aleyyan ana basma3ha bet2addi lal talaq...halla2 ana ma ba2ool enno dayman el 7a2 3al benet, bs el zyadeh el kbereh b 7alat el talaq sabab mn asbabha khalal sar fe tabee3et el 3alaqa bain e bent wel shab

 

مرحبا ويسبر..
هالمرة بدي أكتب بالعربي.. اسمو الموضوع ديني ..
واحدة من صفاتي الشخصية.. اللي مرات بتكون منيحة و مرات سيئة.. إني بلخص جميع آرائي في موضوع معين بجملة واحدة على شكل نظرية ..
و في هذا الموضوع الرائع نظريتي ببساطة
أنه لا يستطيع أي مخلوق في الكون أن يختار للإنسان مسار أفضل و أكثر كمالا و توازنا و مثالية من خالقه عز و جل..

المثال التوضيحي هنا و لله المثل الأعلى أنه من المستحيل أن تجدي إنسانا يعرف أن يصلح أعطال سيارتك أكثر من ذلك المهندس الذي كان ضمن فريق تصميم و إنتاج هذا الطراز من السيارات
الله عز و جل عندما وزع المهام بين الرجل و المرأة ..ذلك لأنه هو خالقهما.. و يعرف أينما ينجح أحدهما أكثر من الآخر

تدوينة رائعة جدا
استمري فهناك من ضيع الدوام يكبس على
F5
بانتظار جديدك :)

 

مساء الخير ويسبر
ارفع قبعتي لك احتراما، فللأمانة قلما تجد قلم او "كيبورد" انثوي ينصف الرجل، اغلب اقلامهم للأسف تتميز بللا حيادية، لكن صدقيني لا أحد يعرف من يحب الثاني اكثر
اهو أدم....
اهي حواء....
بوست اكثر من رائع

 

محمد

اهلا وسهلا فيك مره تانيه :)

انا معك, باعتقادي ان الشغاله مهم تكون موجوده بالحياه ما بنكر, لكن الها وظيفتها اللي ما الها دخل بتربيه الاولاد ولا الاعتناء فيهم عند ما تكون الام بالبيت, مع ان احلى وظيفه للام انها تكون ملكه بيتها, لكن متطلبات الحياه و صعوبتها بتضطر الست انها تشتغل لتتعاون مع زوجها لبناء حياه كريمه لاولادهم

ميسم

صديقتي
مش عارفه ممكن لاني اخذت جزئيه من الموضوع ما كانت الصوره واضحه, لكن الخطبه كانت ابعد ما تكون ان يكون فيها اجحاف لحق المرأه

بالعكس الخطبه كانت ضد المقولات الخاظئه اللي بستخدموها بعض الرجال في مجتمعنا للتنقيص من حق المرأه

الخطبه كانت تفهيم هؤلاء الرجال المعنى المقصود لكل كلمه
و بنفس الوقت الشيخ وضح للجميع معنى قوامه الرجل على المرأه و اهمها الاهتمام فيها و العنايه الماديه والمعنويه...

و الشيخ كان مع ان المرأه تنافس الرجل ولكن بالامور اللي بتتناسب مع
تكوينها الجسمي و العاطفي

ان شاء الله تكون الصوره صارت واضحه الك هلأ :)

 

أشرف محيي الدين

مساء الخير اخي اشرف
شكرا كتير عالكلمات الرقيقه, و سعيده ان الموضوع اعجبك :)

شكرا مرّه تانيه :)

Zuhair

Al7amdolellah had elshea5 bejannen 2oslobo w mawade3o da2eman betshed

Masjed abu 3'azal 2areeb 8th circle

Ameen ya rab, 7awel la2ee masjed tanee terta7 feh :)

NESWAN :O !!! z3elet mennak bakraha hay el kelmeh :(

مواطنون بلا حدود

LOOOL m3ak 7a2, elnas 3'aseb bteltahee balash tnam :$

ana ma banker 2eno fe banat fahmeen mawdo3 elmosawah 2elly 2akalo rasna feha 3'ala6
w mawdo3 elmjakarah had kteer be2harnee, betkoon elwa7deh bte7ke 3an zojha ka2eno 3adwha O_o

bs bardo b3d elrejal ma bt3raf shoo bedhom
elwa7ad menhom beddo marto 2ad 7alha w beddo 2yaha tefham 3al6ayer w bemawakef taneh bedo 2yaha habooleh w ma tefhamo kteer , 2eshe be7ayer bsara7a :S

 

Jafra

الله يسعدو اللي فاهمني :)
انا هاد بالزبط اللي بدي اوصله وهاد اكتر اشي عجبني بالخطبه, وهاد الطرح الجديد اللي اول مره بسمعه بموضوع قصه آدم وحواء

شكرا يا قمر :)

نادر احمد

شكرا شكرا على الكلمات الرائعه...جد احرجتني

مع انو شكلك فاهم الموضوع غلط O_o
هو الموضوع وضع الامور في موازينها مش اكتر
و عدم المبالغه في رفع او التقليل من شأن اي واحد منهم عن الاخر
و كل واحد اله تكوينه معينه خلقها الله, و الانسان نفسه- رجل او ست- بطبائعه يا بستمر عالطريق الصحيح يا بخرّب الامور كلها :)

تحياتي

 

