Things I Like To Whisper About

Would You Hear Me Whispering

على البال...




قبل فتره كنا انا و اخواني نسترجع ايام زمان والعاب ايام زمان والمسميات اللي كنا نطلقها على العاب ايام زمان

في اسماء متداوله وواضح اسمعها مثل لعبه" السبع حجار", اللي عباره عن فريقين , فريق بضرب الطابه على مجموعه حجار والمفروض يوقعهم و بهرب هو وفريقه, والمفروض ان الفريق التاني يرتب الحجار كلهم فوق بعض قبل ما يرجع حد من الفريق الاول يرد يضرب الطابه مرّه تانيه ليوقع الحجار, والفريق الثاني المفروض يرجع الطابه للشخص اللي بضل عند الحجار يرتبهم وبس توصله الطابه بضربها على واحد من الفريق الاول, واللي بتضرب فيه الطابه بطلع برّه اللعبه , واللي كنّا نحكي عنها برّيييت اللعبه - البطيخه...بعرف الشرح واضح وما بتوّه :)

اللي استغربناه انا واخواني لعبه تانيه كنّا نسميها "علي وط وط" واللي هي عالي واطي , اللي لازم يضل واقف على اشي اعلى من الارض و واحد بلحق اللي بنزل عالارض واذا مسكه بطلع هو على اشي عالي و بصير هداك يلحق العالم :)
من وين جبنا كلمه ؟؟؟ "علي وط وط"

لعبه تانيه" الطمّايه"... واللي بتعني الغمايه او الاستغمايه
اللي واحد "بطم" راسه و بصير يعد للي ربنا بقدره عليه, وبعدين بصير يدور عاللي متخبين و بس يلاقيهم بركض يضرب محل ما كان "طامم" راسه و بحكي "كمستير" وبحكي اسم الشخص اللي لقاه :) وبصير هالشخص اللي كان حظّه يلاقيه اول واحد يتمنى انه ما يلاقي الباقي علشان اذا لقاهم و ولا واحد منهم عمل "كمستير" قبل اللي كان "طامم" راسه بصير "عأمّه" يعني بصير دوره
و ببلش يغني " اتخبى منيح...اجاك الريح" بس يكون اللي كان "طامم" قريب على واحد من المتخبيين , او حتى بعيد كنوع من انواع التوهيم :)

يعني مصطلحات مش عارفه من وين جبناها و متداوله ومفهومه بينا كانت
"جلول" ... "علي وط وط" ...."كمستير"..."عأمّه"..."كمسرت اللعبه" اللي لمّا يحكي "كمستير" ويحكي اسم شخص غير عن اللي لاقاه :)

وايام ما كنّا نلعب جلول بالشتا بغرفتنا, مكان ما لازم نحط الجلول كان مكان حرق جمره وقعها اخوي من ارجيله بابا اول يوم جبنا فيها السجاده :)

والله كانت ايام بتجنن


22 التعليقات :

كمستيييييييييير
اطلعي يا ويسبر من بين الفوشي :)
للاسف اطفال هالايام ما بيعرفوا هالالعاب

 

و الله ذكرتيني بالعاب زمان،
كان في لعبة اسمها امحي الخريطة ، و لعبة البلدان االي كنا نرسم فيها دائرة و كل واحد يختار دولة ، و في كمان حدر بدر ، و راضي ، و العاب يمكن عمرو ما حدا سمع فيها اليوم

 

اه نسيت احكي شغلة ، بالنسبة للجلول كانت الحفرة هي حفرة بالفرشة الاسفنج

 

It is true that names are kinda awkward and I really don't have a clue where we got them from.. Adding to the games you've mentioned I really love the game;
7arf insaan 7ayawan :)

 

hehehe kommestair lol!! bddi adawer 3ala asl el kelmeh hehehe
you brought lots of memories whisper! :)
fee kman lo3bet el 5areeta o bain ba7rain wel 5amseh kabseh heheh good old days :D

 

helloo :)
wallla zakkarteeny b lo3be kona nsammeeha el wawi which means el wa7sh .. konna n2ool do2 do2 do2 meen 3al bab ana el wawi sho beddak ? beddi beda sho lonha ? yseer elli ho el wawi y2ool alwan o elli byetla3 lono menna bey2oom byehrob!! heheh
kanat our favouritye game!!
walla zakkarteeni b al3ab :)
even if am sick u made me smile loool
have a gooood day :)

 

Nice memories ya whisper.. a555 3ala ayam zaman sho kanat betjannen:'(
btw i think eno kelmet "كمستير" ma3naha keef 7alak? men el espaniol "como estas" aw el italiano "come stai"
wallaho a3lam:P

 

Allouh

الفوشي!!! لا مش انا
كمسرت اللعبه .ههههههههه

الاطفال هلأ الفيس بوك ماخد كل وقتهم :)

Dr.Mohammad

لعبه الخريطه و البلدان "وقعت الحرب ما بين..." هدول بعرفهم
حدر بدر كأني سامعه بالاسم بس مش متزكره اللعبه :$

اما راضي شكلي ما بعرفها :(

ههههههه...شكلنا كلنا دبرنا حالنا بحفره الجلول بالشتا :)

Sga5bo6

Lah lah lah...6ab why???

