Things I Like To Whisper About

Would You Hear Me Whispering

شو بالنسبه...1




انا هالكلمه بستخدمها كتير, مرات بتكون عن شي منيح ومرات عن شي مش منيح, مع اختلاف ترددات الصوت و تعابير الوجه :)

المهم انا في اشياء كتيره بشوفها حولي بدي احكي عنها, ولهيك بدي اعمل سلسله شو بالنسبه واكتب عن الاشياء المنيحه والاشياء الغريبه او المش منيحه ولا مقبوله عالقليله من وجهه نظري.

اليوم بدي احكي شو بالنسبه للبنات اللي بكونو عاملين بروفايلهم مشاع لكل العالم عالفيس بوك...جد شو بالنسبه؟؟
يعني لو بس صحابك وقرايبك اللي مسموح يشوفوهم ماشي ما اختلفنا لكن حاطه صورك لكل العالم هيك, كبيره بصراحه
مثل وحده متصوره جنب شهاده البكلوريوس وهي عامله بوز اللهم احفظنا, يعني اعلان رسمي و واضح للزواج, العمر واضح وهي شهاده و الشكل واضح باكتر من بوز بس انت تعال.

وحده تانيه حاطه الستيتس تاعتها
backe to Zozteee
والكل العالم يااااي ومبروك و جد فرحتلك, و زوزتها معلق انه يا جماعه هاد واحنا صحاب لو خطبتها شو بتعملو و كاتب بالاخر جست كيدينج...يعني بمزح الشب و بعلنها زوزتها للعالم كله انه مش مفكر فيها غير صحبه.
و الامّر و الادهى ان امها للبنت معها بالفرندز :) و معلقه عندها, اخيرا رجعتي تضحكي طمطومتي ....عيله فري عالاخر ما شاء الله - او يمكن انا اللي دقّه قديمه الله اعلم.

و شغله تانيه بنت بتحط الستيتس تاعتها اشي ما اله معنى ... بشرب شاي مثلا
بيجيلها 100 لايك و 500 تعليق
ول ول ول على شو يا جماعه, بدكم تهدو اعصابكم شوي

يعني فكره انك تحطي معلوماتك هيك وصورك مكشوفه لكل العالم توصلها فكره غريبه و بتبين انك لساتك بمرحله الطفوله وما كبرتي و صرتي تحسبي وتدرسي حركاتك وتصرفاتك, مع ان بكون اعمارهم منيحه ومش قليله بالمره, ما بتتوقعي ان في ناس كتير مريضين نفسيا ممكن يستغلو هالمعلومات, ينزلو صورك عندهم و ياخدو معلوماتك و يستخدموها لارضاء نفسياتهم المريضه؟؟؟

يعني اهم اشي بكون ببالها ان العالم تحكي عنها يااااي شو كوول و ياااي شو فايعه هالبنت ,يا ريت يوصلو بناتنا لمرحله النضج اللي المفروض ترافق عمرهم و عاداتهم وطريقه تربيتهم, او الطريقه اللي المفروض يتربو عليها.



بي.اس يعني عفكره: الصور و المعلومات هاي فرجاني اياها اخوي لما كنّا نتناقش بنفس الموضوع ,يعني مش انا اللي كنت ابحبش عبروفايلات العالم :)

26 التعليقات :

عزيزتي
انتي قلتيها

كلو يندرج تحت مسمّى

Markiting

:-)

انا بتزكّر منيح وقت ما كنت اتدرب بعدما خلصت ساعات الهندسة، كنا وقتها قراب على فصل التخرج... و طلبنا انا و صاحبتي مغادرة مشان نروح نتصور مشان الكتاب السنوي... طبعاً المهندس المشرف علينا كان "شيخ"... و حاول المستحيل مشان يقنعنا انو ما نحط صورنا بالكتاب السنوي... ناقشتو و طبعاً ما حكيت كل شي ببالي مشان ما أزعلو لأنو كان انسان بحترمو كتيييير و على خلق و دين، بس جد كان نفسي اقلّو: "انا مش مجبورة اتحمل تخلف مجتمع الستات فيو بيمسكو الكتاب السنوي و بيدوروا على عرايس!!"

انا بعرف انو تلت رباع البنات اللي بيحطوا صورهم بالكتاب السنوي بزبطوا حالهم و بتمكيجوا مكيلج حفلات و بيروحو عالصالون مشان هاد السبب!!

احنا مجتمعاتنا الناس فيها حياتهم اجمالاً بتتمحور حولين هاد الاشي: انو الشب يورجي حالو قديش زلمة، و البنت تتفشخر بانو قديش هي مرغوبة...

