Things I Like To Whisper About

Would You Hear Me Whispering

ديرو بالكم


قبل سنه صاحبتي عملت حادث سياره, وهي ماشيه فقع العجل و بطلت تقدر تسيطر على السياره و ضربت بشجره و بسور بيت, كان معها بالسياره خواتها التنتين و والدتها, الحمد لله اصاباتهم كانت سطحيه بس شوي قويه, والدتها صار عندها كسر بالكتف, هي ضرب راسها بالستيرنج و كلّه رضوض , اختها انشعرت رجلها و اختها التانيه واللي كانت حامل الحمد لله ما تأثرت كتير.


قبل كم يوم بتصل فيها بتحكيلي باركيلي مش خلص خلصت من القضيه, استغربت انا بحكيلها اي قضيه, بتحكيلي قضيه الحادث, بعد سنه وشهر خلصت القضيه, بالرغم من ان والدتها و خواتها اسقطو حقهم من اول يوم, القضيه ضلت بالمحكمه طول الفتره الماضيه, وكانت كل شهر لازم تروح عالمحكمه تحضر الجلسه , وكان المفروض انها تنحبس من 3 الى 6 شهور ولكن لمّا جابت اوراق من المحافظ ودبرت واسطه تثبت فيها انها عندها اطفال وما بتقدر تتركهم وافق القاضي انه يلغي الحكم.

و بتحكيلي انه هلأ ما بصير تكون هي السبب باي حادث من هون لسنه والا راح يسحبو رخصتها منها و يمنعوها تسوق لسنه.

اول مره بعرف عن هيك شي, انه مع ان الاهل تنازلو انه يضل في قضيه و شغاله, صارت توصيني صاحبتي وتحلفني اني ما اركب اي انسان معي بالسياره حتى اهلي, وهالشي طبعا مستحيل يحصل, بتحكيلي انها هلأ بس تروح مشوار هي وخواتها, هي بتروح بسيارتها و خواتها بروحو بتكسي مع انهم ساكنين بنفس العماره..

الله لا يبلينا بهيك اشي يا رب

و على سيره الله لا يبلينا, الخميس وانا رايحه عالشغل في عمو كبير بتطلع علي وانا جاي من اول الشارع الفاضي, واول ما قربت منه قرر يقطع الشارع, لولا ستر ربنا اني كنت مش مسرعه بالمره , ضربت برسك وزمرتله صار يأشرلي انه اسف .

بحكي لصاحباتي بحكولي انه في موضه جديده صايره بالبلد, انو في ناس برمو حالهم على السياره عاساس انك دعستيهم و بتتورطي فيهم, وبطلبو منك فلوس علشان ما يشكو ولا تاخديهم عالمستشفى, و هدول العالم بختارو السياره و السائق المناسب ليرمو حالهم عليه, و بحبو يختارو البنات اكتر, لانه بالمفهوم العام البنت اجبن من الشب و هبله و فورا بتعطيه اللي بده اياه بس علشان تخلص منه.

جد الله لا يبلينا :$

16 التعليقات :

الله لا يبلينا, بس شغلة اللي برمو حالهم كاني شايفها بفيلم او ببرنامج عنها بدولة اجنبية, يمكن حتي بالحرمنة و النصب بدنا نقلد الأجانب

 

عن جد ضحكتيني كتيــــــر,, يعني خصوصا هاد موقف العمو ,,
حبيبتي بالنسبة لآخر شي إنو الناس بتزّت حالها عالسيارات هاي كتير بتصير وفعلاً بيختاروا الناس بدقة متناهية خاصة السيارات بنمرة مو أردنية أو بفكروهم خليجيين وإلخ ..هاها زكرتيني مرة بنت رمت حالها قدام سيارة بابا من شي 3 سنين وبس عرفت إنو بابا أردني وهيك صرخ عليها إنو كيف بتقطع وفي جسر قامت ولا كإنو في شي :\ وإحنا صافنين فيها:| :|
وكتير صارت مع صاحباتي
فعلاً شر البلية ما يُضحك .. وبالأخير متل ما قلتي الله يحمينا ويبعدنا :))))

 

el joo3 be3mal aktar men haik..

 

الحمدالله على السلامة أهم إشي...و لو بغزة...بدعسوا كمان مرة ولا مريتين مهو ماخدوا على مستفى ماخدو !!

 

صباحو وي وي

طب سؤال: الحادث ما صار بسبب اهمال او انها كانت مسرعة مثلاً او قصّرت!! فقع العجل و هاي ممكن تسير مع اي حدا، كيف صار في قضية؟ على اي اساس؟ بعدين القضية فيها طرفين، مدعى عليه (اللي هو صاحبتك) و مدّعي... افهم انو المدعي أهلها؟ و كيف اصلاً صار في قضية؟ بس لأنو في حادث اوتوماتيكلي صار في قضية؟

يا حبيبي!! لأنو انا سواقتي مش مشعوطة الا شوي!!