I love Mohammad 3abdo's songs, and all my family hate them :D

 

Shaima

yaaaa reaaaat :D
Welcome to my blog :D

Rula

YEAAAH I used to love this game :D
7arf insaan 7ayawan

Yazid

LOOL it may be as Ahmad said an Spanish or Italian word :D

5amseh kabseh??? shoo hay O_o
hay shakelha jdeedeh w ma kanat 3ala zamany :$

 

Farah

LOOOL I know it :) and me and my friends used to play it at school

lessatek mareda ya amar :( salamaaaat

inshallah always to keep ur smile ya amar
you too and inshallah you feel good now :)

Ahmad Merie

yeah wal7amdolellah very nice ones :D

Maybe...komestaur 2enoo "keeef 7alak 2enta!!! mfaker 7alak met5abbe ...kashaftak " :D

NICE... LOOL

 

thanks whisperer :)
w insha2ala it won't be my last visit :)..

 

Yaay :D
inshallah...and you always "betnawrenee" :D

I'm reading your posts :)

 

كمستير ta3ni bil logha il ingleeziyyeh
COME AND STARE!!!!
ya3ni ta3al o dawwer :)))

o i7na konna n2ool banda2at il lo3beh mish kamsarat hehehe

عالي وط وط
batkhayyal inha wad7a 3aali o wa6i,,, sa7 hehehe

o kan fee lo3bet il icecream... nafs il za2ta bs ba3dain lama yeeji yoz2tok ili bil7a2 bt7ki icecream (booza konna ni7ki)o bitdalli wa2feh ma7allek o binballesh ndoob shway shway la bain ma yeeji 7ad yilmisna 7atta ni2dar nit7arrak. o iza ma 7ada kamasek bitdalli tdoobi la titla3i min il lo3beh hehehe

o ma please ma tinsi
سين صاد عين لعبة الاجرين
mumkin tihri bo6 il 3eed min awal zyara.... LOL

yir7am hal ayyam... sar il wa7ad y7mmel il dinya jmeeleh iza t7arrak shway o wisel lal gym hehehe

o btw il ghoniyyeh aktar min ra2i3a!!! 3ala il bal

 

o lo3bet "il boomeh"!!!! hehe kanat shalaleet kolha!!!

o 3omrek l33ibti lo3bet "il mayyet maat"??? hehe

 

Tamara

LOoOoL maybe heak mnaha :S 2aw yemken 2eshe Turkish :)

bt3rafee....ka2eno wlad 5altee kano ye7koo heak bardo...ya allaaah zakartenee

2e7na konna ne7ke STOP badal ice cream bs ma konna ndoob ,2ento 2a7la konto tel3aboha :(

سين صاد عين ما بعرفها هاي بس شكلها تدعيس رجلين :)

"il boomeh"....yaaa allah zakartene b2ayam Ramadan
kunna kul youm 2abel elm'reb netla3 2e7na w wlad 3ammy nel3abha ...kul youm kul youm w bs be Ramadan O_o mesh fahmeh leash

"il mayyet maat" ma b3rafha..

ma beddy... fe lo3ab kteer 6le3et mesh la3ebt-ha w ana z3'eereh :(

jad 2as3adtee saba7e ya amar :D

 

Thanx you tamara.. i though it come from italian "Come Stai" or spanish "Como Estas"

 

missing you aloot :D .. hru?? !! ya ana kteeer jdidh ya anty kteer adimh :P ,, cuz ana ma b3rf mn aly 2oltihom 3'ir comstir ,, a7la shi lma n3d m3 mama w t3d t7kilna 3n ayam zman ,, :) ,,

 

Jehan

Miss you too ya 5alto :D
2akeed ma bt3rafee 2eshee ana b7kee 3an 2al3ab el 50's O_o

how r you ya amar ? w keef el2a6afeel elly 3endkom inshallah tkono kulkom b5ear :D

 

ya lhwi 50's O.o
Im good ... 5l9t exams on Thursday.. al-26afeel 2li 3na rw7o :( .. I miss them aloooot :''( .. Basoli & Samori al-beet fa9'i mn donhom .. m3k 72 wlad hal-ayam bl3bo 3la al-FB xD

 

Jehan....LOOOL
and for sure it's not the 50's I told u I'm 5atoo mesh TETA :@