و كل عام و انتي بخير لووووووول

 

والله بنشوف العجب هالأيام!!

 

شو بالنسبة :)
هلا ويسبر ما بدنا نتناقش بالحريات و حقهم بالتعبير عن حالهم و اللي غلطان هو الانسان اللي بستغل ممارستهم لحريتهم بانو ياخد الصور و يعمل اللي بدو اياه يعني هادا انسان مو طبيعي
مع اني الي تحفظ على الفيس بوك كلو
بس بردو هم احرار
بس احلى شي انو الماما انبسطت لانو الاخت رجعت لصاحبها
هاي اللي بنقلها شو بالنسبة

رح نستنى سلسلة شو بالنسبة

 

سيران نوفل

خصوصا من الجيل الجديد
بتزكر واحنا صغار كنا نلعب بالالعاب نتفرج عالكرتون نلعب مع صحابنا
هلأ صارو عالفيس بوك 24 ساعه
اذا بنت جيرانا اللي بصف اول ابتدائي الها اكاونت عالفيس بوك :$

Jafra

انا مع ان كل انسان من حقه ممارسه حريه الشخصيه بحياته
لكن الحريه الشخصيه المفروض ما تتعدى حواجز معينه , في اعراف وتقاليد مش هدفها انها تقيد حريتك بقدر ما هدفها انها تحميكي


الام هاي جد بدها تدوينه لحالها :)

اذا حد بستغل حريتي و بتعامل معها بطريقه بغير الهدف اللي انا بمارسها لاجله فالحق مش بس على الناس
الحق علي انا كمان,مش المفروض ان بما اني انا منيحه اتوقع ان كل اللي بتعامل معهم مناح خصوصي بعالم مفتوح للجميع مثل الانترنت.

 

Naryat

ههههههه زكرتيني بصوره التخرج
انا كنت متصوره صوره بشعري لكتاب التخرج
وقبل ما اتخرج تحجبت, تصورت صوره تانيه بالحجاب, اللي كانت مأساه لاني لسا جديده عالموضوع و مش حاطته منيح ...بالمختصر عجبه

و رحت عالجامعه واخدت الصوره القديمه و اعطيتهم الجديده
يعني بدك تحكي شغل تطفيش الصوره :)

قديش زلمه...بس بمفهومه الخاص اللي للاسف اللي ما اله دخل بمعنى الرجوله الحقيقيه

وانتي بالف خير يا رب :)

 

جد جد جد شو بالنسبة لهاي العالم
مرة شب ورجاني بروفايل لبنت عنا بالشركة
اشي بيخزييييييييييييييييييي
طب انا شو نظرتي الك هسه , وشو نظرة اللي معك الك
يعني ما في مخ مثلا؟
ولا تفكير ولا منطق؟؟
والله وحطيت صور حفلة الخطبة وانا لابسة اواعي اختي الصغيرة
واااااااااو
اشي بيفرح القلب
!!!!!!!!

بالنسبة للستاتيس
مش ظايل غير ييجي واحد يكتب
"
بنكش بمناخيري
"
وييجو 9 يحطو لايك

لو اقعد احكي للصبح ما بخلص
:(

 

hello ..
walla el nas mn kotr el fara3' sarat hek te3mel ..
o el fara3' mafsadeh :D

so .. el facebook kaman mafsadeh lal fadyeen!!!
ma fi sabab ella enhom befakrooha 7adara o had qemmet el ta5allof :D
gd luck ;)

 

المشكله انهم جد بفكرو ان هالشي يعني انهم كتييييييييييير كووول و واااااو شو فايعين

بشو بفكرو وكيف بفكرو بالزبط الله اعلم

لسّا موضوع الستايتس هاد بدّه بوست لحاله

الله يكبّر عقلهم بس شو بدنا نحكي

 

Farah

w 2ay mafsadah :S

ma befakroo belmarra, 2ay 7adarah hay ??
jad ta5allof :S

 

Hi, I do have two main ideas:
The first is: [Why not!!]:
That is if the girl or anybody think that they are open and they found no problem letting other people see and share there info, You said==> others may use it for bad purposes. I think it is not our problem.

The second is: [It is the meaning of being free all the time]:
Having nothing useful to do but setting behind Facebook all the time trying to see this and that, instead of doing a productive work, move forward in our lives.