اما بالنسبة لهدول اللي بيتبلو عالعالم، واحد قريبنا صارت فيو، واحد رمى حالو قدام السيارة و التاني صار يصيح... لأ و الفلم انو عمّو بيقول انا متأكد اني ضربت بريك و ما صبتو، بس صار يصيح و يتوجع، فعمّو اخدو عالمستشفى، و هناك جنن الدكاترة كلما ييجو يصيبوه يصيح و يتوجع ما خلا حدا يصيبو، فاعطوه مسكنات و منوم مشان يهدا شوي، فالشب التاني حكى لعمّو خلاص حجي ما بدنا نأخرك، اعطينا حق مبيت ليلة هون لأنو شكلو صاحبي وضعو صعب و ما رح يطلع الليلة من المستشفى!

لهلّأ مرتو لهاد العمو بتقول نفسي اعرف هداك الليلة قديش اعطاهم هههههههه

 

hello ..
awwal she el 7amdella 3al salameh la ur friend o congrats she z out of the case =)
umm .. bel nesbe lal 7awades ana kaman awwal marra bsma3 b had el qanoon .. o msta3'erbe sara7a ..
o hadol el nas elle bekebbo balahom 3al nas bel shaware3 emmalyeen el denya walla :S bs mshan el floos ..
... fe3lan zay ma olty alla la yebteleena .. 3a fekra kaman moda darjeh modet el ta5 bel shaware3 o tkarrarat abel kam yoom 3ala fekra !
fa alla y3een el nas o alla yejeerna =)

 

Ahmad Hamdan

امين يا رب
هيك احنا اسؤ اشي عند العالم بناخده و بنطبقه :$

Shaima

علشان هيك بفضلو البنات, لان الاغلب ما راح تبهدل ولا تصرخ و راح تعطي فلوس بس علشان تخلص

امين يا رب

Ahmad Merie

m3ak 7a2...bs hal6are2a kteer low bsara7a, barke me 7asabha mnee7 w mat ...mesh war6a belmarraaaaah :(

 

Sharifo

الله يسلمك يا رب
لا حول ولا قوه الا بالله :(
الله لا يبلي حد يا رب

Naryat

الله يسعد صباحو ومساه وكل اوقاته القمر :)

الحادث صار انه العجل انفجر فجأه وما حد اله دخل و اهلها بنفس اليوم قدمو تنازل, وبرضه ضلت القضيه شغاله ...هاد اللي صدمني بصراحه

بتحكيلي مع انه جبنا تقارير بعد اسبوع بان حاله امي وخواتي صارت منيحه وكل شي تمام لكن برضه القضيه ضلت شغاله
الحق العام هيك حكتلي, هي و ضدها الحق العام :$

صاحبتي بتحكيلي الموضوع وهو مع اهلي كان ورطه فديري بالك تتورطي مع حد غريب يركب معك بالسياره
جد الموضوع بخوف :(

حسب ما سمعت بطلبو من 25 ل 50 وحسب نوع السياره :$

Farah

alla ysalem 2albek ya amar :D
2elly bafaker feeh 2enno barke 7asaboha 3'ala6 w matoo :S m2saaaaaaaaaaah

Ameen ya rab

 

ma sm3to be esset 3ozrayeen elle tele3 m3 shofer taxi? LoooooooooooL
hay jad a5er sar3at elnaseb:)

Whisper eza mat ahlo men waraah beseer wad3hom a7san coz of deyeh..

 

actually this is really a sad thing, how low we become, respectfulness, greedy, this really make me sad, we are human not animal who keeps exploit each other for a couple of dinars , but i think some people have excuse for that odd behavior, may be they are just poor and hungry and nothing more ! may god help those people ,

BTW, drive slowly ;)

 

يا حبيبي رحنا فيها إزا هيك
عجل إنفقع وناس بترمي حالها
وانا ما بسرع إلا شوي
شكلي رح أكل موقف زي هيك

يسلموا عالتنبيه عزيزتي
مدونتك روووعة
مساكي فل :)

 

الله لايبلي حد..

 

الله لايبلي حد..

 

صباح الخير
جديدة من وين
من زمان بسمع عن موضوع اللي برمو حالهم قدام السياراة يعني من اكثر من 12 سنة
احسن اشي تنزلي تبهدلي

 

Ahmad Merie

meeen ???? la2 ma sme3et feha :S

ya la6eef...hay el familya kulha bs bedha floos betkoon

allah la yeblena

Dr.Mohammed

Ameen ya rab :(

LOOL 7ader :D

Rawan

لااا بعيد الشر...الله لا يبلينا يا رب
اهلا وسهلا فيكي بمدونتي :)

 

Rula A

امين يا رب

Anonymous

وااااال من 12 سنه :$
انا اول مره بسمع فيها جديد

ممكن لا سمح الله اذا تورطت اعملها انزل و ابهدل ...بس الله لا يورطني ولا يورط حد :$