مرحبا ويسبر مرة ثانية
انا ما فهمت الموضوع غلط ويسبر، فبصراحة انت اول فتاة أو مرأة تكتب عن موضوع الضلع القاصر او الأعوج كما يحلو للبعض تسميته، فكل الفتيات يرفضن الفكرة من اساسها وحتى إن كانت حديث نبوي، أما أنتي كتبتيها وتناوليتها وشرحتيها
تحياتي مرة اخرى

 

مرحبا ويسبر
أتوقع إنك خربشتي شوي بقراءة إسمي.. و بالتالي تحول تعليقك لجفرا ( أتوقع اني قارئ هذا الاسم من قبل في مدونتك )

 

كاني شفت اسمي و انك رديتي على تعليقي
:-0
بس انا ما علقت :)
هلا رح اعلق
هاي القصة سمعتها من زمان بصراحة بس اللي سمعتوا جديد انو بقصص سيدنا ادم و ستنا حوا عم يدخل كتير اسرائيليات
لانو لا في القران و لا بالسنة بنلاقي متل هيك تفاصيل
و الله اعلم
بس هاي القصة حلوة
بس في اشيا كتير للنقاش بس بما انك ما سردت الخطبة كلها فما بقدر اقول انو الشيخ كمان عندو تحيز ذكوري :)

سلام

 

نادر احمد

اهلا وسهلا فيك دائما :)
اهاااا شكلي انا اللي فهمت التعليق غلط :)

كل مرّه راح افهمك غلط علشان تشرفني بالزياره و التعليق اكتر من مره :)

Jafar

:$
من السرعه قرأت الاسم جفرا, بعتذر
جفرا صديقتنا صاحبة مدونه لجوء

بالنسبه لتعليقك الاولاني فهو بالزبط اللي بقصده :)
شكرا جعفر و سامحني على هالغلطه :)

 

Jafra

علشان تعرفي انك دائما عالبال
برد على تعليقاتك حتى قبل ما تكتبيهم هههههههههه :")

معك حق, في اشياء كتيره ما الها اصل بالدين ,كلها اسرائيليات

بصراحه الشيخ ما حكالنا عن المصدر اللي جاب منه المعلومه
راح ادور و اتأكد او ممكن اخلي اخوي يسأله, مش غلط نتأكد :)

الشيخ كان يعاتب الرجال اللي بفكرو بمنطق ذكوري فما اعتقد انه كان عنده تحيز للرجال

 

مساء الخير
اسمحيلي اعلق هون
ك اول مره ,, وك اول مرور إلي

اصلاتن لولا صبر وإعوجاجنا ع الرجال,, كان خربت مالطا رسمي

 

Um Omar

اولا يا 100 اهلا و سهلا في ام عمر :)
و الحمد لله على سلامتك وسلامه بيسان :)
انا بقرأ مدونتك من فتره لفتره بوصللها من مدونه ليونار و مش عارفه ليش ولا مرّه علقت :$

ههههههه معك حق, الله يعينا شو بدنا نعمل, لازم نضحي

نورتيني :)

 

آدم و حواء
قصة لا تنتهي أبدا
العبرة في كلمة صغيرة وهي
أن كل منهما يكمل الأخر ، شاء من شاء و أبى من أبى
لن تجد حواء دينا أنصفها مثل الإسلام

ولكن المشكلة في من يرتدون عباءة الدين و يسيئون للدين ولحواء

لو عرف كل منا كآدم أو حواء واجياته و حقوقه لعشنا في سعادة و وئام

ولكن المشكلة الأزلية تبقى بأن الكل يريد حقوقه بدون أن يؤدي واجباته ومن هنا نشأ الصراع الذي لا ينتهي بين آدم و حواء

جزى الله الخير كل الجزاء على تطرقه لهذا الموضوع و الشكر موصول لك يا وسيبر على النقل و النقاش الجميل

 

اعتقد ان العلاقه بين اي شخصين زوجين
او صديقتين او اختين,ما بتكون العلاقة ناجحه الا في حال كل واحد عرف حقوقه و واجباته وكل واحد تقبل التاني ما ضيع الوقت بانه يحاول يغيره

المشكله في اللي بشوفو هدول الناس و اللي بكونو اعداء للدين او دينهم ضعيف, بحكمو على المتدينين او الملتزمين بتصرفات هاي الفئه, و مرات بحكمو عالدين نفسه وحاش لله ان يكون دينا بمثله شخص و تصرفات شخص, تصرفات الشخص بتدل عليه و على تربيته وعلى اخلاقه وما بصير نعممها

شكرا اخي سراج الماضي :)

 

أنا اللي بعرفه انه حوا خلقت من ضلع اعوجو هو الضلع الأقرب للقرب و سبب أعوجاج هاد الضلع ليحمي القلب ما يأثر على النبض.. و منه كانت المرأة حنون..
و اللي بعرفة أنه المرأة خلقت من ضلع آدم و هو نايم عشان ما يتألم و لو تألم لكرهها!!
و اللي بعرفه انه المرأءة بتفكر بعاطفتها اكتر من تفكيرها بالمنطق.. عشان هيك يقال بأنها ناقصة عقل.. و هاد هو اللي بعمل التوازن!!

طلعت بعرف كتير و انا مش عارف:P
بس جميلة:p
استمري:)

 

10\10 :)

هلأ ضايل التطبيق العملي لهالمعرفة في
التعامل مع زوجه المستقبل ان شاء الله :)

هينا بنحاول .... ;)

 

تسلمي يارب
متى مابدك,, مري وعلقي
البيت بيتك والعتبه النا

 

الله يسعدك يا رب
كلك ذووق والله :)