 

عادي بعرف شب كان مصاحب بنت و بعدين عزمته على بيتهم للفطور في رمضان لأنه امها بتحب تعرف الشباب اللي بتصاحبهم بنتها

إلا نفسي اعرف شو يعني مصاحب لأني مش قادر أفهمها؟؟؟

 

yup! another prove for how shallow are we!!!

anyway, Facebook could be a good way to look for old friends and communicate with them, but as we "the Arab" misuse every single technology we use , we misused Facebook too -unfortunately-.

for me , i never add any person who i don't know him in real life, add to that i never let my profile open for public
سبيل يعني او تكية

and for marriage thing! you are right!! for girls they grow and the have one purpose in their life,one goal, to get marry! and for guys they only one purpose only too to find a girl!!

 

aktarhom bekoono fake profiles o bekoono mjamm3een kol el 7afartal ylle beldenya o fee mnhom bekoono 3amleeno 3shan el Facebook poker o bekoon bedhom chips hehe
bs 3al 23'lab el benet ylle 3amleh profilha masha3
hay wa7deh ya enha msh mazboota 3a 3abeeta hehe

 

هاللو ويسبر
أنا الستيتس تبعي عالفيس بوك "كتاب الوجه" مش فاهم شو يعني فيس بوك
أنا حاسس أنو موقع للولاد الصغار و أنا خلص راحت علي ختيرت
يعني صار تقريبا أربع سنوات ألي أسم عالفيس بوك أول مره اليوم علقت
مكتوب
usera habla is engaged
كتبت
Congratulations ya 3abeta

قسما بالله من أربع سنوات أول مرة بعلق على ملاحظة
و حاسس أني وحلت في الفيس بوك و لازم أستقيل تعبت كتير من
Congratulations
ولازم أستريح كمان أربع سنوات

صحيح شو بالنسبة لجماعت زوزتييي

هاف نايس دي

 

Thanx God.. ana 7atta sorte lalle mesh 3ende 3l Friend Ma betbayen.. wala 3l search babayen:D
baste7e:P
belnesbeh lal banat el fay3een.. allah yehdeehom had aktar she bne2dar ne7keeeh... bel nesbeh lal emm allah y3eenha 3ala 7alha... abl fatra konna netnaqash be mawdoo3 el 3adat wel taqaleed o el 3aib o el mesh 3aib( el3adat wel taqaleed el sa7 tab3an.. mesh el mota5allefeh) tl3t be estentaj enno mahma rafadna 3adatna o taqaleedna o tmaradna 3aleha.. bel a5eer bs nekbar bnemshe waraha o e7na mesh 7assen.. eza kano el ahl be3rafooha aslan.. ya3ne.. el shee elle berabbona 3aleeh ahlna mhma rafadnah o daya2na o e7na s3'aar bs nekbar la sho3ooreyan ben7es enno ho el sa7 o bentabqo..
ele zay hay emha bet3allemha 3adat o taqaleed jdeedeh.. bokra r7 tetzawaj o t5allef o trabbe banat.ha 3ala 7asab ma he trabbat o yetla3 jeeel ashna3 men jeeel hal ayam..
bel nesbeh lal fake accounts aw el shabab elle bya5do sowar el banat.. ana shab o fe wa7ad 3emel profile be esme o 7at my pic.. i hope enno tsa3done o te3maloolo report 3ala had el link
http://www.facebook.com/ajax/report.php?type=0&cid=1302945698&rid=1302945698&h=c98b22c571
o thanx..
o allah be3eeeen!!

 

مرحبا يا عسل :))بصراحة الفيس بوك عنا صاير عجبه والصور اللي بتنحط عليه عجبه اكتر والله كان عندي شب من القسم على الفيس بوك بحط صور انا بستحي افرجيها لحالي مش لصحابي ومع هيك مليون بنت وركزي على بنت عاملين كومنتس ولايك وما بعرف شو .... انا ما دخلني بحريتك الشخصية بس حريتك مش لازم تاذيني يعني في حقوق للناس لازم تراعيهم .... بس من ناحية تانية انا بحس الفيس بوك مفيد لانو في اللي صاحبات مسافرين فهيك بشوف شو صار فيهم وهمه نفس الشي .... وهدول البنات اللي عاملين الفيس بوك اللي الهم مشاع للرايح والجاي بحياتها ما رح تتجوز لانو من المجنون اللي بدوا ياخد وحده كل المملكة بعرفوا هي شو بتسوي في هذه اللحظة وبشوفوا الصور الرائعة .... كل عام وانتي بخير وتعالي زوريني مشان تشوفي شو صار بالعيد السعيد

 

wallah hada kalam saaaaaaaaaaa7 ,, ya reet lw yser 3anna shwayet ehtemam b el "minds" w el kalam eli be3abi el raass
thX for this nice topic

Maysaa

 

Dr.Mohammed

Unfortunately it is :$

It's aim is to reconnect you with relatives and friends, so you shouldn't add any one but them


I'm sad to say that 3 of 5 females considering marriage as number one goal in their lives :S

Ibrahim

Why not!!!

I may sound old by saying that, but I do care ,and I consider it as my problem :S

We have to do some thing to help the next generation moms and dads


Anonymous

ونعم التربيه ونعم الاخلاق....يعني من باب ماما سمحتلي :)

زي ما بحكي احمد بالتعليق اللي تحت ان في اهالي بربو اولادهم غلط وهمه بدورهم راح يربو اولادهم بطريقه غلط...

مصاحب...من صاحب ..يصاحب ...فهو مصاحب
واللي البنات مش قادرين يفهمو ان مستحيل يكون معناها صاحب...يصاحب..فهو عريس :)

يعني هي اكبر من الاخوّه و ابعد من
الزواج

او بلغه ابناء البلد
بدي اياه وعند الجد تفوووه عليه :)

 

Yazid

LOOL sa7 :D
w bardo 3alshan ygam3oo mo3gabeen w mo3gabat, 2amrad bafsyeh hay 2esemha :$

elmoshkeleh 2eno mo3zamhom 3abe6aaaaat w mesh fahmeen 2enno manzarhom bekoon mesh mnee7 2e6laqan mo6laqan ...

ثائر جبر

هو للاسف معظم الاولاد الصغار بقضو عليه تقريبا 99.999% من وقتهم يوميا

و بهيك اختفى الهدف الرئيسي منه - بعيدا عن موضوع المؤامؤات وانه يهودي و هالشي - انا مثلا كتير من صاحبات الجامعه اللي فرقتنا السنين لاقيتهم ورجعت اعرف اخبارهم عن طريق الفيس بوك
و غير اني بضللي على اتصال اكبر مع اخواني المتغربين عن طريقه :)

LOOOOOOOOOOOL at your comment :D
و بتعترف وبكل براءه الاخت :)

هدول قصصهم كتيره, راح اكتب عنهم ليوم :)
يو توووو

Farawlaa

اهلا يا قمره :)
جد مرات بتكون اشي مخزي الصور اللي حاطينهم, امرااااض نفسيه شو بدو يحكي الواحد :$

انا زي هيك, رجعت اتواصل مع صاحباتي من خلال الفيس بوك

وانتي بالف خير يا رب
الله يعيده علينا و عليكم بالخير...وان شاء الله دايما امهاتنا يضلو راضيين علينا :P

 

Ahmad Merie

Better bsara7a,LOOOOL :D

Ameen ya rab, as u said
7atta law besen mo3ayan ma t2abaloo el wlaad el nsa2e7 weltawgehaat emafrood el2ahel ma yey2asoo belmarra la2eno fe youm ra7 ykbaroo w ye3rafoo masla7et-hom

yeee jad ???w 7a6e6 ur real pic O_o

elonk ma 2a5adnee 3ala 2ay page :S

allah ye3een elgamee3 ya rab :D

مجموعة حياة

اهلا اهلا يا قمر
زمان هالقمر ما باااان :)
اولا كل عام وانت بالف خير

يا ربببببببببت ينتبهو لاشياء اهم بالحياه و اهم لحياتهم همه عالقليله :$
________________
اخر بوست بجنن كان بس ما عرفت اكتب او اعلق اشي :$
كل الكلمات راحت
الله يجمعنا في القدس ونعيد كلنا فيها يا رب :)

 

ellink bya5dek 3ala saf7et el report..
yes he used my pic.. mesh 3aref meen ho o lesh 3amel hek.. allah y3eeno 3ala 7alo.... u can say marad nafse elle be3mal haik tasarofat 7amqaa2.. lol

 

http://www.facebook.com/profile.php?id=1302945698&ref=search&sid=523665204.1109219916..1 <--- this one?

 

Everything you said it 100% true..
Unfortunately the ladies nowadays think that it is modernist way to show the world the -3ala asas – the free-society- that they are living in,, and to prove their high-profile social life..
The ugliest thing is that if someone -lasama7alla- did hack their account..I wonder what would they do..
My opinion is for facebook one picture for yourself is just enough..As for when some friend is searching for you and gets 4 results of your name he will recognize you from the picture.. That is what it is for!!

 

Ahmad Merie

halla2 el link wesel lal saf7a w 3amaltello add as friend :D

LOOOOL just kidding I report him :D
jad allah ye3eno w ye3een elly 7awaleh 3ala 7alo :$

Rula

"their high-profile social life.."...love the expression :D

For me I'm putting my nephew and niece picture for my real facebook profile :)